ساتىرا

باشلىق بولۇش ئىشقىدا ئار نۇمۇسنى ساتقان بار،
باشلىق دىسە غادىيىپ مۇنارلاردەك قاتقان بار،
ئۆسمەك بولۇپ يۇقىرلاپ قېرىنداشنى  چاققان بار،
شىپاڭشىتىپ قويرۇقنى سۇڭەك بەرسە چاپقان بار،
ناز كۆرسىتىپ ئۆزگىگە، قۇينىدا ھەم ياتقان بار،
لىڭشىپ تۇرار شۇ تەختى،باشلىق دەردى پاتمان بار.

قان بېسىمنىڭ دەستىدىن ئاغرىپ تۇرار باشلىرى،
يۆتىلىدۇ قېقىلىپ ئېقىپ تۇرار ياشلىرى،
ئاشقازاننى ئاغرىتار زورلاپ يىگەن ئاشلىرى،
ئىشلىمىگەن كاللىدا تۇرماس ئاڭا چاشلىرى،
ساقايمىدى ئۇ  كاشكى، باشلىقنىڭمۇ دەردى بار.

قورقمايدۇ خەلقتىن ،پارە –مالنى يەپ تۇرار،
ئومومنىڭكى پۇلىنى ئانچە- مۇنچە ئەپ تۇرار،
«بىز چاكىرى خەلقنىڭ »ئاندا –ساندا دەپ تۇرار،
دەپ قويۇپلا ئۆزىنىڭ مۇقامىنى چەپ تۇرار،
پوك-پوك تۇرار يۇرىكى ،باشلىقنىڭمۇ دەردى بار.

رېستۇرانغا بەزمىگە قاتناشمىسا بولمايدۇ،
چوڭ باشلىققا داستىخان راسلىمسا بولمايدۇ،
ئوچۇق قالغان كۆتىنى ھىم ياپمىسا  بولمايدۇ،
ئۆكتەملەردىن ۋاقتىدا ھەم قاچمىسا بولمايدۇ.
بولۇش كېرەك بەك ئىكتى،باشلىقنىڭمۇ دەردى بار.

يۇۋاشلارنى ،بوزەكنى قورقۇتمىسا بولمىغان،
ھارام يەپمۇ يانچۇقى مال –دۇنياغا تولمىغان،
خوشامەتچى ،تەخسىكەش «يالاپ»ھەردەم ھارمىغان،
ئىقتىدارلىق ،ساپالىق ئارامىدا قويمىغان،
بولغاچ  ئاڭا خۇدىكى، باشلىقنىڭمۇ دەردى بار.

خوشامەتسىز كۈنلىرى ئۆتەر شۇنداق مەنىسىز،
تەشۋىشلەردىن گۇماندىن ئۇخلىيالماس بوپ ئەنسىز،
ھېلى –مىكىر ئويلايدۇ بولۇپ قالماي دەپ پەمسىز،
ئەرزى چىقىپ قالسا گەر يىگەنلىرى بەك تەمسىز،
يۆلىمىسە تىرىكى ،باشلىقنىڭمۇ دەردى بار.

سۈزۈك كەلگەن سۇلارنى لېيىتقىنى- لىيىتقان،
ھەر قېتىملىق يىغىندا پاك بولۇشتىن ۋەز ئېيتقان،
قېرىشقاننى ئامال قىپ يېقىتقىنى يېقىتقان،
دېھقانلارنى گۆل قىلىپ ئاغزىدىلا بېيىتقان،
كۆپتۇر ئۇنىڭ تىلىكى، باشلىقنىڭمۇ دەردى بار.


قاش ئوينىتىپ سەتەڭگە ،ھايات پەيزىن سۈرمەمدۇ،
ئاشنا تۇتۇپ يۈشۈرۈن ھالاۋەتنى كۆرمەمدۇ،
بىلىپ قالسا خوتۇنى تاياقلاردىن ئۆلمەمدۇ،
بىلمەي قالسا بەھۈزۈر شالاپشىتىپ سۆيمەمدۇ،
ئاتالسىمۇ بەك ئەسكى،باشلىقنىڭمۇ دەردى بار.

سۆزلەپ كەلسەم باشلىقنىڭ دەردى كۆپكەن ھەممىدىن،
بولغاچ يېرىم «ئۇمۇچى» دادلار چىقار ئاممىدىن،
تىللار يەنە ھېيىقماي ئۆتۈپ كەتسە ئارقىدىن،
يوقاتقان شۇ غورورنى تاپالمايدۇ باشقىدىن،
يۇمشاقباشلىق خۇلىقى،باشلىقنىڭمۇ دەردى بار.