ئىلاۋە : 2011-يىلى 2-ئاينىڭ 27-كۈنى باغداش تورى بېكىتى تورداشلاردىن توپلىغان 9150 يۈەن پۇلنى باغداش تورىنىڭ بىر قىسىم ئەزالىرى ئۈمىدجاننىڭ  ئائىلىسىگە بېرىپ ھىمىت ئاكىنىڭ  ئۆز قولىغا تاپشۇردى .

     باغداش تور بېكىتىمىز قايتا ئېچىلغاندىن بۇيان بارلىق  مۇنبەر  ئەزالىرى   ئۆزئارا  ھەمكارلىقنى  كۈچەيتىپ   تور بېكەتنىڭ  جەلپكارلىقىنى ئاشۇرۇپلا  قالماي   يەنە مۇنبەر  تەرەققىياتى  ئۈچۈنمۇ  قان-تەرىنى، زېھنى  ۋە قىممەتلىك  ۋاقتىنى  سەرپ  ئەتتى،مەن  ئالدى  بىلەن  تور بېكەت قۇرغۇچىلىرىغا ، باغداش تور ئىشلەش گۇرۇپپىسىغا ، بارلىق باشقۇرغۇچى  ۋە ئەزالارغا  شۇ  مۇناسىۋەت بىلەن  چىن دىلىمدىن  تەشەككۈر  ئېيتىمەن، باغداشتىكى  ھەر  بىر قەدىمىڭلاردىن  گۈللەر  ئۈنسۇن  قېرىنداشلىرىم...
       باغداش  تور بېكىتىمىز قۇرۇلغاندىن بۇيان  يەنە بېكەت مەسئوللىرىنىڭ يېتەكچىلىكىدە  بېشىغا  ئېغىر  كۈن چۈشكەن ، ئىقتىسادى  جەھەتتە قىيىنچىلىققا    ئۇچرىغان  قېرىنداشلىرىمىزغا ،ھەتتا  ئىچكىرى  ئۆلكىلەردىكى  يەر تەۋرەش  يۈز  بەرگەن  رايونلارغىمۇ  ئىئانە  يىغىپ  ئازراق  بولسىمۇ  كۆڭلىمىزنى يەتكۈزۈپ كەلگەن ئىدۇق ، ئىزچىل ھالدا تورداشلارنى سەپەرۋەرلىكە كەلتۈرۈپ خەير ساخاۋەت ئىشلىرىنى قىلىپ كەلدۇق ،يېققىندا   ئەمدىلا  14  ياشقا  كىرگەن  قېرىندىشمىز  ئۈمىدجان  ھەققىدە  باغداش  تورىدا  ئۈمىدجان ۋە ئائىلىسىدىكىلەرگە ۋاكالىتەن مۇراجاتنامە يوللىغان ئىدى . يۈرىكى  ياخشىلىق  ئوتىدا كۆيۈۋاتقان نۇرغۇنلىغان  تورداشلىرىمىز  بۇ  ئىشقا  ئالاھىدە  كۆڭۈل  بۆلۈپ  ئۆزلىرىنىڭ  زەم-زەم كەبى  قەلب  تامچىلىرىنى    مۇنبىرىمىزدىكى  ئەلنۇر  خانىمنىڭ  كارتىسىغا  ۋە  ئۈمىدجاننىڭ  دادىسى يىمىت  ئاكىنىڭ  كارتىسىغا   يوللاپ  بەردى،بۈگۈن(2-ئاينىڭ  27-كۈنى)  مۇنبەر  ئەزالىرىدىن  ئەلنۇر،ئەنۋەر  قاپاق،گۈلباھار،تورچى،ئۇيغۇر  قۇت،گۈزەل  دۇنيا،ئويغانغان  زىمىن  قاتارلىقلا ر ئۈمىدجاننىڭ  ئائىلىسىگە  ئۈمىدجاننى  يوقلاپ  باردۇق،  ئۈمىدجانغا  داۋالاشنىڭ  ئۈنۈمى  خېلىلا  پايدا  قىلغان  بولسا  كېرەك   كېسىلى  ياخشىلىنىشقا  قاراپ مېڭىپتۇ،ئۈمىدجاننىڭ  كەيپىياتىمۇ  خېلى  ياخشى بولۇپ  بارلىق  ئەزالار  بىلەن  ناھايتى  قائىدىلىك ھالدا  سالاملاشتى.ئۈمىدجاننىڭ  دادىسىنىڭ دىيىشىچە  ئۈمىدجانغا  ئىئانە يىغىش  بولغاندا  ئۈمىدجان   ھەققىدە  ئاڭلىغانلىكى  ئادەملەر  ئۇلارغا   كۆڭۈل  ئىزھارىنى  سۇنغان، بولۇپمۇ    شىنجاڭ رادىئو  ئىستانىسىنىڭ  مۇراجەتلىرى  ۋە  شىنجاڭ تېلۋېزىيە   ئىستانىسىنىڭ  پراگىراممىلىرى  نۇرغۇنلىغان  ئاق  كۆڭۈل  كىشىلەرنىڭ  يۈرىكىنى  تىترەتكەن،بۇلارنىڭ  ئىچىدە   ئالاھىدە  تىلغا  ئېلىشقا  تېگىشلىك  بىر  ئىش  شۇكى  بىر  خەنزۇ  يولداش ئۈمىدجاننىڭ  ئەھۋالىنى  ئاڭلاپ ۋە  كۆرۈپ يىغلاپ  كەتكەن   ۋە  يېنىدىن 100مىڭ  يۈئەن  پۇلنى  چىقىرىپ ئىئانە  قىلىپ  ،ئۈمىدجاننىڭ  ئائىلىسىنىلا  ئەمەس دوختۇرخانىدىكى  دوختۇرلار  ۋە  بارلىق  بىمارلارنى  قاتتىق  تەسىرلەندۈرگەن،ياخشىلىقنىڭ  مىللەت  ۋە  ۋەتەن  ئايرىمىسى بولمايدۇ،ئۈمىدجان ھەققىدە  نۇرغۇنلىغان  ئادەملەر  ئاڭلىغان  بولىشى  مۈمكىن،بىراق  10يۈئەن  پۇل  چىقىرىشقىمۇ  كۆڭلى  قىيمىغان،  قەلبى  تومۇزدىمۇ توڭلايدىغان  بەندىلەرمۇ  ئاز  ئەمەس،قەلبىدە  چەكسىز  ياخشىلىق  چاقناپ  تۇرغان  بۇ  خەنزۇ  يولداش  مىللەتلەر  ئىتتىپاقلىقنىڭ   ئاجايىپ  خۇش پۇراق  گۈللىرىنى  ئېچىلدۇردى . بىز  باغداش تورى نامىدىن بۇ  يولداشقا  ۋە  يەنە باشقا قەلبى  قۇياش تورداشلارغا  ئۈمىدجان  ئائىلىسىگە  ۋاكالىتەن   تەشەككۈر  ئېيتىمىز.
      بۈگۈن  ئۈمىدجان  ئائىلىسىگە  تورداشلار  نامىدىن يىغىلغان  9150  يۈئەن  ئىئانىنى  تاپشۇرۇپ  بەردۇق ، يەنە نۇرغۇنلىغان  تورداشلار  ھىمىت  ئاكىنىڭ  كارتىسىغىمۇ يوللاپ  بەرگەن  ئىكەن ، بۇ  گەرچە  ئاز  بولسىمۇ  لېكىن بارلىق قېرىنداشلار ئۈمىدجاننىڭ  تېزراق  ساقىيىشنى  ئۈمىد  قىلىدۇ.ئۈمىدجان  ھازىر  باسقۇچ  بويىچە  داۋاملىق  داۋالىنىۋاتىدۇ،ئاز  دېگەندىمۇ  500مىڭ  يۈئەن  بولمىسا  بولمايدىكەن،كېسەل  ساقىيىشقا  قاراپ  مېڭىپتۇ ، ئۈمىدجاننىڭ تېزراق ساقىيىپ مەكتەپ قوينىغا قايتىشىنى ئۈمىد قىلىمىز  .
قېرىنداشلار،دۇنيا  مېھىر-مۇھەببەتكە  تولسۇن!!!

ناھايىتى ساۋابلىق ،ئەھمىيەتلىك ئىش بوپتۇ...

مەن يازغان ئىنكاسنىڭ كەينى قېنى؟؟؟كىم ئۆچىرىۋەتتى؟؟نىمە سەۋەب بىلەن؟ھىچقانداق سىياسى ياكى قانۇنسىز سۆز قىلمسام يە؟بولدى ھەممىنى ئۆچىرىۋېتىڭلار..

ئۈمۈدجاننىڭ ئەھۋالى خېلى ياخشى بولۇپ قاپتۇ  ، بۇ مايسىنىڭ تېزراق ساقىيىشىنى ئۇلۇغ ئاللادىن تىلەيمەن .

ئاللاھ بالدۇرراق شىپالىق بەرگەي ..بىر چىرايلىق بالىكەن ..

ئھى ئۇلۇق ئاللا شۇ ئوماق ئۇكامغا شىپالىق بەرگەي ! بۇ خەۋەرنى ئوقۇپ  ئوزۇمنى تۇتۇۋالالمىدىم.بوپمۇ خەنزۇ يولداشنىڭ 100 مىڭ يۇەن بەرگەنلىگىنى ئوقۇپ پەقەت ئوزۇمنى تۇتۇۋالالمىدىم ،نىمە دىگەن ئىسىل پەزىلەت  ھە ! مۇشۇنداق  مىھىر - مۇھاببەت ھەممە قەلىپلەردە ئۇرغۇسا بۇ دۇنيا نىمە دىگەن كەڭرى نىمە دىگەن مىھىرلىك بولۇپ بۇ دۇنياغا تويمىغان ھالەتتە كىتەر بولغىيتۇق ھە ،چۇنكى بىز ھامان كىتىمىز  ياخشىلىق ئەبەدى بىز بىلەن بىللە .ساخەۋەتلىك قوللانى سۇنغان بارلىق قىرىنداشلارغا چىن كوڭلۇمدىن كوپلەپ رەخمەت  ئىيتىمەن سىلەرگە ئەجىر ئۇمۇدجانغا  شىپالىق بەرگەي. ئامىن!!!!!!!!!!!!!!

باغداش تورى قايتا ئېچىلىشى بىلەنلا ئەھمىيەتلىك ئىشلارمۇ باشلىنىپتۇ. بىزمۇ بۇ قاتاردىن قالمايلى. ئۇلۇغ رەببىم ساخاۋەتلىك قوللارغا بەركەت، ئۈمۈدجاننىڭ كېسىلىگە شىپالىق بەرگەي. ئامىن!!!

بىزگىمۇ خەۋەر قىلىپ قويساڭلارچۇ ؟ ئاللا خالىسا چوقۇم ياخشى بولۇپ كېتىدۇ .

        ئۈمۈدجاننىڭ  كىسىلىنىڭ ياخشىلىنىشقا قاراپ يۈزلەنگەنلىكىنى ئۆز كۆزۈم بىلەن كۆرۈپ بەكمۇ خوشال بولدۇم ، نۇرغۇن كىشىلەر بۇ ئىشتىن تېخىچە خەۋەرسىز ئىكەن ، كېيىن خەۋەر تاپقانلارمۇ ئۆزلىرىنىڭ چوقۇم ياردەم قىلىدىغانلىقىنى بىلدۇردى ، قېرىندشلار« تاما-تاما كۆل بولار »دىگەن ماقال تەمسىل بارغۇ ،ھەممىمىز بىرلىكتە  ئۈمۈدجانغا ياردەم قىلىپ ئۇنىڭ ھاياتىغا ئۈمۈد گۈللۈرىنى ئېچىلدۇرايلى ،قېرىنداشلار !
        دۇنيا  مېھىر-مۇھەببەتكە  تولسۇن!!!

باغداش تورىغا  ، ئاشۇ ساخاۋەت ئىگىلىرىنىڭ يوللىرى راۋان بولسۇن !  ئاللا ئىشلىرىنى ئاسان قىلسۇن !

ئۈمۈدجاننىڭ ئەھۋالىنى ئۆز كۆزۈم بىلەن كۆرۈپ ، بالىدا خېلى ئۆزگۈرۈش بولغانلىقىنى ھېس قىلدىم . بىمارغا 500مىڭ يۇئەن بولمىسا بولمايدىكەن ، تورداشلارنىڭ ياردەم قولىنى ئايىماسلىقىنى ئۈمۈت قىلىمەن .
ئۈمۈدجاننىڭ تېزراق ياخشى بولۇپ كېتىشىنى ئۇلۇغ ئاللادىن تىلەيمەن .