/body ئابدۇرېھىم ئۇتكۈر/body

مۇنبەر   دىسە  مۇنبەر  بولامدۇ  ،
ئىنكاسۇ - تېما  بولمىسا ،
تېمىلارنى  ۋاقتىدا  
كۆرگىلى  ئەزا  بولمىسا !

كۆرگىلى ئەزا شۇنچە كۆپ تۇرۇپ،
يازغان ئىنكاسى بولمىسا.
تىما يوللاش ئەجرىگە ،
قىلغىلى ھۆرمەتىڭىز بولمىسا.
ئۇنداق قىلماڭ ئەزىز تورداش،
چۇشەنچىڭىزنى بولسىمۇ يېزىپ قويۇڭ،
يەنە ئىنكاس يازمىسىڭىز تۇمشۇقىڭىزنى چۇۋۇۋىتىمەن بولمىسا.
...........
سەل ئاچچىقىم كىلىۋاتىدۇ جۇما مىنىڭ يەنە دەپ قوياي -ئۇكا

   ناھايىتى ئىسىل  شېئىر ئىكەن.

ياخشى شىئىركەن   

رەھمەت سىزگە ! مەن ئۆزەم يېغىپ ساقلىغان  ، ئابدۇرېھىم ئۆتكۈر ئەپەندىمنىڭ شېئىرلىرىنى ، ۋاقىت چىقىرىپ ، بىر - بىرلەپ يوللاپ قويىمەن .

                

                                     تەلكە ھەققىدە
              
تەلكىنىڭ داۋانى بار  ،
ئۈستىدە تۇمانى بار  .
سايرام كۆلىگە پاتقۇسىز ،
ھەسرەتۇ ئارمانى بار  .
                         تەلكە دېگەن ئېگىز تاغ ،
                         ئېتەكلىرى چېمەن - باغ .
                         باشتىن ئۆتكەن كۈنلەرنىڭ ،
                         ئاجايېىپ  بايانى بار .
                                                     تەلكىدىن ئۆتەر چاغدا ،
                                                     قالاتتى يۈرەك داغدا  .
                                                     ئۇچۇپ -ئۇچۇپ يىغلايتۇق ،
                                                    ھەستەرلىك داستانى بار   .
ئەمدى تەۋرەپتۇ سايرام  .
تەلكىدە بولۇر بايرام   .
بايرامنى قېزىتماققا   ،
جان تىككەن ئوغلانى بار  .
                             تۇغلۇقنىڭ ئەۋرىلىرى  ،
                             سادىرنىڭ نەۋېرلىرى   .
                             ئات چاپتۇرۇپ ھەر تاغدا ،
                            توزۇتقان توزانى بار  .
                                                     ئېلايخۇن ئۆتكەن يولدا ،
                                                     ئاپتۇمات تۇتقان قولدا  .
                                                     داۋان ئاشقان ئەرلەرنىڭ ،
                                                    ھەر تاشتا نىشانى بار  .
چەكمەن كېيگەن ئەرلەرنىڭ ،
جەڭگە كېرىگەن شىرلارنىڭ  .
ھەر تۈپ قارىغاي تۈۋىدە  ،
تامچە -تامچە قانى بار  .
                            يېشىل پەرقۇت يەرلەرنىڭ ،
                            پاك ۋىجدانلىق ئەرلەرنىڭ .
                           نۇمۇس ئۈچۈن جان بەرگەن ،
                           ئۇنتۇلماس قۇربانى بار   .
                                                         تەلكە ئۆزى بىر داۋان ،
                                                         ئەمدى سۈرگۈسى دەۋران .
                                                         بۇ دەۋرانغا ئاتالغان ،
                                                         بۇزۇلماس پەيمانى بار   .

          يۇرتۇم قالدى

مەن تۇغۇلۇپ ئويناپ ئۆسكەن ،
قىزىل گۈلدەك باغلار قالدى  .
ئېگىز - ئېگىز خۇيمۇ چېرايلىق ،
ياقۇت تاشلىق تاغلار قالدى  .

                                     بۇغا - مارال پادا - پادا ،
                                     ئويناپ يۈرگەن سايلار قالدى .
                                     تاغ باغرىدا ئويناپ سەكرەپ ،
                                     بوتىچاقلار تايلار قالدى  .

                                                                        ئېگىز تاغنىڭ يان باغرىدا ،
                                                                        سۇلار ئېقىپ ھەر يانىدا .
                                                                        قۇشلار سايراپ كەڭ قوينېدا ،
                                                                        يېشىل - يېشىل قىرلار قالدى  .

                                                                                                                 ئەگىپ - ئەگىپ بويلاپ ئاققان ،
                                                                                                                 چۈرۈك - چۈرۈك ئويناپ ئاققان .
                                                                                                                 ئاق كۆمۈشتەك پالېلدىغان ،
                                                                                                                 بالدىن تاتلىق سۇلار قالدى .
سۇ بويىدا شىلدېرلىشىپ ،
تازىم بىلەن باش ئېگىشىپ .
مەن يېتىمنى ئۇزۇتىشىپ ،
لەيلى - مەجنۇنتاللار قالدى .

                                    جىمجىت كوچا ئايدىڭ كېچە ،
                                    بۇلاق بويلاپ باغچە - باغچە .
                                    يۇلتۈز ساناپ تاڭ ئاتقۇچە ،
                                    ئويناپ ئۆتكەن چاغلار قالدى .

                                                                          چۆللەر ئارا غېرىب باشىم ،
                                                                          قۇرۇمايدۇ كۆزدە ياشىم  .
                                                                          قىيامەتلىك قېرىنداشىم ،
                                                                          كۆيۈمچانىم دوستلار قالدى .

                                                                                                               قالدى يۇرتۇم ، قالدى تەختىم ،
                                                                                                               قالدى مېنىڭ ھۆر جەننىتىم .
                                                                                                               ياۋا قولىدا قارا بەختىم ،
                                                                                                               ئالتۇن بۆشۈك يۇرتۇم قالدى .

                                                  1947 - يىلى ، 12 - دېكابىر .

                                                                             تاماكا بايان

                                                                 توسىما مېنى يار ، چېكەي بىر نەپەس ،
                                                                 ئۆرگۈلدى پەلەك ، تاماكا بايان  .
                                                                 ئەمەستى ماڭا چېكىش بىر ھەۋەس ،
                                                                 كۆيىدۇ يۈرەك ، تاماكا بايان  .

                                                                 يانار تاغ ئىچى بولغاچقا يالقۇن ،
                                                                 دائىم ئۈستىدىن كەتمەيدۇ تۈتۈن .
                                                                 ھەيران قالمىغىن چىقسا ئاغزىمدىن ،
                                                                 كۆكۈچ چەمبىرەك ، تاماكا بايان  .

                                                                 بىلىمەن دىلدار ، يۈتىمەن زەھەر ،
                                                                 تېگەر ھەر سائەت يۈرەككە نەشتەر .
                                                                 ۋە لېكىن شۇنى ئىستەيدۇ كۆڭۈل ،
                                                                 ئەمەسمەن گۈدەك ، تاماكا بايان .

                                                                 سارغايدى دېمە رەڭگىمنى جانان ،
                                                                 نېكتۇن ئەمەس مېنى سارغايتقان .
                                                                 بېغىمنى كەچ - كۈز بورىنى باسسا ،
                                                                 سولمامدۇ چېچەك ، تاماكا بايان  .

                                                                 قاچانكى باقسام غەمكىن يۈزۈڭگە ،
                                                                 ئاچچېق ياشلىرىم تولۇر كۆزۈمگە  .
                                                                 قايغۇ - ئەلەمنى باسىمىش دەيدۇ ،
                                                                 شۇ كۆكۈچ تۈتەك ، تاماكا بايان  .

                                                                 توسىما مېنى يار ، چېكەي بىر نەپەس ،
                                                                 چەكمەي دېسەممۇ بۇ مەيلىم ئەمەس  .
                                                                 مەيلى ئەمەسمۇ شۇ زەھەر بىلەن  ،
                                                                 سەگىسە يۈرەك !  تاماكا بايان  .