باشقۇرۇش ئەسكەرىتمىسى :

بۇ يازمىنى ئاشپەز ئاشپەزلەر ئارخىۋى دىن بۇ سەھىپىگە يۆتكەپ كەلدى(2011-01-16)

كەسكىن قارار چىقىرىشنى ئۆگىنىۋېلىڭ!
      
سودا ساھەسىدىكى ياكى كەسىپ تاللاشتىكى خاتالىقىمىز ئىستىقبالىمىزغا تەسىر كۆرسىتىدىغان خاتالىق بولمىسىمۇ، ئەمما بۇ بىر خىل ئارقىغا چېكىنىشتىن دېرەك بېرىدۇ. شۇڭا، بىز توغرا قارار چىقىرىشنى ئۆگىنىۋېلىشىمىز، ھېچبولمىغاندا چىقارغان توغرا قارارلىرىمىز خاتا قارارلىرىمىزدىن كۆپرەك بولۇشى كېرەك. كۆپ ساندىكى ئىگىلىك تىكلەپ مۇۋەپپەقىيەت قازانغۇچىلار بۇ خىل توغرا قارار چىقىرىش ئىقتىدارىنىڭ تۇغما بولىدىغانلىقىغا ئىشەنمەيدۇ. مەيلى كىملا بولسۇن، پەقەت ئازراق ۋاقىت ۋە زېھنىنى سەرپ قىلىپ، سەۋرچانلىق بىلەن ئۆزىنىڭ مۇشۇ خىل توغرا قارار چىقىرىش ئىقتىدارىنى يېتىلدۈرەلىسىلا، كۆزلىگەن مەقسەتكە يېتىپ، ياخشى ئۈنۈمگە ئېرىشەلەيدۇ. مەسىلەن، ئالدى بىلەن سىز چوقۇم بەزى قارارلارنى ھەقىقەتەنمۇ ئىشقا ئاشۇرغىلى بولمايدىغانلىقىنى ئېنىق تونۇپ يېتىشىڭىز كېرەك. "خارۋارد سودا مەكتىپىدە سىزگە ئۆگەتكىدەك بىلىم يوق" ناملىق بۇ مۇنەۋۋەر ئەسەردە ئاپتۇر كىشىنى ھەيران قالدۇرىغان مۇنداق بىر مىسالنى ئېلىش ئارقىلىق بۇ قائىدىگە چۈشەنچە بەرگەن:
ئىت يېمەكلىكى ئىشلەپچىقىرىدىغان بىر شىركەت يىلدا بىر قېتىم ئۆتكۈزۈلىدىغان مال سېتىش خۇلاسە چوڭ يىغىنى ئۆتكۈزۈپتۇ. يىغىن جەريانىدا شىركەتنىڭ باش لېدىرى شىركەت ئېلان مۇدىرىنىڭ بارلىق كىشىلەرگە ئېيتقان يېڭىچە بىر خىل مال سېتىش لايىھىسىنى سەۋرچانلىق بىلەن ئاڭلاپ ئولتۇرۇپتۇ. ئېلان بۆلۈمىنىڭ مۇدىرى بۇ خىل يېڭىچە مال سېتىش لايىھىسىنىڭ ئۈنۈمىنىڭ ھەقىقەتەنمۇ ياخشىلىقىنى، ھەتتا بىر مەيدان "ئىشلەپچىقىرىش ئۇسۇلى جەھەتتىكى ئىنقىلاب"نى كەلتۈرۈپ چىقىرىش ئېھتىماللىقى بارلىقىنى سۆزلەپتۇ. ئارقىدىنلا شىركەت سېتىش بۆلۈمىنىڭ مۇدىرى ئوتتۇرىغا چىقىپ: "نىسبەتەن كۈچلۈك بولغان مال سېتىش بېسىمى گەرچە كىشىنى تولىمۇ بىزار قىلسىمۇ، ئەمما سودا ئىشلىرىنىڭ تەرەققىياتى ئۈچۈن ئېلىپ ئېيتقاندا، ئەڭ ياخشى پۇرسەت" دەپتۇ. بارلىق تارماقلارنىڭ مۇدىرلىرى سۆزلەپ بولغاندىن كېيىن ئەڭ ئاخىرىدا باش لېدىر خۇلاسە قىلىپ مۇنداق دەپتۇ: "يۇقىرىدا بىز بارلىق مۇدىرلارنىڭ شىركىتىمىزنىڭ كەلگۈسى سودىسىنى ئىلگىرى سۈرۈش توغرىسىدىكى ياخشى پىلان، تەكلىپلىرىنى ئاڭلاپ ئۆتتۇق. ئەمما، خۇلاسە چىقىرىشتىن ئاۋال كۆپچىلىكتىن شۇنداق بىر سۇئالنى سورىغۇم كېلىۋاتىدۇ. ئەگەر بىز ئەڭ ياخشى ئېلانلارنى بېرىپ، ئەڭ ياخشى نەتىجىلەرگە ئېرىشسەكمۇ، ھەتتاكى ئەڭ زور مال سېتىش بېسىمى مەۋجۇت بولسىمۇ، ئۇنداقتا نېمە ئۈچۈن شىركىتىمىز ئىشلەپچىقارغان ئىت يېمەكلىكلىكلىرى باشقا شىركەتلەرنىڭكىدىن ئاز بولىدۇ؟"
دەل مۇشۇ ۋاقىتتا يىغىن مەيدانى خۇددى مۇشۇ خىل جىمجىتلىقنى مەڭگۈ ساقلاپ قالىدىغاندەكلا جىمىپ كېتىپتۇ. خېلى بىر ھازا ۋاقىت ئۆتكەندىن كېيىن يىغىن مەيدانىنىڭ ئارقا تەرىپىدىن "سەۋەبى بىز ئىشلەپچىقارغان ئىت يېمەكلىكلىرىنى ئىتلار ياخشى كۆرمىگەنلىكى ئۈچۈن" دېگەن ئاۋاز ئاڭلىنىپتۇ. ھەقىقەتەن شۇنداق، دۇنيادىكى ئەڭ ياخشى باھالارمۇ بىر ناچار مەھسۇلاتنى قۇتقۇزالمىغاندەك، ھېچقانداق بازار ئېھتىياجى بولمىغان مەھسۇلاتنىمۇ ئوخشاش قۇتقۇزالمايدۇ. ئۇنداقتا، بىز پىلانىمىزنىڭ ئەمەلگە ئاشىدىغان- ئاشمايدىغانلىقىنى قانداق بىلەلەيمىز؟ بۇنىڭ ئۈچۈن بىز ئۆزىمىزنىڭ بىۋاسىتە سىزىمىمىزگە قانداق يېقىنلىشىشنى، كونترول قىلىشنى ۋە ئىشىنىشنى ئۆگىنىۋېلىشىمىز كېرەك.
سىز بىرەر مەسىلىنىڭ نەتىجىسىنى چىقارغىلى بولمايدۇ، دەپ قارىغان ۋاقتىڭىزدا باشقىلارنىڭ ھەيرانلىق ئىچىدە قاپاقلىرىنى سۈزگەنلىكىنى كۆرگەنمىدىڭىز؟ سىز يەنە ئۆز تۇيغۇڭىزغا تايىنىپلا مەلۇم بىر ئىشنى ھەرگىز قىلغىلى بولمايدۇ دەپ قارار چىقىرىپ، ئارقىدىنلا يەنە ئەمەلىيەتنىڭ بۇنىڭ ئەكسىچە ئىكەنلىكىنى ھەيرانلىق ئىچىدە ھېس قىلغان چاغلىرىڭىزمۇ بولغانمۇ؟ بىز ھەمىشە ئاشۇ ئاتالمىش بېكىنمىچىلىك، ئۆزىمىزگە ئىشىنىشىمىزنىڭ كەمچىل بولۇشى سەۋەبلىك ئۆز ئارزۇيىمىزدىن ئاسانلا ۋاز كېچىپ كېتىمىز ھەمدە ئۆزىمىزگە بۇ ئىشتا ھەر قانچە تىرىشچانلىق كۆرسەتسەممۇ بەرىبىر ئەمەلگە ئاشمايدۇ، دەپ تەسەللىي بېرىمىز.
بىلىشىمىز كېرەككى، پىلان ۋە ئوي- پىكىرلىرىمىزنى ئەمەلگە ئاشىدىغان ۋە ئەمەلگە ئاشمايدىغان دەپ ئايرىشقا بولمايدۇ، بەلكى بۇ سىزنىڭ شۇ ئىشنى قىلغان ۋاقتىڭىزدا سەرپ ئەتكەن زېھنىڭىزگە باغلىق بولىدۇ. بۇ پىلان ۋە ئوي- پىكىرلىرىڭىز ئۆزىڭىزنىڭ ھاياتىي كۈچى ۋە زېھنىي قۇۋۋىتىڭىز بىلەن قوشۇلۇپ، بىر خىل بېسىم پەيدا قىلىدۇ ۋە مۇشۇ بېسىم تۈپەيلىدىن ئەمەلگە ئاشىدىغان ئوي- پىكىر ۋە پىلانلىرىڭىزغا ئايلىنىدۇ. ئاكتىپ ئۆزلۈك تەسەۋۋۇرىغا ئىگە كىشىلەرنى خۇددى بىر ئېلېكتر ئىستانسىسىغا ئوخشىتىدىغان بولساق، ئۇلار ناھايىتى ئاسانلا سۇبيېكتىپ ئېڭىمىزدىكى ئاشۇ ئېنىرگىيە زاپىسىنى كونترول قىلالايدۇ ياكى بولمىسا يۇقىرىدا ئېيتىلغاندەك ئىتلار ياقتۇرىدىغان يېمەكلىكلەرنى ئىشلەپچىقىرالايدۇ.
نۇرغۇن كىشىلەر بىرەر ئىشنى قىلىشتا ئىككىلىنىپ بىر قارارغا كېلەلمەيدۇ. ئۇلاردىكى يېتەرسىزلىكنىڭ بىرى شۇكى، ھەمىشە يولۇقۇش ئېھتىمالى بولغان قىيىنچىلىقلارنى ئالدىن پەرەز قىلىشقا ئۇرۇنىدۇكى، ئۆزىنىڭ قىيىنچىلىقتىن غالىپ كېلەلەيدىغان ئىقتىدارغا ئىگە ئىكەنلىكىگە سەل قارايدۇ. ئۇلاردا بار بولغىنى ئاشۇ كىشىنى ئۇزۇل- كېسىل مەغلۇب قىلىدىغان ئالدىراقسانلىق، ئەندىشە قىلىش پوزىتسىيىسىدۇر. بۇ خىل پوزىتسىيەنىڭ نەتىجىسى پەقەت مەغلۇبىيەتتىنلا ئىبارەت. ناۋادا سىز ئەڭ ئەپچىل ۋە ئۈنۈملۈك بولغان ئۇسۇلنى تاپماقچى بولسىڭىز، ئۇنداقتا سىزنى مۇۋەپپەقىيەتكە ئېرىشتۈرەلەيدىغان سەۋەبلەر توغرىسىدا ئويلىنىپ كۆرۈڭ. ھەرگىزمۇ يۈز بېرىش ئېھتىمالى بولغان توسالغۇلارنىلا ئويلىۋالماڭ. نۇرغۇنلىغان ئەمەلىي پاكىتلار شۇنى ئىسپاتلىدىكى، گەرچە مەلۇم بىر كىشى ئىگىلىك تىكلەشتە مۇۋەپپەقىيەت قازىنىشقا مۇناسىۋەتلىك بولغان 10 خىل سەۋەبنى كۆرۈپ يېتەلىگەن تەقدىردىمۇ، ئەمما ئۇنىڭ بۇ ئىشنى قىلىش نىيىتى مەلۇم بىر پاسسىپ ئامىل تەسىرىدىن پۈتۈنلەي يوققا چىقىشى مۇمكىن. كۆپىنچە كىشىلەر مانا مۇشۇنداق قىلىدۇ. يېڭىپ كېتەلەيدىغان توسالغۇلاردىن كۆزى قورقىدۇ ۋە بىر ئىش قىلىپ بېقىش نىيىتىدىن ۋاز كېچىدۇ.
ئىمكانقەدەر توغرا بولغان پىلاننى تۈزۈشنى ئۆگىنىشتە ئۆزىڭىزنىڭ ئىلگىرىكى خىزمەت تەجرىبىلىرىڭىز، ئالغان ئىقتىسادىي پايدىڭىز ناھايىتى مۇھىم رول ئوينايدۇ. ئەمما، بەزى چاغلاردا مول تەجرىبە، يېتەرلىك تەشەببۇسكارلىققا ئىگە بولسىڭىزمۇ، پىلان تۈزگەن ۋاقتىڭىزدا بىرەر ئىشنىڭ يۈز بېرىش ئېھتىماللىقىنى ئالدىن مۆلچەرلىيەلمەي قالىسىز. ئەمەلىيەتتە، كاللا قاتۇرۇپ تاماملىغان بىرەر سودا- تىجارىتىڭىزنىڭ نەتىجىسى سىزنىڭ ئەڭ دەسلەپكى ئويىڭىزنىڭ توغرا ئىكەنلىكىنى ئېتىراپ قىلدۇرىدۇ. بەزى ۋاقىتلاردا بۇلارنىڭ ھەممىسىنى بىۋاسىتە سىزىمدىنلا كۆرۈشكىمۇ بولمايدۇ. ئەڭ مۇھىمى، تىجارەتتە "بۈگۈن باشلىسام بولارمۇ، ئەتىمۇ؟ كۆمسەم پىشارمۇ، ياپسام؟" دەپ ۋاقىتنى زايە قىلماي، كۆزلىگەن تىجارەت پائالىيىتىڭىزگە دادىللىق بىلەن باشلاپ، كەسكىن قارار چىقىرىشقا جۈرئەت قىلىڭ!
مەنبە : ئىگىلىك تورى
(يەكەن ئۇدۇم سودا چەكلىك مەسئۇلىيەت شىركىتى )  (يەكەن ئۇدۇم تىخنىكا تەربىيلەش مەكتىپى )
( تېلېفون: 13565394444   )

رەخمەت سىزگە !! بىلۋالدۇق