ئائىلىدە پىتىر مانتا ئېتىش ئۇسۇلى [ئۇلىنىشنى كوپىيەلەش]

كېتىدىغان ماتېرىياللار: ئاق ئۇن يېتەرلىك مىقداردا، مايلىق لوق گۆش يېتەرلىك مىقداردا، قارىمۇچ، تۇز.
قەدەم باسقۇچلار: خېمىرنىڭ تۇزىنى سەل ئۆتكۈزۈپ چىڭ قىلىپ پىتىر خېمىر يۇغۇرىمىز. خېمىر تىنغۇچە ئاۋۋال پىيازنى قىيما قىلىپ توغرايمىز. دىققەت بەك ئۇششاق چانىۋەتمەڭ، بولمىسا مانتا تەمسىز چىقىپ قالىدۇ. پىيازنىڭ تەمىنىمۇ تېتىپ يېسە پىتىر مانتا تەملىك بولىدۇ. پىيازنىڭ ئۈستىگە تۇز سېپىپ ياخشى ئارىلاشتۇرۇپ ئېلىپ قويىمىز، ئاندىن گۆشنى قىيما قىلىمىز. گۆشنى نېپىز يالپاقلاپ قوناقتەك چوڭلۇقتا توغرىسىڭىز ياخشى بولىدۇ. بەك ئۇششاق قىيما قىلىۋەتسىڭىز قىيما جۇغلىشىۋېلىپ مانتا تەملىك چىقمايدۇ. گۆشنى قىيما قىلىپ بولغاندىن كېيىن، پىيازغا قارىمۇچ سېلىپ ئارىلاشتۇرۇپ، گۆشكە تۆكۈپ ئارىلاشتۇرۇپ، يېتەرلىك سۇ قۇيۇپ قىيمىنى يۇمشىتىپ  تەييار قىلىمىز. ئېسىڭىزدە بولسۇن، پىتىر مانتىنىڭ قىيمىسى سۇلۇقراق بولسا شورپىلىق ۋە تەملىك چىقىدۇ.
ئاۋۋال پىيازغا تۇز سېپىشىمىزدىكى سەۋەپ، پىياز تۇزدا يۇمشايدۇ. قارىمۇچنى بىۋاستە ئارىلاشتۇرۇلغان قىيمىغا سالساق قارىمۇچ گۆشكە چاپلىشىۋېلىپ ياخشى ئارىلاشمايدۇ.
خېمىرنى تۈگرىگە ئۈزگەن زۇۋۇلىدىن سەل چوڭراق قىلىپ زۇۋۇلا قىلىپ، نېپىز قىلىپ جىلتە ئېچىپ قىيمىنى سېلىپ تۈگۈپ، تېگى ياخشى مايلانغان قاسقاندا تېز ئوتتا 17 مىنۇت پىشۇرىمىز. 17 مىنۇتتىن جىق بولۇپ كەتسە مانتا قارا، كۆرۈمسىز چىقىۋالىدۇ. ئاز بولۇپ قالسا ئانچە ياخشى پىشمايدۇ.

تىمىڭزغا كۆپ رەخمەت  رەسىمىنىمۇ بىللە يوللىۋەتسڭزچۇ.

رەسىمىنى بىللە يوللاي دېسەم ئۇزۇن بوپتىكەن پىتىر مانتا قىلمىغىلى، قىلغاندا رەسىمگە تارتىۋالماپتىمەن. ئادەتتە يېڭى قوي ئۆلتۈرگەندە يېڭى گۆشتە قىلىشنى ياخشى كۆرىمەن. يەنە كېلىپ ئارىمىزدا پىتىر مانتىنى كۆرۈپ باقمىغانلار يوق دپ ئويلايمەن. قارىسام مۇنبەردە ساپلا يولداشلارنىڭ تاماقلىرىنى تونۇشتۇرۇۋېتىپتۇ، شۇڭا ئۆزىمىزنىڭ تائاملىرىدىنمۇ بىرەرنى قوشۇپ قوياي دەپ يوللىشىمتى.

ماڭا بىر تەخسە كەلتۇرۇڭ !

minigmu hajap yigum kap katta

قولىڭىز دەرت بەرمىسۇن

مەن بەك ياقتۇرۇپ يەيمەن . تېمىڭىزغا كۆپ رەھمەت.