ئەسسالامۇ-ئەلەيكۇم ئاشپەزلەر!
مەن خالاستان بىلوگىنىڭ قۇرغۇچىسى نەزەرى، ئالدى بىلەن سىزلەرنىڭ كەسپىيلىشىكە يۈزلەنگەن بىر توربەتنى ئېچىپ ئۇيغۇرچە تورلاردىكى تەكرارلىق، دورامچىلىقتىن خالىي بىر سورۇن ھازىرلىغىنىڭلاردىن تولىمۇ سۆيۈندۈم.شۇنداقلا بىلوگىمغا ئۇلىنىش قوشۇپ قويدۇم.http://www.halastan.com/
مەقسەتكە كەلسەك،مەن پايتەخىتتە ھىجرەتكە قەدەم باسقان ياش ستۇدېنت. ھازىر ئۆيدە تاماق ئېتىش شارائىتىم بار،لىكىن مۇشۇ يېشىمغىچە قىلىپ باققان ئىشىم قايناق سۇدا تۇخۇم پۇشۇرۇش ئىكەن. شۇڭا ماڭا مۇناسىپ تاماق ئېتىش لاھىيەسى تەمىنلىسىكەن دېگەن ئويدا، كۈندە نەچچە قىتىم ئانامغا تېلفون قىلىپ يۈرۈپقۇ گۈرۈچ پۇشۇرۇپ،سەي قورۇپ تاماق ئەتكەنمۇ بولدۇم.ئەمما تازا ياخشى ئەمەس.
ئەتە ئۆگۈن تېخىمۇ يىراققا ھىجرەتكە چىقىپ قالساممۇ بۇ ھۈنەر ئەز قاتقۇدەك.
تۆۋەندىكى شارائىتقا قاراپ ئەڭ ئاز ئىقتىساد سەرپ قىلىپ، ئەڭ تىز سۈرەتتە ئۆگەنگىلى بولىدىغان،ھەم كىتىدىغان سەي تۈرى ئازراق بولغان، چۈشتە قورۇسام كەچكىچە توڭلاتقۇدا ساقلاپ يەنە ئسسىتىپ يېيىشكە بولىدىغان، ئۇزۇن مەزگىل يېسەممۇ بەدەنگە ئارتۇق زېيىنى بولمايدىغان  بىر نەچچە تۈرلۈك تاماق تېزىملىكى ۋە ئېتىش ئۇسۇلى تەمىنلىگەيسىزلەر.
مىنىڭ ئۆيۈمنىڭ ئەتراپىدا:
گۈرۈچ ئەرزان، كالا گۆشى ئەرزان، ياڭيۇ ئەرزان، كاللەك يىسىۋىلەك ئەرزان،تۇخۇم ئوتتۇراھال، سامساق ئەرزان،پىياز قىممەت،باشقا سەيلەرمۇ تېپىلىدۇ، باھاسى مۇۋاپىق. خىمىر يۇغۇرۇش شارائىتىم يوق،كەسمە چۆپ بار. (گۈرۈچ ۋە باشقا نەرسىلەرنى)دۈملەپ پۇشۇرۇش شارائىتىم بار. قوشۇمچە تەم تەڭشىگۈچلەردىن تۇز بىلەن ئاچچىقسۇ ۋە لازا قىيامىدىن باشقىلارنى ئىشلەتمەيمەن. مېيىم پۇرچاق مېيى(高级大豆油)
قىنى ماڭا ماس كىلىدىغان تاماقلار تېزىملىكى بولسا تونۇشتۇرساڭلار. رەھمەت.

بۇ  قېرىندىشىمىزغا  ھەر  بىرىمىز  بىردىن  قورۇما  تەييارلاشنى  تونۇشتۇرايلى !   مەن ئەڭ  ئوڭاي  پەمىدۇر  تۇخۇم قورۇمىسىى   تونۇشتۇراي !
ماتېريالى :
تۇخۇم  4 دانە  ،  پەمىدۇر  1 دانە  غولپىياز چانالمىسى  2 قوشۇق ،  تۇز  مۇۋاپىق ،  شېكەر  ئازراق
تەييارلىنىشى
1. تۇخۇمنى چېقىپ تۇز ، غولپىياز چانالمىسى  قوشۇپ  ياخشى  ئارلاشتۇرىسىز .
2. پەمىدۇرنى  قېلىنراق ياپراقچە  توغرايسىز .
3. قازانغا  يېرىم  چۆمۈچ ياغ قۇيۇپ  قىززىغاندا   تۇخۇمنى  سېلىپ  ئارلاشتۇرۇپ  قېتىپ  ساغارغاندا   پەمىدورنى  سېلىپ  شېكەر  قوشۇپ  بىراز  قورۇپ  تەخسىگە ئالىسىز  .   بۇ  قورۇمىنى  تاشتىدا  چاي  بىلەن  ئىچىشكىمۇ  ، چۈشتە  گۈرۈچ  بىلەن يىيىشكىمۇ  بولىدۇ .

مۇشۇ مۇنبەرنى ئوبدان كۆرسىڭىز سىزگە ماس كىلىدىغان سىز ئىتەلەيدىغان ئاسان تاماقلارمۇ بار قىرىندىشىم

بىزنىڭ تاماق رىسالىمىزدا نۇرغۇنلىغان ئىسىل تاماق تۈرلىرىمىز بار ،  ئىتىش ئەڭ ئاسان بولغان تاماق 1- شورپا 2- پولۇ ...............