مۇسۇلمان ئايال نىڭ كيىمى [ئادىرسىنى كۇچۇرۇش]

ئىسلام ئاياللارغا ئىچىدىكى جىسمىنى كۆرسىتىدىغان، خۇسۇسەن بەل، مەيدە ۋە ساغرىغا ئوخشاش جەلب قىلش ئورۇنلرىنى ھەجىم ۋە شەكىل جەھەتتىن مەلۇم قىلىدىغان دەرىجىدە نېپىز، تار كىيىم - كېچەكلەرنى كېيىشنى ھارام قىلدى.
ھەزرىتى ئەبۇ ھۇرەيرە دېدى: پەيغەمبەر ئەلەيھىسسالام مۇنداق دېگەن:
<< جەھەننەم ئەھلىدىن ئىككى تۈرلۈك ئىنسانلار باردۇركى، ئۇلارنى (ھاياتىمدا) كۆرمەيمەن. بىرىنچىسى: قوللىرىدىكى كالا قۇيرىقىدەك قامچىلار بىلەن كىشلەرنى ناھەق ئۇرىدىغانلار (بۇ مىللەتلەرنىڭ دۈشمىنى - زالىم ھۆكۈمرانلارغا ئىشارەت)، ئىككىنچىسى بولسا: شۇنداق ئاياللاردۇركى، كىيىم كەيگەن بىلەن يەنىلا يالىڭاچ، ئەرلەرگە مايىل، زىننەتلىرىنى كۆرسىتىش ئارقىلىق ئەرلەرنى ئۆزلىرىگە جەلب قىلىدۇ، باشلىرى خۇددى تۆگىنىڭ سىڭايان لوكىسىغا ئوخشايدۇ، بۇنداق ئاياللار جەننەتكە كىرمەيدۇ، پۇرىقىنىمۇ پۇرىيالمايدۇ، ھالبۇكى جەننەتنىڭ پۇرىقى ناھايىتى ئۇزاق يەرلەرگىچە بارىدۇ >>.
ھەدىستە سۈپەتلەنگەن ئاياللارنىڭ ئۈستىدە كىيىم بولغانلىقى ئۈچۈن كېيىنگەن ھېسابتا بولسىمۇ، ئۇلار يەنىلا يالىڭاچ، چۈنكى ئۇلارنىڭ كىيىملىرى نېپىزلىكىدىن ۋە تارلىقىدىن خۇددى دەۋرىمىزدىكى كۆپىنچە ئاياللارنىڭ كىيىملىرىدەك ئىچىدىكىنى كۆرسىتىپ تۇرىدۇ.
پەيغەمبەر ئەلەيھىسسالام دەۋرىمىزدىكى ئاياللارنىڭ بېشىنى تۆگىنىڭ سىڭايان لوكىسىغا ئوخشاتقان، چۈنكى ئۇلار چاچلىرىنى بېشىنىڭ ئوتتۇرىسىغا توپلىۋېلىپ، باشلىرىنى تۆگە لوكىسىدەك كۆتۈرىۋالىدۇ. پەيغەمبەر ئەلەيھىسسالام بۇ سۆزىنى خۇددى غەيب ئالەمنىڭ بىلىنمىگەن سىرلىق پەردىسىنى قايرىپ، بىز ياشاۋاتقان دەۋرگە قاراپ تۇرۇپ ئېيتقاندەك ئىدى. ھازىرقى دەۋرىمىز شۇنداق بىر دەۋركى ئاياللارنىڭ چېچىنى گۈزەللەشتۈرۈش، بوياش ۋە شەكىل پەيدا قىلىش ئۈچۈن ئەرلەر ئىشلەيدىغان مەخسۇس ساتىراشخانىلار پەيدا بولماقتا، بۇنىڭ بىلەن كۇپايە قىلماي نۇرغۇن ئاياللار ئۆزلىرىگە بېرىلگەن تەبىئىي چاچلىرىغا قانائەت قىلماي تېخىمۇ گۈزەل كۆرۈنۈش ئۈچۈن، تېخىمۇ يۇمشاق، تېخىمۇ پارقىراق ۋە تېخىمۇ گۈزەل سۈنئىي چاچلارنى سېتىۋېلىپ، چاچلىرىغا ئۇلىماقتا.
ئەجەبلىنەرلىكى شۇكى، بۇ ھەدىس سىياسىي زۇلۇمنى ئەخلاقىي چىرىكلىشىشكە باغلىغان، ئەمەلىيەتمۇ بۇنىڭ توغرىلىقىنى ئىسپاتلىماقتا، چۈنكى زالىم ھۆكۈمرانلار ۋە مۇستەبىتلەر چوڭ مەسلىلەرنى كۈزىتىش ۋە ئويلىنىشقا پۇرسەت بەرمەسلىك ئۈچۈن خەلق ئاممىسىنى شەخسىي مەنپەئەت ۋە شەھۋانىي ئارزۇ - ھەۋەسلەر بىلەن مەشغۇل قىلىدۇ

ئەسسالامۇ  ئەلەيكۇم ، توردىشىمىز  توختىقارى ، ھەجەپمۇ  ئوبدان  تىما  يوللاپسىز ، بۇ  قۇتلۇق  كۈنلەردە  شۇ  جۈپ  قوللىرىڭىز  كۆپ  ساۋاپقا  ئېرىشكەي .

yahxitimayollapsiz

ھـەقىقەتەن ياخشى تىمىكەن قۇلىڭىزغا دەرت بەرمىسۇن .

رەخەەـ سىلەرگە

ھەقىقەتەن ھەربىر مۇسلىمەلەرنىڭ بىلىۋېلىشىغا ۋە ئەمەل قىلىشىغا تېگىشلىك ياخشى تېما يوللاپسىز.
يوللىغان تېمىڭىز ئەل ئىچىدە تەسىر كۆرسىتىپ ئۇمۇملاشقاي،ئنشائاللا

ئەسسالامۇ ئەلەيكۇم ياخشى تىما يوللاپسىز رەھمەت  ئاللاھ ھەممە ھەمشىرلىرىمىزنى بۇھەدىسگە ئەمەل قىلىدىغان سالىھ مۇسلىمەلەردىن قىلسۇن (ئامىن )

مەن مانا مۇشۇنداق بىلىملەرنى ئۇگۇنۇشنى بەكمۇ خالايتىم.رەخمەت سىزگە!!!

تىمىڭزغا كۆپ رەخمەت ..

ئاللا ھىكمەت بىلەن ئىش قىلغۇچىدۇر، گۇناھكارلارنى جازالاشقا ئالدىراپ كەتمەيدۇ. تەۋبە قوبۇل قىلىنمايدىغان كۈن(قىيامەت)كىلىشتىن بۇرۇن ھەممىمىز تەۋبىگە ئالدىرايلى!