ئىشلەمچىلەر بازىرىدىكى ئاياللار...

گۈلنۇر ئابلىمىت (ئارچا)

    بۈگۈن ئەتتىگەندىلا ئېغىر خۇرسىنىپ قالدىم. ئۆيۈمدىن ئىش ئورنۇمغا بارىدىغان يولدا 50-60 ئايالنىڭ بىر يەرگە يىغىلىۋېلىپ نېمىلەرنىدۇ كۈتۈپ تۇرغان چىرايىغا قاراپ ئىچىم غەلىتە بوپ كەتتى، چۈنكى ئۇلارنىڭ تاڭ سەھەردە بۇ يەرگە يىغىلىشىدىكى سەۋەپنى چۈشىنەتتىم. ئەرلەرنىڭ، ياش ئوغۇللارنىڭ ئىشلەمچى بازىرىغا كېلىپ ئىش ئىزدىشى نۇرمال ئەھۋال، چۈنكى جىسمانىي ئەمگەك كۈچى يىتىشمىگەنلەر دەل ئاشۇ چىدامدان يىگىتلەرنىڭ كۈچىگە مۇھتاج بولىدۇ ھەم ھاجىتىدىن چىقسا تېەىشلىك ھەق بېرىپ ئۇلارنىڭمۇ نۇرمال تۇرمۇش ئۆتكۈزىشىگە ياردەم قىلغان بولىدۇ.  بىراق بۈگۈنكى خۇرسىنىشىمدىكى سەۋەپ ئىش ئىزدەپ چىققان ئاياللارنىڭ سانىنىڭ كۈنسايىن ئېشىۋاتقانلىقىدىن بولدى. ئىشخانىغا كەلگۈچە كاللامدىن چىقىرالمىدىم، كېلىپلا بۇنى يېزىۋاتىمەن.
    ھەي ي ي ي،،،،،  ئىشلەمچىلەر بازىرىدىكى ئاياللارنىڭ سانى كۆپەيمىسە بولاتتى، ھەتتا ئۇلار ئىش ئىزدەپ تالادا يۈرمەسلىكى كېرەك ئىدى... دېگەنلەرنى ئويلاپ باشقىلارنىڭمۇ ئويلىشىپ بېقىشىغا بىر نەچچە سۇئال قويماقچىمەن؛
   1. ئۇلارنى تلاغا چىقىشقا كىم مەجبۇرلىغاندۇ؟ ياكى بىكار ئولتۇرۇشنى خالىماي ئۆزلىرى چىققانمىدۇ؟
   2. ئاياللارنىڭ ئىشلىشى زۆرۈل بولغان ئىش تۈرى قايسىلار؟ چوقۇم ئاشۇ ئاياللارنىڭ ئىشلىشى كېرەكمىدۇ؟
   3. ھۆكۈمەت قىيىنچىلىقى بار ھەممە ئائىلىلەرگە تۆۋەن بولسىمۇ تۇرمۇش كاپالەت پۇلى بېرەمدىغاندۇ؟ ئۇ پۇل تۇرمۇشقا يەتمىگەچكە ئاياللار سىرتقا چىققانمىدۇ؟
   4. ئۇ ئاياللارنىڭ باشقا قول ھۈنىرى يوقمىدۇ ياكى شۇ ھۈنەر ئاقمايۋاتامدىغاندۇ؟
   5. بىرەر تىجارەت  قىلىشقا دەسمى يىتىشمەي، قىيىنچىلىققا بەرداشلىق بېرەلمەي، ئۆز كۈچۈمگە تايىنىپ ھالال پۇل تاپىدىغان ئىش بولسىلا ئىش تېپىپ قىلاي دەپ مۇشۇ بازارغا چىققانمىدۇ؟
   6. ئىشلەمچىلەر بازىرىغا چىقىش نۇمۇس قىلىدىغان ئىشمۇ؟
   7. ئاڭلىسام ئۇلار بەزى ئىشنى ياراتمايدىكەن، بەزىلىرى ئىش ھەققىگە رازى بولمايدىكەن، ئۇنداقتا ئۇلار راستىنلا ئىقتىدارلىقمىدۇ؟
   8. بەزىلىرىنىڭ كىيىملىرى خېلى ئېسىلكەن، ئالتۇن زىبۇ - زىننەتلىرىمۇ باركەن، ئۇلار تېخىمۇ كۆپ پۇل تېپىشنى ئويلاپ چىققانمىدۇ ياكى مەقسەتلىك شۇنداق ياسانغانمىدۇ؟
   9. ھەممىسىدە دېگۇدەك قول تىلىفۇن باركەن، بەزىلىرىنى تالانتىغا قاراپ توي - تۆكۈننىڭ قاچىسىنى يۇيۇش، يوتقان - كۆرپە يىكەنداز تىكىش، ئۆي تازىلاش،،، قاتارلىق ئىشلارغا ئادەم كېرەك بولسا باشقىلار تېلىفۇن ئۇرۇپ ئىزدەيدىكەن، ئۇنداقلار سىرتقا چىقمىسىمۇ داۋاملىق ئالدىراش ئۆتىشىدىكەن، ئەمسە باشقىلارمۇ سىرتقا چىقماي شۇلاردەك ئىش ئىزدىسە ئىش تاپالامدۇ يوق؟
   10. بەزىلىرىنىڭ باللىرى ئالى مەكتەپتە ئوقۇيدىكەن، ئانىسىنىڭ ئىشلەمچىلەر بازىرىدا تەلمۈرۈپ تۇرغانلىقىنى باللىرى بىل؛ەمدىغاندۇ؟
   ...........................
   ...................................
   قېنى دوستلار، بىر مۇلاھىزە قىلىشىپ باقايلى، قايسىڭلار قانداق قاراشتا بولىدىكەنسىلەر؟ ياكى مېنىڭ دېگەنلىرىم ئورۇنسىزمۇ؟ مېنىڭچە ئاياللار مۇمكىن بولسا ئۆزلىرىنىڭ ئۆيىدە يولدىشى ۋە باللىرىغا ۋاقتى - قارايىدا تاماق ئېتىپ، كىر - قاتلىرىنى پاكىز يۇيۇپ، ئائىلىنى رەتلىك، تەرتىپلىك باشقۇرۇپ، پاراسىتىنى ئىشقا سېلىپ ھەممىسىگە ئۈلگە بولۇپ، ئايالىق خۇلقى ۋە نازاكىتى بىلەن يولدىشىغا ياخشى ياردەمچى، پەرزەنتلىرىگە ككيۈمچان ئانا، چوڭلارغا ۋاپادار بالا ۋە كېلىن بولۇپ ياشىيالىسا، تۇرمۇشقا يەتكۈدەك ىىراجەتنى يولدىشى ئەكىرەلىسە تېخىمۇ ياخشى بولاتتى دەيمەن، بىراق ھازىرقىدەك رىقابەت كۈچلۈك بولىۋاتقان تەرەققىيات مەزگىلىدە ھەم تۇرمۇشقا بىر ئادەمنىڭ تاپقىنى يىتىشمەيۋاتقان شارائىتتا ئاياللارمۇ ئۈگەنگەن بىلىمىنى ئىشقا سېلىپ ھەم ئائىلىنىڭ ھەم خىزمەتنىڭ يۈكىنى كۆتۈرۈشكە مەجبۇر بولىۋاتىدۇ، خىزمەتچى ئاياللارمۇ، شەخسى ئىگىلىك تىكلەش يولىدا توختاۋسىز جاپا چېكىۋاتقان مۇۋاپىقىيەتچى ئاياللارمۇ، ئىشلەمچىلەر بازىرىدىكى ئاياللارمۇ ئوخشاشلا تېرىشچان ئاياللاردۇر، بىراق مۇۋاپىقىيەت سېستىمىسىدىكى ئاياللار ۋە دولەت خىزمەتچىسى بولۇپ ئىشلەۋاتقان ئاياللار كۆپەيسىغۇ ياخشى، لېكىن ئىشلەمچىلەر بازىرىدىكى ئاياللارنىڭ كۆپىيىشىنى توغرا تاپمىدىم.
    تۇرمۇش ئۆتكۈزۈشنىڭ قىيىن ئىكەنلىكىنى ھەممىمىز بىلىمىز، تېرىشقان نەتىجە ئۇتىدۇ، ھورۇنلار مەينەتلىشىپ ياتىدۇ. شۇنداقتىمۇ بۇ تىمىنى بىر غۇلغۇلا قىلىشىپ باققان بولساق...........

باشقا مۇنبەرگە يوۆتىمەكچى بولساڭلا ئەمگىكىمنى ھۆرمەت قىلىڭ، بۇ بەت ئادرىسىنى ۋە ئىسمىمنى ئۆچۈرىۋەتمەڭ!

ئاياللا ئىشلەپ جاننى قىژنۇغىچەبالىلارنى بېقىپ ئۆيدە ئىبادىتىنى جايىدا قىلىپ ئوتتاسا بوممامدۇ دەيمە

  

نەقىل

بۇ مەزمون1قەۋەتتىكىخوشامەتنىڭ2011-10-12 22:42دە يوللىغان يازمىسى  :
ئاياللا ئىشلەپ جاننى قىژنۇغىچەبالىلارنى بېقىپ ئۆيدە ئىبادىتىنى جايىدا قىلىپ ئوتتاسا بوممامدۇ دەيمە

خوشامەتكا توغىرا دەيسە. ئاجايىپ جاھان دەبۇ

ئەسلىدە خوشامەت دېگەندەك بولسا بولاتتى، ئەمما ئۇ بىچارە ئاياللارنىڭ بەزىلىرىنىڭ ئەرلىرى ئۆيگە پۇل ئەكىرمەيدىكەن، بەزىلىرى ئايالىنى پۇل تېپىپ كىرىشكە زورلايدىكەن، يەنە بەزىلىرىنىڭ ئېرى يوقكەن، باللىرىنى بېقىشقا پۇل بولمىسا تۇرمۇشنى ئۆتكۈزەلمەيدۇ - دە... ئاشۇنداق ئەرلەر ئۆز مەجبۇرىيىتىنى تولۇق ئادا قىلغان بولسا ئاياللىرى سىرتلاردا ئىش ئىزدەپ تەلمۈرۈپ يۈرەرمىدى؟ باشقىلارنىڭ كىرىنى يۇيۇپ، قاچىسىنى يۇيۇپ، ئۆيىنى تازىلاپ يۈرەمتى؟ ئۇلارغىمۇ تەس، تۇرمۇش ھەللەكچىلىكىدە ئامالسىز قىلىدۇ. مېنىڭ دېگىنىم ئاشۇنداق ھاجەتمەن ئاياللارنىڭ سانى كۈنسىرى كۆپەيمىسە ياخشى بولاتتى.

ئادەم دىگەن قانائەتچانلىقنى بىلىش كېرەك.
مەسىلەن :1000كوي پۇلى با ئادەم ئون مىڭ بولسىكەن دەيدۇ ،تىرىشىدۇ.
ئون مىڭ پۇلى با ئادەم يۈز مىڭ بولسىكەن دەيدۇ
مىليۇن پۇلى با ئادەم مىليارتقا يەتسە دەپ تىرمىشىدۇ....
.............................................................
جەمىيەتتە ئاچكۆزلۈكتىن خالى نۇرغۇن كىشلەرمۇ يوق ئەمەس .ئاز بولسىمۇ قانائەت قىلىش ،ئاللاھتىن بەرىكىتىنى تىلەش .ئالدى بىلەن ئاللاھغا قۇلچىلىقنى ياخشى قىلىپ بولغاندىن كىيىن قالغان مەسىلىلەرنى ئۇيلىشىمىز ھەم زۇرۇر..
ئىنسانغا تەن ساقلىق ،خاتىرجەملىكتىن چوڭ بايلىق يوق.............


خۇدا بەرسە بەندىسىگە
ئەكىلىپ بىرۇر مەلىسىگە.


مال دۇنيانىڭ بەرىكىتىنى .ئىمانىمىزنى مۇستەھكەم قىلىشنى ئاللاھتىن تىلەيلى

ئەرلەر ئۆزىنىڭ جەمىيەتتىكى ، ئائىلىدىكى . ئورنىنى ، بۇرچىنى ھەقىقىي تونۇپ يەتكەندە . بۇ ئىشلارمۇ ئاستا - ئاستا تۈگەر .........

    

بولمىسا شۇنداق بويتاق ئاياللانى مۇنبىرىمىزدىكى بويتاق يىگىتلەرگە ئەپ بىرىلى مۇندا.ساۋاپمۇ بۇلىدۇ ئۆيلىنىپ بوۋاق بالىنى بېقىپ جانغا جاپا سالغۇچە ھەش-پەش دىگۈچە چوڭ چوڭ بالىلارنىڭ دادىسى بوپ قالىسلە!!قانداق دىدىم بويتاقلا؟؟؟؟؟؟؟؟؟؟؟؟؟؟؟؟

قىززىقچىمۇ نېمە سىز؟