ئاساسى ماتىريال : يېڭى قوي قوۋرىغىسى 1 كىلوگىرام
قوشۇمچە: مايلىق يىسىۋەلەك، قىزىل گىلاس
تېتتقۇلار: تۇز، تېتتقۇ، شىكەر، جاڭيۇ، ئاچچىقسۇ، ئېچىتىلغان پۇرچاق قىيامى، پەمىدۇر قىيامى ، مۇچ قىيامى، سەككىز بۇرجەك،
كاۋاۋىچىن ، ئاقمۇچ تالقىنى، غولپىياز، سامساق، زەنجىۋىل چانالمىللىرى ، ھۆل كىراخمال، سۇ يېغى ، سۈزۈك شورپا
ئىشلەش ئۇسۇلى: ئالدى بىلەن قوۋرىغىنى بىرتالدىن ئايرىپ ئۇزۇنلىقىنى 8 سانتا قىلىپ 8 ياكى 10 پارچە چانىۋېلىپ قالغان قىسمىنى
ياڭاق چوڭلىغىدا پارچىلاپ تەييارلايمىزدە بىر قاچىغا سېلىپ تۇز، تېتتقۇ، جاڭيۇ ، كاۋاۋىچىن تالقىنى، زەنجىۋىل سۈيى بىرىپ تەملەندۈرىمىز،
قازانغا ماي ئېسىپ 4-5 دەرىجە قىزىغاندا قوۋرىغىنى سېلىپ ئالدىرىماي سىڭىشتۇرۇپ پىشۇرۇپ سۈزىۋالىمىزدە
قازاندا ئاز ماي قالدۇرۇپ غولپىياز، سامساق، زەجىۋىل چانالمىلىرىنى پەمىدۇر، مۇچ، ئېچىتىلغان پۇرچاق قىياملىرىدىن بىر قوشۇقتىن يەنە
سەككىز بۇرجەكنى سېلىپ قورۇپ پۇراق چىققاندا قورۇما چۆمىچىدە 3 چۆمۈچ سۈزۈك شورپا قۇيۇپ ، تۇز ، كاۋاۋىچىن ، ئاقمۇچ تالقىنى جاڭيۇ بىرىپ
قاينىغاندا قوۋرىغىنى سېلىپ پەس ئوتتا دۈملەپ قويىمىز ،
قوۋرىغا دۈملەنگىچە مايلىق يىسىۋەلەكنى پاكىز يۇيۇپ تازلاپ قايناقسۇدىن ئۆتكىزىۋالىمىز 5 تال گىلاسنى ئوتتۇردىن يېرىپ 10 پارچە قىلىپ تەييارلىۋالىمىز
قوۋرىغا دۈملىنىپ پىشتى دەپ پەرەز قىلغاندا ، گۆشنى ئايرىم بىر قاچىغا ئىلغاپ ، شورپىسىنى بىر قاچىغا تۆكۈپ قايتىدىن ئىنچىكە سۈزگۈش چويلىغا تۇتۇپ قازانغا
تۆكىمىزدە قوۋرىغىلارنى سېلىپ ئوتنى كۆتۈرۈپ قاينىتىپ . تېتتقۇ، شىكەر ، ئاچچىقسۇ بىرىپ تەمىنى تەڭشەپ كىراخمال بىرىپ قويۇلدۇرۇپ پارقىراق ماي بىرىپ
پارقىرىتىپ . تۈزىرەك تەخسىگە ئۇزۇن چانىۋالغان قوۋرىغىدىن بىرتال قوۋرىغا بىرتال مايلىق يىسىۋەلەك قىلىپ ئايلاندۇرۇپ تىزىپ قالغان قوۋرىغىنى
ئوتتۇرسىغا ئاۋايلاپ ئۇسۇپ ، ھەر بىر يىسىۋەلەكنىڭ بېشىغا بىر پارچە گىلاس قويۇپ بىزەيمىزدە
10 مىنۇت ھوزۇرلىنىپ قاراپ ئولتۇرىۋىتىپ ئاندىن ئىستىمال قىلىمىز
ئالاھىدىلىكى : رەڭگى قىزىل پارقىراق ، مىزىلىك كۆركەم
ئەسكەرتىش: شورپىسىنى قاچىغا تۆكۈپ قايتا سۈزگۈچ تۇتۇپ قازانغا سۈزۈپ قۇيۇشتا مەخسەت
1- قورۇمىنىڭ سۈپىتىنى ئاشۇرۇش
2- دورا -دەرمەكلەرنى چاينىۋېلىشتىن ساقلىنىش ئۈچۈن
پايدىلىنىڭ ئەمما ئۆز ئالدىڭىزغا ئىسىم قويۇپ ئالاھىدە قورىما قىلىۋېلىشقا رۇخسەت يوق
