باشقۇرۇش ئەسكەرىتمىسى :

بۇ يازمىنى ئاشپەز ئائىلىدە گۇرۇچ تائاملىرىنى تەييارلاش دىن بۇ سەھىپىگە يۆتكەپ كەلدى(2011-03-29)

                                                                                                                         تېلۋىزور، مەھەللەمنى تۆلەپ بەر!



                                                         مەڭگۈتاش



      - مەڭگۈتاش! ئۆيۈڭلەردە نەچچە جان بار؟
      - 8 ئادەم، 5 قوي، 6 توخۇ بار.
       پاراققىدە كۈلكە...
       مۇئەللىمنىڭ سۇئالىغا بەرگەن جاۋابىم كۈلكە قوزغىدى. كېيىن بىلسەم، مۇئەللىم بۇ گەپكە نەچچە كۈنگىچە كۈلگەنمىش. نەرى كۈلكىلىك بۇگەپنىڭ؟ قوي، توخۇلار جان ئىگىسى ئەمەسمىكەن؟ شۇ جاندارلارنى ئائىلە ئەزاسىقاتارىدا سانىغىنىمدىن ھازىرغىچە ھۇزۇرلىنىمەن. دەرستىن چۈشۈپ ئىشىكتىن چىقاي دېسەم ئىككى قىز ئىشىكتە تۇرۇۋاپتۇ.> ئۆتىۋالاي <دېگەن گەپنى قىلالماي خېلىغىچەتۇرۇپ قالدىم. قىزلار ئالدىدا قىزىرىپ كېتىمەن. باشلانغۇچتا ئوقۇيدىغان چېغىمدا بىر ساۋاقدىشىم سومكا قويىدىغان تارتمىنى باش تىقىدىغان يەر دەپ قالغانمىكىن، بېشىنى تىقىۋېلىپ چىقىرالماي، ئۈستەلنى بۇزۇپ بېشىنى چىقارغان ئىدۇق. شۇندىن كېيىنئۇ مەكتەپكە كەلمىدى. كىچىككىنە خىلۋەت مەھەللىمىزدە بىرەرسىنىڭ تاياق يەپ قېلىشىمۇ خېلى چوڭ خەۋەر ھېسابلىناتتى.  مەھەللە ئوتتۇرىسىدىكى كەنت ئىشخانىسىنىڭ تېمىغا پەردە تارتىلىپ كىنوقويۇلىدىغان كۈن ئەڭ خۇشال كۈنلەرنىڭ بىرى ئىدى. >شىجىياجۇئاڭنى ئازاد قىلىش<،>گۇمانلىق قان<دېگەندەك ئىنقىلاۋىي كىنولار مېڭىمىزگە تامغىلىنىپ كەتكەن ئىدى. يېرىمىدا ئۈزۈلۈپ قالىدىغان كىنو لېنتىسىئۇلىنىپ بولغىچە ئېغىزلار 18 مىڭئالەمنىڭ پارىڭىنى قىلىپ بولاتتى. كېيىن مەھەللىمىزدە بىرەيلەن 12 دىيۇملۇق رەڭسىز تېلۋىزوردىن بىرنى ئېلىپ كەلدى. بۇ ئادەمنىڭ ئۇلاغلىرىغا چۆپ ئېلىشىپ بېرىپ يۈرۈپ تېلۋىزور كۆرەتتۇق. كېيىن 5 پۇڭدىن بېلەت ساتتى. ئۇ چاغلاردا بىر موچەن بىلەن يېزا مەركىزىدە ئويناپ كەلگىلى بولاتتى. >يول باشلىغۇچى<،> كۆك مارجان< دېگەندەك كىنولارنىتېلۋىزوردىن كۆردۇق. ئەمما ئۇ چاغدا قۇۋۋەت تالقانلىرىنىڭ ئېلانلىرىنى بەرمەيتتى. بارا- بارا تېلۋىزور سېتىۋالىدىغانلار كۆپىيىپ،<خويەنجىيا> ،<بۈركۈت ئاتار پالۋان> فىلىملىرىنى خالىغان ئۆيلەردە كۆرىدىغان بولدۇق. مەھەللىمىزدە خېلى چوڭ ئىشلار يۈز بېرىدىغان بولدى. بىرەيلەننىڭ قىزى ياقا يۇرتلۇق يىگىت بىلەن قېچىپ كەتتى. بىرەيلەن پىچاقلىنىپ ئۆلتۈرۈلدى. يەنە بىر قىز ئائىلىسىدىكى بېسىمغا چىدىماي ئېسىلىپ ئۆلىۋالدى. يەنە بىرەيلەن نىكاھسىز ھامىلدار بولۇپ قالدى... دېگەندەك. رېتىم كۈندىن كۈنگە تېزلىشىپ كېتىۋاتاتتى. جىنايەت، ئادەم ئۆلتۈرۈش ۋەقەلىرىنىڭقېتىم سانى كۆپەيدى. ئەقىدىنىڭ كۈچى بىلەن جىمجىت ياشاپ كېلىۋاتقان تەنھا كەنتتېلۋىزىيە كەبى زەرەتلىگۈچنىڭ غىدىقلىشى بىلەن ئېچىۋېتىلىشكە باشلىدى. بۇيرۇق بىلەن ئۆزگەرمىگەن كىشىلەر تېلۋىزىيەنىڭ كۈچى بىلەن ئۆزگىرىۋاتاتتى. يېزامنىڭسېھرىي كۈچى خىرەلەشتى. قەدىمىي جۈجەم تۈۋىگە بوتكا قۇرۇلدى. مەستچىلىكتە كىمنىڭئىشىكىنى چەككەنلىكى، كىمنىڭ ئۆيىدە قانداق رەڭدە قۇسقانلىقى ئەتىسىدىكى كۆۋرۈك بېشى پارىڭىغا ئايلاندى. كىشىلەر مۇقام- كۈيلەرگە باشلىرىنى ئىرغاڭشىتقىنىچەتۇڭگان يېغىلىقلىرىنى سۆزلىشەتتى. ئېغىر گۇناھلىق ئىشلارنى پەخىرلىنىپ سۆزلەپ بىر مۇنچە ئادەمنى ئاغزىغا قارىتىش قابىلىيەتنىڭ بەلگىسىگە ئايلاندى. بىرمۇئەللىم ھاراققا بېرىلىپ ئاخىرى نېرۋىسى كاردىن چىقتى. يەنە بىرەيلەن ھاراقنىڭكۈچى بىلەن دەشتكە كىرىپ كېتىپ ئۆلۈكى قالدى. باشقىلارنىڭ ئۆيىگە >ئۇقۇشماي كىرىپ قېلىش< ھادىسىلىرى كۆپىيىپ كەتتى. بىراۋ بىلەن بىر قىزنىڭ كوچىدا تۇرۇپ قالغانلىقى چوڭ ئىش سانىلىدىغان مەھەللە خېلى ئىشلارنى ئېغىر ئالمايدىغان بولدى. مەن قوي باقاتتىم. قويلارنى ياخشى كۆرەتتىم. ئۇلار ئۇقۇشماي باشقىلارنىڭ زىرائىتىنى يەپ قويغان بىلەن غەيۋەت، تۆھمەت قىلىشنى بىلمەيتتى. بالىلار بىلەن قەرت ئويناپ كىميېڭىلسە قاچقان قويلارنى توسۇپ كېلىشكە ماڭاتتى. كەچتە يەنە تېلۋىزور كۆرگىلىكىملەرنىڭدۇر ئۆيلىرىگە ماڭاتتۇق. كېيىنكى كۈنلەردە خويەنجىيانى بوۋامدەك، سۇنۋۇكۇڭنى تاغامدەك كۆرىدىغان بىر خىل روھىي ھالەت شەكىللىنىشكە باشلىدى. ئۆزۈم بىر ئېتىبارسىز چىۋىن ئىدىم. شۇ چاغلاردا بەلكىم سۇنۋۇكۇڭغا ئوخشاش بىر مايمۇن بوپقېلىشنى ئارزۇ قىلغان بولۇشۇممۇ مۈمكىن. شۇنداق روھىي ھالەتلەر ئىچىدە بۇشەيتان ساندۇق بىلەن گاھ سىردىشىپ، گاھ يىراقلىشىپ ئالىي مەكتەپكە چىقتۇق.  رىئاللىق يەنە رىئاللىق ئىكەن. بۇ يەردىمۇتېلۋىزور بىلەن ھېسسىياتچان ئۇيغۇرلار توپى ئىچىدە ياشىدىم. پارس قولتۇقى ئۇرۇشىبولدى. سىنىپتا ساددام ئۈچۈن ئاھ ئۇرۇپ، >بۇش بوش ئاتىدۇ، ساددام چىڭ ئاتىدۇ< دەپ ئىشىنىپ يۈردۇق. ساددام دېگەن يېرىمىزدىن چىقالمىدى. ئالىي مەكتەپ پۈتۈپ خىزمەتكىمۇ ئۇلاشتۇق. سىنقويغۇ تۈنەكخانىلاردا تۈنەپ شىياڭگاڭنىڭ فىلىملىرىنى تولا كۆرۈپ، جورۇنفا بىلەن لىيۇدېخۇانى بىر تۇغقان  قېرىنداشلىرىمدىن ئۈستۈن ساناپ يۈردۇم. جاڭ مەنيۈ بىلەن پالانچىشىياۋجىيېلارغا ئاشىقىي بىقارار بولۇپ، كۆزنى قىزارتىپ، چىراينى سارغايتتۇق. مۇش- پەشۋا ئورۇندىيالمىغان ئىشلارنى سىنقويغۇلار ئورۇنلاۋاتاتتى. غېمىمىزنى يەپ تۈگەپ كەتكەن ئۆمەر باتۇر بىلەن غېنى باتۇر كىگىز چورۇق بىچارىلەرگە ، ئىپپەت ئۈچۈن ئۆلۈمنى تاللىغان ئىپارخان مەتۇ خوتۇنغا ئايلىنىپ قالغان ئىدى. ھەر بىر كەتمەن چاپقان ئىزغا بىر تېمىم تەرى ئېقىۋاتقان تۇزى شورلۇق ئاتام نەزىرىمدە ياشاشنىبىلمەيتتى. مەن لۈكچەك بولۇشنى ئارزۇ قىلىپ لۈكچەك بولالمىغان پېتىم، كۆرپەقەھرىمانى بولۇپ 30 ياشنىڭ قارىسىنى كۆردۇم. قارىسام ، باشقىلار ئۇزاپ كېتىپتۇ. ئوتتۇرا مەكتەپتىكى بەزى ساۋاقداشلىرىم پالتىچىلار گۇرۇھىنى دوراپ بىر- بىرىنى چانىشىپ يۈردى. ئۆلىدىغانلار ئۆلدى. ئۆزۈمنىڭ خىلۋەت، جىمجىت ماكانىمدا ياشاپ، بولىۋاتقان ئۆزگىرىشلەرنىكۆزەتتىم. مەھەللەمنىڭ قىزلىرىمۇ تار يوپكىلارنى كىيىپ، ئۇزۇن كۆينەكلىرىنىقازناققا تىقىپ قويۇشتى. ياخشى كۆرۈپ قالغان ئادىمىگە قۇش شەكلىدە سالام خەتنىپۈتۈپ يەتكۈزۈپ بېرىدىغان قىز- يىگىتلەر مۇھەببىتىنى بىۋاستىلا ئىپادىلەيدىغان بولۇشتى. تاماكىلار مويسىپىتلارنىڭ كۆزىچىلا چېكىلىدىغان بولدى. ئەڭ نامرات ئائىلىدىن پۇل ئەمەس، شەھۋانىي پىلاستىنكا تېپىلىدىغان ئانا يۇرت سارغايغان ئەخلاقنىڭ دەپىن مۇراسىمىغا شاھىد بولۇپ قالدى. ئەرلىك قۇۋۋەت ئاشۇرغۇچى دورىلار ئەڭ خىلۋەت قازاناقلارنى ماكان تۇتتى.  دوقمۇشلاردا داۋاملىشىدىغان ئاتا- بوۋىلارنىڭ بالىلارنى قانداق تەربىيلىگەنلىكى ھەققىدىكى مۇنازىرىلەرنىڭ ئورنىنى كورىيە چولپانلىرى بىلەن قاسماق نىراجى ئىگىلىدى.  كەڭ يېزا- قىشلاقلاردا كېمە ماچتىسىدەك ئاۋۇغان ئانتېنا خادىلىرى ئىپپەت پەرىشتىلىرىنىڭ ماكانىغا ئىبلىسچىللىماقتا ئىدى. قىزلار قىزلىق پەردە سېلىش ئېلانلىرىنى تولا كۆرۈپ ئامانەتنىمۇھىم بىلمەيدىغان، يىگىتلەر باشقىلارنىڭ  بېغىدىن ماراشنى يېڭىلىق سانايدىغان بولۇشتى. نامراتلىققا قوشۇلۇپ كەلگەنمەدەنىيەتكە ئېچىرقاش ئاپەت بولۇپ، ئاپتاپتا چىرىپ كەتكەن دەرپەردىلىرىمىزنى تېشىپئۆتتى.  يېزىدىكى كىچىككىنە بىر توپ قىز- ئوغۇل بىر يەردە ئويناۋاتسا، ئارىدىكى بىر قىز ئۆزىنىڭ ئۇياتلىق ئەزاسىنى بىرئوغۇلغا كۆرسىتىپ، سۆيۈپ قويۇشنى تەلەپ قىلىپتۇ. كېيىن مەلۇم بولدىكى، بۇ قىزنامراتلىق يىلىك- يىلىكىدىن ئۆتۈپ كەتكەن بىر ئائىلىنىڭ پەرزەنتى بولۇپ، ئاتا- ئانىسى ئۆيىدە غەربنىڭ سېرىق فىلىملىرىنى بالىلىرىنىڭ كۆزىچىلا  كۆرىدىكەن.

          يەنە بىر كۆرۈنۈش: ھەر بىر تۈپ قوغۇننىڭ تۈۋىدە 80 قېتىم ئىڭىشىپ، بالىسىنى پەرۋىشلىگەندەك پەرۋىشلىگەن دېھقان يىگىت بىر ھارۋا قوغۇننى شەھەرگە ئېلىپ كىرىپ ئېلىشىغا ساتتى. كەچقۇرۇن بىچارە ئېشەكنى قىزىل چىراق يېنىپ تۇرغان يول ئېغىزىغا باغلاپ قويۇپ، شالتاقلاشقان پۇلنى سىقىمدىغىنىچە سىچۇەنلىك تەتەي ئاچقان شوپاڭخانىغا كىرىپ كەتتى.

        مەھەللىدىكى ئېسىل كىيىملەرنى ياشاشنىڭ مەنىسى دەپ چۈشىنىپ قالغان  ئېرى بار چوكان بىر بويتاقنىڭ پۇلىغا ئۈگىنىپ قېلىپ، كېچىلىرىمۇئۆيىنىڭ كەينىگە كېلىۋېلىپ، ئۇنىڭ ئىسمىنى چاقىرىپ، مەھەللىگە پۇر كەتكەن ئىدى. ھېلىقىبويتاق ئاخىرى نومۇستىن ئىچكىرىگە قېچىپ قۇتۇلدى. ھېلىقى چوكان قاچمىدى ھەمئۇيالمىدى. ئېرى ھازىرغىچە سىزىقىغا كىرگۈزەلمەيۋاتىدۇ. ئاڭلىسام، ئۇ خوتۇن ھازىريېڭى توي قىلغان خوتۇنلارنى ئازدۇرۇش ھەلەكچىلىكىدە ئىمىش. توخۇنىڭ ھامىنى پوقيەيدىغىنىغا ئىشەندىم. پالتا سېپىغا موزاي تېزەكلەپ بولدى. يېزىلار قېپيالىڭاچ ھالەتتەكۆيىقاپ تەرەپكە يۈگۈرۈپ كېتىۋاتاتتى.

          مەن مەھەللەمنى سۆيەتتىم. سەھرايى قىيامەتنى ئەمەس، قۇلاق تۈۋىدە ‹ئەسسالامۇ ئەلەيكۇم› جاراڭلاپ تۇرىدىغان، يۈرىكىگە ئالەمچە سۆيگۈ پاتىدىغان، چېلىشىش، پۇتبول قىزىپ كېتىدىغان، قۇلاقنى يارغۇچى يىرتقۇچ مۇزىكىلار ئەمەس، ئانىلارنىڭ ئەللەي ئاۋازلىرى ئاڭلىنىپ تۇرىدىغان، كوچىلاردىن قۇسۇق ئەمەس، قارا تۇپراقنىڭ ھېدى كېلىدىغان سەھرايى مۇبارەكنى سۆيەتتىم. بالىلار بالىلارغا ، ئويۇن ئويۇنغا ئوخشىمايتتى. يىغا يىغىغا ئوخشىمايتتى. گەپ- سۆزلەردىن ھەيۋە، قېيىداش، تەنە پۇرىقى كېلەتتى. قېرىندىشىغا قىلىنغان ياردەمدىنمۇ تەمە ھىدى كېلەتتى.

         ئىككى بالىلىق بولغۇچە كۆرمىش - ئەتمىشلىرىم تۈمەنمىڭ. تالاي قازاندا قايناپ باقتىم. شەخسىي غېمىم تۈگىمەي تۇرۇپ،ئۆزۈمچە خەلقىمنىڭ غېمىنى يەپ باقتىم. خەلقىمنىڭ قىزلىرىنى دەپسەندە قىلىپ بولۇپ‹قىزلىرىمىزدىكى ئىپپەت نەگە كەتتى› دەپ ماقالە يازىدىغان قەلەمكەشلەر بىلەن ئارىنى ئوچۇق قىلدىم. باشقىلار بىلەن جىدەللەشمىدىم. قاراڭغۇ كوچىلاردا ماڭمىدىم. ئاشنىسى ئېلىپ بەرگەن يانفۇننى ئېرىگە كۆز- كۆز قىلىدىغان ئاياللار ئاۋۇپ كەتكەن جەمئىيەتتە ئۆز ئائىلىسىگە ئىگە بولۇشنىڭ ئۆزى چوڭ غەلىبە ئىدى. مەندە يۈكسەك ئارزۇلار يوق . مەن نامراتلىقتىن قەددى پۈكۈلگەن خەلقنىڭ غەمكىن بىر ئەزاسى بولۇش سۈپىتىم بىلەن خەلقىمنىڭ مۇتلەق كۆپچىلىكى ياشايدىغان سەھرالارنىڭ بۈگۈنكى رىئاللىقىنى قىسمەن بولسىمۇ ھېس قىلىپ ياشاۋاتقانلارنىڭ بىرى . تېلۋىزوردىن ئىبارەت ئەبجەش ئەينەكتىن زەھەرلىنىشنى بىۋاستە كۆرۈپ ياشاۋاتقىنىم ئۈچۈن، مۇرەككەپ ھېس تۇيغۇلارنىڭ ئىسكەنجىسىدە تىپىرلاپ تۇرۇپ، تىزگىنىكىمنىڭباسمىقىنى بىر باسقىلى تۇرسام، 40 قانالنى بىرسەيلە قىلىپ چىقىمەن. 5- يۈرۈش ئۇنۋېرسال قانىلى ئوغلۇمنى مۇددەتتىن بالدۇر بالاغەتكەيەتكۈزۈشكە تۆھپە قوشماقتا. سۆيۈشۈش، سىلاش، پەردە ئىچىدىكى رېتىملىق ھەركەتلەر. رەھمەت تېلۋىزىيە خادىملىرى... ماتېرىيالدىن كۆرۈشۈمچە، ئىسرائىلىيە تېلۋىزىيە ئىستانسىسى پەلەستىن رايونىغا ھەر كۈنى كەچتە شەھۋانىي فىلىملەرنى تارقىتىپ ياشلارنى زەھەرلەيدىكەن.

         مەن ئېلاندىن زەھەرلەنگۈچى. قۇۋۋەت تالقانلىرى ئىچىدە ئېزىقىپ يۈرۈپ، شۈمەككە ئايلىنىپ قالدىم. ئايالىم ‹چىننۇرى› دەپ جۆيلۈيدىغان بولۇپ قالدى. ئوغلۇمنىڭ ۋاخاخا دەپ تىلى چىقتى. بىر تۇغماس ئايال مەلۇم دوختۇرخانىغا بېرىپلا بالىلىق بوپتۇ. پالانچى كۇمۇلاچنى يەپلا قاقتەك قورۇلغان بىر قېرى ئامېرىكا ئەرلىرىدىن قېلىشمايدىغان بولۇپ كېتىپتۇ. بىر نېگىر پالانچى ئىچىملىكنى ئىچىپ ئاقلىغان پىيازدەك ئاقىرىپ كېتىپتۇ. پالانچى فىرىمانى ئىچكەن بىر قوزىنىڭ ‹ئانا›دەپ تىلى چىقىپتۇ...

      روھىي زىيان تۆلىمى تەلەپ قىلىمەن. كىمدىن؟

      ياپونىيىنىڭ ‹تېلۋىزىيە قاتىلى›ناملىق فىلىمىدە تېلۋىزور ئارقىلىق قاتىللىق قىلىش مەزمۇن قىلىنغان. بىر پۈتۈن قەۋم تېلۋىزىيە تەرىپىدىن قارىغا ئېلىندى. ئامېرىكىلىق كۆك كۆز مەخلۇقلار. ھەرقايسىڭ چاۋشىيەن ئۇرۇشىدا پۇرۇلتارىيات دېكتاتۇرىسىنىڭ تەمىنى تېتىمىغانمىدىڭ؟ ئەگەر يەنە ئاشۇنداق ئۆز خەلقىڭ كۆرمەيدىغان سېرىق كىنولىرىڭنى بىزگە داۋاملىق زورلايدىغان بولساڭ. رەسۋايىڭنى چىقىرىمىز؟

       ئەي سەمىمىي، ساددا تېلۋىزىيە خادىملىرى... ئامېرىكىلىقلارنىڭ دېپىغا ئۇسسۇلنى كەلتۈرۈپ ئوينىماڭلار. ئۇلارنىڭ ھېلە مىكرىنى، بىزنىڭ خەلقمىزنى چىرىتمەكچى ئىكەنلىكىدەك رەزىل پىلاننى ۋاقتىدا بايقاپ ئېلىڭلار؟ ئىچكى ئۆلكىدىكى قاناللاردەك پەن- تېخنىكا ئۈگىتىدىغان، بېيىش يولى تونۇشتۇرىغان پىروگىراممىلارنى قويۇشنى بىلمەمسىلەر؟ مەھەللەم بۇزۇلۇشقا يۈزلەندى. بۇرۇن نامرات ئىدى. پاكىز ئىدى. سوقما تاملىق ئۆيلەردىن ئادىمىي پۇراق كېلەتتى. بىزگە ئىچىڭلار ئاغرىسۇن. بىز ئىممۇنىتىت كۈچى تېخى تولۇق يېتىلمىگەن ئادەملەر. بىزگە ئەمدى زىيانكەشلىك قىلىشنى توختىتىڭلار.

       يېقىندا بىر ژۇرنالدىن تېلۋىزورىنىچېقىۋەتكەن بىر ئادەم ھەققىدىكى باياننى ئوقۇپ ھوزۇرلاندىم. بۇ يىل مەركەز غەربىي رايوننىڭ مەدەنىيەت ئىشلىرىنى قوللاش يۈزىسىدىن مەخسۇس مەبلەغ ئاجرىتىپ جەنۇبىيشىنجاڭدىكى بىر قىسىم نامرات ناھىيىلەردە ھەقسىز تېلۋىزور يەتكۈزۈش پائالىيىتىئېلىپ باردى. دېھقانلار كۈلدى. مەدەنىيەتكە، غەرب كىنولىرىغا ئېچىرقىغانلار ئەمدى قانغۇدەك كۆرە! بىراق، ئەمدى تېلۋىزورنى چېقىشقا بولمايدۇ.نوچى بولسىڭىز پۇلىڭىزغا سېتىۋېلىپ چېقىڭ.


مەنبە: باغداش مۇنازىرە مۇنبىرى

ھېلىمۇ تېخى دارىنىڭ ئېلاننى دىمەپسىز شۇكرى خۇدايىم

ھەي!نىمە دىسەم بۇلار!

ھەي ھەقىقەت جۇمۇ

ماڭا بەكلا تەسىر قىلدى تېما ئىگىسىگە كۆپتىن كۆپ رەخمەت

ئېسىل تېما يوللاپسىز،رەھمەت.

ھەققىقەتەن توغرا، تىلۋۇزۇر ئەمەس دىل بۇزۇر................دەپ توغرا ئىيتىلىغان.......بىزنىڭ ئۆيدىكى تىلۋۇزۇردا تەنتەربىيە قانلىدىن باشقا قاناللارنى كۈرۈش پۇرسىتى يۇق.

ھەي،بۇنىڭغا نېمىمۇ دەرمىز ئەمدى...........................

مەڭگۈ تاش ئەپەندى  بۇ مۇنبەرگە ئەزا ئەمەسمۇ  

ھەقىقەتەنمۇ ئۆيلەرگە تېلۋىزۇرنى ئىككى قىلىپ ،بالىلارنىڭكىنى مۆمكىن بولسا بالىلار قانىلىغىلا تەڭشەپ قويسا.

يازغان تىمىڭىزنى ئۇقۇپ يىغلىۋەتكىلى تاسلا قالدىم ،مىنىڭ ئۈيۈمدە تىلىۋۇزۇر يوق،مەنمۇ ئادەتتە بۇ نىمىگە بەك ئۆچ ،...........................................................................................................................................................................سەۋەپلەر تۈپەيلى .