يۇرتۇمدا باھار [ئادىرسىنى كۇچۇرۇش]

يۇرتۇمدا باھار دىگەن تىمىنى كۈرۈپ بەزەن تۇرداشلىرىمىز ھازىر قىش پەسلى تۇرسا دىيىشى مۇمكىن. شۇنداق ھازىر قىش پەسلى ئەمما ئادەمنىڭ كۆڭلى ۋە قورسىقى توق، كىيمى پۈتۈن ئارتۇق دەرىت - ھەسرىتى بولمىسا زىمىستان قىشنىڭ قەھىرلىك سوغۇقىمۇ بىلىنمەيدۇ.
مىنىڭ دىمەكچى بولغىنىم قايسى كۈنى تور ئالاۋېتىپ بىر تەرجىمە ئەسەرنى ئۇچرىتىپ قالدىم. ئىسمى تامدىكى قەھۋە ئىكەن. دىمىسىمۇ ئىسمىلا ئادەمنى قىزىقتۇرىدىكەن ، بەلكىم باشقا تورداشلارمۇ كۆرگەندۇ.
ئۇ ئەسەرنىڭ ئاساسى مەزمۇنى تۆۋەندىكىچە: ئىككى خىزمەتداش ئۆزى تۇرۇشلۇق شەھەردىكى بىر قەھۋەخانىغا كىرىپ قەھۋە بۇيرىتىپ ئولتۇرۇپتۇ. كەينىدىنلا بىر ئىسىل كىيىنگەن ئەر كىرىپ ئىككى كىشىلىك قەھۋە بۇيرىتىپتۇ. مۇلازىمەتچى يىگىت بىر كىشىلىكلا قەھۋە ئەكىلىپ بىرىپتۇ ، ئۇ ئادەم يانار ۋاختىدا ئىككى كىشىلىك قەھۋەگە پۇل تۆلەپ چىقىپ كىتىپتۇ.مۇلازىم قەھۋەخانىنىڭ تېمىغا بىر ئىستاكان قەھۋەنىڭ سۇرىتىنى چاپلاپ قۇيۇپتۇ. ئۇ ئىككى خىزمەتداش بۇنىڭ نىمە ئۈچۈن ئىكەنلىگىنى بىلەلمەي چىقىپ كىتىپتۇ. ئەتىسى ئۇ ئىككى خىزمەتداش يەنە شۇ قەھۋەخانىغا كىرىپ قەھۋە ئىچىپتۇ. ئارىدىن ئۇزاق ئۆتمەي ئىككى ئادەمنىڭ كىرىپ ئۈچ كىشلىك قەھۋە بۇيرىتىپ  مۇلازىم ئەكەلگەن ئىككى كىشىلىك قەھۋەنى ئىچىپ ئوخشاشلا ئۈچ كىشىلىك پۇل تۆلەپ چىقىپ كىتىپتۇ، مۇلازىممۇ تامغا بىر ئىتاكان قەھۋەنىڭ سۈرىتىنى چاپلاپ قۇيۇپتۇ..ئۇ ئىككى خىزمەتداش نىمىشقا شۇنداق بۇلدىغانلىقىنى بىلەلمەي ئولتۇرغاندا ئۈستى - بېشى ناھايتى جۇل-جۇل بۇلۇپ كەتكەن، بۇ قەھۋەخانىغا خاتا كىرىپ قالغاندەك ئۈزى بىزەپ بىر يوقسۇل ئادەم كىرىپتۇ. ئەمما ئۇ ئادەم قىلچىمۇ ئۆزىنى بىئەپ ھىس قىلماي  بىر ئۇرۇننى تېپىپ ئولتۇرغاندىن كىيىن تامدىكى قەھۋە سۆرىتى چۇشۇرۇلگەن قەغەزلەرگە بىر قارىۋەتكەندىن كىيىن مۇلازىمغا تامدىكى قەھۋەدىن بىر ئىستاكان دەپ بۇيرۇتۇپتۇ. مۇلازىم بىر ئىستاكان قەھۋە ئەكىلىپ بىرىپتۇ. ئۇ ئادەم قەھۋەسىنى ئىچىپ ئۇدۇللا چىقىپ كىتىپتۇ. مۇلازىم تامغا چاپلانغان قەھۋە سۈرىتىدىن بىرنى يىرتىپ ئېلىپ تاشلىۋېتىپتۇ.
ئۇ ئىككى خىزمەتداش ئىشنىڭ تىگىگە يىتىپ چىقىپ كىتىپتۇ.
مانا بۇ مۇشۇنداق ئاددى بىر ھىكايە ئىكەن . ئەمما بۇ ھىكايىگە يۇشۇرۇنغان ئۈنتىنسىز ھىسداشلىق مىھرى ئىنتايىن كۈچلۇك ئىكەن . مەن ئويلاپ قالدىم ،بەزەنلىرىمىز باي - باياشات تۇرمۇشتا ياشايدىكەنمىز ، نىمە يىگۇمىز كەلسە يەپ ،نىمە كىيگۇمىز كەلسە كىيىپ ياخشى ياشايدىكەنمىز . ئەمما ئارىمىزدا كۈزىمىز بىلەن كۈرۈپ بۇلالمايدىغان ، قۇلىمىز بىلەن ساناپ بۇلالمايدىغان قېرىنداشلىرىمىزمۇ باركى ئۇلار مۇشۇنداق قەھرىتان سوغۇق ئايلاردا تۇرمۇشنىڭ ئاجايىپ قاتتىق سىناقلىرىدا ياشاۋاتىدۇ. يەنە بازار ئايلانغان ۋاختىمىزدا ئۇچرىتىپ قالىمىز بىزدىن ئۆشرە-سادىغات تىلەۋاتقانلارنى ئۇلارنىڭمۇ تۇرمۇشنىڭ گۇزەللىگىدىن ، ئىللىقلىغىدىن بەھرىمان بۇلۇش ھۇقۇقى بار ئىدى. بىز ئاشۇ تاماقخانىلاردا تۇيۇپ يەپ-ئىچىپ جىق بۇيرىتىۋتىپ تاماقلارنى ئۇشۇرۇپ قويۇپ ئولتۇرغاندا سىرىتتىكى سوغۇقتا توڭلاپ تىلەپ ئولتۇرغان  ئانىلار بار،بىز ئىسسىق ئۆيدە ئولتۇرغاندا قىشنىڭ قەھرىتان سوغۇقىدىن زارلىنىۋاتقان قېرىنداشلىرىمىزمۇ بار ئەلۋەتتە .
مەن ئولاپ قالدىم ، ھازىر نەگىلا بارساق قەدىمدە بىر ئاشخانا ياكى تىز تاماقخانا بار ، بىزمۇ ئاشۇ چەتئەللىكلەرنى دوراپ باقساق بىزمۇ ئاشۇ يىتىم-يىسىر ،ئاجىزلارغا تامدىكى قەھۋەگە ئوخشاش ئۈنتىنسىز ئىللىقلىق يەتكۈزگەن بولساق ، مۇشۇنداق سوغۇق قەھرىتان قىش ئايلىرىدا ئاشۇ ئاجىز يوقسۇللارمۇ ئىللىقلىق ھىس قىلسا نىمىدىگەن ياخىشى بۇلاتتى ھە!
تورداشلارنىڭ بۇلۇپمۇ ئاشخانا تىز تاماقخانا ئېچىۋاتقانلارنىڭ ئويلىنىپ بېقىشىنى ئۈمۈد قىلىمەن.

ئادەمنىڭ 5 بارمىقى تەڭ ئەمەس،لىكىن پارتىينىڭ سىياسىتى ياخشى.

بەك ياخشى تىما  ئىكەن قىرىندىشىم .. شۇ  بەزى بىر  قىرىنداشلىرىمىز نىڭ  ئاللاھ كوڭلىگە ئىنساپ  ھىدايەت  ، تەۋھىد ئاتا قىلغاي..                                                                       بىزمۇ ھەرقانداق ئىشتا  ئوزىمىزدىن باشلايلى ..بىرتال داننىمۇ ئىسراپ قىلماسلىقىمىز كىرەك.

ئەسسالامۇئەلەيكۇم،بۇتېما ھەقىقەتەنمۇئادەمنى چوڭقۇرئويغا سالىدىكەن،تۇرمۇشىمىزپاراۋانلاشتى دېگەن بىلەن ، ئىسراپچىلىقمۇ چېكىگە يەتتى ، بۇ تېمىنى كۆرگەندىن كېيىن مۇمكىن بولسا ھەممىمىز ئۆزىمىزدىكى چوڭ-كىچىك ئىشلىرىمىزدىكى ئىسراپچىلىقنى تۈگەتسەك بولغىدەك،تېمىڭىز مەندە چوڭقۇرتەسىرقالدۇردى،ئاللاھىم قولىڭىزغا دەرت بەرمىسۇن قېرىندىشىم.