گۆش كاتلىت
خۇرۇچلىرى:
لوق كالا گۆشى، لوق قوي گۆشى، باش پىياز، تۇخۇم، قارىمۇچ، تۇز، ماش ئۇنى، ياڭيۇ، سەۋزە، پالىك.
تەييارلاش ئۇسۇلى :
1. يېرىمىغا لوق كالا گۆشى  ، يېرىمىغا لوق قوي گۆشى قىلىپ پىياز بىلەن ئۇششاق چانايمىز، ئاندىن توغرالغان قىيمىنى داسقا سېلىپ ئۇنىڭغا تۇخۇم چېقىپ تۇز، قارىمۇچ ۋە ماش ئۇنىنى ئارىلاشتۇرىمىز، سۇغۇق سۇ بىلەن  ئارىلاشتۇرىمىز، ئاندىن قازانغا ماي قۇيۇپ قىزىغاندىن  تۇخۇمدەك چوڭلۇقتا ئېلىپ ياپىلاق قىلىپ مايدا قىزارتىپ ئالىمىز.
2.قازانغا ماينى قۇيۇپ قىزىغاندىن كىيىن ،يالپاقلاپ توغرالغان ياڭيۇ بىلەن سەۋزىنى بوشراق مايدا  سىڭدۇرۇپ  پۇشۇرۇپ سۈزىۋالىمىز .
3.سۆڭەكلىك گۆشتە ئازراق شورپا تەييارلاپ،تۇز تەمىنى تەڭشەپ  يۇقىرىدىكى مايدا قىزدۇرۇلغان گۆشنى شورپىغا سېلىپ (شورپا ئازراق بولىدۇ)ئۇنىڭ ئۈستىگە پالەكنى پۈتۈن پېتى سېلىپ، يېرىم سائەت ئەتراپىدا دۈملەيمىز، ئاندىن لىگەنگە ئالدى بىلەن مايدا پىشۇرۇلغان ياڭيۇ بىلەن سەۋزىنى، ئاندىن گۆشنى، ئۇنىڭ ئۈستىگە پالەكنى قويۇپ، تۇز تەمى تەڭشەلگەن شورپىنى قۇيساق، گۆش كاتلىت تەييار بولىدۇ.

رەھمەت سزگە، بەك ياخشى تىما بۇپتۇ .

رەسىمىلىك قىلىۋەتكەن بولسىڭىز تېخىمۇ پەچەت بولاركەن

شۇ رەسىمگە تارىتىغىدەك ئاپپارات بۇلسا تاتىپ يۇللىمامدۇ دەيمەن،.

گوشنى تاۋداندا پۇشۇرسىگىز تىخىمۇ ياخشى چىقىدۇ.

مەن بىر قېتىم ئېتىپ باققان بىراق تازا چىرايلىق چىقمىدى، تەمىغۇ خېلى ياخشى بولغان، ئەگەر سىنئالغۇدا چۈشەندۈرۈلگەن بولسا بەكمۇ ياخشى بولاتتىكەن