ناشتىلىققا بۇلارنى سىناپ كۆرۈڭ [ئادىرسىنى كۇچۇرۇش]

ئەسسالامۇ ئەلەيكۇم تورداشلار:
ئۆتكەندە بىرسىنىڭ يوللىغان تىمىسىغا كۆزۈم چۈشۈپ قالدى، ناشتىلىق ئۈچۈن نېمىلەرنى تەييارلاش ھەققىدە مەسلىھەت سورالغان تىما ئىكەن. دېمىسىمۇ ئەتىگەندە قۇرۇق نان بىلەن چاينىلا قويۇپ قويۇشقا بولمايدۇ، ناشتىنى ياخشى قىلىش مەيلى ساغلاملىق نۇقتىسىدىن مەيلى ئىش ئۈنۈمى جەھەتتىن بولسۇن، تولىمۇ مۇھىم. ئائىلە ئەزالىرىنى قاق سەھەردىلا سىرتتىكى ئاشخانىلارغا ئىتتىرىپ قويماي، ئائىلە ئىللىقلىقىنى ئاشخانىنىڭ ھورى ئارقىلىق ھېس قىلدۇرۇش بولۇپمۇ ھازىرقىدەك ئائىلە ئۇلى بوشاپ قالغان جەمئىيەت ئۈچۈن تېخىمۇ زۆرۈر. (بۇ تېمىنى بىر قېتىم تولۇق يېزىپ بولۇپ ئۆچۈرۈلۈپ كەتتى ، ئالىملارنىڭ بوشاشماسلىق روھى بويىچە قايتا يوللاۋاتىمەن سىلەر ئۈچۈن)
تور ئارىلاۋېتىپ (ئەلۋەتتە تاماق ئېتىشقا ئائىت بەتلەرنى كۆپرەك كۆرۈپ قالىمەن)، خەنزۇلارنىڭ تائاملار بېتىدىن بەك ئېسىل ناشتىلىقلارنى كۆرۈپ قالدىم، شۇڭا سىلەر بىلەن ئورتاق بەھىرلىنەي دەپ بۇ يەرگە تەرجىمە قىلىپ يوللاۋاتىمەن، بۇ ئوغرىلىق بولماس-ھە؟

1. بەرەنگە تۇخۇم پوشكىلى

كېرەكلىك ماتېرىياللار: بەرەنگە بىر تال، تۇخۇم بىر تال، ئۇن مۇۋاپىق مىقداردا، تۇز، قارىمۇچ، سۇماي.
ئىشلەش باسقۇچلىرى:
1) بەرەنگىنى ئاقلاپ، يۇيۇپ، ئىنچىكە قەلەمچە قىلىپ توغرايمىز.
2)بەرەنگە قەلەمچىسىنىڭ ئىچىگە تۇخۇمنى چاقىمىز، تۇز سالىمىز.
3) قارىمۇچ سېلىپ تەكشى ئېلەشتۈرىمىز.
4) ئۇن ئېلەشتۈرۈپ سۇيۇق ئوماچ ھالىتىگە ئەكىلىمىز.
5) ئاستى تەكشى قازانغا ئازراق ماي قۇيۇپ، قىزىغاندىن كېيىن ئوماچنى تەكشى يېيىتىپ قۇيۇپ بوش ئوتتا پىشۇرىمىز.
6) ئاستى مۇقىملىشىپ قىزارغاندىن كېيىن ئۆرۈيمىز.
7) ئىككىلا تەرىپى قىزارغاندا ئېلىپ تەخسىگە چىرايلىق تىزىپ خالىغان شەكلىمىزدە كېسىپ يىسەك بولىدۇ.
بۇ ناشتىلىققا سۇيۇقراق سۈت ئاش ياكى باشقا گۈرۈچ، كۆكتات شورپىلىرىنى ماسلاشتۇرۇپ ئۈستەلگە ئەكەلسەك ئوزۇقلۇق تەركىبى تېخىمۇ مول بولىدۇ. ياقتۇرۇشىڭىزغا ئاساسەن بەرەنگىنىڭ ئورنىغا باشقا بىر خىل ياكى بىر نەچچە خىل كۆكتاتنى ئىشلەتسىڭىزمۇ بولىدىكەن، مەسىلەن، سەۋزە، ئۇششاق غولپىياز، پالەك، كۈدە دېگەندەك.

图片:425691_13082771589AuD.jpg

图片:2009031709394466.jpg

2. بانان ئورالمىسى
ئۆزۈم بانانغا بەك ئامراق بولغاچقىمۇ بۇ ناشتىلىق ماڭا بەك ياراپ كەتتى.
كېرەكلىك ماتېرىياللار: بانان ئىككى تال، تەييار كېسىلگەن تۆتبۇرجەك بولكا تۆت پارچە (ئەگەر كېسىلگىنى بولمىسا، ئادەتتىكى بولكىنى تەكشى كېسىپ ئىشلەتسىڭىزمۇ بولىدۇ، ئەمما تەييار كېسىلگىنى بەكرەك يۇمشاق بولغاچقا ئوراشقا ئەپلىك بولىدىكەن)، ئاق كۈنجۈت مۇۋاپىق مىقداردا، سۇماي، ئاق ئېرىس.
ئىشلەش باسقۇچلىرى:
1) باناننى ئاقلاپ، ئوتتۇرىدىن ئىككى پارچە قىلىمىز.
2) بولكىنىڭ چۆرىسىنى كېسىپ چىقىرىۋېتىمىز.
3) تۇخۇمنى چېقىپ ئېلەشتۈرىمىز.
4) باناننى بولكىغا ئوراپ، تۇخۇمغا مىلەيمىز.
5) بانان ئورالمىسىنى كۈنجۈت سېلىنغان تەخسىدە دومىلىتىمىز.
6) قازانغا مۇۋاپىق سۇماي قۇيۇپ قىزىغاندا، بانان ئورالمىسىنى سېلىپ ئالتۇن رەڭگە كىرگەندە سۈزۈۋالىمىز.
7) تەييار بولغان ئورالمىنى تەخسىگە چىرايلىق تىزىپ ئۈستىگە ئاق ئېرىس تېمىتىپ قويىمىز.
بۇ ناشتىلىققا سۈت، قەھۋە، ئەتكەن چايلارنى ماسلاشتۇرسىڭىز بولىدۇ. بولكىنى ئوراشنىڭ ئالدىدا مىكرۇ دولقۇنلۇق ئوچاق ياكى قىزىتىلغان قازاندا ئىسسىتىۋەتسىڭىز تېخىمۇ ياخشى ئورىغىلى بولىدۇ، بۇزۇلۇپ كەتمەيدۇ. كۈنجۈتنىڭ ئورنىغا شېكەر، ئاق ئېرىسنىڭ ئورنىغا ھەسەل ئىشلەتسىڭىزمۇ بولىدۇ.

图片:42236_1325748691990u.jpg

图片:42236_1325748693Q6qD.jpg

图片:42236_1325748687qXI1.jpg

سىناپ باقساڭلار بولغۇدەك.

مەنمۇ سىناپ باقاي !ياخشى تېمىللىرڭىز ئۈزۈلمىسۇن !!

مەنمۇ ئائىلەمدە سىناپ كۈرەي جۇمۇ .

مەن بەرەڭگە تۇخۇم پوشكىلىنى سىناپ باقىتىم ،  منىڭ قارامتۇل چىقىپ قالدى، لىكىن تەمى بەك ياخشى بولىدىكەن ، يولدۇشۇمغا بەك يارىدى .... رەخمەت سىزگە

مەنمۇ  بىر سىناپ باقاي      رەھمەت    يىيىشلىك بولدىغاندەك     قىلدۇ.

ئەتىلا  سىناپ باقسام بولغۇدەك، رەھمەت.

بانانىڭ ئورنىغا 豆沙قىلىسىمۇ بەك تەمىلىك چىقىدۇ

ناشتىلق مولكەن مانا

بەرەنگە تۇخۇم پۆشكىلىنى قىلىش ئاسان ئىكەن . لېكىن باناننىڭكى سەل مۇرەككەپ بىلىندى . ماڭا قىلىش خوشياقمىدى . لېكىن قىزىم قىلايلى دەپ تۇرۇۋالدى . تىما ئىگىسى ، يەنە مۇشۇنداق تىمىلارنى يوللاپ تۇرارسىز !