ئان-178 تىپلىق تىرانسپورت ئايروپىلانى ئۇكرائىنانىڭ ئانتونوف رايونىنى قۇتقۇزالامدۇ؟
ئان-178 تىپلىق توشۇغۇچى ئايروپىلان بولسا، ئۇكرائىنا ئانتونوف لايىھەلەش ئىدارىسى تەتقىق قىلىپ ياساپ چىققان يېڭى تىپتىكى رېئاكتىپلىق ئوتتۇرا تىپتىكى تىرانسپورت ئايروپىلانى.
ئان-178 تىپلىق تىرانسپورت ئايروپىلانى ئاساسلىقى كونا تىپتىكى ئان-12، ئان-26، ئان-32 قاتارلىق تىرانسپورت ئايروپىلانلىرىنىڭ ئورنىنى ئالىدۇ. ھازىر خەلقئارا بازاردا خېرىدار چاقىرىش ۋە ئۇكرائىنا ھاۋا ئارمىيەسىگە سەپلەش پىلانلانماقتا.
2015-يىلى5-ئاينىڭ7-كۈنى ئان-178 تىپلىق بۇ ئايروپىلان تۇنجى قېتىم مۇۋەپپەقىيەتلىك سىناپ ئۇچۇرۇلدى.
2009-يىلىدىن باشلاپ ئانتونوف شىركىتى ئىزچىل ھالدا ئان-178 تىپلىق تىرانسپورت ئايروپىلانىنى تەتقىق قىلىپ ياساشقا باشلىغان. مەزكۇر شىركەتنىڭ باش دىرېكتورى ھەم ئىنژېنېرى كىۋانىڭ تونۇشتۇرۇشىچە، 2009-يىلى 8-ئاينىڭ 19-كۈنى ئانتونوف شىركىتى ۋولگا دنېپر (Volga-Dnepr) شىركىتى بىلەن ئاۋىياتسىيە ساھەسىدىكى بىر ھەمكارلىق كېلىشىمى ئىمزالىغان بولۇپ، ئۇلار ئورتاق ھالدا ئان-158 تىپلىق تىرانسپورت ئايروپىلانىنى تەتقىق قىلىپ ياساپ چىقماقچى بولغان. ئەينى ۋاقىتتا بۇ ئايروپىلان ئان-158T دەپ ئاتالغان.
تەرەققىيات پىلانى بويىچە بولغاندا، ئان-178 تىپلىق تىرانسپورت ئايروپىلانىغا يېڭى بىر ئەۋلاد AI-28 موتور ئورنىتىلماقچى بولغان. بۇ خىلدىكى يەككە موتورنىڭ ئىتتىرىش كۈچى تەخمىنەن 9500 كىلونىيۇتونغا يېتىدۇ. ئېرىك كىرافچىنكو تونۇشتۇرۇپ مۇنداق دېدى: AI-28 تىپلىق موتور مۆلچەرىمىزدە 2020-يىلنىڭ ئالدى كەينىدە ئان-178 تىپلىق تىرانسپورت ئايروپىلانغا ئورنىتىلىدۇ.
ئان-12 تىپلىق تىرانسپورت ئايروپىلانى بىلەن سېلىشتۇرغاندا، ئان-178 تىپلىق تىرانسپورت ئايروپىلانىنىڭ ھەجمى بىر قەدەر كىچىك. ئەڭ چوڭ كۆتۈرۈش ئېغىرلىقىمۇ ئازراق تۆۋەن. لېكىن ئۇچۇش سۈرئىتى ۋە ئېگىزلىكى جەھەتتە روشەن ئەۋزەللىككە ئىگە. ئان-178 تىپلىق تىرانسپورت ئايروپىلانىنىڭ ئەڭ چوڭ ئارتۇقچىلىقى بولسا، زامانىۋى ھالدىكى ئۆلچەملىك بولغان ھاۋا مەشغۇلاتىغا لايىقلاشقان ئۇچۇش تېخنىكىسى بار. بۇ يەنە ئان-178 تىپلىق تىرانسپورت ئايروپىلانىنىڭ ئۇزاق مەزگىللىك تەرەققىياتىنىڭ ئېھتىياجى. بۇ خىلدىكى ئايروپىلان ئانتونوفنى قۇتقۇزالامدۇ؟ بۇ بىر قىيىن مەسىلە.
