كۇچا سۇيۇقئېشى (تاڭمەن)
خام ماتىريالى: ئۇن ، گۆش ، دۈمبە ياغ، غولپىياز، سامساق ،پەمىدۇر، پالەك شولتا،(پىڭخۇي)
تەم خۇرۇچلىرى:تۇز، كاۋاۋىچىن،زەنجىۋىل، قارىمۇچ،ئاچچقسۇ.
تەييارلاش ئۇسۇلى:خېمىرنى ئېتىنى نۇرمال قىلىپ خېمىر يۇغۇرۋالىمىز.
قازانغا سۇ قۇيۇپ قوينىڭ سوڭەكلىرىنى چېقىپ،بىرجىڭ ئەتىراپىدا پۇتۇن گۆشنى سۇغا سېلىپ قاينىغاندە كۇپۇكلىرىنى ئېلىپ بوش ئوتتا قاينىتىپ گۆشنى سۇزۋالىمىز،سوڭەك قانچە ئۇزۇن قاينىسا شۇنچە ياخشى . گۆش پىشۇرۇلۇپ يالپاغداپ توغراپ قويۇلىدۇ، شورپا قايناپ تۇرىدۇ.
دومبە ياغ ئۇششاق توغرۇلۇپ قازانغا سېلىپ كۆيدۇرۇپ چىگدەكلىرى سۇزۋېلىنىپ.ياغقا غولپىياز قىزىلمۇچ ئۇنى سامساق سېلىپ ئازراق قورۇپ بىر قاچىغا ئېلىپ قۇيىمىز.
چۆپىنى پىشۇرۇش ئۇسۇلى :قازانغا كۆپرەك سۇ قۇيۇپ قاينىشىغا ئۇلگۇرتۇپ خېمىرغا شولتا(پىڭخۇي)بىرىپ ئىشلەپ ئىككى قولىمىزغا ئېلىپ بىر ئوڭ بىر سول چۇرۇپ خېمىرنى تەڭشەيمىز.ئاندىن ئاشتاختا ئۇستىگە ئېلىپ تەكشى يۇمىلىتىپ.ئۇستىگە ئۇن چېچىپ تارتىپ تەكرار تارتىش ئارقىلىلىق ئىنچىكىلىتىمىز .ھەر بىر قېتىم تەكرارلىغاندا ئۇن چېچىپ تۇرىمىز.تەكشى ئىنچىكە بولغاندا قايناۋاتقان قازانغا سېلىپ 2مىنۇت ئەتىراپىدا قاينىتىپ سۇزۋېلىپ مۇزدەك سۇدا 3قېتىم چايقاپ سۇلىرىنى سارقىتىپ تەييارلاپ قۇيىمىز.
شورپىسىنى تەڭشەش:قازاندىكى سوڭەكلەرنى پاكىز سۇزىۋېتىپ ،تۇز ،زەنجىۋىل،
كاۋاۋېچىن سېلىپ تۇز تەمىنى تېتىپ پەمىدۇر ،سامساق،غولپىيازلارنى سېلىپ ،ئاندىن تەييارلاپ قۇيۇلغان دومبە ياغدىن مۇۋاپىق سېلىپ ،ئازراق ئاچچىسۇ قۇيۇپ تەڭشەيمىز.
تەييارلانغان چۆپنى چىنىگە يېرىم ئېلىپ ئۇستىگە نىپىز يالپاقلانغان گوش، پالەكنى سېلىپ تەييارلانغان شورپىدا قىزىتىپ ئاندىن مۇۋاپىق شورپا قۇيۇپ ئۇستىگە قارمۇچ سىپىپ ئىستىمال قىلساق بۇلىدۇ .
ئەسكەرتىش :ئائىلىلەردە خېمىرنى چىڭراق يۇغۇرۇپ چۆپ كىسىش ماشىنىسىدا ئىنچىكە كىسىپ يۇقىرقى ئۇسۇل بۇيىچە تەييارلىساقمۇ بۇلىدۇ.
ئالاھىدىلىكى: كۇچا سۇيۇقئېشى — شورپىسى يېڭى، سۈزۈك، مەززىلىك يەرلىق ئالاھىدىلىككە ئىگە ئەنئەنىۋىي ئەتىگەنلىك تائاملارنىڭ بىرى بولۇپ، يوتازا ياكى كىچىك بولاق مانتا بىلەن قوشۇپ ئىستېمال قىلىنىدۇ.
كۇچا سۇيۇق ئېشى 2011-شىنجاڭنىڭ كۇندىلىك داڭلىق يىمەكلىكى بۇلۇپ باھالانغان
