1- سوئال: زەنجىۋىل(سىڭجاڭ) نى ھەرقانداق قورۇمىغا ئىشلىتەمدۇ؟
جاۋاپ : زەنجىۋىل ، غولپىياز ، سامساق ئۈچى قوشماق بولۇپ قورۇمىغا مەززىلىك تەم كىرگۈزگەندىن باشقا ئاشجازاننى ياخشىلاش ، قاندىكى مىكروبنى ئۆلتۈرۈش ، قاندىكى ياغنى ئىرىتىش رولىنى ئوينايدۇ ، سالامەتلىككە ئىنتايىن پايدىلىق ئۈچ قوشماق ، گۆش تۈرىدىكى ( تۇخۇملارمۇ شۇنىڭ ئىچىدە ) قورۇمىلارغا سالغان ياخشى . لېكىن مېۋىلەردىن تەييارلانغان قورمىلارغا سېلىنمايدۇ . تاتلىق چىقىدىغان قورۇمىغا ئېھتىيات بىلەن كېمەيتىپ سالغان تۈزۈك .
2- سوئال: قورۇما قورۇشتىن بۇرۇن قازانغا گۆشنى سېلىپ قىزارماي تۇرۇپلا زەنجىۋىل سېلىۋەتسە قورۇما مېزىلىك بولىدۇ دەيدىكەن بۇ گەپنىڭ ئىلمىي ئاساسى بارمۇ؟
جاۋاپ : مېنىڭچە ئەڭ ياخشىسى گۆشنىڭ قېنى قاچقاندىن كېيىن سالغان ياخشى ، بالدۇر سېلىنسا گۆشنىڭ قىزىرىشىغا تەسىرى بولىشى ، ياكى زەنجىۋىل كۆيۈپ كېتىشى مۇمكىن . تەمنى ياخشىلاش ئۈچۈن گۆشلەر خام ۋاقتىدا « ئۈچ قوشماق سېلىنىپ ، بېسىپ قويۇپ تەم كىرگۈزىدىغان ئەھۋال ئومۇملاشقان .
3- سوئال: قۇرۇتۇلغان زەنجىۋىل بىلەن يۆل زەنجىۋىلنىڭ قانداق ئالاھىدىلىكلىرى بار؟
جاۋاپ : ھۆل زەنجىۋىلنىڭ يىل ئاتلىغىنى ياخشى بولۇپ ئۇ تېز قورۇيدىغان قورۇمىلارغا ، قۇرۇق زەنجىۋىل قاينىتىدىغان، ئۇزۇندا پىشىدىغان قورۇمىلارغا ياكى قىيمىلارغا ( تالقىنى ) سېلىنىدۇ .
4- سوئال: بەزىلەر قورۇمىدىكى زەنجىۋىلنى پۈتۈن - پۈتۈن يەۋىرىدىكەن، مەن يىسەم بەك قاڭسىقكەن، زەنجىۋىلنى خام يېسە ئادەمگە پايدىلىقمۇ؟
جاۋاپ : زەنجىۋىل ئاشقازاننى ساغلاملاشتۇرىدىغان ئەڭ ياخشى دورا ھېساپلىنىدۇ ، شوڭا ئۇنى يەپ ئادەتلىنىش كېرەك . خەنزۇلارنىڭ زەنجىۋىلنى ئىنچىكە توغراپ قايناقسۇغا بېسىپلا تەييارلىغان سوغ سەيلىرى با . ئۇلارا دا يەنە : « كەچتە تۇرۇپ يەڭ ، ئەتىگىنى زەنجىۋىل يەڭ » دەيدىغان گېپى بار . ئاخشىمى تۇرۇپ يىسە كېچىچە يەل پەيدا بولۇپ ئۈچەي يولى راۋانلىشىدۇ . ناشتىدا زەنجىۋىل يىيىلسە ئەتتىگەندىلا ئاشقازان ساغلاملىشىپ كەچكىچە يىگەن يىمەكلىكلەر ياخشى ھەزىم بولىدۇ .
5- سوئال: زەنجىۋىلنىڭ سۈنئىي ئۇسۇلدا (ئوغۇتتا) ياكى تەبىئىي يېتىشتۈرۈلگەنلىكىنى قانداق پەرقلەندۈرىمىز؟
ج : ھازىر تەبىئى ئوغۇتتا يېتىشتۈرىدىغىنى جوڭگودا بولمىسا كېرەك .
6- سوئال: ئادەتتە ئائىلىدە قورۇما قورىغاندا زەنجىۋىلنى قانچىلىك مىقداردا ئىستېمال قىلغان ياخشى؟
ج : بىر كىشىلىك تاماققا ھۆل زەنجىۋىلنى 10 گ رام ئەتراپىدا ، قۇرۇقى بولسا 1 گرام ئەتراپىدا ئىشلەتسە مۇۋاپىق .
7- سوئال: بۇرۇنلاردا قوش گۆشى شورپىسىغا زەنجىۋىل سالمايمۇ شۇنداق تەملىك قىلىپ ئىستىمال قىلاتتۇق، ھازىرقى ئۇستاملار ھەر قانداق شورپىغا كاللەك كاللەك زەنجىۋىلنى سېلىۋىتىدىكەن، بۇنداق قىلىش توغرىمۇ؟
ج : مېنىڭچە ياۋا ھايۋان، قۇش گۆشلىرىدىن تەييارلىنىدىغان شورپىغا غولپىياز بىلەن تۇزدىن باشقىنى سالمىغان ياخشى .
8- سوئال: زەنجىۋىلنى ئاقلىماي بىۋاستە توغراپ ئىتىمال قىلسا زىيانلىقمۇ؟
ج: ئۇنىڭ شوپىكى بەك قاتتىق بولۇپ ھەزىم بولمايدۇ ، تازىلىق جەھەتتىن ئېيىتقاندىمۇ ئاقلىۋەتكەن ياخشى .
9- سوئال: زەنجىۋىلنى بۇرۇن ئۇيغۇرلار ئىستىمال قىلامتى؟
ج : مەن ئەقلىمگە كەلسەم ئاشخانىلاردا ئىشلىتەتتىكەن ، لېكىن ئائىلىلەردە ئىشلىتىلمەيتتى . ئەمما ئۇ ئۇيغۇر تىبابىتىدە بەك كەڭ ئىشلىتىلىدىكەن .
10- سوئال: بىۋاستە زەنجىۋىلنى قىيما قىلىپ گۆش ئارلشتۇرۇپ قىيمىلىق تائام ئەتسە بولامدۇ؟
ج: مېنىڭچە بنولمايدۇ . چۈنكى زەنجىۋىلنىڭ قېرىق تەمى كۈچلۈك بولۇپ ، ئۇ جىق سېلىنىپ قالسا گۆشنىڭ مەززىلىك تەمىنى يۇقۇتۇپ قويۇدۇ
مەنبە   تائاملار تورىدىن

پەچەت بىلىملاركەن

biliwilixka  tigixlik  bilimilarkan

مىنىڭمۇ سورىماقچى بولغانلىرىمنىڭ جاۋابى باركەن . بەكلا خوش بولدۇم . تىمىلىرىڭىز ئۈزۈلۈپ قالمىغاي .

بەك ياخشى دەرىسكەن رەخمەت سىلىكە....،