مۇئەللىم بولماق تەس
ئاپتۇرى: نۇرمۇھەممەد  مۇھەممەدئىمىن

مەرھۇم رۇزى سايىت ئاكىمىزنىڭ <<دېھقان بولماق تەس>> دىگەن شېئىرىغا تەقلىد
(1-قىسىم)





ئادەم كۆپ جايلاردا سۆزلىشىپ بەس-بەس،
مالىمنىڭ  كۈنىگە  قىلمىغىن  ھەۋەس ،
مۇئەللىم بۇلاركەن كىمنى باسسا نەس،
جاھاندا ھەممىدىن مالىم بولماق تەس.

سودىدا تالاشساق گىرىكەن دەيدۇ،
يا،كاسسىر مائاشنى جېق-جېق بەرمەيدۇ،
پۇلى ئاز  ئادەملەر  سوغۇق  تەرلەيدۇ،
جاھاندا ھەممىدىن مالىم بولماق تەس.

ئىشتاھا بار لىكىن يىيەلمەس پۈتۈن،
تويمىغان يىرىگە تويغۇزار تۈتۈن،
شۇ سەۋەپ چىرايى ئەمەستۇر سۈتۈن،
جاھاندا ھەممىدىن مالىم بولماق تەس.

ئىسىلراق كىيىمگە مائاش يەتمەيدۇ،
توك پۇلى،سۇ پۇلى نېرى كەتمەيدۇ،
توي-تۈكۈن مەرىكە بىزنى ئەپلەيدۇ،
جاھاندا ھەممىدىن مالىم بولماق تەس.

ئىئانە ئەڭ ئاۋۋال يوقلايدۇ بىزنى،
بەرمىسەك باشلىقلار دوقلايدۇ بىزنى ،
جېق بەرسەك ئاياللار سوتلايدۇ بىزنى،
جاھاندا ھەممىدىن مالىم بولماق تەس.

خىزمەتنىڭ دەستىدىن نەچچىمىز بويتاق،
كىر يوتقان،كىركۆرپە ،ئىشتانلار شالتاق،
بويتاققا ھەمراھكەن رەتلەنمەس ياتاق،
جاھاندا ھەممىدىن مالىم بولماق تەس.

پۇلى ئاز نامرات دەپ قىزلار تەگمەيدۇ،
پۇل تېپىش پۇرسىتى بىزگە كەلمەيدۇ،
مالىمنىڭ دەردىنى قىزلار بىلمەيدۇ،
جاھاندا ھەممىدىن مالىم بولماق تەس.

كەپ تۇرار ھەپتىدە باھالاش ئۆمەك،
ئۇلارغا ھەقىقىي سان-ساناق كىرەك،
ئىشلەيسەن نەچچە رەت ئارخىپنى دىمەك،
جاھاندا ھەممىدىن مالىم بولماق تەس.

باشلىقلار تۇرىدۇ خۇددى داھىيدەك،
ئىشلەيمىز بىزخۇددى باخشۇ،يايىدەك،
بىز ماتا ئۇلاردۇر ئەتلەس-شايىدەك،
جاھاندا ھەممىدىن مالىم بولماق تەس.

ئونىنجى  سىنتەبىر  بايرام  كۈنىمىز،
دەرت چەككەن بولساقمۇ مەجبۇرى كۈلىمىز،
شەرەپكەن مەيدىگە  قىسقان  گۈلىمىز ،
جاھاندا ھەممىدىن مالىم بولماق تەس.

مۇشاققەت دەستىدىن ئاقارسىمۇ چاچ،
ئۈمىدۋار بۇلۇپ كەلدۇق پارتىيە بولغاچ،
مىڭ شۈكرى قالمىدۇق لېكىن يالىڭاچ،
جاھاندا ھەممىدىن مالىم بولماق تەس.

يەتمىگەچ بىراۋغا بىزدىن قىلچە نەپ،
ھاجەتمەن بولۇپ بارساق قويار ئەدەپلەپ،
مەسخىرە قىلىدۇ <<ئەپەندى>>كەن دەپ،
جاھاندا ھەممىدىن مالىم بولماق تەس.

بىر سائەت سورىساڭ مائاشىڭ كەمدۇر،
تاقابىل تۇرمىقىڭ ئۆلۈمگە تەڭدۇر،
سىردىشىڭ بور،كىتاب،دوسكا ھەم رەڭدۇر،
جاھاندا ھەممىدىن مالىم بولماق تەس.

مەكتەپتە مۇھىمى ئوقۇ-ئوقۇتۇش،
سەبىيلەر قەلبىنى پەندە يۇرۇتۇش،
ھالبۇكى ئۇنتۇلدى بۇ مۇقەددەس بۇرچ،
جاھاندا ھەممىدىن مالىم بولماق تەس.

تەكشۈرەر پات-پاتلا تەييارلىق قېنى؟
تەييارلاپ تۇرمىساڭ چىقىدۇ  جېنى،
كىچىك پىت ھەممىدىن قىينايدۇ سىنى،
جاھاندا ھەممىدىن مالىم بولماق تەس.

ھەر كۈنى بار ساڭا ئالىي يوليۇرۇق،
چولاڭ يوق مۈگدەيدۇ غېرىب تاپشۇرۇق،
ئاخشىمى ئۆيۈڭنىڭ چىرىغى يۇرۇق،
جاھاندا ھەممىدىن مالىم بولماق تەس.

سانى يوق تازىلىق، سانى يوق ئەمگەك،
بۇدېمەك چارچاشتىن، ھالىدىن كەتمەك،
كۈنىمىز ساختىلىق ،يوقنى بار ئەتمەك،
جاھاندا ھەممىدىن مالىم بولماق تەس.

توشقۇزماي قويۇپ باق بىر كاتەكنى ئاق،
كىملەردۇر دوق قىلىپ تويغۇزىدۇ جاق،
بورمىلاپ  قەستەنلا  چىقىرار  چاتاق،
جاھاندا ھەممىدىن مالىم بولماق تەس.

دەرتلەر كۆپ ئاڭلاشقا ئادەم يوق بىراق،
بىزشۇنداق تېنىمسىز كۆيگەن شام-چىراق،
يۈرەكنى ئۆرتەيدۇ ھەسرەتلىك پىراق،
جاھاندا ھەممىدىن مالىم بولماق تەس.

يازغىنىم ئىشەنسەڭ ھېچ يالغان ئەمەس،
بىر ئۆمۈر يازساممۇ دەردىم تۈگىمەس،
توختىتاي سۆزۈمنى ئەمدى بولدى بەس،
تەس دىسە جاھاندا مالىم بولماق تەس.

مەنبەسى:خوتەن ۋىلايىتىنىڭ  قاراقاش ناھىيسىدىكى بىرئوقۇتقۇچى دوستۇمنىڭ تېلېفۇنىدىكى ناخشىلار توپىدىن

قىزىق دۇنيا قىزىق ئىش،
يازدا تۇرۇپ كۆردۇق قىش.
يۇلۇپ تاشلاندى، ساق چىشلار،
دەرت كۆرمىدى، ئاغىرىق چىش.

شامال چىقمىسا دەرەخ لىڭشىمايدۇ ، دەرت باسمىسا مالىم غىڭشىمايدۇ !

ئىنكاسلار بىر بىرىدىن ئۇزكىنا ،،،،