لەغمىنىم ئابدۇۋەلى راخمان(ھەققانى)
لەززىتىڭ ئالەمگە مەشھۇر ، ئەتكەچكە ئىشلەپ لەغمىنىم،
ھىچكىشى نەپسىن باسالماي تويمايدۇ يەپ-يەپ لەغمىنىم.
توغراپ شۇخلا،كۆك،بەرەڭگە، ئەتكەن قىزىلمۇچ ۋەجىدىن،
ئوخشىغاچ،ھەر دەم يىگەنلەر ئېيتماقتا«رەھمەت»لەغمىنىم.
تۇرسىمۇ نىممەت-تائاملار ،تەلمۈردى مېھمان سەن سىيان،
كۇچ قۇۋۋەت بولغاچ قۇرساققۇ كەتمەيدۇ پەسلەپ لەغمىنىم،
غىق بولۇپ كەتسەكمۇ چۈشتە ، ئىزدەيدۇ كۆپلەر كەچقۇرۇن،
تارتىدۇ مېھرىڭ شۇنچە بىزلەرنى زەپ-زەپ لەغمىنىم.
«چوك»قىلىپ ئەمبەلنى سۆيگەن شۇنچە يېقىملىق لەۋلىرىڭ،
ئىشتىھا قوزغايدۇ تەكرار ھەر كىمدە بەك-بەك لەغمىنىم.
شۇنچىلىك ئەجرى سىڭىشكەن كىم ئۇ ئىجادكار بىلگۈلۈك،
دەل ئاشۇ ئۇيغۇر قىزىدۇر ، ئەتكەنتى دەسلەپ لەغمىنىم.
ئەقىلىگە بارىكاللا ، ئەشكەن چۆپلەرنى دۇتتارنىڭ تارىدەك،
كىم يىسە شۇنداق يىسۇنكى رەھمەتنى نەقلەپ لەغمىنىم.
بارغىنى شاڭخەي ، خېيلۇڭجاڭ ، لوندون ، ماراكەش ، مەككىگە،
ھىچ سېنى ئىزدەپ تاپالماي دەپ قالدى «خەپ-خەپ»لەغمىنىم.
مەن يىدىم ئامراقنى ئەمما ، گاھى گېلىمدا تىك تۇرار،
زاغرا يەپ كەتمەندە يۈرگەن چاغلارنى ئەسلەپ لەغمىنىم.
سەن ئۇ چاغ نەلەردە قالغان ، بولماس جامالىڭ كۆرگىلى،
ئىشلىگەن لەغمەننى بىلمەس، خاماننى چەشلەپ لەغمىنىم.
ھۆر زامان ئەپكەلدى قايتا يۈتكەننى دېھقان ئۆيىگە،
ھاردۇقى چىقماقتا سەندە كۆك چاينى دەملەپ لەغمىنىم.
مەنبە: ئاقسۇ گېزىتى
[ بۇ يازماaxtuziتەرپىدىن2011-08-17 12:42دە قايتا تەھ ]
| تەۋسىيە
| ئىزدەش رايۇنى
| مۇلازىمەتلىرىمىز
| بانكا
| مىدال مەركىرى
