ئىشلىتىش
بۇ مەزمۇن 3قەۋەتتىكى qarqaniدە2012-03-20 09:48يوللىغان يازمىسىغا نەقىل :
بىزنىڭ مۇشۇ چەرچەننىڭ خېلى يەرلىرى بولىدۇ، ئەمما ئىسلام دىنى بۇ يەرگە ئارقىچىلاپ كىرگەنمىكىن دەيمەن، بۇ يەردىكىلەرنىڭ ئىتقادى بەك سۇس، بىدئەت ئېغىر،ئىختىلاپمۇ خېلى ئېغىر. مەسلەن بۇلتۇرقى چەرچەن شەھەر ئىچىدىكى چوڭ جامە مەسچىتنىڭ مەزىنى جامائەتتىن تاياق يىگەن ئىشلارمۇ بۇنىڭ تىپىك مىسالى، پۇقرالاردا ئاڭ تۈۋەن، دىنى<<زات>> لاردا ساپا دىگەن ئەسلى يوق، قىمارخانا پاھىشخانىلار مەسچىتتىن كۆپ،چەرچەنلىكلەردە ئىقتىساد كۆپ،دىنى مىللى مائارىپقا مەبلەغ سالمايدۇ،بولمىسا چەرچەندە مىللىلار خەنلەردىن جىق،ئەمما چەرچەندە مىللى پۇراق ئانچە كۈچلۈك ئەمەس،چەرچەنلىكتە بار بولغان ئەمەلى شارائىت ۋە ئقىتىساد قەشقەر خوتەنلىكلەردە بوپ قالسا جەمىيىتىمىز ئۈچۈن تولىمۇ پايدىلىق مۇھم ئىشلارغا ئىشلىتىلەتتى،ئەپسۇس، ئەمدى توختاپ قالاي،مەن قۇرۇلتايغا تەكلىپ بېرىدىغان ۋەكىل بولمىغاندىكىن. ئىشقىلىپ جىق ئىشلارغا ئېچىنىمەن!
يازما نورۇز ئۈستىدە بولغاندىكىن نورۇزنىڭ گېپىنى قىلايلى. بىدئەتكە كەلسەك بىدئەد چەرچەندىلا ئەمەس ئۇيغۇر دىيارىنىڭ ھەممە يېرىدە قەدەمدە بىر ئۇچراپ تۇرىدۇ. مۇسۇلمان قېرىنداشلىرىمىز كۈچىنىڭ يېتىشىچە بىدئەتكە قارشى تۇرىۋاتىدۇ. چەرچەندە كەنىتلەرنىڭ ھەممىسىدە مەسچىت بار، ھەتتا بەزى مەھەللىلەرلەردىمۇ بار. پاھىشخانا مەسچىتتىن جىق ئەمەس، بۇنداق يالغان گەپ قىلماڭ! سىز چەرچەندىكى مىللى پۇراقنى ھېس قىلالماپسىز، مىللى پۇراقنى ئاۋال ئۆزىڭىزدىن ئىزلەپ بېقىڭ سىزدە بارمىكىن؟ چەرچەنلىكلەر نامرات، سىز بۇنى تېخى بىلىپ يەتمەپىسز. قەشقەر، خوتەننىڭ ئىقتىزادى چەرچەننىڭكىدىن كۈچلۈك، شۇڭا ئۇلار سىز قىلالمىغان ئىشلارنى قىلدى. ئەگەر باشقىلار مىللى مائارىپقا مەبلەغ سالمىغان بولسا سىز مەبلەغ سېلىڭ، پۇل بارمۇ؟ بولسا باشقىلاردىن قېيدىماي ئىشنى ئاۋال ئۆزىڭىزدىن باشلاڭ. مەزىننىڭ تاياق يىيىشىگە كەلسەك مەزىن جامائەتتىن تاياق يىمىگەن. ئەھۋال مۇنداق: مەزىن داۋاملىق مەسچىتكە يالاڭباش كىرگەنلەرنى تىللايدىكەندۇق. بىر كۈنى يەنە بىر قانچە بالا يالاڭباش مەسچىتكە كىرىپتۇ، مەزىن يەنە ئۇلارغىمۇ تىل ياغدۇرۇپتۇ. جامائەت ئارىسىدىكى بىرەيلەن مەزىنگە << تالادا لەيلەپ يۈرگەنلەر ساماندەك، بۇلار يالاڭباش بولسىمۇ مەسچىتكە كىرىپتۇ، ئۇنىڭ ئۈستىگە يالاڭباش مەسچىتكە كىرىش چەكلەنمىگەن >> دەپ ھەدىسلەردىن شېپى كەلتۈرۈپ مەزىنگە ئۇنداق قىلماسلىقىنى تەۋسىيە قىلسا، مەزىن ھېلىقى كىشىنى لۈكچەكتىن-لۈكچەككە تارتىپ، ئاتا-ئانىسىنى قوشۇپ تىللىغان، شۇنىڭ بىلەن ئۇ كىشى ئاچچىقىغا پايلىماي مەزىننى ئۇرۇپ تاشلىغان. ھەرگىزمۇ جامائەت مەزىننى ئۇرمىغان. شۇڭا كۆرمىگەن ئىشنى ئاڭلىۋالغىنىڭىز بويىچە سۆزلەپ پىتنە تارقاتماي بىلگەننى، كۆرگەننى، توغرىنى سۆزلەڭ!!! يۇرتىڭىز كىشىلىرىگە ئېچىنىشنىڭ ئورنىغا يۇرتىڭىز كىشىلىرىنىڭ مەدەنىيەتتە نىمە ئۈچۈن ئارقىدا قالغانلىقى، نىمە ئۈچۈن نامرات ئىكەنلىكى ئۈستىدە ئويلىنىڭ، ئۇلارغا ياردەم بېرىڭ. قىسقىسى، ئەمىلىي ئىشتىن بىرنى قىلىڭ. يەككە ھالدىكى بەزى نەرسىلەرنى ئومۇمىيلىققا سۆرەپ ئەكىرىپ چەرچەننىڭ ئوبرازىنى خۇنىكلەشتۈرمەڭ. سەلبىي نەرسىلەر ھەرگىزمۇ بىر يۇرتنىڭ ياكى بىر قەۋمنىڭ ۋە ياكى بىر توپنىڭ ۋەكىلى بولالمايدۇ.
يەنە بىرگەپ دىن بىرەر يەرگە ئالدىچىلاپ، يېنىچىلاپ، ئارقىچىلاپ، ئاستىنچىلاپ، ئۈستۈنچىلەپ... كىرەمدىكەن؟ سىزنىڭ <<ئىسلام دىنى بۇ يەرگە ئارقىچىلاپ كىرگەنمىكىن دەيمەن، >> دېگەن بۇ داڭقان پۇتى گېپىڭزىنى قانداق چۈشەنسەك بولىدۇ؟...
