باشقۇرۇش ئەسكەرىتمىسى :

بۇ يازمىنى axtuzi چوققىلىدى .(2009-05-13)

      
  ئۇيغۇرلارنىڭ ھازىرقى زامان ئاشپەزلىك تەرەققىياتىغا ئۆلمەس تۆھپىلەرنى قوشقان، مەرھۇم ئۇستازىمىز  توختى باقى.روزى باقى 1939-يىلى 9-ئاينىڭ 15- كۈنى خوتەن قاراقاش كاسا جۈمە بازىرى قەغەزچى ئائىلىسىدە دۇنياغا كەلگەن.2006-يىلى ئەتىيازدا ئۈرۈمچىدە ۋاپات بولغان. 1949-يىلىدىن 1953-يىلىغىچە شۇ يېزىدا دىنني ۋە باشلانغۇچ مەكتەپتە، 53-يىلىدىن 59-يىلىغىچە خوتەندە تولۇقسىز ۋە تولۇق ئوتتۇرا مەكتەپتە، 59-يىلىدىن 62-يىلىگىچە شىنجاڭ مالىيە ئىقتىسادى ئىنىستىتوتىنىڭ سودا ئېقتىساد كەسپىدە ئوقۇغان. شۇيىلى 8-ئايدا ئاپتونۇم رايونلۇق كۆكتات يىمەك-ئىشمەك مۇلازىمەت شىركىتىگە خىزمەتكە تەخسىملانغان. 80-يىلىدىن 84-يىلغىچە كەسپى بۆلۈمنىڭ باشلىقى، شىنجاڭ مېھمانخانىسىنىڭ مۇئاۋېن دېرىكتورى، 84-يىلىدىن 98-يىلىغىچە شىنجاڭ يىمەك-ئىشمەك مۇلازىمەت باش شىركىتىنىڭ مۇئاۋېن باش دېرىكتورى ، قوشۇمچە يىمەك-ئىشمەك تېخنىكا تەربىلەش مەركىزىنىڭ مودىرى بولغان.98-يىلى 12-ئايدىن 99-يىلى 9-ئايغىچە ئاپتونۇم رايونلۇق قوشۇمچە يىمەكلىكلەر بىرلەشمە شىركىتىنىڭ مەسلىھەتچىسى بولغان.1999-يىلى پىنسىيىگە چىققان. 1987-يىلى شىنجاڭ ئاشپەزلىك ئىلمى جەمىيىتى قۇرۇلغاندىن بۇيان بۇ جەمىيەتنىڭ باش كاتىپلىقىنى ئۆتەپ كەلگەن.
  مەرھۇم ئۇستازىمىز  توختى باقى.روزى باقى يىمەك-ئىشمەك مۇلازىمەت خىزمىتىگە مەسئۇل بولغان40نەچچە يىل مابەينىدە  ئاپتونۇم رايۇنىمىزنىڭ يىمەك-ئىشمەك مۇلازىمەت خىزمىتىنى تەرەققى قىلدۇردى. بولۇپمۇ مۇسۇلمانچە جۈملىدىن ئۇيغۇرچە ئاشپەزلىك ماھارىتىنى تەرەققى قىلدۇرۇش، تېخنىك كۈچلەرنى تەربىلەش،ئۇيغۇر ئاشپەزلىك مەدىنىيىتىنى ۋە تېخنىكىسىنى قېزىش،رەتلەش، يېڭىلاش جەھەتتە بىر ئۆمۈر ئۆزىنىڭ تىگىشلىك تۆھپىسىنى قوشتى.
  مەرھۇم ئۇستازىمىز  توختى باقى.روزى باقىنىڭ  ئۇيغۇر تائاملىرى  دىگەن كىتاۋى 1985-يىلى نەشىر قىلىنىپ، رايونىمىزدىلا ئەمەس نۇرغۇن دۆلەتلەرگە تارقىلىپ، كۆرگزمە قىلىنىپ، ئۇيغۇر خەلقىنىڭ يىمەك-ئىشمەك مەدىنىيىتىنى دۇنياغا تونۇتۇشتا زور رول ئوينىدى.
1988-يىلى ئاشپەزلىك ئاساسلىرى1993-يىلى ئۇن تائاملىرىنى ياساش تېخنىكىسىنى تۈزۈپ چىقتى. بۇ كىتاپلار ھازىر تېخنىك ئىشچىلار مەكتەپلىرىدە دەرىسلىك قىلىنىپ كەلمەكتە. ئۇندىن باشقا يەنە جوڭگو قامۇسىدىكى شىنجاڭ ئازسانلىق مىللەتلەرنىڭ يىمەك-ئىشمەك قائىدە يۇسۇنپىرى ۋە ئۇنىڭ تۈرىدىن 60تۈرنى يازغان.
يىمەك-ئىشمەك مۇلازىمەت كەسپىنى تەرەققى قىلدۇرۇش توغرىسىدىكى قاراشلىرىم يىمەك-ئىشمەك ساھەسىدىكى تېخنىك كۈچلەرنى تەربىلەش توغرىسىدا ، يىمەك-ئىشمەك مۇلازىمەت كارخانىلىرىنىڭ تىجارەت مىخانىزىمىنى ئۆزگەرتىش توغرىسىدىكى قاراشلىرىم  سودا كارخانىلىرىنىڭ پايدىسىنى ئاشۇرۇش توغرىسىدا شىنجاڭ تونۇر كاۋىپى دۇنيادىكى ئەڭ چوڭ قورۇما پۈتۈن تۆگە كاۋىپى قاتارلىق ئەسەرلەرنى يېزىپ، شىنجاڭ يىمەك-ئىشمەك مۇلازىمەت كەسپىنىڭ تەرەققىياتىغا تېخىمۇ مۇستەھكەم ئۇل سالدى.
شۇڭا كىشىلەر شىنجاڭدىكى ئاشپەزلەرنىڭ مۇئەللىمى، پىشۋاسى دىيىشىدۇ.
 1983يىلى ئېقتىساس شۇناس ئۇنۋانىغا، 1987-يىلى ئالى ئېقتىساد شۇناس ئۇنۋانىغا ئېرىشكەن.
1990يىلدىن 1999-يىلغىچە ئاپتونۇم رايونلۇق ئېقتىسادى ساھەسىدىكى ئالى ئۇنۋان باھالاش كومىتىتىنىڭ ھەيئىتى، ئاپتونۇم رايونلىق سىياسى كېڭەش7-نۆۋەتلىك كومىتىتىنىڭ ئەزاسى، 4-،5-،6- نۆۋەتلىك پەن تېخنىكا جەمىيىتىنىڭ ئەزاسى بولغان.
 1993-يىلى مەملىكەت بويىچە نەشىر قىلىنغان جوڭگودىكى مەشھۇر شەخسىلەر قامۇسىغا كىرگۈزۈلگەن. شىنجاڭ ئاشپەزلىك جەمىيىتىنىڭ دائىمى مۇئاۋېن جەمىيەت باشلىقى، باش كاتىپى، جوڭگو ئاشپەزلىك جەمىيىتىنىڭ دائىمى ھەيئىتى، مەملىكەتلىك مۇسۇلمانچە ئاشپەزلىك كومىتىتىنىڭمۇئاۋىن مودىرى، دۆلەت دەرەجىلىك يىمەك-ئىشمەك كەسپىدىكى ئالى باھالىغۇچى، دۆلەت دەرىجىلىك مۇسۇلمانلارنىڭ ئالى رېپىرى، دۆلەت دەرەجىلىك مېھمانخانا رېستۇرانلارنى دەرىجىگە ئايرىپ باھالىغۇچى،
شىنجاڭ يىمەك ئىشمەك كەسپىي مۇتەخسىسلەر گۇرۇپپىسىنىڭ ئەزاسى ئالى باھالىغۇچى قاتارلىق خىزمەتلەرنى ئىشلىگەن.
.يۇقارقى مەزمۇن  ئۇيغۇر تائاملىرى  كىتاۋىدىن ئېلىندى
دىمەك، مەرھۇم ئۇستازىمىز  توختى باقى.روزى باقىنىڭ بىر ئۆمرى ناھايتى ئالدىراش ئۆتكەن، شىنجاڭنىڭ ھەر قايسى جايلىرىدىكى يىمەك-ئىشمەك ساھەسىدىكى پائالىيەتلەر،تەربىلەش،ئىمتىھانلار،مۇسابىقىلار، كەسپى باھالاشلارغا يېتەكچىلىك ۋە باش رول ئوينىغان. بولۇپمۇ ئۇيغۇر ئاشپەزلىكىگە ۋارىسلىق قىلىش ۋە ئۇنى تەرەققى قىلدۇرۇشقا قان-تەرىنى سىڭدۈرگەن. قوسقى كەڭ، ئىدىيە-كۆز قارشى ئىلغار ، كەسكىن كىشى ئىدى. شۇڭا بۇ ئۇستازنى  ئۇيغۇرلارنىڭ ھازىرقى زامان ئاشپەزلىكىنىڭ مۇستەھكەم ئۇل سالغيچىسى، نەزىيەۋىي ۋە روھى يىتەكچىسى دىيىشكە بولىدۇ.
مەرھۇم ئۇستازىمىز  توختى باقى.روزى باقىنىڭ ياتقان يېرى جەننەتتە بولسۇن.
نورۇز     2009-يىلى 23-فېۋرال

خەۋەرلەندۇرگەنلىكىڭىزگە كۇپ رەخمەت
بۇرۇن ئاڭلىمىغان بۇلساممۇ بۇ ئۇستازنىڭ تۇھپىلىرىدىن بەك خۇرسەن بۇلدۇم
بۇنىڭدىن كىيىن يىڭى قابىليەت ئىگىلىرنىڭ كۇپلەپ يىتىشىپ چىقىشىنى چىن كۇڭلۇمدىن ئۇمۇد قىلىمەن

rahmat sizga

   بۇ  ئۇستازنى  تونۇشتۇرۇپ  كاتتا  ئىش  قىپسەن  دوستۇم ،   ئۇنىڭ  ئاشپەزلىك   ساھەيىگە  قوشقان  تۆھپىلىرىنى   قانچە  مەدھىيلىسەك   ئەرزىيدۇ ،    ئەپسۇس  ،  مىڭ  ئەپسۇس  !  ئۇ  ھايات  ۋاقىتتا  قەدرىنى  قىلالمىدۇق؟!!!!

راس دەيسەن دوستۇم!   2006-يىللىق  نورۇز پائالىيىتىگە تېلفۇن بېرىپ تەكلىپ قىلساق بالنىستا يېتىپ قالغاچقا كېيىن باراي- دېگەن ئىدى. ھەقىقەتەن ئەپسۇس! بىرەر تون كىيدۈرۈشكە نىسىپ بولمىدى.

خەۋەرلەندۇرگەنلىكىڭىزگە كۇپ رەخمەت

بۇ   كىشىنىڭ    شىنجاڭ  ئاشپەزلىكى    ،  جۈملىدىن  ،  ئۇيغۇر  ئاشپەزلىك  ئىشلىرىغا  قوشقان  تۆھپىسى   ئىنتايىن  كاتتا  !    

بۇرۇنقى  ئۇستازلارنى ئەسلەپ تۇرۇش ياخشى ئىش.

غارابى كىم،  ئۇلۇ غ ئۇيغۇر قارلۇق .ئالىمى ئەبۇ نەسر مۇھەممەت ئىبىن ئۇزلۇق ئىبىن تارغان ئەل غارابى مىلادىيە 870-يىلى ئوتتۇرا ئاسىيا دىكى غاراب- ئوترار-چەۋھەر شەھەرنىڭ]ۋاسىچ[ ھەربىي قەلئەسىدە، مانى دىنىغا ئېتىقاد قىلىدىغان توققۇز ئوغۇز-توققۇز ئۇيغۇر چەۋەنىداز ھەربىي ئوغىتسىېر ئائىلىسدە تۇغۇلۇب، مىلادىيە950-يىلى سۇرىينڭ دەمەشق شەھىرىدە ئالەمدىن ئوتكەن. ئۇ ئۇزھاياتىدا بىر يۇز ئاتمىش پارچىدىن ئارتۇ ق ئەسەر يېزىپ، ئنىسانىيەت مەنىۋى كاما لىتى ئۇچۇن ئۇنتۇلغۇسز توھپىلەرنى قوشقان،

بۇ ئۇستازنىڭ رەسىمىنى يوللاپ قويغان بولسىڭىز ياخشى بۇلاركەن ،بۇ ئۇستازنى كۆرمىگىلى 10نەچچە يىل بوپتۇ.