ماتىماتىكىلىق مۇھەببەت خېتى [ئادىرسىنى كۇچۇرۇش]

ھاياتىمنىڭ ئايرىلماس بىر قىسمى بولغان 1:2، 1:2 مۇھەببىتىم فۇنكىسيەسىدە ئېشىپ بارغۇچى فۇنكىسيە، سىز ئۈچۈن تىكىلگەن كۆزلىرىم سان ئوقىدەك مەڭگۈ بىر تۈز سىزىق ئۈستىدە، گەرچە سىز سىنوس ئەگرى سىزىقىدەك قالايمىقان ھەرىكەت قىلسىڭىزمۇ، مەن يەنىلا كوئوردىنات بېشىدا ئولتۇرۇپ سىزنى كۈتىمەن. بىلەمسىز؟ مېنىڭ يۈرىكىم 1:2، 1:2 دەپ پەقەت سىز ئۈچۈنلا سوقىدۇ، مەن سىز ئۈچۈن ھاياتىمنىڭ كەسىر قىسمىنى ئەمەس بەلكى پۈتۈن قىسمىنى ئاتىدىم. ناۋادا سىز ئازاب چەكسىڭىز مەن ئۇنى يىلتىزىدىن چىقىرىپ ئازابتىن خالاس قىلىمەن. ناۋادا سىزگە خۇشاللىق كەلسە مەن ئۇنى كىۋادراتقا كۆتۈرۈپ سىزنى تېخىمۇ خۇشال قىلىمەن ھەم بەختلىك قىلىمەن. ئەگەر بەك ھاياجانلانسىڭىز ياكى ئاچچىقلانسىڭىز لوگارىفمىلاپ مىجەزىڭىزنى ئېغىر - بېسىق قىلىمەن.

ئىشىنەمسىز؟ سىزگە كۆيۈشۈمنىڭ ئېھتىماللىقى 100 پىرسەنت، ئىككىمىزنىڭ ئۇچرىشىپ قېلىشى تاساددىپىي ھادىسە، سىزنىڭ مەن بىلەن يۈرۈشىڭىز مۇمكىن بولمايدىغان ھادىسە. ھەركۈنى ئاخشىمى y ئوقىدا يۆلىنىپ ئولتۇرۇپ مۇڭغا پاتقىنىمدا 1-2 چارەكتە خۇشال، 3-4 چارەكتە غەم بىلەن تۇرقىڭىزىنى سېغىنىش ئىلكىدە ئەسكە ئالىمەن. سىز ئۆزىڭىزنى مەنپىي قىممەتتە ئېلىپ قاچماي، ئارىمىزدىكى تەڭسىزلىكنى تەڭ قىلىڭ. ھە راست! مېنىڭ ئاخىرىدا سىزگە دەيدىغىنىم ۋە تەكىتلەيدىغىنىم مېنىڭ سىزگە بولغان مۇھەببىتىم 3.14 چەمبەر تۇراقلىقىدەك بولۇپ مەڭگۈ ئۆزگەرمەيدۇ.