شىنجاڭ ھەرەمباغ سودا چەكلىك شىركىتى شىنجاڭ ئۇيغۇر ئاپتونوم رايونى تەۋەسىدىكى يېمەك -ئىچمەك، مېھمانخانا تىجارىتىدىكى باشلامچى كارخانا بولۇپ، ساياھەتچىلىك، يېمەك ئىچمەك تىجارىتىنى بىر گەۋدە قىلغان پاي ھەسسىدارلىق چەكلىك شىركىتى. شىركەت 1999- يىلى 9- ئايدا قۇرۇلغان. شىركەتنىڭ باشقۇرۇشتا، ئۈرۈمچى ئىتتىپاق يولى ھەرەمباغ تاماقخانىسى، جام تاللا تاماقخانىسى، ئۈرۈمچى ياشلار يولى ھەرەمباغ تاماقخانىسى، قەشقەر ھەرەمباغ مېھمانخانىسى، خوتەن ھەرەمباغ تاماقخانىسى ۋە تىيەنجىن ھەرەمباغ تاماقخانىسى بار.

شىركەت ئىشچى -خىزمەتچىلىرى ئۇيغۇر، خەنزۇ، خۇيزۇ، قازاق، قىرغىز، ئۆزبېك قاتارلىق كۆپ مىللەتتىن تەركىب تاپقان. ھازىر شىركەتنىڭ 1000 گە يېقىن ئىشچى خىزمەتچىسى بار.

شىنجاڭ «ھەرەمباغ» سودا چەكلىك شىركىتى باش لېدىر ئىشخانىسى، لېدىر ئىشخانىسى، ئومۇمىي ئىشلار ئىشخانىسى، كادىرلار بۆلۈمى، مالىيە بۆلۈمى، سېتىش بۆلۈمى، ئىستراتېگىيە ۋە پىلانلاش بۆلۈمى قاتارلىق تەشكىلى ئاپپاراتلاردىن تەركىب تاپقان.

شىركەت قۇرۇلغىنىغا ئون نەچچە يىل بولغان بولۇپ، ھەر يىلى دۆلەت ئىچى ۋە سىرتىدىكى مېھمانلار بولۇپ 800 مىڭ ئادەم قېتىمغا يېتىدۇ. بىز بۇ جەرياندا كەڭ يېمەك - ئىچمەك ئىستېمالچىلىرىنىڭ ياخشى باھاسىغا ئېرىشىپ كېلىۋاتىمىز.