قېنى كەسېپداشلار،مۇنبەرداشلار
مۇشائىرىگە مەيلىڭلار بارمۇ؟
بارلىق خانىم قىزلارنىڭ بايرىمىنى
تەبرىكلەيمەن
قىزلاردىن كەم قالمايدۇ ، گۈزەللىكتە بىلسەڭلار ،
چېھرى ئاپتاپ مۇلايىم ، بەك كۈيۈمچان چوكانلار ،
گۈل ھۆسنىگە رەڭ بەرگەن ، ناز- كەرەشمە خۇيلىرى،
ئاتا-ئانا ئېرىگە ، ساداقەتمەن چوكانلار.
ھويلاڭدا گۈل ئېچىلۇر ، كىرسە ئەگەر بىر نوۋەت ،
ئەجەپ نازلىق چىرايلىق ،ئۇرسا خەندان چوكانلار ،
سورۇنۇڭغا ئۆيۈڭگە ، رەڭ كىرگۈزگەن كىم دىسە،
ھەممە بېرىدۇ جاۋاپ ، گۈلى رەيھان چوكانلار.
كۆپنى كۆرگەن بىېشىدىن ، ھەر قىسمەتلەر ئۈتۈلۈپ،
تۇرمۇشنىڭ ئۇچاقىدا ، تاۋلانغان شۇ چوكانلار،
چوكانسېز ئۆي بورانلىق ، نەدە بولسۇن خوراملىق ،
چوكان بولسا ھەمرالىق ، جان ئوزىقى چوكانلار.
كىرىپ كەتمەس ئۆزگىنىڭ ، سۆزلىرىگە يولىغا ،
ئۆزلىرىنى ئەقىلدە ، تۇيۇندۇرغان چوكانلار ،
جاننى – جانغا ئۇلىغان ، ھاياتلىقنىڭ تۈۋرۈگى ،
ئەھلى جاھان كۆزنىگى ، جانغا ھوزور چوكانلار .
ھەر دۆلەتتە پادىشا ، ھەر ئۆيدا بار بىر تۆرە ،
شاھىن-شاھنىڭ تۆرىسى ، شاھقا خاقان چوكانلار،
ساغلام مۇھىت يارىتۇر ، ھەر جاپادا ۋايسېماي ،
ئەرنى قىلۇر تەقەززا ، ئەر ئارمانى چوكانلار .
قايىل قىلۇر جاھاننى ، ئۇيۇلۇپ قالار ئەركەك ،
قىزلىق روھى جىسمىدا ، جىلۋىلەنگەن چوكانلار ،
ياشاڭ –ياشناڭ دائىما ، ئىنسانىيەت مەنبەسى ،
B) ھەر بىر جاننىڭ قەلبىدە ، ئەزىز بۇلۇپ چوكانلار .
مەنبە : ئۆز ئىجادىيىتىم
