ئاشپەز دوستلارنىڭ مەسلىھەتىنى ئاڭلاي دەيمەن [ئادىرسىنى كۇچۇرۇش]

ئەسسالامۇ ئەلەيكۇم ئاشپەز تورىدىكى بارلىق ھالال كەسپ ئىگىلىرى! قولى گۈل، مىھنەتكەش ئۇستاملار!  ئۆز ماھارىتىگە تاينىپ خەلقىمىزگە ئېسىل تائاملارنى ھالال يولى بويىچە سۇنۇش ئارقىلىق ئۆزىگە يۈكلەنگەن ئامانەتنى قاتتىق مۇھاپىزەت قىلىۋاتقان ساۋاب ئىگىلىرى! خەلقنىڭ ئامانىتىگە رېئايە قىلىپ ھالال-پاك تائاملارنى خەلقىمىزگە سۇنۇۋاتقان شۇ ھۈنەرۋەن قوللىرىڭلارغا ئاللاھ ئىككى ئالەملىك بەخت-سائادەت ئاتا قىلسۇن! ئىش-ئوقىتىڭلار روناق تېپىپ تىجارىتىڭلارغا بەرىكەت ياغسۇن!

مەقسەتتە، مەن بىر ئاددى تىجارەتچى. بىراق ئۇزۇندىن بۇيان مۇشۇ ئاشپەزلىك ساھەسىگە قىزىقىش مەندىن كەتمىدى. قىزىقىشىمدىكى سەۋەب، ئارزۇيۇم، بازاردا ھالاللىقىدا شەك بولمىغان تاماقخانىدىن بىرنى كۆپەيتىشكە تىرىشىش. يەنە بىر سەۋەب، ئەگەر يۈرۈشسە رىزىقمۇ كەڭ بولىدىغان كەسپ.
بىراق گەپ نەق مۇشۇ يەردە. بۇكەسپنى قانداق قىلىپ ئەشۇ ئارزۇغا ۋە ئارمانغا ماس ھالدا يۈرۈشتۈرگىلى بولىدۇ؟ ئۆزۈم كەسپ ئىگىسى بولمىغان ئەھۋالدا بىر تاماقخانا ئېچىپ شۇنى ماڭدۇرغىلى بولامدۇ؟ قايسى نۇقتىلار ئەڭ مۇھىم؟ باشقۇرۇش ئۇسۇللىرى قانداق بولىدۇ؟ 60-80كۋادرات بىر يېڭى ئۇسلۇپتىكى تاماقخانىنى ماڭدۇرۇشقا(تاماقلارنىڭ تۈرى زىيادە كۆپ ئەمەس، ئاساسلىقى بىر- ئىككى تۈرنى مەسىلەن يا سۇيۇق سەلەڭ تۇرى ياكى گۈرۈچ ، ياكى گۆش تۈرى دىگەندەك بولغاندا ) ئۇباشتىن بۇ باشقىچە قانچىلىك سەرمايە كېتەر؟ دىيىلىشىچە بۇ كەسپنى باشلىغۇچى ئادەم كەسپ ئىگىسى بولمىسا قەتئى قىلغىلى بولماسمىش چۈنكى ئادەم باشقۇرماق تەسمىش...؟؟؟ بۇ گەپنى ئاڭلاپ بىزنىڭ ھۈنەرۋەنلىرىمىزنىڭ ساپاسىغا ئىشەنمىگەندەكلا بىر گەپ قىلىدىكەنغۇ دەپ ئويلىغانمۇ بولدۇم بىراق ئۆزۈم قىلىپ باقمىغان كەسپ ھەققىدە ھۆكۈم قىلىشقا ئامالسىزمەن. ئەمدى مەندەك بىر ئادەم ئىشنى زادى نەدىن باشلاش كېرەك؟

قېنى كەڭ كەسپ ئىگىلىرى، ئۇستاملار، ئاشخانا ئېچىۋاتقان تورداشلارنىڭ پىكىر-نەسىھەتلىرىنى ئاڭلاپ باقساق بىرەر يەكۈن چىقار دىگەن ئۈمىدتىمەن.

سىز ئەڭ ئاۋال دۇككاننى تەييار قىلسىڭزلا سەرماينى باشقىلا سالدۇ ئۇن ياغ دىگەنلەرنى دۇككان بولسىلا ئۆزى كىلدۇ باشقۇرۇش مۇ  تەس ئەمەس بۇنىڭغا سەمەتجان ئۇستام ئالاھىدە يول كۆرسىتىپ قويدۇ ھەم باشقۇرۇش تاكتىكىسىنى ئۈگتىپ قويدۇ ئاشپەزلىرىڭز بولسا لەغمەن پولو سۇيۇق سەلەڭ ھەممىنى چىقارسىڭىزمۇ بولدۇ ،ياخشى قىپسىز ئۇيغۇر ئاشخانىلىرى قانچە كۆپ ئېچىلسا شۇنچە ياخشى.

رەھمەت، ئاشپەزلەرنى چۇشۇنىدىغاندەكلا قىلىسىز . ئۆزىڭىز نەدىن .ئالاقىلىش نۇمۇرىڭىزنى قالدۇرۇڭ .
ھازىرقى شارائىتقا نىسپەتەن 70كۇۋادىرات مىتىر دۇكانلارغا نىسپەتەن مىللى چە تاماقلارنى   شۇبىھدىن خالى چىقىرىدىغان ئاشپەز لەر ھەقىقەتەنمۇ ئاز .
ئاندىن مەبلەغ مەسىلىسى گە كەلسەك يانچۇق چۇقۇراق بولسا بەكرەك ،يانچۇق كىچىكرەك بولسا ئازراق ،سالساق بولدۇ .ئۇ ئۆزىڭىزگە باغلىق .
باشقۇرۇش ئۇسۇلى .ئاشپەزلەرگە مۇئاش ۋاقتىدا بىرىلسە .ئىنىق ئىككىلى تەرەپ ئەمەل قىلىدىغان  مۇقۇم تۇزۇم بولسا ،ئاشپەزلەرنىڭ ئارام ئىلىش ۋاقتى جايدا بولسا .ئىككى تەرەپ ئوتتۇردا كىبىر لىك بولمىسا بولدۇ .
بۇ يىمەك -ئىچمەك تىجارىتى  تاڭسىڭنىڭ 4شاگىرتىنى ئىلىپ نومغا بارغاندەكلا ئىش ،تاڭسىڭ ئوبرازى يەردىكى ھىچ ئىش قىلالمايدىغان قۇرۇتنىڭ ئوبرازى .نىمە ئۇچۇن شۇنچە مۇشكۇلاتلارنى بىسىپ ،ئەڭ ئەسكى ،كەپسىز 4ئادەمنى ئىلىپ ھەممىنى يىڭىپ ،ھەممنى قايىل قىلىپ نومنى ئەكىلەلەيدۇ ،مۇشۇنى چۇشۇنۇپ چوڭقۇر ئويلىيالىساقلا ئەنسىرەشنىڭ ئورنى يۇق .باشقا كەلگەندە باتۇر
ئەمدىكى مەسىلە سىز قىلىدىغان يىمەك -ئىچمەك تىجارىتىگە تۇتۇش قىلدىغىنىڭىز ياىشى بىر ئۇسۇل بوپتۇ . مەن قوللايمەن .قەشقەر تەرەپتە بولسىڭىز ھەمكارلىشايلى .
مەندە سز دىگەن تۇرلەر تولۇق بار ،( ھالاللىقنى كۆزلەپ  .ھەق يولدا ماڭالىساقلا ياراتقۇچى يوللىرىمىزنى داغدام ،ئوچۇق قىلىدۇ )
1287992654    

ماڭا ئىنكاس قالدۇرغان ئۈستىدىكى تورداشلارغا كۆپ تەشەككۈر. سەمىمىي مەسلىھەتلىرىڭلارغا جاۋاب قايتا  يازىمەن.
ھازىر يەنىمۇ كۆپلىگەن تورداشلارنىڭ، ئۇستام، ۋە ئاشخانا ئاچقۇچىلارنىڭ پىكىرلىرىنى ئاڭلاپ بېقىپ ئاندىن بىر يەكۈنگە كەلسەم دەيمەن.
ھە راست بۇ كەسپنى قىلسام ئۈرۈمچىدە قىلىمەن.

مىنىڭچە تەۋەككۈل قىلماي تۇرۇپ،ئارتۇقچە ئەنىسىرەش جۈرئەتسىزلىك.تىجارەتچىلەرنىڭ ھەممىسىلا كەسىپ ئەھلى ئەمەس،قىلىشنى ئويلىغان ئىكەنسىز جۈرئەت قىلىشنىمۇ بىلىشىڭىز كىرەك!ھەممە كەمچىللىك بارا-بارا تۇلۇقلىنىپ ماڭىدۇ،جۈرئەتسىزلىك،تەۋەككۈل قىلىشتىن قورقۇش ئەڭ چوڭ يۇقۇتۇش.بۇبىز،ئۇيغۇرلاردىكى ساقلىنىپ قېلىۋاتقان ئەڭ چوڭ كەمچىللىك.تەۋەككۈل قىلماي قورۇققاندىن،دادىل يۈزلۈنۈپ زىيان تارتقانلىق بىزنى يېڭى ھاياتقا قەدەم قۇيۇشقا يول ھازىرلاپ بىرىدۇ،ئەڭ ياخشىسى ئۆزىڭىزگە ئىشىنىڭ ئىشەنچ سىزنىڭ غەلبىڭىز!!!

ھەر قانداق ئىشنى قىلىپ باقماي تۇرۇپ بىلگىلى بولمايدۇ، باشقىلارغا تەس بولغان ئىش سىزگە ئاسان بوپ قېلىشىمۇ مۇمكىن.

راست ئاشخانىنى نەدىراق ئاچماقچى؟ ئورنىڭىزدا مەن بولغان بولسام خۇرۇچلىرى ئىشەنچىلىكىراق بولدىغان ئۆي تائاملىرىنى ئويلىشاتتىم،يەنە چېيى قىززىق تەملىك بولسا...ھى ھى ھى ئىش باشلاپ قالسىڭىز خەۋەر بېرىۋىتىڭ باھالىغىلى بارىمىز.

قىممەتلىك تەكلىپىڭىزگە رەھمەت شەھلا! ئاللاھ خالىسا ئورنۇم ئۈرۈمچى بولىدۇ، ئىش باشلىسام خەۋەر بېرىمەن.
مەسلىھەتلىك ئىش بۇزۇلماس دەپتىكەن ، مەسلىھەتلىرىڭلارنى ئايىمىغايسىلەر. كەسپىرەك مەسلىھەت بەرسەڭلار

قېنى ئەمسە كەسپى مەسلىھەتنى باشلاپ كېتەيلى!

مېنىڭ ئاتام زىيالىسىمان ئاشپەز ئىدى، ئائىلەممۇ ئۈرۈمچىدە ئەڭ دەستلەپتە ئاشخانا ئېچىپ يول تاپقانلاردىن، شۇڭا سىزگە كەسپىراق مەسلىھەت بېرەلەيدىغانلىقىمغا ئىشىنىمەن.

ئاشخانا ئېچىش ئۈچۈن مەلۇم مىقداردا مەبلەغ كېتىدۇ، كۆپ بولسا ئوشۇقلۇق قىلمايدۇ، ئاز بولسىمۇ بەك ئاھ ئۇرۇپ كەتمەڭ! ئاز يەپ ئاسان تىرىل دەپ قويدىغان  گەپلىرىمىز بار ئەمەسمۇ، چامىڭىزنىڭ يېتىشىچە ئىش باشلاڭ، ئىشنى چوڭ قىلىمەن دەپ قەرىزگە بۇغۇلۇپ قېلىشتىن ئامال بار ساقلىنىڭ!
مەن سىزنى بەك چوڭ تېز تاماقخانا ئاچىدۇ دەپ قارىمىدى، كىچىكىرەك ئارامبەخىش غىزالىنىدىغان ئۇماق ئاشخانانىدىن بىرنى بەرپا قىلماقچى دەپ پەرەز قىلىپ تۇرۇپ سىز ئۈچۈن باش قاتۇرۋاتىمەن.