دۆلەت  ئۆيلەرنى ئېلىش ۋە تۆلەم بېرىش نىزامى
ئاپتونوم رايونلۇق تۇرالغۇ ۋە شەھەر ،يېزا قۇرۇلۇشى نازارىتى ‹‹دۆلەت يېرىدىكى ئۆيلەرنى ئېلىش ۋە تۆلەم بېرىش نىزامى››توغرىسىدىكى يېتەكچى پىكرىنى ئېلان قىلدى

2011– يىل6– ئاينىڭ14– كۈنى12:17شىنجاڭ گېزىتى  


                         ئۆيلەرنى ئالغاندا جەزمەن ئاۋۋال تۆلەم بېرىپ ، ئاندىن كۆچۈرۈش كېرەك

    ‹‹شىنجاڭ شەھەر گېزىتى›› خەۋىرى. ئاپتونوم رايونلۇق تۇرالغۇ ۋە شەھەر، يېزا قۇرۇلۇشى نازارىتى يېقىندا ئېلان قىلغان ‹‹<دۆلەت يېرىدىكى ئۆيلەرنى ئېلىش ۋە تۆلەم بېرىش نىزامى>;نى ھەقىقىي يولغا قويۇش توغرىسىدىكى يېتەكچى پىكىر›› (تۆۋەندە ‹‹يېتەكچى پىكىر›› دەپ ئېلىندى)دە، ئۆز يېرىنىڭ ئەھۋالىغا ئۇيغۇن كېلىدىغان ھەم پۇقرالارنىڭ مەنپەئىتىگە ئۈنۈملۈك كاپالەتلىك قىلىدىغان بىر قاتار سىياسەتنى ئېلان قىلىپ، بۇنىڭدىن كېيىن ئاپتونوم رايون تەۋەسىدە ئۆي ئېلىش ۋە تۆلەم بېرىش خىزمىتىنى تېخىمۇ ياخشى ئىشلەشنى ئېنىق ئوتتۇرىغا قويدى.
    شىنجاڭ ‹‹شەھەر گېزىتى›› مۇخبىرىنىڭ 8 – ئىيۇن ئاپتونوم رايونلۇق تۇرالغۇ ۋە شەھەر، يېزا قۇرۇلۇشى نازارىتىدىن ئىگىلىشىچە، بۇ يىل 21 – يانۋار ‹‹دۆلەت يېرىدىكى ئۆيلەرنى ئېلىش ۋە تۆلەم بېرىش نىزامى›› (تۆۋەندە ‹‹نىزام›› دەپ ئېلىندى) ئېلان قىلىنىپ يولغا قويۇلغان. شىنجاڭنىڭ ھەرقايسى جايلىرىدا يولغا قويۇلۇۋاتقان كونا – يېڭى سىياسەتلەرنى ئۇدۇللاشتۇرغاندا ‹‹نىزام››نىڭ بەزى ئايرىم يولغا قويۇلۇش تەپسىلاتلىرى توغرا ئىگىلەنمىگەن، شۇڭا مەزكۇر نازارەت بۇ ‹‹يېتەكچى پىكىر››نى تۈزگەن.
    ‹‹يېتەكچى پىكىر››دە، ئۆيى ئېلىنىدىغان سۇبيېكت، ئۆي ئېلىش خىزمىتىنى ئىشلەيدىغان ئورگان ئايدىڭلاشتۇرۇلغان ۋە تەپسىلىيلەشتۈرۈلگەن. شۇنىڭ بىلەن بىللە، ئېلىش تۈرى قاتتىق تىزگىنلىنىپ، ئۆي ئېلىشقا تۆلەم بېرىش لايىھەسى مۇۋاپىق تۈزۈلۈپ، ئۆي ئېلىشنى بەلگىلەش تەرتىپى قېلىپلاشتۇرۇلغان. بۇنىڭ ئىچىدە، ئۆيى ئېلىنىدىغانلارنىڭ قانۇنلۇق ھوقۇق – مەنپەئىتىگە كاپالەتلىك قىلىدىغان بەلگىلىمە يەتتە ماددىغا يېتىدۇ.
    ھازىر، جايلار ئۆي چېقىش ئىجازەتنامىسىنى قايتا تارقاتمايدۇ، ئۆي چېقىش ئىجازەتنامىسىنى ئېلىپ بولغان تۈرلەر داۋاملىق ئەسلىدىكى چېقىش نىزامىدىكى بەلگىلىمە بويىچە بېجىرىلىدۇ، لېكىن ھۆكۈمەت مەمۇرىيەت بويىچە مەجبۇرىي چاقمايدۇ؛ چېقىش ئىجازەتنامىسىنىڭ قەرەلى توشقان بولسا، ئەسلىدىكى چېقىش ئىجازەتنامىسىنى تارقاتقان ئورۇن چېقىش ئىجازەتنامىسىنىڭ ۋاقتىنى ئۇزارتىپ بېرىش رەسمىيىتىنى قايتا بېجىرمەيدۇ، ئىجازەتنامىنىڭ قەرەلى ئۆزلۈكىدىن ئۇزىراپ، يىل ئاخىرىغىچە كۈچكە ئىگە بولىدۇ.
    ‹‹نىزام›› ئېلان قىلىنىشتىن ئىلگىرى تۈر تۇرغۇزۇش، پىلانلاش، قۇرۇلۇشقا ئىشلىتىدىغان يەرنى ئالدىن تەكشۈرۈش ھۆججىتى قاتارلىقلارغا ئېرىشكەن، لېكىن چېقىش ئىجازەتنامىسى ئېلىنمىغان تۈرلەر جامائەت پاراۋانلىق تۈرىگە كىرگۈزۈلۈپ، ئۆي ئېلىش تەرتىپى بويىچە بېجىرىلىدۇ؛ غەيرىي جامائەت پاراۋانلىقى تۈرىگە كىرگۈزۈلگەن، قۇرۇلۇش قىلغۇچى ئورۇن بىلەن ئۆي ئىگىسى كېڭىشىپ تۆلەم بېرىپ ئورۇنلاشتۇرۇش كېلىشىمى ھاسىل قىلغان بولسا، ئۆزلۈكىدىن كۆچسە بولىدۇ.
    ئەگەر قۇرۇلۇش قىلغۇچى ئورۇن ئىختىيارىي كېڭىشىپ چېقىش تۆلىمى بېرىپ ئورۇنلاشتۇرۇش كېلىشىمى ھاسىل قىلمىغان بولسا، قۇرۇلۇش تۈرىنى ئۆز خاھىشى بويىچە ئۆتۈنۈپ بېرىشكە بولمايدۇ، بىراق ئالاقىدار تارماقلارغا ئىلتىماس قىلىپ، يەر ئۆتۈنۈپ بېرىش توختامىنى بىكار قىلىپ، پىلانلاش ئىجازەتنامىسى قاتارلىق مەمۇرىي ئىجازەتنامە ھۆججەتلىرىنى قايتۇرۇۋالسا، مۇناسىپ قانۇنىي جاۋابكارلىقنى ئۈستىگە ئالمايدۇ.
    ‹‹يېتەكچى پىكىر››دە يەنە ‹‹نىزام›› ئېلان قىلىنىپ يولغا قويۇلغاندىن كېيىن، جامائەت مەنپەئەتى ئېھتىياجىدىن باشقا قۇرۇلۇش تۈرلىرىگە قارىتا، قۇرۇلۇش قىلغۇچى ئورۇن ئۆي ئىگىسىنىڭ ئۆي ئىگىدارلىق ھوقۇقى ۋە يەر ئىشلىتىش ھوقۇقىنى ئۆتۈنۈپ بېرىشىگە ئېھتىياجلىق بولسا، ئۆي – زېمىن باشقۇرۇش تارماقلىرى ئۇلاردىن ئادىل كېلىشىپ ئۆتۈنۈپ بېرىش ۋە ئېلىشنى تەلەپ قىلىشى كېرەك، دېيىلدى.
    فۇنكسىيەلىك تارماقلار سۇ، توك، پار، گاز بىلەن تەمىنلەشكە توسقۇنلۇق قىلىش، قاتناشنى توسۇپ قويۇش، تىجارەتكە تەسىر يەتكۈزۈش، شاۋقۇن – سۈرەن، كاشىلا پەيدا قىلىش، ھەتتا قورقۇتۇش، تەھدىت سېلىش، زوراۋانلىق ئىشلىتىش قاتارلىق قانۇنسىز ۋاسىتىلەر بىلەن ئۆي ئىگىسىنى ئۆيىنى ئۆتۈنۈپ بېرىپ چېقىش كېلىشىمى ئىمزالىتىش قىلمىشلىرىنى قاتتىق تەكشۈرۈپ بىر تەرەپ قىلىشى، جىنايەت شەكىللەندۈرگەنلەرنى ج خ ئورگانلىرىنىڭ بىر تەرەپ قىلىشىغا تاپشۇرۇپ بېرىشى كېرەك. چەكلەش، تەكشۈرۈپ بىر تەرەپ قىلىش، ئىجرا قىلىش كۈچلۈك بولماسلىق سەۋەبلىك يامان خاراكتېرلىك ۋەقە، كەڭ كۆلەملىك ئاممىۋى ئەرز قىلىش ۋەقەسى پەيدا قىلغان ھەم ئەمەلدارلار بىلەن تىل بىرىكتۈرۈپ، ھوقۇق – پۇل سودىسى قىلغان ئالاقىدار رەھبەرلەر ۋە بىۋاسىتە مەسئۇلىيىتى بار كىشىلەرنىڭ جاۋابكارلىقىنى قاتتىق سۈرۈشتۈرۈشى، جىنايەت شەكىللەندۈرگەن بولسا جىنايى جاۋابكارلىقىنى قاتتىق سۈرۈشتۈرۈشى كېرەك.

مەنبە : تەڭرىتاغ تورى
كەڭ دوسلار غا  پايدىسى تىگىپ قالار

لىكىن بىزنىڭ ناھىيىدە بۇنداق قىلمىدى،  تۆلەم بەرمىدى....