قىزىل مۇچ قىيامى [ئادىرسىنى كۇچۇرۇش]

  زىننۇرە دوستىمىز بۇ توغرىسىدا مەسلىھەت سوراپتىكەن، شۇڭا مەن ئۆزۈم تەييارلىغان قىزىل مۇچ قىيامىنىڭ جەريانىنى تورداشلىرىمغا سۇنغۇم كەلدى.
  مەن ھويلىدىكى تازا قىزارغان ھەم ئوخشىغان لازىلىرىمنى ئۈزۈپ كىلىپ ساپىقىنى ئالماي تۇرۇپ پاكىز يۇيدۇم، ئاندىن كىيىن قىزىل مۇچلارنىڭ ساپىقىنى ئىلىۋىتىپ كۈن چۈشىدىغان جايغا دەستىرخاننى سىلىپ يايدىم. يىرىم كۈن ئەتىراپىدا ئاپتاپتا قۇرۇتتۇم. بۇنداق قىلغاندا مۇچ ئەزگەندە سۈيى جىق چىقىپ كەتمەيدىكەن.
  چۈشتىن كىيىن ئولتۇرۇپ بارلىق قىزىل مۇچلارنى توغراش ماشىنىسىدا توغرىدىم. ئاندىن قازانغا تۆكۈپ تىتىغۇدەك تۇز سىلىپ سۈيى تۈگىگىچە قايناتتىم.
  سامساق ۋە زەنجىۋىلدىن مۇۋاپىق مىقتاردا توغراش ماشىنىسىدا توغرىۋالدىم.  قويۇق ھالەتكە كەلگەن قىزىل مۇچلارنى چوڭ جاۋۇرغا تۆكۈپ سامساق ۋە زەنجىۋىلنى ئارلاشتۇرۇپ يۈزىگە ئەينەك ياكى داكا يىپىپ ئاپتاپ چۈشىدىغان يەرگە قويۇپ قالغىنىنى ئاپتاپتا پىشۇردۇم. كىيىن ئەينەك قاچىلارغا ئىلىپ يۈزىگە چۈچىگەن مايدىن مۇۋاپىق قويۇپ كۈن نۇرى چۈشمەيدىغان جايغا قويۇپ قويدۇم.
  مىنىڭ قىشلىق پەمىدۇر ۋە مۇچ قىياملىرىم تەييارلاندى، مەن ئەمدى قىشتىمۇ ھويلامنىڭ تەبىئى مەھسۇلاتلىرىدا ئىتىلگەن لەغمەننى يىيەلەيدىغان بولدۇم.
  ئەگەر خالىسىڭىز مىھمان بولۇپ كىتەرسىز.

مەنمۇ تەييارلاپ باقايچۇ

مەنمۇ سىناپ باقسام بولغىدەك ،تېمىڭىزغا رەھمەت.

    

مەنمۇ تەييارلاپ باقايچۇ

چۈچىتىلگەن ماي قۇيغاندا، قىيام يۈزىنىڭ بۇزۇلۇپ قىلىشنىڭ ئالدىنى ئالىدۇ.

مەن قالغان ئۇسۇل بۇيىچە بۇرۇنمۇ سىناپ كۆرگەن، لىكىن يۇقارقى تەييارلاش ئۇسۇلىدا چۈچىتىلگەن ياغ قۇيىمىز دەپتۇ ، بۇمۇ بىر خىل تەييارلاش ئۇسۇلى بولسا كېرەك ، ياخشىسى مەنمۇ ئەمىليەتتە سىناپ كۈرەي جۇمۇ يۇقارقى تەييارلاش ئۇسۇلى بۇيىچە .

تولىمۇ تەپسىلى يوللاپسىز،ئەتىرگۈل
ماڭا مۇشۇئۇسۇلىڭىزلا كۇپايە بولدى،رەھمەت سىزگە.....

يەنە قانداق قىياملار كىرەك؟؟؟؟؟؟؟؟