شەھلا كۆزلىرىڭ........ [ئادىرسىنى كۇچۇرۇش]

        << شەھلا كۆزلىرىڭ >>
يوشۇرۇن تەلمۈرۈپ قاررايدۇ ماڭا-
ھەر دائىم چولپاندەك شەھلا كۆزلىرىڭ.
تىكىلسەم چىرايىڭ تاتىرىپ بىردىن،
تىۋىشسىز تىترەيدۇ غۇنچە لەۋلىرىڭ.

تىۋشسىز قالسىمۇ غۇنچە لەۋلىرىڭ،
ئاياندۇر قەلبىمگە سىنىڭ سۆزلىرىڭ.
تارتىنىش ئاغزىڭنى ئاچۇرمىسىمۇ؟
ئېيتىدۇ ھەممىنى  شەھلا كۆزلىرىڭ.....

2013- يىل 8- ئاينىڭ 28- كۈنى



قېنى مۇنبەردىكى : ئاشتۇزى ئۇستاز، ئەنگەر، جۇدۇن،  ئاشپەز . ئاتەش رەنا ، ئائىشە ، شەھلا  چىقىپ ئاخىرىنى داۋاملاشتۇرۇڭلار قېنى
بۇلار بەكلا يوقاپ كەتتى ئەسلى مۇنبەرنى بۇنچە تاشلىۋەتمىسەڭلا بولاتتى !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

ئالامىغاچ سېنىڭدىن خەۋەر،
ئولتۇرىمەن بىتاقەت شۇنچە،
ئەمەس ئىدىم ئەسلى شائىرە،
سۆيگۈماڭا تىزدۇردى ئۈنچە.

جاۋاپ بەرگىن تىزراق جانانىم،
ئارامخۇدا بولسۇن بۇ دىسەڭ.
كۆكلەتكىن سەن سۇلارنى قۇيۇپ،
روھى چۈشكۈن بولمىسۇن دىسەڭ.

مەن يالغۇزمەن ھەركۈنى كېچە،
ھەمرا ئىدى ئەمما شۇ چۈشلەر.
نىچۈن كېچە بولدۇم بېئارام،
سىرداش بولدى نەم ھەم ياستۇقلار.

تۈكۈلىدۇ ئىلھامىمىم بۈگۈن ،
سېغىنىشم تاشتى ھەرقاچان.
كىلىپ كەتكىن جانانىم تىزراق،
يۈرەكلىرىم بولمىسۇن قىيان.

ئۇيقىدىمۇ ياكى سەن ئويغاق،
جور بولدۇڭمۇ مۇڭلارغا ياكى .
گۈپۈلدىگەن يۈرەك تىۋىشنى،
ئاڭلىدىڭمۇ ئۇ ئاتەش زارى.

ئارمانلىرىم چىچەكلەپ كېچە ،
چۈشەپ چىقتىم سېنى بەك تاتلىق.
كەلگۈدەكسەن يىراقلاردىن سەن،
نامە پۈتۈپ مۇھەببەت ئاتلىق.

نىمانداق لا ئەنگەر ،جۇدۇن ......دەپلا سالسا قاپاقتىن سۇ تۇكۇلگەندەك لام ئېيتىۋەتتى دىسە ،جۇدۇن يارايسىز ....

دىمسمۇ ئەنگەرنىڭ شئرلىرىنى سىغىندۇق،ئۇقۇش باشلىنىپ بولغۇچە ئالدراش بۇلۇپ كەتتمۇ بۇ مۇئەللىم....

لەۋلىردە  شرىن   تەبەسۇم

ئارمانلىرىم چىچەكلەپ كېچە ،
چۈشەپ چىقتىم سېنى بەك تاتلىق.
كەلگۈدەكسەن يىراقلاردىن سەن،
نامە پۈتۈپ مۇھەببەت ئاتلىق


باردىم سىنى نەچچە رەت ئىزدەپ،
مەھەلەڭدە يۈردۈم ھەم   تىنەپ.
ئالالمىغاچ   بىرەر   ئۇچۇرۇڭ،
قايتىم يەنە سولىشىپ مۈگىدەپ.

سىنىڭ يالغۇز ئاشۇ كەچلىرىڭ،
مەن ھەم يالغۇز ساڭىلا ئوخشاش.
سەن سېغىنساڭ مەنمۇ سېغىندىم،
بولغىن تېزىراق دەردىمگە مۇڭداش.

ئۇيقىسىزمەن ھەر كۈنى كىچە،
مۇڭلىرىمدا  سىنىڭ سىمايىڭ.
چۈشەكىدىم نەم ياستۇقىڭنى،
ئايان شۇڭا يۈرەك تىۋىشىڭ.

قىيان يۈركۈڭ غەرىق ئەيلىسە،
ھەم رازىمەن قىيناپ چەيلىسە.
چىدىمايمەن ،  كۆزى يامانلار،
سىنى مەندىن يىراق چەكلىسە.

شەھلا كۆزۈڭ مۇڭغا توشۇپتۇ،
بىر دەردىڭگە ئىككىنى قوشۇپتۇ.
ھەسرەتلەنمە!! بۇنچە نىگارىم،
غۇنچە لىۋىڭ قانسىز بولۇپتۇ.

پۈتكەن نامەم چۈشۈڭگە كىرىپ،
ئارمانلىرىڭ ھاسىل بولغۇدەك.
توي ئوينىسۇن ھەممىلەر بېرىپ،
خۇشال كۈندە مىھمان تولغۇدەك......

مەن نەدىن چۈشەي

ياشاپ باقتىم سەنسىز بىر مەھەل،
ئۆز غېمىدە پارلىدى قوياش.
جىلۋە قىلدى ئايلىرىڭمۇ ھەم،
مەنلا يالغۇز، كۆزلىرىمدە ياش...

چەكسىز كەتكەن بايانلار ئارا،
ئولتۇرىدۇ ھارغىن ئەتىياز.
سېزىلەتتى ئۇنىڭ كۆزلىرى،
ياشلىرىمدا قىلغاندەك پەرۋاز.

كەلدىم ئوتلۇق يازلاردىن يېنىپ،
گۈل-گىياھلار كۆرىنەتتى تاش.
تومۇزلاردا مۇزلاتتىم قەترە،
زامانىڭغا سىغمىدى بۇ باش.

ئۈمۈدلەنسەم گۈزەل كۈزلەردىن،
ئۆكتەبىرمۇ كەتتى شەپىسىز.
نۇيابىردا بولمىدى تويۇم،
زۇلمەتلەرگە جۆر بولدۇم چەكسىز.

يېغلىۋالدىم قىشنىڭ ئالدىدا،
كۆز ياشلىرىم قارغا كۆمۈلدى.
سېنى كۈتۈپ چارچىغان ئۈمۈد،
كۆكلەش ئۈچۈن يەنە تۆكۈلدى.

نىمە دىسەڭ دەۋ يېزىۋەر ،
گاھى توغرا، گاھى ئېزىۋەر.
ياشاش دىگەن سەيلى - ساياھەت -
ئوڭ -دۈم دەسسەپ لەيلەپ كېتىۋەر ....

ئاشىق بولساڭ شەھلا كۆزلەرگە،
ماھى تابان ، ئايدەك يۈزلەرگە ،
شىرىن لەزىز تاتلىق سۆزلەرگە،
توقۇپ مىسرا ، شىئېر قېتىۋەر...

سەن سۆيگەننىڭ سۆيگۈنى باردۇر،
سۆيگۈ يولى ۋەياكى تاردۇر،
تېشى كۈلكە ، باغرى قان ، خاردۇر!
چۈشەنمەستىن غەمگە پېتىۋەر...

باغرىڭ بولسا دېڭىزدەك كەڭرى ،
ھۆكۈمرانىڭ بولسا گەر سەبرى ،
يوللىرىڭنى توغۇرلاپ تەڭرى
ھۆرنى قوشسا باخ-باخ ئېتىۋەر ...

يالغۇزلۇقمۇ لەززەتلىك بىلسەڭ ،
چاتاق چىقماس يالغۇزلا كۈلسەڭ ،
گەپ تاپىدۇ خەققە بىلدۈرسەڭ ،
قۇلاق تېنچ ، يالغۇز يېتىۋەر ......

غەيرىتەم ئاخىرى غەيرەتكە كەپتۇدە ،مۇبارەك بولسۇن،