2001-يىلى ئوقۇش پۈتتۈرگەندىن كېيىن ، بىر مەزگىل خىزمەت كۈتتۈم ، بۇمۇ بىر ھېسابتا ياخشى بوپتىكەن. ھەركۈنى رەسىم سىزىدىغان ماتېرىياللىرىنى ئېلىپ ، ۋېلىسىپىتىمنى ھەيدەپ نەمۇ –نە رەسىم سىزغىلى چىقاتتىم. مەيلى ھاۋا ئوچۇق كۈنلىرى بولسۇن ۋە ياكى يامغۇرلۇق كۈنلەر ،قار ياغقان كۈنلەر بولسۇن ھەر كۈنى دېگۈدەك چىقاتتىم.بىر كۈن چىقماي قالسام ئۆزۈمگە يۈز كېلەلمەيۋاتقاندەك تۇيۇلاتتى....

بۇ رەسىملەر شۇ مەزگىللەردە تۈمەن دەرياسى بويىدا كارتون قەغەزگە ئەمەلىيەتتىن سىزغان ماي بوياق مەشىق ئەسەرلىرىم بولۇپ ، بۇ رەسىملەرنى شۇ ۋاقىتلاردىكى «كۈندىلىك خاتىرە» م دېسەممۇ بولىدۇ.

يۇقىرىقى بىر پارچىسى«شىنجاڭ مائارىپى» ژۇرنىلى 2007-يىللىق 7-8-سان (قوشما سان) دا ئېلان قىلىنغان.