ئابباس بۇرھان: پەننى ئومۇملاشتۇرۇش يازغۇچىسى، تەتقىقاتچى، ئاپتونوم رايونلۇق پەن-تېخنىكا جەمئىيىتىدىن.
ئابدۇكېرىم نەسىردىن: سەنئەت ئىنستىتۇتىنىڭ پروفېسسورى، رەسسام.
ئابدۇكېرىم راخمان: شىنجاڭ ئۇنىۋېرسىتېتىنىڭ پروفېسسورى، ئەدەبىياتشۇناسلىق بويىچە دوكتور ئاسپىرانتلار يېتەكچىسى.
ئابدۇكېرىم خوجا: ئاتاقلىق شاىر، ئەدەبىي تەرجىمان.
ئابدۇقادىر داموللا: 20-ئەسرنىڭ باشلىرىدا ياشاپ ئۆتكەن دىنىي ئالىم.
ئابدۇللا تىمەن: زامانىمىزدىكى ئۇيغۇر سىياسىونلىرىنىڭ بىرى(تەيۋەن).
ئابدۇقادىر تاش: سەئۇدى ئەرەبىستانىدا ياشاپ ئۆتكەن مەشھۇر ژۇرنالىست.
ئابدۇراخمان ئابلىكىم: بوكس تۈرى بويىچە ئاسىيا چېمپىيونى بولغان.
ئابدۇراخمان قاھار: يازغۇچى، «ئىلى دولقۇنلىرى» قاتارلىق بىرقاتار رومان-پوۋېستلارنى يازغان.
ئابدۇرېھىم ئەخمىدى: ئەلگە تونۇلغان ئاتاقلىق ناخشىچى (قازاقىستاندىن، مۇراد ئەخمىدىنىڭ ئاتىسى)
ئابدۇرەھىپ پولات تەكلىماكانىي: ئەدەبىياتشۇناس، تىلشۇناس، پروفېسسور (مەركىزىي مىللەتلەر ئۇنىۋېرسىتېتىدا)
ئابدۇرېشىت ئابدۇۋەلى: شىنجاڭ ئۇنىۋېرسىتېتىنىڭ ماتېماتىكا پروفېسسورى.
ئابدۇرېشىت توختى: شىنجاڭ ناخشا-ئۇسسۇل ئۆمىكىنىڭ مول ھوسۇللۇق كومپوزىتورى.
ئابدۇرېشىت زۇنۇن: كىيىم لايىھىلەش بويىچە ئالىي ئىنژېنېر.
ئابدۇروسۇل ئابدۇللا: مېتېورولوگىيە بويىچە ئالىي ئىنژېنېر.
ئابدۇشۈكۈر كېرىم: شىنجاڭ رەسساملار ئاكادېمىيىسىنىڭ رەسسامى.
ئابدۇشۈكۈر مۇھەممەتئىمىن: شىنجاڭ ئۇنىۋېرسىتېتىنىڭ پروفېسسورى، ئىجتىمائىي پەن ئالىمى.
ئابدۇخالىق ئۇيغۇر: ئۇيغۇر خەلقىنىڭ ئىنقىلابىي شاىرى.
ئابلەق ئاۋامىسلىم: مول ھوسۇللۇق كومپوزىتور.
ئابلەت ئابدۇرېھىم: ئوتلاقچىلىق مۇتەخەسسىسى (شىنجاڭ يېزا ئىگىلىك ئۇنىۋېرسىتېتىنىڭ پروفېسسورى، دوكتور ئاسپىرانتلار يېتەكچى ئوقۇتقۇچىسى)
ئابلىمىت ئابدۇقادىر: جۇڭگو پەنلەر ئاكادېمىيىسى شىنجاڭ ئېكولوگىيە-جۇغراپىيە تەتقىقات ئورنىدىن، بىئولوگىيە پېنى بويىچە دوكتور ئاسپىرانتلار يېتەكچىسى، ئالىي دەرىجىلىك تەتقىقاتچى.
ئابلىز ھېزىموف: يازغۇچى (قازاقىستان)، قازاقىستاندا نۇرغۇن ئىاجدىيىتى بارلىقى مەلۇم، ۋەتەندە «تەتۈر كىرپىك» ناملىق توپلىمى نەشر قىلىنغان.
ئابلىز شاكىر: مۇقامشۇناس (شىنجاڭ خەلق رادىئو ئىستانسىسىدىن)
ئادالەت ئەخمەتجان: شىنجاڭ تېببىي ئۇنىۋېرسىتېتىنىڭ پروفېسسورى، دوكتور ئاسپىرانتلار يېتەكچى ئوقۇتقۇچىسى (ئەخمەتجان قاسىمىنىڭ قىزى)
ئادىل ھوشۇر: داڭلىق دارۋاز (شىنجاڭ سېرك ئۆمىكىدىن)
ئادىلجان جۇڭگودىكى ۋاسكېتبول چولپىنى، ۋاسكېتبولچىلارنىڭ دۆلەتلىك ترېنېرى.
ئالىجان ئىبراھىموف: قازاقىستاندىن، كاتتا كارخانىچى.
ئامىنە غاپپار: تىلشۇناس.
ئارسلان ئابدۇللا: تىلشۇناس، پروفېسسور، شىنجاڭ ئۇنىۋېرسىتېتىدىن.
ئايشەم ئەخمەت: يازغۇچى.«ئۆچمەس ئىزلار»، «مۇھەممەت بېشىر چىڭۋاڭ» قاتارلىق رومانلارنى يازغان.
ئايشەم ھوشۇر: مەركىزىي خەلق رادىئو ئىستانسىسىنىڭ رىياسەتچىسى.
ئازاد سۇلتان: ئەدەبىياتشۇناس پروفېسسور، دوكتور ئاسپىرانتلار يېتەكچى ئوقۇتقۇچىسى، شىنجاڭ پېداگوگىكا ئۇنىۋېرسىتېتىنىڭ مۇدىرى، ئاپتونوم رايونلۇق يازغۇچىلار جەمئىيىتىنىڭ رەىسى.
بىلال ئىلياس: ماتېماتىك، ياپونىيىدە.
بوغدا ئابدۇللا: ئەدەبىياتشۇناس پروفېسسور، شاىر (شىنجاڭ ئۇنىۋېرسىتېتىدىن)
چىمەن يۇنۇس: باغۋەنچىلىك مۇتەخەسسىسى، شىنجاڭ يېزا ئىگىلىك ئۇنىۋېرسىتېتىنىڭ پروفېسسورى.
دىلبەر يۇنۇس: دۇنياغا تونۇلغان دولقۇنسىمان يۇقىرى ئاۋازلىق ناخشىچى.
دىلمۇراد كۇزىيېف: كاتتا كارخانىچى، قازاقىستاندا.
دىلنار ئابدۇللا: ئۇسسۇل سەنئەتكارى.
دىلناز ئەخمىدى: ناخشا چولپىنى (مۇراد ئەخمىدىنىڭ قىزى، قازاقىستاندا)
دىلشات ئابلا: نېرۋا ئىلمى مۇتەخەسسىسى، شىنجاڭ تېببىي ئۇنىۋېرسىتېتىنىڭ پروفېسسورى..
دىلشات ھېۋىزۇللا: كومپيۇتېر يۇمشاق ماتېرىيال ئىنژېنېرى (ئەنگلىيىدە)
دىلشات سۇلتان: ئەدەبىي تەرجىمان، ئالىي مۇھەررىر.
دولقۇن رەھمىتۇللا: تېببىي مۇتەخەسسىس (ئامېرىكىدا)
ئەكبەر غۇلام: ئەدەبىي تەرجىمان، يازغۇچى.
ئەكرەم ئەلى: ئاگرونومىيە مۇتەخەسسىسى، شىنجاڭ يېزا ئىگىلىك ئۇنىۋېرسىتېتىنىڭ پروفېسسورى.
ئەل فارابى: 10-ئەسردە ياشاپ ئۆتكەن، پەيلاسوپ، تېببىي ئالىم، مۇزىكىشۇناس.
ئەلى ئەسمىتۇللا: قاتناش-ترانسىپورت تېخنىكىسى مۇتەخەسسىسى، شىنجاڭ يېزا ئىگىلىك ئۇنىۋېرسىتېتىنىڭ پروفېسسورى.
ئەلىشىر ناۋاىي: 15-ئەسردە ياشاپ ئىجاد قىلغان، مۇتپەككۇر شاىر.
ئەنۋەر ھەسەن: ھايۋانات ئوزۇقشۇناسلىقى مۇتەخەسسىسى، شىنجاڭ يېزا ئىگىلىك ئۇنىۋېرسىتېتىنىڭ پروفېسسورى.
ئەنۋەر مۇھەممەت: شىنجاڭ سېرك ئۆمىكىنىڭ يېتەكچىسى، ئاتاقلىق سېھىرگەر.
ئەركىن سىدىق: ئوپتىكا پەنلىرى ئىنژېنېرى (ئامېرىكىدا)
ئەسەت سۇلايمان: ئەدەبىياتشۇناس پروفېسسور، شىنجاڭ ئۇنىۋېرسىتېتىدىن.
ئەخەت تۇردى: يازغۇچى، ژۇرنالىست.
ئەخمەت تۆمۈر؛ ئاسارئەتىقىلەرنى يىغىپ ساقلىغۇچى، «جۇڭگودىكى يىغىپ ساقلاش چولپىنى» دېگەن نامغا ئېرىشكەن.
ئەختەم ئۆمەر: يازغۇچى.
ئەزىزوف قاسىم: گېنېرال.
غازباي: مىلادىيىدىن ئىلگىرى خوتەندە ئۆتكەن ئاتاقلىق تېببىي ئالىم، قەدىمىي ھىندىستان مەنبەلىرىدە نامى تىلغان ئېلىنغان.
غازى ئەمەت:رەسساملىق كەسپى پروفېسسورى، شىنجاڭ سەنئەت ئىنستىتۇتىدىن.
غەنى باتۇر: ئۈچ ۋىلايەت ئىنقىلابى قەھرىمانى.
غەنى غوپۇر: ماتېماتىك، شىنجاڭ ئۇنىۋېرسىتېتىنىڭ پروفېسسورى.
غەنىزات غەيۇرانى: لۇغەتشۇناس، شاىر، ئار تىل-يېزىق كومىتېتىدىن.
غەيرەتجان ئوسمان: ئەدەبىياتشۇناس پروفېسسور، شىنجاڭ ئۇنىۋېرسىتېتىدىن.
ھاجئەكبەر ئەيسا: بايلىق خىمىيىسى مۇتەخەسسىسى، تەتقىقاتچى، جۇڭگو پەنلەر ئاكادېمىيىسى شىنجاڭ شۆبىسىدىن.
ھىسام قۇربان: زامانىمىزدىكى “نەسىردىن ئەپەندى”.
ھوشۇر ئەلى: رەسسام، خەتتات، بىرىنچى ئەۋلاد خەلق پۇلىدىكى ئۇيغۇرچە خەتنى يازغان كىشى.
ھوشۇر ئىسلام: پروفېسسور، كومپيۇتېر مۇتەخەسسىسى، شىنجاڭ ئۇنىۋېرسىتېتىنىڭ دوكتور ئاسپىرانتلار يېتەكچى ئوقۇتقۇچىسى.
ھۈسەنجان جامى: ئاتاقلىق تەمبۇرچى، مۇزىكا ئىجادچىسى.
ھۈسەنجان تۇنىياز: ئۆسۈملۈك ئاسراش كەسپى مۇتەخەسسىسى، شىنجاڭ يېزا ئىگىلىك ئۇنىۋېرسىتېتىنىڭ پروفېسسورى.
ئىبراھىم مۇھتى: زامانىمىز ئۇيغۇر تىلشۇناسلىقىنىڭ باشلامچىسى، تەتقىقاتچى.
ئىدرىس ئابدۇروسۇل: ئارخېولوگ، تەتقىقاتچى، مەدەنىيەت يادىكارلىقلىرىنى باھالىغۇچى.
ئىليار شەيخىدىن: ئۆپكە كېسەللىكلىرى مۇتەخەسسىسى، شىنجاڭ تېببىي ئۇنىۋېرسىتېتىنىڭ پروفېسسورى.
ئىمىن تۇرسۇن: ئۆرپ-ئادەت تەتقىقاتچىسى، شائىر، تىلشۇناس.
ئىمىننىياز ئىسمائىل: كومپوزىتور، تۇرپان ۋىلايەتلىك سەنئەت ئۆمىكىدىن.
ئىسراپىل يۈسۈپ: ئارخېولوگ، قەدىمكى ئەسەرلەر ۋە تارىم مەدەنىيىتى تەتقىقاتچىسى.
ئىززەت ئىلياس: ناخشىچى، شىنجاڭ ئوپەرا ئۆمىكىدىن.
جالالىدىن بەھرام: يازغۇچى، رەسسام. «لېيىغان بۇلاق»، كۆمۈرچى بالا»، «ئامەت ۋە ئاپەت» قاتارلىق رومانلارنىڭ ئاپتورى. مۇشۇ كىشىلەر قاتارىدىكى مۇسا سايرامىنىڭ رەسىمىنى جالالىدىن ئەپەندى سىزغان.
ئابدۇۋەلى جارۇللايېف: ئاتاقلىق خەلق ناخشىچىسى.
جيەن بوزەن: تارىخشۇناس، بېيجىڭ ئۇنىۋېرسىتېتىنىڭ پروفېسسورى، خۇنەن ئۇيغۇرلىرىدىن.
جيەن يىڭخەي: جۇڭگودىكى مەشھۇر كارخانىچىلارنىڭ بىرى، خۇنەن ئۇيغۇرلىرىدىن.
كۈرەش ئىبراھىم: فىزىكا ئالىمى، قېتىشىش ھالەت فىزىكىسى مۇتەخەسسىسى، جۇڭگو پەنلەر ئاكادېمىيىسى يۇقىرى ئېنېرگىيە تەتقىقات ئورنىدىن.
لىتىپ توختى: تىلشۇناس، پروفېسسور (مەركىزىي مىللەتلەر ئۇنىۋېرسىتېتىدىن)
لۇتپۇللا مۇتەللىپ: ئىنقىلابىي شائىر.
مۇھەممەت باغراش: يازغۇچى، ش ئۇ ئا ر يازغۇچىلار جەمئىيىتىدىن.
مۇھەممەتجان سادىق: ئەدەبىياتشۇناس پروفېسسور، شائىر (ئىلى پېداگوگىكا ئىنستىتۇتىدىن)
ماھىنۇر ھاجىياقۇپ: كىنو-تېلېۋىزىيە تەرجىمانى.
ماھىنۇر نىياز: دوكتور ئاسپىرانتلار يېتەكچىسى، ئاياللار كېسەللىكلىرى مۇتەخەسسىسى، ئاپتونوم رايونلۇق خەلق دوختۇرخانىسىدا.
مەھمۇد كاشغەرى: 11-ئەسردە ياشاپ ئۆتكەن تىلشۇناس.«تۈركىي تىللار دىۋانى»نىڭ ئاپتورى.
مەھمۇد خالىق: بىئولوگىيە پەنلىرى پروفېسسورى، شىنجاڭ ئۇنىۋېرسىتېتىنىڭ دوكتور ئاسپىرانتلار يېتەكچى ئوقۇتقۇچىسى.
مۇھەممەت شاۋدۇن: ژۇرنالىست، شائىر.
مەمتىلى توختاجى (تەۋپىق): مائارىپچى، شائىر.
مەمتىلى زۇنۇن: شاىر، دراماتۇرگ. «ھېيتگاھ تۇمانلىرى»، «مەسلىھەت چاي»، «رابىيە-سەئىدىن» قاتارلىق دراما-ئوپېرالارنى ۋە نۇرغۇن نادىر ناخشا تېكىستلىرىنى يازغان.
مەمتىمىن بارات:گېن ۋە سورت يېتىشتۈرۈش مۇتەخەسسىسى، شىنجاڭ يېزا ئىگىلىك ئۇنىۋېرسىتېتىنىڭ پروفېسسورى    

مەنبە:باس- باس تورى                        

سادىر پالۋان مۇ يا سىز ، ھەممىنى تولۇق بىلىدىكەنسىز غۇ

يۇرت سىرتىدىكى ، ئىسمى ئاتالماي قالغان  ئۇيغۇر مەشھۇرلىرىمىزدىن :
1.  نەبىجان تۇرسۇن .    (   تارىخ پەنلەر دوكتۇرى  .  ئۇيغۇر  تارىخشۇناس    )    
دوكتۇرىمىز نەبىجان تۇرسۇننىڭ كۆزگە كۆرىنەرلىك ئەسەرلىرىدىن :    '   چوڭ شاھمات تاختىسىدىكى
قىسمەتلەر   '    '    ئاق ساراي خىياللىرى   '   '    مۇرات ناسىرۇۋ  ۋە مەن  '  
2.  قاھار بارات  .        (   تارىخ پەنلەر دوكتۇرى .     ئۇيغۇر تارىخشۇناس  )
دوكتۇرىمىزنىڭ ئەسەرلىرىدىن :      '  ئۇيغۇر قول يازمىلىرى   ،   بۇ قول يازمىلار جەمئي 10 قىسىمدىن تەركىپ  تاپقان .  '     ئۇيغۇرلار چەتئەللەردە قانچىلىك پۇتتىرەپ تۇرالايدۇ  ؟  '   نامىلىق  ئىلمي ماقالىسى  .    يەنە  ،  ' ئۇيغۇر ئوبىرازى  '   ' ئېلىخان تۆرە   '  ' تۇرغۇن ئالماس  '   نامىلىق ئەسەرلىرى .   بۇنىڭدىن باشقا ، يەنە  خىلى كۆپ ئەسەرلىرىمۇ ھەم بار .  
3.      مەخمەت ئىمىن  .
4.     دىلمۇرات بارات  .   (    ئاپتوموبىل ئېنجىنىرى   )     مېنىڭ بىلىشىمچە   ، بۇ ئاكىمىز  ،  ئامىرىكىنىڭ   كالىفورنىيە شىتاتىدىكى    '   Toyota   '   ناملىق ئاپتوموبىل شىركىتىنىڭ   ، شۇ يەردىكى مەلۇم بىر شۆبىسىدە  باش ئېنجىنىر بولۇپ ئىشلەۋاتىدۇ  .
يۇقارقىدىن باشقا ، يەنە  ئىسمى ئاتالماي قالغان ئۇيغۇر مەشھۇرلىرىمىزمۇ بار.  

ۋەتەن ئىچىدە تۇرۇپ ، ئىسمى ئاتالماي قىلىپ قالغان ،   ئۇيغۇرلارنىڭ ئاتاقلىق يازغۇچىسى    ،   مەرھۇم
'زۇنۇن قادىر  '   ئاكىمىز    ،      ئۇنىڭ  ،  ' ئانا يۇرت '  نامىلىق 3  قىسىملىق  تارىخ رومانى ، ھەممىمىزگە تونۇشلۇق بولغان '  ماغدۇرىدىن  كەتكەندە  '  نامىلىق ھىكايىسى  .  
يەنە ،  ئاتاقلىق شائىرىمىز   ' ئادىل تۇنىياز '  ئەپەندى  ،    ئاتاقلىق يازغۇچىمىز     '  مۇھەممەتئىمىن
ھوشۇر  '  ئاكىمىز  ، ۋە ئۇنىڭ ئەسەرلىرىدىن  '  ئاي يامغۇرى ' '  قۇم باسقان شەھەر ' نامىلىق رومانلىرى ......    ۋاھاكازالار .  

مىللەت سۆيەر يازغۇچىمىز  ، ' نۇر مۇھەممەت ياسىن '  نى   ئۇنتۇلۇپ  قاپتۇق.   ئۇنىڭ  ' ياۋا كەپتەر '  
نامىلىق بەدىئى ئەسىرى ،  تۈرۈك يازغۇچىسى  ' مەمەت ئايدىمىر  ' ئەپەندى   تەرىپىدىن  نېمىسچىگە
تەرجىمە قىلىنىپ ، نەشىرگە يوللانغان .  

تۇلۇقلىما  ياخشى يىزىلىپتۇ يەنە بىلىدىغانلىرمىزنى ئايىمىساق .

رەھمەت سىزگە سەۋسەبىن سىزنىڭ نەزەر دائىرىڭىز ھەقىقەتەن چوڭكەن . ئەزىز دوستىمىز ئاتاقلىق ئادەملىرىمىزنى ماتىرياللاردىن پايدىلىنىپ رەتلەپ چىققاندۇ ، بەلىكىم. سىز بىر قاراپلا يەنە كىملەرنىڭ چۈشۈپ  قالغانلىغىنى بىلىۋاپسىز. <ئاشپەز > ئۇستام سىزنى دۆلەت سىرتىدا دەيدۇ ، سىز ئوقۇمسىز ؟ياكى خىزمەت قىلامسىز ؟ ئىشقىلىپ مەنچە سىز ئاسپىرانىتتىن تۈۋەن ئەمەس .

بۇ يەرگە كىلىپ خېلى بىلىملىك بۇلۇپ قالدىم.

سەۋسەبىن بىلىدىغانلىرىڭىز ھەقىقەتەن كۆپكەن .لېكىن ،« ئانا يۇرت»ناملىق ئۈچ قىسىملىق تارىخىي رومان زۇنۇن قادىرنىڭ ئەمەس ،بەلكى  داڭلىق يازغۇچى ،نۇرغۇن  كىشىلىرىمىزنىڭ چوقۇنغۇچىسى مەرھۇم زۇردۇن سابىرنىڭ .مېنىڭچە زۇردۇن سابىرمۇ چۈشۈپ قاپتۇ .ئەمدى زۇردۇن سابىردەك يازغۇچى ھەرگىز چىقمايدۇ.
ئاندىن «ئاي يامغۇرى»ناملىق رومان مەمتىمىن ھوشۇرنىڭ ئەمەس،ئۇ ئەخەت تۇردىنىڭ رومانى .

كوپ رەھمەت سىلەرگە