ئىشلەمچى بازىرى

payhan

ئىشلەمچى بازىرى

قىشنىڭ قارا تامچىسى

ئېغىر لەمپىلەردىن تامچىلىماقتا ،

ھاياتلىق سۆيگۈسى

ئېغىر ئادەملەرنى ئالدىراتماقتا ،

بىر ماشىنا كەلدى

كىشىلەر دۈررىدە ئولاشتى ،

سۆيگۈ چىرىغى

ماشىنا ئىچىدە .

چىرايلار قوپال

ھاياتلىق قوپال .

ئېغىر يۈزنىڭ ھالسىرىشى ،

بۇردا ناننىڭ تەشنالىغى

تەڭرىگە كۆتۈرۈلگەن جۇپ قوللاردەك

كۈرۈنۈپ تۇرار ،

ئاڭلىنىپ تۇرار

تەر ئۆرلىگەن تۇماق ئىچىدە .

قىشنىڭ قارا تامچىسى

ئېغىر لەمپىلەردىن تامچىلىماقتا ،

مۇز تۇتقان ۋاقىت

ئېغىر ئادەملەرنى يۇتماقتا .

ئەتراپ تۇمان ،

بۈگۈنمۇ تۇمان ،

ئەتىمۇ تۇمان . . .

alqondi

ياخشى شېئىركەن ، مەنبە ياكى ئاپتورنى ئىزاھلىۋەتكەن بولسىڭىز تېخىمۇ بەلەن بولۇركەن.