2011- يىللىق خەنزۇ تىلى سەۋىيە سىناش ئىمتىھانىغا تىزىملاش باشلاندى!

parlan

خەنزۇ تىلى سەۋىيە سىناش ئىمتىھان نەتىجىسى تۈرلۈك ئىمتىھانلارغا قاتنىشىش، ئىشقا ئورۇنلىشىشتا ئالدىنقى شەرت قىلىنىۋاتقان بۈگۈنكى كۈندە كەڭ دوستلارنىڭ ۋاقتىدا خەۋەر تېپىپ تىزىملىتىشىنى كۆزدە تۇتۇپ بۇ ئۇقتۇرۇشنى چىقاردۇق.

1. ئىمتىھان دەرىجىسى: ئوتتۇرا، تۆۋەن دەرىجە
2. تىزىملىتىش شەرتلىرى:
1) ئىمتىھانغا قاتناشقۇچى ئۆزى كېلىپ تىزىملىتىشى ۋە ئېلكترونلۇق سۈرەتكە چۈشىشى لازىم.
2) ئىمتىھانغا قاتناشقۇچى كىملىكنىڭ ئەسلى نۇسخىسى (ۋاقتى ئۆتمىگەن بولىشى لازىم) ۋە كۆپەيتىلگەن نۇسخىسىدىن 2 پارچە، يېقىندا يالاڭباش چۈشكەن 1 سۇڭلۇق رەڭلىك سۈرەتتىن 2 پارچە ئېلىپ كېلىشى لازىم. (نوپۇس دەپتىرى ۋە باشقا ئىسپاتلار بىردەك ئىناۋەتسىز)
3) تىزىملىتىش ھەققى: مەكتەپتە ئوقۇۋاتقان ئوقۇغۇچىلار 40 يۈەن (كىملىكنىڭ كۆپەيتىلگەن نۇسخىسىنىڭ كەينىگە ئۆزى ئوقۇۋاتقان مەكتەپنىڭ تامغىسى بېسىلىشى لازىم)، باشقىلار بىردەك 50 يۈەن تاپشۇرىدۇ. (يوقىرىقىلاردىن بىرسى كەم بولسا بىردەك تىزىمغا ئېلىنمايدۇ)

دىققەت: 2008- يىلدىن باشلاپ خەنزۇ تىلى سەۋىيە سىناش ئىمتىھانىنىڭ نەتىجىسى 2 يىللىق قىلىپ بېكىتىلدى. نەتىجىنىڭ ئىناۋەتلىك ۋاقتى ئىمتىھان بەرگەن كۈندىن باشلاپ ھېسابلىنىدۇ.

3. تىزىملاش ۋاقتى: 2011- يىلى 3- ئاينىڭ 1- كۈنىدىن 3- ئاينىڭ 10- كۈنىگىچە (شەنبە، يەكشەنبە تىزىملانمايدۇ)
4. ئىمتىھان ۋاقتى: 2011- يىلى 5- ئاينىڭ 15- كۈنى
5. تىزىملىتىش ئورنى: قومۇل شەھەرلىك مائارىپ ئىدارىسى ئاساسىي مائارىپ ئىشخانىسى (2- قەۋەتتە)
6. ئالاقىلىشىش تېلېفونى: 2232377

aslima

رەھمەت ئۇچۇرىڭىزغا، ھازىرلا تىزىملىتاي.

مذختةر

رەھمەت ئىلامجان  مەن ھازىر چىقاي ھە!

tiliqin

ئىمتىھان تۈگىمەيدۇ،،كىشلەرمۇ ھارمايدۇ!

alnur

مەن يەنە 2 يىلدىن كېيىن تىزىملىتىپ ئىمتىھان بېرەي .

ئۇدۇن

مۇ شۇ سەۋىيە سىناش ئىمتاھانىغا تەييارلىق قىلىشتا قايسى تور بەتتىن پايدىلانساق بۇلا،توردا ياخشى ماتىرىيال كۆرگەنلەر بولسا يوللاپ قوياڭلار بوپتىكەن ئادېرىسنى.