ئاق نانلىق قوي گۆشى توغرامچە قورىمىسى



خۇرۇچلىرى:  قوينىڭ سۆڭەكلىك گۆشى 1500 گىرام، پىياز 100 گىرام، شاكال بەدىيان بەش تال، زەنجىۋىل پارچىسى تۆت تال، كاۋاۋىچىن ئالتە تال، ئاق نان بىر دانە، جىياڭيۇ ئازراق، سوقۇلغان زىرە، تېتىتقۇ، يۇمغاقسۈت،تۇز مۇۋاپىق مىقداردا، ئاق شىكەر 30 گىرام،ئۆسۈملۈك يېغى 40 گىرام.
ئېتىش ئۇسۇلى:
  1 . سۆڭەكلىك گۆشنى ياڭاق چوڭلۇقىدا ئوخشاش پارچىلايمىز. پىيازنى نېپىز يالپاق توغرايمىز. يۇمغاقسۈتنى كالتە-كالتە توغراپ تەييارلاپ قويىمىز.
  2.قازانغا چۈچۈتۈلگەن ياغ قۇيۇپ، قىزىغاندا ئاق شىكەر سېلىپ، قوچۇپ كۆپۈك چىققاندا گۆشنى سېلىپ قورۇپ، رەڭگى تولۇق قىزارغاندا، ئۈستىگە پىياز، خام زەنجىۋىل، كاۋاۋېچىن، شاكال بەدىيان سېلىپ، پەس ئوت كۈچىدە قورۇپ،ئاندىن گۆشكە چىلاشقۇدەك سۇ قۇيۇپ ۋە دۈملەپ، گۆش سۆڭىكىدىن ئايرىلغۇچە يۇمشاق پىشۇرىمىز.
  3.ئاق ناننى سەككىز پارچە كېسىپ، چوڭ تەخسىگە قويۇپ، چۆرىسىنى زىننەتلەيمىز. قازاندىكى قورۇما پىشقاندا، تۇز تەمىنى تەڭشەپ، ئۈستىگە تېتىتقۇ، سوقۇلغان زىرە سېپىپ، ئارىلاشتۇرۇپ، ناننىڭ ئۈستىگە مۇۋاپىق مىقداردىكى شورپىسى بىلەن ئۇسۇپ، ئازراق يۇمغاقسۈت سېپىپ، مىھمان ئالدىغا ئەكىلىمىز.
ئالاھىدىلىكى:  شەكلى كۆركەم، گۆشى يۇمشاق، مەززىلىك، ئاق نان بىلەن بىللە ئىستىمال قىلىنىدۇ.، يىيىشلىك ، زىياپەتلەردە ئالاھىدە تەييارلىنىدۇ.

مەنبە:  «ئۇيغۇر تائاملىرى ۋە قورۇمىلىرى»

رەھمەت .ماڭا بىر قاچا ئۇسۇڭا ئىسسىقىدا

مەن  سىناپ   باققانتىم  خېلى   ئوخشاپتۇ  ،  لىكىن  مۇشۇ  ناننى  8   پارچە  قىلالمىدىم  .   ناننى   كەسسەم    باشقا   يەردىن   دەز  كېتىپ  پەقەت    بولمىدى  

نەقىل

بۇ مەزمون2قەۋەتتىكىئەلىفنىڭ2011-10-17 16:34دە يوللىغان يازمىسى  :
مەن  سىناپ   باققانتىم  خېلى   ئوخشاپتۇ  ،  لىكىن  مۇشۇ  ناننى  8   پارچە  قىلالمىدىم  .   ناننى   كەسسەم    باشقا   يەردىن   دەز  كېتىپ  پەقەت    بولمىدى  

بۇنىڭغا يۇمشاق ئاقنان بولسا دەز كەتمەي كەسكىلى بولىۇدۇ، شۇڭا كۆپۈنچە بازارنىڭ ئاق نېنى تەييارلايمىز.
سىە مايلىق توقاچ، سۈتلۈك توقاچلارنى كەسكەن ئوخشايسىز.