چامغۇر كۇمىلەك [ئادىرسىنى كۇچۇرۇش]

چامغۇر كۇمىلەك

ماتىرىيالى:قوناق ئۇنى1كىلوگىرام،يېڭى باشلانغان چامغۇرمۇۋاپىق مىقداردا،شوخلا 4تال،پىياز1تال،كۆكمۇچ 3تال،يەرلىك كاۋا،ئالا غورامۇۋاپىق مىقداردا،كۆك سامساق،تۇزمۇۋاپىق مىقداردا.

ئېتىش ئۇسۇلى:1.ئالدى بىلەن كۆكتاتلارنى پاكىزە ئاقلاپ يۇيۇۋالىمىز.ئاندىن پىيازنى نېپىز توغرايمىز،پەمىدۇرنى ئۇششاق چانايمىز،كۆك مۇچ،كۆك سامساقلارنىمۇ ئۇششاق چانايمىز،چامغۇرنى يۇپقا قىلىپ كۆكى بىلەن قوشۇپ توغرايمىز،كاۋىنى چاقماق قەنت شەكىلدە توغرىساق بولىدۇ.

2.قازانغا ئوت يېقىپ مۇۋاپىق مىداردا سۇ ماي قۇيۇپ قىزىغاندا توغرالغان پىيازنى سېلىپ سارغايغاندا پەمىدۇرنى سېلىپ تولۇق قورۇلغاندىن كېيىن ئاز مىقداردا تۇز سېلىپ قاچىغا ئېلىۋالىمىز.

3.قازانغا مۇۋاپىق مىقداردا سۇ قۇيۇپ ،ئازمىقداردا تۇز سېلىپ قاينىتىمىز قازان قاينىغاندا چامغۇرنى سېلىپ قاينىتىمىز ئوت كۈچى بەك كۈچلۈك بولمىسىمۇ بولىدۇ.چامغۇر يېرىم پىشقاندا ئالا غورا ۋە كاۋىنى سېلىپ بوش ئوتتا داۋاملىق قاينىتىمىز.

4.قازاندىكى ماتىرىياللار پىشقىچە داسقا ئۇننى ئېلپ تۇز قۇيۇپ يېرىم چۈمۈچ قايناقسۇ قۇيۇپ ئۇننى راسا ئىلەشتۈرۈۋېتىپ ئارقىدىن سوغۇق سۇدا يۇغۇرىمىز قوناق ئۇنى خېمىرىنى يۇغۇرغاندا دەسلىۋىدە دىسلىماي ئالقىنىمىزدا ئۈستى تەرەپكە مۇجۇپ يۇغۇرۇپ يۇغۇرۇلۇپ بولغاندا ئىككى-ئۈچ قېتىم دىسلىۋەتسەك بولىدۇ.

5.خېمىرنى يۇغۇرۇپ بولغىچە قازاندىكى ماتىرىياللارمۇ %80پىشىپ بولىدۇ،يۇغۇرۇلۇپ بولغان خېمىرنى  بەرەنگە چوڭلۇقىدا ئۈزۈپ ئالقىنىمىز بىلەن تەرخەمەكتەك ئۇزۇنچاق ھالەتكە كەلتۈرۈپ،ئەلگەككە قۇرۇق ئۇن ئېلىپ ئۈستىگە بوغۇرساق چوڭلۇقىدا ئۈزۈپ تاشلايمىز.ئاندىن ئۈستىگە قۇرۇق ئۇن سېپىپ ئەلگەكنى تاسقايمىز بۇ ۋاقىتتا ئەلگكتىكى قۇرۇق ئۇن ئەلگەك تۆشىگىدىن ئۆتۈپ كېتىپ،ئەلگەك ئىچىدىكى ئۈزۈلگەن خېمىر دۈپ-دۈگۈلەك ھالەتكە كېلىدۇ.ئەلگەك ئاستىغا گېزىت ياكى داستىخان سېلىڭ بولمىسا قۇرۇق ئۇن يەرگە چېچىلىپ كېتىدۇ.دۈگۈلەكلەرنى قازانغا ئاۋايلاپ سېلىپ بىر قايناپ چىققاندىن كېيىن ئوت كۈچىنى پەسەيتىپ بوش ئوتتا قاينىتىپ،كۆپۈكلىرىنى سۈزۈپ تۇرۇپ پىشۇرىمىز .10-15مىنۇت ئەتراپىدا قايناتساق پىشىدۇ.ئاخىرىدا كۆك سامساق ۋە كۆك مۇچلارنى سېلىپ تۇز تەمىنى تەڭشەپ قاچىلارغا ئۇسسۇمىز ھەمدە ئۈستىگە قورۇپ سارغايتىلغان پەمىدۇر قىيامىنى سېلىپ ئارىلاشتۇرۇپ ئىستىمال قىلساق بولىدۇ.

6.بۇ تاماق ئېتىش ئۇسۇلى ئاددى،چوڭ-كىچىك،قېرى-ياش ھەممەيلەنگە ياقىدۇ.ئىشتىھانى ئېچىپ ئۆپكىنى راۋانلاشتۇرۇپ،قاندىكى ماينى ئېرىتىش،قەۋزىيەتنى ئوڭشاش رولىغا ئىگە.