ﺳﯩﺰﺩﯨﻤﯘ ﻣﻪﺳﯩﻠﻪ ﺑﺎﺭ
ﺑﯩﺮ ﻣﻮﻣﺎﻱ ﻛﯚﭖ ﻳﯩﻠﻼﺭﺩﯨﻦ ﺑﯧﺮﻯ ﺋﯘﺩﯗﻟﯩﺪﯨﻜﻰ ﻣﻮﻣﺎﻳﻨﻰ ﻧﺎﻫﺎﻳﯩﺘﻰ ﻫﯘﺭﯗﻥ ﺩﻩﭖ ﺋﯜﺯﻟﯜﻛﺴﯩﺰ ﺋﻪﻳﯩﺒﻠﻪﭖ ﻛﻪﭘﺘﯘ، ﺋﯘ:
-ﺋﯘﻧﯩﯔ ﻛﯩﻴﯩﻤﻠﯩﺮﻯ ﻣﻪﯕﮕﯜ ﻳﯘﻳﺴﯩﻤﯘ ﭘﺎﻛﯩﺰﻻﻧﻤﺎﻳﺪﯗ، ﻫﻮﻳﻠﯩﻐﺎ ﻳﯧﻴﯩﭗ ﻗﻮﻳﻐﺎﻥ ﻛﯩﻴﯩﻤﻠﯩﺮﯨﮕﻪ ﻗﺎﺭﺍﯓ، ﻫﻪﻣﯩﺸﯩﻼ ﺷﯘﻧﺪﺍﻕ ﺩﺍﻍ ﺗﯘﺭﯨﺪﯗ! - ﺩﻩﻳﺪﯨﻜﻪﻥ.
ﺑﯩﺮ ﻛﯜﻧﻰ ﺋﯘﻧﯩﯖﻜﯩﮕﻪ ﺑﯩﺮ ﺩﻭﺳﺘﻰ ﻛﻪﭘﺘﯩﻜﻪﻥ، ﻣﻮﻣﺎﻱ ﻳﻪﻧﻪ ﺋﯘﺩﯗﻟﯩﺪﯨﻜﻰ ﻣﻮﻣﺎﻳﻨﯩﯔ ﻛﯩﻴﯩﻤﻠﯩﺮﯨﻨﯩﯔ ﭘﺎﺳﻜﯩﻨﯩﻠﯩﻘﯩﺪﯨﻦ ﺋﺎﻏﺮﯨﻨﯩﺸﻘﺎ ﺑﺎﺷﻼﭘﺘﯘ. ﺷﯘ ﭼﺎﻏﺪﺍ ﺋﯩﺸﻨﻰ ﺋﯩﻨﭽﯩﻜﯩﻠﻪﭖ ﻗﯩﻠﯩﺪﯨﻐﺎﻥ ﺩﻭﺳﺘﻰ ﺑﯩﺮ ﭘﺎﺭﭼﻪ ﻻﺗﯩﻨﻰ ﺋﯧﻠﯩﭗ ﺩﯦﺮﯨﺰﯨﺪﯨﻜﻰ ﭼﺎﯓ - ﺗﻮﺯﺍﻧﻼﺭﻧﻰ ﺳﯜﺭﺗﯜﯞﯦﺘﯩﭙﺘﯘ - ﺩﻩ:
- ﻗﺎﺭﺍﯓ، ﻣﺎﻧﺎ ﺋﻪﻣﺪﻯ ﭘﺎﻛﯩﺰﻟﯩﻨﯩﭗ ﻗﺎﻟﺪﯨﻐﯘ؟- ﺩﻩﭘﺘﯘ.
ﺋﻪﺳﻠﯩﺪﻩ ﺑﯘ ﻣﻮﻣﺎﻳﻨﯩﯔ ﺋﯚﺯﯨﻨﯩﯔ ﺩﯦﺮﯨﺰﯨﺴﻰ ﭘﺎﺳﻜﯩﻨﺎ ﺑﻮﻟﯘﭖ ﻗﺎﻟﻐﺎﻧﯩﻜﻪﻥ.
ﺷﯘﯕﺎ ﺑﯩﺮ ﺩﺍﻧﯩﺸﻤﻪﻥ ﺳﯩﺮﺗﺘﯩﻜﻰ ﻣﻪﺳﯩﻠﯩﻠﻪﺭﮔﻪ ﻗﺎﺭﺍﺵ ﺋﯚﺯﯨﺪﯨﻜﻰ ﻣﻪﺳﯩﻠﯩﻠﻪﺭﮔﻪ ﻗﺎﺭﺍﺷﻘﺎ ﻗﺎﺭﯨﻐﺎﻧﺪﺍ ﺋﺎﺳﺎﻧﺮﺍﻕ ﺩﯦﮕﻪﻧﯩﻜﻪﻥ. ﺋﯩﻜﻜﻰ ﻗﯩﺰ
ﺑﯩﺮ ﻣﻮﻣﺎﻳﻨﯩﯔ ﮔﯚﻫﻪﺭﺩﻩﻙ ﺋﻪﺗﯩﯟﺍﺭﻻﻳﺪﯨﻐﺎﻥ ﺋﯩﻜﻜﻰ ﻗﯩﺰﻯ ﺑﺎﺭ ﺋﯩﻜﻪﻥ. ﻗﯩﺰﻟﯩﺮﻯ ﭼﻮﯓ ﺑﻮﻟﻐﺎﻧﺪﯨﻦ ﻛﯧﻴﯩﻦ، ﭼﻮﯓ ﻗﯩﺰﻯ ﺑﻮﻳﺎﻗﭽﯩﻠﯩﻖ ﺩﯗﻛﯩﻨﯩﻨﯩﯔ ﺧﻮﺟﺎﻳﯩﻨﯩﻐﺎ ﻳﺎﺗﻠﯩﻖ ﺑﻮﭘﺘﯘ، ﺋﯩﻜﻜﯩﻨﭽﻰﻗﯩﺰﻯ ﻛﯜﻧﻠﯜﻙ ﺩﯗﻛﯩﻨﯩﻨﯩﯔ ﺧﻮﺟﺎﻳﯩﻨﻰ ﺑﻮﻟﯘﭖ ﻗﺎﭘﺘﯘ. ﺷﯘﻧﯩﯔ ﺑﯩﻠﻪﻥ ﻣﻮﻣﺎﻳﻨﯩﯔ ﻏﯧﻤﻰ ﻛﯚﭘﯩﻴﯩﭙﺘﯘ. ﺋﯘ ﻫﺎﯞﺍ ﺋﻮﭼﯘﻕ ﻛﯜﻧﻠﯩﺮﻯ ﻛﯜﻧﻠﯜﻙ ﺩﯗﻛﯩﻨﯩﺪﯨﻜﻰ ﻛﯜﻧﻠﯜﻛﻠﻪﺭﻧﯩﯔ ﺳﯧﺘﯩﻠﻤﺎﺳﻠﯩﻘﯩﺪﯨﻦ ﺋﻪﻧﺴﯩﺮﯨﺴﻪ، ﻫﺎﯞﺍ ﺗﯘﺗﯘﻕ ﻛﯜﻧﻠﯩﺮﻯ ﺑﻮﻳﺎﻗﭽﯩﻠﯩﻖ ﺩﯗﻛﯩﻨﯩﺪﯨﻜﻰ ﺭﻩﺧﺘﻠﻪﺭﻧﯩﯔ ﻗﯘﺭﯗﻣﺎﺳﻠﯩﻘﯩﺪﯨﻦ ﺋﻪﻧﺴﯩﺮﻩﻳﺪﯨﻜﻪﻥ. ﺷﯘﯕﺎ ﻣﻮﻣﺎﻳﻨﯩﯔ ﻛﻪﻳﭙﯩﻴﺎﺗﻰ ﺯﺍﺩﯨﻼ ﻳﺎﺧﺸﯩﻼﻧﻤﺎﭘﺘﯘ، ﻗﺎﺵ - ﻗﺎﭘﺎﻗﻠﯩﺮﻯ ﺳﯧﻠﯩﻨﯩﭗ، ﻛﯜﻧﻠﯩﺮﻯ ﺋﻪﺗﯩﺪﯨﻦ - ﻛﻪﭼﻜﯩﭽﻪ ﺧﯘﺭﺳﯩﻨﯩﺶ ﯞﻩ ﭘﻪﺭﯨﺸﺎﻧﻠﯩﻖ ﺋﯩﭽﯩﺪﻩ ﺋﯚﺗﯜﭘﺘﯘ.
ﺑﯩﺮ ﻛﯜﻧﻰ ﻗﻮﺷﻨﯩﺴﯩﻨﯩﯔ ﻳﻪﯕﮕﯩﺴﻰ ﺋﯘﻧﯩﯖﻐﺎ ﺧﯘﺷﺎﻟﻠﯩﻖ ﺑﯩﻠﻪﻥ ﻣﯘﻧﺪﺍﻕ ﺩﻩﭘﺘﯘ:
- ﺧﺎﻧﯩﻢ، ﺳﯩﻠﻰ ﻫﻪﻗﯩﻘﻪﺗﻪﻥ ﺗﻪﻟﻪﻳﻠﯩﻚ ﺟﯘﻣﯘ! ﻫﺎﯞﺍ ﺋﻮﭼﯘﻕ ﻛﯜﻧﻠﯩﺮﻯ ﭼﻮﯓ ﻗﯩﺰﻟﯩﺮﻯ ﺑﻮﻳﯩﻐﺎﻥ ﺭﻩﺧﺘﻠﻪﺭ ﺗﯧﺰ ﻗﯘﺭﯗﻳﺪﯗ، ﻫﺎﯞﺍ ﺗﯘﺗﯘﻕ ﻛﯜﻧﻠﯩﺮﻯ ﺋﯩﻜﻜﯩﻨﭽﻰ ﻗﯩﺰﻟﯩﺮﯨﻨﯩﯔ ﻛﯜﻧﻠﯜﻛﻠﯩﺮﻯ ﺟﯩﻖ ﺳﯧﺘﯩﻠﯩﺪﯗ، ﺳﯩﻠﻰ ﻫﻪﺭ ﻛﯜﻧﯩﻼ ﺧﯘﺵ ﺧﻪﯞﻩﺭ ﺋﺎﯕﻼﭖ ﺗﯘﺭﯨﺪﯨﻼ!
ﻣﻮﻣﺎﻱ ﺑﯘ ﮔﻪﭘﻨﻰ ﺋﺎﯕﻼﭖ: «ﺩﯦﻤﯩﺴﯩﻤﯘ ﺷﯘﻧﺪﺍﻕ ﺋﻪﻣﻪﺳﻤﯘ» ﺩﻩﭖ ﺋﻮﻳﻼﭘﺘﯘ، ﺷﯘﻧﯩﯔ ﺑﯩﻠﻪﻥ ﺋﯘﻧﯩﯔ ﻛﯚﯕﻠﻰ ﺑﯩﺮﺩﯨﻨﻼ ﻳﻮﺭﯗﭖ، ﻏﻪﻡ - ﻏﯘﺳﺴﯩﺴﻰ ﺧﯘﺷﺎﻟﻠﯩﻘﻘﺎ ﺋﺎﻳﻠﯩﻨﯩﭙﺘﯘ.
ﭘﯩﻜﯩﺮ ﻗﯩﻠﯩﺶ ﺋﯘﺳﯘﻟﯩﻤﯩﺰﻧﻰ ﺋﯚﺯﮔﻪﺭﺗﺴﻪﻛﻼ، ﺋﻮﺧﺸﺎﺵ ﺑﯩﺮ ﺋﯩﺸﺘﯩﻦ ﭘﯜﺗﯜﻧﻠﻪﻱ ﺋﻮﺧﺸﯩﻤﺎﻳﺪﯨﻐﺎﻥ ﻧﻪﺗﯩﺠﻪ ﻛﯧﻠﯩﭗ ﭼﯩﻘﯩﺪﯗ.
[ بۇ يازمىنىhawarدە2011-10-01 17:50قايتا تەھرىرلىدى ]
