مۇچ تەملىك قوۋۇرغا گۆش




ماتىرىيالى: سېمىز قوينىڭ قوۋۇرغا گۆشى، تۇخۇم، سۇماي، ئۇن قاتارلىقلار ئىھتىياجىغا قاراپ.
تەم تېتىتقۇلىرى: تۇز، ئاقمۇچ، قىزىلمۇچ ئۇۋىقى، جىياڭيۇ قاتارلىقلار مۇۋاپىق مىقداردا.
تەييارلاش ئۇسۇلى:
    1. قوينىڭ قوۋۇرغا گۆشىنى بىر تال-بىرتالدىن گۆشى بىلەن تەكشى تىلىپ، 3-4 سانتىمىتىر ئۇزۇنلۇقتا چاناپ، قايناۋاتقان قازانغا سېلىپ 7 ئۈلۈش پىشقاندا سۈزۈۋېلىپ، دەرھال ئازراق جىياڭيۇ تېمىتىپ ئارىلاشتۇرۇپ قويىمىز.
    2 . گۆش سوۋۇغاندا تۇخۇمنى چېقىپ گۆشكە تەكشى ئارىلاشتۇرۇپ، ئازراق تۇز، قۇرۇق ئۇن سېپىپ تەييارلايمىز.
    3. ساپلىققا ماي قۇيۇپ 7-دەرىجىدە قىزىتىپ،  قوۋۇرغا گۆشنى سېلىپ تەكشى ئارىلاشتۇرۇپ سېرىق رەڭگە كىرگەندەسۈزۈپ ئېلىپ، تۇز، ئاقمۇچ، قىزىلمۇچ ئۇۋىقى سېپىپ ئارىلاشتۇرۇپ تەخسىگە ئۇسىمىز.
ئالاھىدىلىكى:  قوۋۇرغا گۆشىنىڭ رەڭگى توق سېرىق،پوستى چۈرۈك، گۆشى يۇمشاق، تۇزى تېتىغان، خۇشبۇي، ئاچچىق بۇلۇپ، سورۇنغا ئالاھىدە ھوزۇر بېغىشلايدۇ.

رەسىملىك قىلىۋەتسىڭىز تېخىمۇ پەچەت بولاركەن

شەخلا ئاشپەزلىكە خىلى ئۇستا بۇلۇپ قاپىسز جۇمۇ

  ئىسىل تىما ئېكەن .

بۇ خىل قورۇش ئۇسۇلىنىمۇ ئۈگىنىۋالدىم، سىناپ باقسام بولغۇدەك، رەھمەت!