<< تەنگە دەرمان نانلىرىم >> [ئادىرسىنى كۇچۇرۇش]

                < تەنگە دەرمان نانلىرىم  >

گۈل يۈزىڭدىن ئاي خىجىلدۇر تەنگە دەرمان نانلىرىم،
قىممىتىڭ زەردىن زىيادە ، لەززىتى جان نانلىرىم.

نان يېقىپ ئوتتەك تونۇرغا ئەلنى رازى ئەيلىگەچ،
ئەرزىگەي ناۋايغا، شائىر- يازسا داستان نانلىرىم.

سەن بولۇپ ئالقىشقا نائىل ھەر قېتىم يەرمەنكىدە،
خېرىدارىڭ ئەل ئارادا ئاشتى جەندان نانلىرىم.

گۆھەرى سەن شۇ جاپاكەش دىھقىنىم پاك ئەجىرىنىڭ،
چىن ھاياتلىق تۈۋرىگى سەن ، چوغدا پىشقان نانلىرىم.

ئىشتاھا بىرلە يىگەچلەر ناشتىدا ھەركىم سىنى،
سەن بىلەن ساغلام تىمەندۇر بارچە ئىنسان ، نانلىرىم.

داستىخانغا زەپ ياراشتىڭ ، شاھ سەمەندەر تاجىدەك،
قوزغىدىڭ زوقىنى شۇ دەم كەلسە مىھمان نانلىرىم.

قوشۇلۇپ ھەر خىل خۇرۇچ تەمىڭمۇ ئاشتى كۈنسىرى،
ئۇستاكارىڭغا زامانەم بەردى ئىمكان نانلىرىم.

ئەيلىگىن دۇنيادا پەرۋاز ئەي ئۇلۇغ ئۇيغۇر نېنى،
ئىنتىزاردۇر يوللىرىڭغا يەرۇ ئاسمان نانلىرىم.



ئۈرۈمچى كەچلىك گىزىتىدىن

قىزىرىپ سىڭىشىپ پىشقان نان بىلەن قىززىق چاينىڭ ھۇزۇرى پولو سامسىدىنمۇ ئارتۇق بىلىنىدۇ ماڭا..


ئالدىمدىكى گۆش نان پولو، شورپىدىن،

تاتلىق ئىدى ئانام ياققان ئاشۇ نان.

ياخشى يېزىلغان شېئىر ئىكەن

نانغا  ئەتراپلىق  تولۇق  باھا  بېرىلگەن  شېئىر  ئىكەن  ،  سىزگە  كۆپ  رەھمەت  !

        

nandimakjandimak

بىر خىل تاماقنى كۈندە يىسەك زىرىكىمىز، بىراق ناندىن زىرىكمەيمىز.