ئەيدىز كېسىلىنىڭ دەسلەپكى باسقۇچتىكى ئالامەتلىرى


ئەيدىز ۋىرۇسى ئادەمنىڭ ئىممۇنىتېت سىستېمىسىنى بۇزغۇنچىلىققا ئۇچراتقاندىن كېيىن قاپارتما، سۆگەل، كۆكەرتكۈچى زەمبۇرۇغلۇق تېرە كېسەللىرىنى كەلتۈرۈپ چىقىرىدۇ. ئامېرىكا داۋالاش مەركىزى تېرە كېسەللىرى بۆلۈمىنىڭ پىروفېسسورى كاننېتنىڭ سۆزىگە ئاساسلانغاندا، بىماردا ئۇرۇقلاش، چارچاش ئالامەتلىرى كۆرۈلۈشتىن بىر نەچچە ئاي بۇرۇن تېرىدە كېسەل ئالامەتلىرى كۆرۈلىدىكەن. يەنىمۇ ئىلگىرىلىگەن ھالدىكى تەتقىقات ۋە كۆزىتىش ئارقىلىق تەتقىقاتچىلار كۆپ خىل جاھىل ۋە ئېغىر تېرە كېسەل ئۆزگىرىشىلىرىنىڭ ئەيدىز كېسىلى بىلەن يۇقۇملىنىشنىڭ دەسلەپكى باسقۇچتىكى كېسەل ئالامەتلىرى ئىكەنلىكىنى بايقىغان. ئەيدىز ۋىرۇسى بىلەن يۇقۇملانغانلارنىڭ تېنىدە مۇناسىۋەتلىك ئانتېتىلا شەكىللىنىدۇ. تەتقىقاتلاردا كۆرسىتىلىشىچە، بۇ خىل ئانتېتىلا شەكىللەنگەن كىشىلەرنىڭ ھەممىسىدە تۆۋەندىكىدەك كۆپ خىل تېرە كېسەل ئۆزگىرىشى كۆرۈلىدىكەن. 1. تېرە ياللۇغى، قىزىرىپ ئىششىش، سۇلۇق قاپارتما ۋە يىرىڭلىق قاپارتما قاتارلىق زەمبۇرۇغلۇق يۇقۇملىنىش كۆرۈلىدۇ. تىپىك ئالامىتى ئېغىز ۋە بۇرۇن ئەتراپىدا داغسىمان كىچىك سۇلۇق قاپارتما پەيدا بولىدۇ. 2. ئېغىر ياغلىشىش خاراكتېرلىك تېرە ياللۇغى كۆرۈلۈپ، يۈز، باش ۋە پۈتكۈل بەدەن تېرىسىدە ياغلىق قاسراقلىق كېپەك ئېغىر دەرىجىدە پەيدا بولىدۇ. 3. ئېغىر تېرە قۇرغاقلىشىش كېسىلى ياكى ياش تۇرۇپ تېرىسى ياشانغانلارنىڭكىدەك بولۇپ قېلىش ئەھۋالى كۆرۈلىدۇ. 4. قولتۇق قاتارلىق ئورۇنلاردا تۈك خالتىسى ياللۇغى كۆرۈلىدۇ. 5. تۈز ئۈچەي ۋە مەقەت ئەتراپىدا يەككە قاپارتما، سۇلۇق قاپارتما، قول، پۇت ۋە ساقال ئۆسىدىغان ئورۇندا يېڭىدىن سۆگەل پەيدا بولىدۇ. 6. پۇت قىسمىدا زەمبۇرۇغلۇق ياللۇغلىنىش ئېغىر دەرىجىدە پەيدا بولىدۇ. شۇنى كۆرسىتىش كېرەككى، گەرچە مۇتەخەسسىسلەر كۆرسەتكەن يۇقىرىدىكى تېرە كېسەللىرى ئەيدىز كېسىلى بىلەن يۇقۇملىنىشنىڭ دەسلەپكى باسقۇچتىكى ئالامەتلىرى بولسىمۇ، لېكىن ئەيدىز كېسىلى بىلەن يۇقۇملىنىشنىڭ تۈپكى شەرتى يۇقىرىدىكى ئالامەتلەر كۆرۈلگەن كىشىلەردە چوڭقۇم ئەيدىز ۋىرۇسى بىلەن ئۇچرىشىش مۇمكىنچىلىكى بولۇشى كېرەك. يەنى، يېقىندا گۇمانلىق قان سالدۇرغان، كېلىش مەنبەسى ئېنىق بولمىغان ئىمپورتنى گىلوبۇلىن قاتارلىق بىيولوگىيەلىك ياسالمىلارنى ئىشلەتكەن ياكى بەچچەۋازلىق قىلغان ۋە ئەيدىز بىمارى بىلەن ئۇچرىشىش تارىخى بولۇش كېرەك. ئەگەر بۇنداقلاردا تۇيۇقسىز تېرە كېسەل ئالامەتلىرى كۆرۈلسە، دوختۇرخانىغا بېرىپ لابوراتورىيەلىك تەكشۈرتۈپ، ئېنىق دىياگنوز قويدۇرۇش كېرەك.  

بىزمۇ  ئۆزىمىزنى  تەكشۇرتۇب   تۇرسە بوگىداك

ئىسىمدە قېلىشىچە بۇ تېما بىر قېتىم يوللىنىپ بولغانغۇ دەيمەن

ئاللا پاناھ بولسۇن ئۇ نىجىس كېسەلدىن !

ئاللا پاناھ بولسۇن ئۇ نىجىس كېسەلدىن

نائىلە بىلەن مەمەتباقى بىر يەردە ئولتۇرۇپ ئىنكاس يېزىۋاتامسىلەر نىمە؟ئەجەپ ئوخشاشقۇ؟!

نەقىل

بۇ مەزمون5قەۋەتتىكىخوشامەتنىڭ2011-06-29 23:51دە يوللىغان يازمىسى  :
نائىلە بىلەن مەمەتباقى بىر يەردە ئولتۇرۇپ ئىنكاس يېزىۋاتامسىلەر نىمە؟ئەجەپ ئوخشاشقۇ؟!

توغرا ئاشپەز مۇنبىردە يېزۋاتدۇ