1. خوتۇنى بىر كىچە ئۇخلىمىدى. ئەتىسى، ئۇ خۇسۇسى رازۋىتچىك ئەترىتىگە كىلىپ ، ئىككى مىڭ سوم خەجلەپ، رازۋىتچىك ياللاپ، تاپتىن چىققان ئىرىگە ئائىت ئىسپات ماتىرياللارنى توپلىدى. بىر ھەپتىدىن كىيىن ئېرى سوتنىڭ چاقىرىق قەغىزىنى تاپشۇرىۋالدى، خوتۇنى ئاجرىشىش توغرىلىق ئېرى ئۈستىدىن ئەرز قىلغانىدى، ئاخىرىدا ئېرى گۇناھكار ھىساپلىنىپ، ئۆي ، ئائىلە سايمانلىرىنىڭ ھەممىسى خوتۇنىغا بۇيرۇپ بىرىلدى .
مانا بۇ بېيجىڭلىق خوتۇن   
     2 . خوتۇنى بىر كىچە ئۇخلىمىدى. ئەتىسى ئەتىگەندە ، ئۇ ساتراشخانىغا بېرىپ چىچىنى بۈدۈر قىلدۇردى ، چۈشتىن كىيىن ، ھۆسنىخانىغا بېرىپ يۈزىنى تازلىتىپ قايتقاچ، ماگازىندىن چىرايلىق ئىچ كىيىم سىتىۋالدى . كەچتە ئوبدان تاماق ئەتتى ، بۈگۈن جەمئى 400 سوم خەجلىدى . ئېرى كەچتە ئۆيگە قايتىپ كىلىپ ، خوتۇنىنىڭ گۈزەل ،جەلىپكار ھالىتىنى كۆرۈپ ،ھەيران بولغىنىدىن ئاغزى ئىچىلىپلا قالدى .ئۇ ئۆزىنىڭ كۆزىدىن گۇمان قىلدى ھەمدە بۇندىن كىيىن خوتۇنىدىن بىر ئۆمۈر ئايرىلمايدىغانلىقىغا قەسەم قىلدى. بىر ھەپتىدىن كىيىن خوتۇنى << مەن ئالا كۆڭۈل ئېرىمنى قانداق قىلىپ ئۆزۈمگە قارىتالىدىم >> ناملىق بىر پارچە ماقالە يىزىپ چىقتى ، ماقالىسى ژورنالدا ئىلان قىلىنغاندىن سىرت، 500 يۈەن قەلەم ھەققى ئالدى.  
مانا بۇ شاڭخەيلىك خوتۇن .
     3 .  خوتۇنى بىر كىچە ئۇخلىمىدى. ئەتىسى، چىچىنى چىرايلىق ياسىتىپ ، تۇنجى سۆيگىنىگە تېلفۇن قىلدى: << ۋەي ، مىنى ئۇنتۇپ قالمىغانسىز؟ ئىچىم بەك سىقىلىپ كەتتى ، بۈگۈن كەچتە ۋاختىم بار...>> شۇنىڭ بىلەن ئېرى سىرىتتا پوخۇرلۇق قىلىپ يۈردى ، خوتۇنى ئۆيدە تۇنجى سۆيگىنى بىلەن بىرگە بولدى .  
مانا بۇ گۇاڭدوڭلۇق خوتۈن .
     4 . خوتۇنى بىر كىچە ئۇخلىمىدى. ئەتىسى سەھەردە ئورنىدىن تۇرۇپ ، ئۆيلەرنى رەتلىك يىغىشتۇرۇپ ، ئېرىنىڭ كىيىملىرىنى قاتلاپ ، ئېرىگە دورىسىنى ۋاختىدا ئىچىشنى تاپىلاپ خەت قالدۇرۇپ قويۇپ ، ئاپىسىنىڭ ئۆيىگە كەتتى . كىيىن ئېرى ئۆيگە قايتىپ خوتۇنىنىڭ سەمىمىلىكىنى بايقاپ ، قىيناپىسىنىڭ  ئۆيىگە بىرىپ ، گۇناھىنى تىلەپ ، خوتۇنىنى قايتۇرۇپ كەلدى ھەمدە بۇنىڭدىن كىيىن خوتۇنى بىلەن ئىناق ئۆتۈدىغانلىقى توغرىلىق قەسەم قىلدى.   
مانا بۇ سىچۈەنلىك خوتۈن .  
     5 . خوتۇنى بىر كىچە ئۇخلىمىدى. ئەتىسى، ئۇ ئۆيدىكى پىچاقنى ئوبدان بىلەپ مەيدىسى ۋە دۈمبىسىگە بىردىن تىڭىپ ، ئېرى بىلەن سۆھبەت ئۆتكۈزمەكچى بولدى . كۆڭلىدە : << خەپ ، يا سەن ئۆلىسەن ، يا مەن ئۆلىمەن >> دەپ قەسەم قىلدى . كىيىن ئېرى خوتۇنىغا ئەگىشىپ ياۋاشلىق بىلەن ئۆيگە قايتىپ كەلدى .
مانا بۇ خۇنەنلىك خوتۇن .  
     6 . خوتۇنى بىر كىچە ئۇخلىمىدى. ئەتىسى ئەتىگەندە يەڭلىرىنى تۈرۈپ ئاشخانىغا كىردى. ئادەتتە بىر ۋاخ تاماققا بىر چىنە سۈيۈق ئاش بىلەن بىر پوشكال يەيدىغان خوتۇنى ، بۈگۈن ئىككى چىنە سۈيۈق ئاش بىلەن ئون پوشكالنى يەۋىتىپ قورسىقىنى  سىلىغىنىچە كارۋاتقا ئۆزىنى تاشلاپ ، ھۆڭرەپ يىغلىدى: بۇنىڭدىن كىيىن قانداق قىلىمەن ؟.... ئېرى ئاشنا تۇتقانلىق سەۋەپلىك ئاجرىشىشنى تەلەپ قىلمىدى . يىرىم يىلدىن كىيىن ئېرى خوتۇنىنىڭ چوشقىدەك سەمىرىپ كەتكەنلىكىنى باھانە قىلىپ ئاجرىشىش تەلىپى قويدى.....
مانا بۇ شەنشىلىك خوتۇن .   
     7 . خوتۇنى بىر كىچە ئۇخلىمىدى. ئەتىسى ، ئەتىسى ئۇ ئاپىسىنىڭ ئۆيىگە يىغلاپ يىتىپ كەلدى ھەمدە ئىشنىڭ جەريانىنى ئىنىسىغا ئۆز ئەينى سۆزلەپ بەردى. ئىنىسى نەۋرە ئاكىسىنى باشلاپ ، ھەدىسىنىڭ ئىرىنى يولدا ساقلاپ تۇردى....كىيىن يۈز - كۆزى كۆكۈرۈپ ئىششىپ كەتكەن ئەر سوتقا ئەرز سۇنۇپ ئاجرىشىپ كىتىدىغانلىقىن ئىيىتتى. ئۇلارنى ياراشتۇرۇشنىڭ ئۈنىمى بولماي ، ئاخىرى ئاجراشماقچى بولدى، ئائىلە بىساتى ئىككى تەرەپكە تەڭ تەخسىم قىلىندى ھەمدە خوتۇنى ئېرىنىڭ داۋالىنىش ھەققىنى كۆتۈرىدىغان بولدى .
مانا بۇ شەرقىي شىماللىق خوتۇن .
     8 . خوتۇنى بىر كىچە ئۇخلىمىدى. ئەتىسى ئورنىدىن تۇرۇپ ئېرىنىڭ ئىدارىسىغا يىغلاپ بىرىپ ، خىزمەتداشلىرىنىڭ ئالدىدا ئېرىنىڭ ئاشۇ ياش ساھبجامال بىلەن بولغان ئىشلىرىنى ئىچىۋەتتى ، ئىدارىدىن ئەرگە جازا بەرمەكچى بولدى . كىيىن ئەر خوتۇنىغا ئاجرىشىدىغانلىقىن ئىيىتتى، ئاجرىشىپ بىر ھەپتىدىن كىيىن ئېرى ھىكىقى چىرايلىق خىنىم بىلەن توي قىلدى .   
مانا بۇ شەندوڭلۇق خوتۇن .
مەنبە:  ۋارىسلار مۇنبىرىدىن

ئىمانغا كىرىپ ئاللاھدىن ئىرىنىڭ ئىنسابىنى تىلىمىگەننىڭ جازاسى شۇ

شىنجاڭلىق خوتۇنلارنىڭ يوقمىكىنە؟

شاڭخەيلىك خوتۇندەك قىلالايدىغانلار ئاز، بىراق سىچۈەنلىك خوتۇن توغرا قىپتۇ...
ئەمدى شىنجاڭلىق خوتۇننىڭ ئەھۋالىنىمۇ ئاڭلاپ باقامدۇق؟
خوتۇنى بىر كېچە ئۇخلىيالمىدى، تاڭ يورۇماستا ئورنىدىن تۇرۇپ بوي تەرەت ئېلىپ نامازغا تۇردى، ئىككى رەكئات ناماز ئوقۇپ قولىنى دۇئاغا كۆتۈرگەنچە ئاللاھقا ئىلتىقا قىلىپ قانچە ئۇزۇن يىغلىغانلىقىنى ئۆزىمۇ بىلەلمىدى، ئەتتىگەندە ئېرى ئورنىدىن تۇرۇپ خوتۇنىنىڭ يىغلاپ تۇرۇپ تىلەۋاتقان تېلەك سۆزلىرىنى خۇپىيانە ئاڭلىدى؛
_ ئېھ كېرەملىك ئاللاھ، بارلىق مۇئىمىن مۇسۇلمان بەندىلىرىڭنىڭ كۆڭلىگە ئىنساب  - ھىدايەت ئاتا قىلغايسەن، كۆپنىڭ قاتارىدا يولدۇشۇمنىڭ دىلىنى يورۇتۇپ شۇ يامان يولدىن قايتۇرۇپ كەلگەيسەن،  بىرەر يامان كېسەل يۇقتۇرىۋېلىشىدىن ساقلىغايسەن، باللىرىمىز يىتىمچىلىك كوچىسىدا سەرسان بولمىسۇن، ھەممىمىزنى خاتىرجەم ۋە بەختىيار ياشىغىلى نىسىپ قىلغايسەن، ئامىن! _ دېگەنلىكىنى ئاڭلىدى. بىر ھەپتىدىن كېيىن ئېرى قولىدا ھەپتىيەك كۆتۈرگەن پېتى كىرىپ خوتۇنىغا: _ خوتۇن، ماڭا ناماز ئوقۇش قائىدىلىرىنى ئۈگۈتۈپ قوي _ دىدى.

شىنجاڭلىق خوتۇن اللا رەخمەت قىلسۇن

ئاللاھ ئەر-ئايال ھەممىزگە ئىنساپ-دىيانەت ئاتا قىلسۇن.ئامىن،..

اللا ھەمممىمىزگە دىللىرىغا ھىدايەت ئاتاقىلىپ بەرسۇن .

ھەر يەرنىڭ ئۆز ئالاھىدىلىكىگە ئاساسەن يىزىلىپتۇ .

ئاللاھ ئەر-ئايال ھەممىزگە ئىنساپ-دىيانەت ئاتا قىلسۇن.

ئاللا بارلىق ئەر - ئاياللارنىڭ كۆڭلىگە ئىنساپ - تەۋپىق ، ھىدايەت ئاتا قىلسۇن.