سوڭ جىياڭچە ئوي – خىياللار

uyghurmen

يېقىندىن بېرى كۆپ ئىنكاس بېرىلگەن تېمىلارنى كۆرۈپ ئويلاپ قالدىم: زالىم ئەمەلدارلار، پارىخور ئەمەلدارلارنىڭ دەستىدىن پارتىيىمىزنىڭ ئوبرازىغا داغ چۈشۈپ قالمىسا بولاتتىغۇ. بۇ بولۇۋاتقان ئىشلار ھەرگىزمۇ پارتىيىمىزنىڭ ئىرادىسى، خاھىشى ئەمەس! ھەي مۇشۇ پارىخور ئەمەلدار، مۇقۇملۇققا كۆپ پۇل ئاجراتسا، ئانچە مۇنچە چاي پۇلىمىز چىقىپ قالار دەمدىغاندۇ، شۇلار ۋەزىيەتنى قەستەن قورقۇنۇچلۇق كۆرسۈتۈپ، مانا شۇنداق پارتىيىنىڭ ئابرويىغا تەسىر يەتكۈزۈدۇغان ئىشنى قىلامدىغاندۇ؟ چوقۇم شۇنداق. پارتىيىمىز ھىچقاچان "كاللىسىنى ئەكەل" دېمەيدۇ جۇمۇ، شەپكىسىنى ئەكەل دېگەن گەپ. قۇدرەتلىك ئازاتلىق ئارمىيەمىزنىڭ كۈچ قۇدرىتىگە شەك چۈشۈرۈپ، دۇنيا جامائەتچىلىكى ئالدىدا سەت تۇرامۇ دېمەي، تۆرت-بەش بلگۈنچىگە 4000 ئەسكەر سەپەرۋەر قىلىش، بۇمۇ يەتمەي بىرە مىڭ مىڭبىڭنىمۇ كالتەك چوماقلار بىلەن سەپەرۋەر قىلىشلارنى قانداقمۇ پارتىيەنىڭ ئىرادىسى بىلەن بولدى دېيەلەيمەن؟ قۇدرەتلىك ئازاتلىق ئارمىيەمىز ئۈستىمىزدىن ئۈچ چوڭ تاغنى ئاغدۇرۇپ تاشلىغان ئارمىيە تۇرسا، كىنولاردىمۇ كۆرۈپ تۇرغىنىمىزدەك، ئون يېرىگە ئوق تەگسىمۇ يەنە ساق دۈشمەننى ئۆلتۈرۈۋەتمىگۈچە جېنى چىقمايدىغان تۇسا، قورالسىز تۆرت سولتەككە، يەنە كېلىپ ئوقۇمىغان دىھقان بالىلىرىغا ئاشۇنچىۋالا قىلامدۇ؟ بۇ سۆيۈملۈك كىشىلىرىمىز شۇنچىۋالا قورقۇنچاقمىدى؟ ھەرگىز ئۇنداق ئەمەس! بۇمۇ چوقۇم پارىخور ئەمەلدارلارنىڭ قىلىقى!

بەزىلەر كىملىك تەكشۈرۈش توساقلىرىدا خەنزۇ يولداشلارنى ئەمەس، ئۇيغۇرەكلەرنى تەكشۈرسە بۇمۇ پارتىيەنىڭ قىلىۋاتقان قىلىقى دېسەڭلار مېنى قانداقمۇ ئىشەندۈرەلەيسىلەر؟ پارتىيىمىز يېرىم ئەسىردىن بېرى ئامېرىكىدىكى ئاق جىنىسلارنىڭ قاراتەنلىكلەرگە قىلىپ كەلگەن ئىرقچىلىقىنى تەنقىدلەپ كېلىۋاتقان تۇرسا، بۈگۈنگە كېلىپ-زە، ئۆزى ئاشۇنداق ئىشنى تېخىمۇ ئاشۇرۇپراق قىلىدىكەن-دە؟ يولداشلارنى تەكشۈرۈشنىڭمۇ ھاجىتى يوق ئەسلىدە. ئۇلار دېگەن ياردەمگە چىققان تۇرسا، ياردەمنى كېچىكتۈرۈپ، يولىنى توسۇۋالغىلى بولاتتىما ئەمىسە؟

قەستەن زىددىيەت چىقىرىپ، ساقال چەكلىنىۋاتسا ساقاللىق ھەيكەللەرنى قويۇشمۇ شۇ جۈملىدىنمىكىن دەيمەن. ۋاي شۇ خىيانەتچى ئەمەلدارلار! ھەممىسى مۇشۇ تۆۋەندىكىلەرنىڭ ئىشى!

muslima416

دېگىنىڭىز ناھايىتى توغرا، پارتىيىمىزنىڭ بىزگە قىلىۋاتقان غەمخورلۇقلىرى نۇرغۇن، يەنە بىرنى كەم دەپسىز، ھازىر ئىچكىرى ئۆلكىلەردىكى ھەربىر شەھەرنىڭ بىزنىڭ شىنجاڭدىن بىردىن شەھەرنى يۆلەۋاتقانلىقىنى نېمىشقا ئۇنتۇپ قالغانسىز؟

alsar

توغرا دەيسىز..تېخى ئادەم كۇچى يىتىشمىسە تۇركۇملەپ تولۇقلاپ بىرۋاتىدۇ.....بۇ ياخشىلىقلارنى قانداقمۇ ئۇنتۇپ قالغىلى بولسۇن.

jantik

بۇمۇ بولىدىكەن ! كۆڭلۈڭىزنى چۈشۈنىپ تۇرۇپتىمەن! سوڭ جىياڭچە ئوي -پىكىردىكى كىشىلەر مۇشۇ مۇنبەرنىڭ ئۆزىدىلا مەلۇم نىسبەتنى ئىگەللەيدىكەن. بۇ قامچىنى مەھكەم تۇتۇڭ، يەنىمۇ ئىزدىنىڭ، داۋامىغا تەشنامىز!

alber

تېمىغا ئىنكاسنىڭ ئاز يېزىلىشى ھەرگىزمۇ تېمىنڭ ياخشى ئەمەسلىگىنى ۋە ياكى باشقىلارنىڭ ياختۇرمىغانلىقىنى بىلدۇرمەيدۇ...

masuliyat

تېمىغا ئىنكاسنىڭ ئاز يېزىلىشى ھەرگىزمۇ تېمىنڭ ياخشى ئەمەسلىگىنى ۋە ياكى باشقىلارنىڭ ياختۇرمىغانلىقىنى بىلدۇرمەيدۇ...  ماۋۇ  ئىنكاس   ياخشى  يېزىلپتۇ   مەنمۇ  يازاي  دەيمەن  شۇ  لىكىن ............

bahaderxah

مەركەزنىڭ سىياسستى بىر مەسلە ئەڭ مۇھىمى يەرلىك سىياسەت ،تۇۋا دەيمەن يەرلىك سىياسەت مەركەزنىڭ سىياسىتىنى چەتكەقاقالايدۇدىسە

darya99

جۇڭگوچە ئالاھىدىلىكتە تۈزۈپ چىقىلغان بارلىق قانۇنلارنىڭ قوشۇمچە پىرىنسىپى بولىدۇ، قوشۇمچە پىرىنسىپتا جايلارنىڭ ئۆزئەھۋالىغا قاراپ يولغا قويۇش تەدبىرلىرىنى تۈزۈپ چىقىش ھوقوقى بولىدۇ، دېمەك : قانۇن تۈزگۈچىلەر جايلارنىڭ ئەمىلى شارائىتىنى چۈشىنىشنى يەرلىككە ئارتىپ قويۇش ئارقىلىق، خىيانەتكە يول ئېچىپ بېرىدۇ .بۇ خۇددى ئاياق سودىگىرى ساختا ئاياق ساتسا موزدوز كۈلۈپ كەتكەندەكلا ئىش.