ئەسسالامۇ ئەلەيكۇم تۆۋەندىكى فىلىمنى كۆرۈپ نىمىنى ھىس قىلدىڭىز ؟
شۇنداق پەرزەنتنىڭ ئەخلاق ،ئىتىقات ،خاراكتىر قاراشلىرى ئۆزى ئۆسۈپ يىتىلىۋاتقان مۇھىتى ئىچىدىكى <ھۆرمەتلىك> كىشىلىرىنى دوراش ئارقىلىق مەيدانغا كىلىدۇ .
ئۆزمىزدىكى ئالامەتلەرنى ياخشى كۈزۈتۈپ باقايلى بۇ ھادىسىنى بايقايمىز .
ياش ئانىلار تالالاردا ئۈستىلىرى يېرىم ئوچۇق ھالەتتە كىيىنىپ يۈرسە قىزلىرىمۇ شۇنى دورايدۇ .ئاتىلار سورۇنلارغا قاتىراپ ھاراق ئىچسە بالىلىرىمۇ دوراپ ھاراق ئىچىدۇ .
ئاسان ئاچچىقلىنىدىغان خارەكتىر بولسا بالىسىغىمۇ شۇنداق خارەكتىر يۇقىدۇ .ئەلبەتتە بۇ مۇتلەق ئىش ئەمەس بەلكىم كېيىنكى ئۆسۈپ يىتىلىش جەريانىدا مېنىڭغا ئوخشاش
ئۆزگۈرۈپ كىتىدىغانلارمۇ بار .ئوتتۇرا مەكتەپتە ئوقۇۋاتقاندا مەن خۇداغا ئىشەنمەيتتىم .بۇنىڭ سەۋەبى بىرسى دەرسلىكلەردىن بولسا يەنە بىر سەۋەبى ئاتا تەربىيەسى ۋە ئاكىلىرىمدىن دەپ قارايمەن .چۇنكى ئاتام ماڭا ئىتىقات تەربىيەسى قىلمىغان .ئۆزىمۇ ناماز ئۆتىمەيدۇ .ھازىرغىچە شۇنداق .ئىتىقات توغرىسىدا بىرسى گەپ قىلسا بېشى ئاغرىيدۇ .بەزىدە
مېنىڭ ناماز ئۆتىشىمگىمۇ ئارىلىشىدۇ .لېكىن ئۇ يەنىلا مېنىڭ ئاتام .بۇ يەردە سىزلەرگە بۇنى ئاشكارە قىلىشىم ھەرگىز ئاتامغا ھاقارەت قىلىش ئەمەس بەلكى ئېچىنىش ۋە ئىبرەت قىلدۇرۇش .ئاتامنى يەنىلا ھۆرمەتلەيمەن ۋە ئاسرايمەن .شۇنداق ئاتا تەربىيەسىدە ئاكا -ئاچىلىرىممۇ نامازسىز ۋە يېرىم دەھرى ھالەتتە چوڭ بولدى .جەمىيەت بىلەن ئۇچىرىشىش ۋە ئوقۇش جەريانىدا مېنىڭغا ئوخشاش بەزىلىرى ئەقلىنى تېپىپ ئىتىقاتىنى تاپتى.بەزىلىرى ھازىرغىچە جىق ئىشمىسىمۇ ھاراققا سۇلھىھ -سالا قىلىپ يۈرۈيدۇ .قىسقىسى ئاتامنىڭ بىزگە
ھېچقانداق ئىتىقات تەلىپى ۋە تەربىيەسى يوق .ئاتامنىڭ ئاچچىقى يامان ئاپامغا نىسبەتەن ھەم مېھرىبان ھەم زالىم .ئۇنىڭ بۇ خارەكتىرى ئۆزىمىزنىمۇ سەزمىگەن ھالدا بارلىق قېرىنداشلىرىمىزدا بار .ھەتتا مەندىمۇ بار .بۇ ناچار خارەكتىرىمنى مەن ئامال بار تۈزىتىپ كىتىپ بارىمەن .لېكىن ئاكىلىرىم ئۇنداق قىلالمايۋاتىدۇ ..ئاتامدىكى چۈسلۈق ،ھەممىمىزدە بار ..
ئاللاھ ئاپامنىڭ ياتقان يېرىنى جەننەتتە قىلغاي .ئاپام بەكمۇ مېھرىبان ۋە تەقۋادار ئانا ئىدى. ئەگەر ئۇ ھەركۈنى ۋاقتى چىقسىلا سۈرىلەرنى ئوقۇپ مېنى قۇلاق موللىسى قىلمىغان بولسا ۋە چولتا بولسىمۇ بەزى دىنى ئوقۇملارنى ئۆگەتمىگەن بولسا ئاتامنىڭ تەسىرىدە دەھرى ئىدىيەدە چوڭ بولغان مەن (ئىنشائاللاھ )بەلكىم ھازىرغىچە شۇنداق چوڭ بولۇپ يۈرىشىم مۇمكىنتى . مېنىڭ قانداق قىلىپ ئىتقاتنى تاپقىنىمنى تۆۋەندىكى يازمامدىن بىلەلەيسىز .
http://bbs.12tagh.com/baghdax/bbs/read.php?tid=2074 دىمەك ئاتا ئانىلار بالىنىڭ ئۈلگىسى بولىدىكەن .ئۇلارنىڭ ھەر بىر ئىش ھەرىكىتى سەبى بالا تەرىپىدىن خۇددى تىلىكامىرادەك كۈزۈتۈش ئىچىدىكەن .
ئەگەر ئاتا ئانا بالىلارنى تويخانىلارغا ئاپىرىپ تانسا ئويناپ ھاراق ئىچسە بالىلار ئېنىقكى شۇنى دورايدۇ.ئۇلاردا مۇسۇلمان بالىسىغا خاس ھېيىقىش بولمايدۇ .ھاراق ئىچىشنى بالدۇر باشلايدۇ ئۇنى گۇناھ ھېساپلىمايدۇ .ھازىرقى 20 ياشتىن 25 ياشقىچە بولغان شەھەر بالىلىرىنىڭ ئاتا ئانىسى 70-يىللارنىڭ ياشلىرى يەنى مەدەنىيەت ئىنقىلابىدا دىنسىز ۋە ئىلمانىزىم ئىدىيەسى بويىچە ياشىغانلار بولغاچقا بۇ بالىلاردا ھازىر ئاتا ئانىسىغا ئوخشاش ئىتىقاتى سۇس بولۇپ يىتىشىپ چىقماقتا .بۇ بىر ئەمەلىيەت .لېكىن مۇتلەق ئەمەس .ئەلبەتتە ئاز بىر قىسىم ھەقىقەتنى تاپقانلارمۇ بار .
ھازىر جەمىيەتتە زىنا ئۈچۈن خوتۇنىدىن ۋە ئائىلىسىدىن كىچىدىغان ئوتتا ياشتىكى خۇمسىلەر خېلى جىقىيىپ بارماقتا ..ئۇلارنىڭ بالىلىرىنىڭ ئۆزلىرىنى دورايدىغانلىقىنى ئەسلا يادىدىن چىقىرىدۇ .دىمەك زىناخورلۇقمۇ مەلۇم مەنىدىن ئاشۇنداق دوراش ئارقىلىق ئەۋلاتتىن ئاۋلاتقا قېلىشى مۇمكىن .زىنا يولىغا ماڭغان بالىلارنىڭ ئاتا ئانىسى ئالدى بىلەن ئۆزىنى چىڭ تۇتمىغانلىقى ئۈچۈن بالىلاردا گۇناھلىق تۇيغۇسى يوق چوڭ بولىدىكەن .
مانا بالىلار مۇشۇنداق دوراش ئىچىدە چوڭ بولىدۇ .
| تەۋسىيە
| ئىزدەش رايۇنى
| مۇلازىمەتلىرىمىز
| بانكا
| مىدال مەركىرى
