ئانا (ئائىشە.شىرىن ) [ئادىرسىنى كۇچۇرۇش]

ئانام ئۈچۈن داستان يازسام تۈگىمەس ،
ئانام ئۈچۈن شىئىرمۇ ھەم ئاز كىلۇر .
ئانام ئۈچۈن بۇلبۇل بولاي ناخشىدا ،
ئانام ئۈچۈن پەرىشتىمۇ باش ئىگۇر .

تۇغۇلۇپلا چىقتى تىلىم ئانا دەپ ،
يىقىلساممۇ يىغلار ئىدىم ئانا دەپ .
خۇشال بولسام كۈلۈر ئىدى جان ئانام ،
ئازابىمغا غەمگۈزارىم جان ئانام .

يەسلىيلەرگە ئاپىراتتى جان ئانام ،
كەچتە يەنە ئەكىلەتتى جان ئانام .
ھىرىپ قالسام ئۈندىمەستىن بەزىدە،
يۈدۈپ مىڭىپ خۇش بولاتتى جان ئانام .


ئۇنى تاشلاپ كەتسەم ئالىي مەكتەپكە ،
دۇئا قىلار ھەر نامازدا جان ئانام .
خاتىرجەملىك -ئامانلىقنى تىلەيىتتى ،
پەرزەنت ئۈچۈن ئىچ -باغرى خۇن جان ئانام .

بىر قولىدا تەۋەتكەندەك بۆشۈكنى ،
بىر قولىدا تەۋىتەركەن دۇنيانى .
ئانام  بىغىم،ئانام تېغىم بولغاچقا ،
كۆرەلىدىم باياشات بۇ دۇنيانى .

قەدىرلەيمەن جىنىم ئانا بىر ئۆمۈر ،
ماڭا بەرگەن ئاق سۈتۈڭنىڭ ئەجرىنى .
تىلىكىم شۇ دۇئايىڭنى ئېلىشتۇر ،
ئادا قىلاي ئۆز بۇرچۇمنى ، قەرزىمنى .


ئانا ئۈچۈن دەل-دەرەخلەر قەلەمدۇر ،
سىياھ بولار ئانا ئۈچۈن دەريالار .
پۈتۈن ئالەم ئانا ئۈچۈن تەسسەددۇق ،
بۇ دۇنيادا ئانىلار ئەڭ ئۇلۇغدۇر .

بىلىڭ دوستلار قەدىرلەيلى ئانىنى ،
ئۇنۇتمايلى بىزگە قىلغان ئەجرىنى .
ئادا قىلىپ پەرزەتلىكمىز بۇرچىنى ،
ئالايلى تەڭ ئۇلارنىڭ شۇ دۇئاسىنى .




مەنبە : ئائىشە (شىرىن )

تىمىنى بىزەپ قويساڭلار .