ﺳﻮﺋﺎل: «ﺋﺎدەم ﻧﯧﻤﻪ ﺋﯜﭼﯜن ﻳﺎﺷﺎﻳﺪۇ؟» دﯦﮕﻪن ﺳﻮﺋﺎﻟﻐﺎ ﻛﯧﭽﻪ - ﻛﯜﻧﺪۈز ﺟﺎۋاب ﺋﯩﺰدەپ ﺑﯧـﺸـﯩـﻢ ﻗـﺎﺗـﺘـﻰ. ﺷـﯘﯕـﺎ، ﻣـﻪن ﺗـﺎ ﮬﺎزﯨﺮﻏﯩﭽﻪ ﺋﯚزۈﻣﻨﯩﯔ ﻧﯧﻤﻪ ﺋﯜﭼﯜن ﻳﺎﺷﺎﻳﺪﯨﻐﺎﻧﻠﯩﻘﯩﻤﻨﻰ ﺑﯩﻠﻪﻟﻤﻪي ﻳﯜرۈۋاﺗﯩﻤﻪن. ﺑﯘ ﺳﻮﺋﺎﻟﻐﺎ ﺟﺎۋاب ﺗﺎﭘﺎﻟﻤﺎﺳﻠﯩﻘﯩﻢ ﺋﻪﻳﯩﭗ ﺳﺎﻧﯩلارﻣﺪۇ؟
(ﺋﯜرۈﻣﭽﻰ «ﻧﯘر دﯨﻴﺎر» ﺗﻪرﺑﯩﻴﯩﻠﻪش ﻣﻪرﻛﯩﺰﯨﺪﯨﻦ ﻣﺎﮬﯩﺮە ﻏﻮﭘﯘرﻧﯩﯔ ﺳﻮﺋﺎﻟﻰ)
1- ﺟﺎۋاب: ﺳﺎﺋﻪﺗﻨﯩﯔ ﮬﻪر ﺑﯩﺮ ﭼﯩﻜﯩﻠﺪﯨﺸﻰ ـــ ۋاﻗﯩﺘﻨﯩﯔ ﺋﯚﺗﻜﻪﻧﻠﯩﻜﯩﻨﻰ، ﺋﺎدەﻣﻨﯩﯔ ﮬﻪر ﺑﯩـﺮ ﺗـﯩـﻨـﯩـﻘـﻰ ـــ ﺋﯚﻣﯜرﻧﯩﯔ ﻛﻪﺗﻜﻪﻧﻠﯩﻜﯩﻨﻰ ﺑﯩﻠﺪۈرﯨﺪۇ؛ ﻗﯘرۇق ﺧﯩﻴﺎل ﺑﯩﻠﻪن ﺟﺎن ﺑﯧﻘﯩﺶ ﺋﯩﻨـﺴـﺎﻧـﻨـﯩـﯔ ﺋﯩـﺸـﻰ ﺋﻪﻣـﻪس، ﭘﻪﻗﻪت ﺋﻪﺟﯩﺮ- ﻣﯧﮭﻨﻪﺗلا ﺋﺎدەﻣﻨﻰ ﻣﻪﯕﮕﯜﻟﯜك ﻛﯜﻟﺪۈرﯨﺪۇ. ﻳﺎﺧﺸﯩﺴـﻰ ﺳـﯩـﺰ، ﻗـﺎﻧـﺪاق ﺋﺎدەم ﻣـﻪﯕـﮕـﯜﻟـﯜك ﻳﺎﺷﺎﻳﺪۇ، دﯦﮕﻪن ﺳﻮﺋﺎل ﺑﻮﻳﯩﭽﻪ ﺋﻪﺳﺘﺎﻳﯩﺪﯨﻞ ﺋﻮﻳﻠﯩﻨﯩﯔ ۋە ﺋﯩﺶ ﻗﯩﻠﯩﯔ.
_ ﻳﯧﯖﯩﺴﺎردﯨﻦ: ﺗﯘرﻏﯘن ﻣﯚﻣﯩﻦ
2- ﺟﺎۋاب: ﺳﯩﺰ ﺑﯘ دۇﻧﻴﺎﻏﺎ ﻧﯧﻤﻪ ﺋﯜﭼﯜن ﻛﻪﻟﮕﻪﻧﻠﯩﻜﯩﯖﯩﺰﻧﻰ ﺑﯩﻠﺴﯩﯖﯩﺰلا، ﺳﻮﺋﺎﻟﯩﯖﯩﺰﻧﯩﯔ ﺟﺎۋاﺑﻰ ﺋﯚزﻟﯜﻛﯩﺪﯨﻦ ﺗﯧﭙﯩﻠﯩﺪۇ.
_ ﻗﻪﺷﻘﻪر ﺷﻪﮬﻪر ﻧﻪزەرﺑﺎغ ﻳﯧﺰا ﺗﻮﻗﻘﯘزﺗﺎش ﺋﺎﮬﺎﻟﻪ ﻛﻮﻣﯩﺘﯧﺘﯩﺪﯨﻦ: ﻣﯘﺧﺘﺎر ﺋﺎﺑﻠﯩﺰ
ﺳﻮﺋﺎل: ﺑﯩﺮ ﭼﻮﻛﺎن ﻣﺎﯕﺎ ﻧﻪﺳﯩﮭﻪت ﻗﯩﻠﯩﭗ: «ﻛﻪﭘﻤﯜﺗﺘﯩﻦ ﺳﯧﻐﯩﺰ ﻳﺎﺧﺸﻰ، ﻣﯧﯟﯨﺪﯨﻦ ﻣﯧﻐﯩﺰ ﻳﺎﺧﺸﻰ، ﻗﯘلاﻗﺘﯩﻦ ﺋﯧﻐﯩﺰ ﻳـﺎﺧـﺸـﻰ» دەﻳﺪۇ. ﻣﻪن ﺑﯘﻧﯩﯔ ﻣﻪﻧﯩﺴﯩﻨﻰ ﺗﺎزا ﺑﯩﻠﯩﭗ ﻛﯧﺘﻪﻟﻤﯩﺪﯨﻢ، ﭼﯜﺷﻪﻧﺪۈرۈپ ﻗﻮﻳﺴﺎﯕلار.
(ﺋﯜرۈﻣﭽﯩﺪﯨﻦ ﺋﻪرﻛﯩﻨﻨﯩﯔ ﺳﻮﺋﺎﻟﻰ)
ﺟﺎۋاب: ﺑﯜﮔﯜﻧﻜﻰ ﻛﯜﻧﻠﻪردە، ﺋﻪﻧﻪ ﺷﯘﻧﺪاق ﭼﻮﻛﺎﻧلار ﻛﻪﻣﭙﯜﺗﻨﯩﯔ ﺗﻪﻣﯩﻨﻰ ﺳﯧﻐﯩﺰدﯨﻦ، ﻣﯧﯟﯨﻨﯩﯔ ﺷﯩﺮﻧﯩﺴﯩﻨﻰ ﻣﯧﻐﯩﺰدﯨﻦ، ﻗﯘلاﻗﻨﯩﯔ روﻟﯩﻨﻰ ﺋﯧﻐﯩﺰدﯨﻦ ﺋﯩﺰدﯨﮕﻪﭼﻜﻪ، ﺑﯘ ﮔﻪپ ﺳﯩﺰﮔﻪ ﻏﻪﻟﯩﺘﻪ ﺗﯘﻳﯘﻟﯘﭘﺘﯘ.
_ ﻗﺎراﻗﺎش ﻧﺎﮬﯩﻴﻪ ﺋﺎﻗﺴﺎراي ﻳﯧﺰا ﺋﺎﻳﺎغ ﺟﯩﻠﻐﺎ ﻛﻪﻧﺖ 1- ﻣﻪﮬﻪﻟﻠﯩﺪﯨﻦ: ﻧﯘرﻣﯘﮬﻪﻣﻤﻪت ﺗﯘردﯨﺌﻪﺧﻤﻪت
ﺳﻮﺋﺎل: ﻣﻪن ﺑﯩﺮ ﻣﺎﺗﯧﺮﯨﻴﺎﻟﺪﯨﻦ «ﻧﺎﻣﺮاﺗﻠﯩﻖ _ ﺟﯩﻨﺎﻳﻪت» دﯦﮕﻪن ﮔﻪﭘﻨـﻰ ﻛـﯚرۈپ ﻗـﺎﻟـﺪﯨـﻢ - دە، «ﻣـﻪن ۋە ﻣـﺎﯕـﺎ ﺋﻮﺧﺸﺎش ﻧﺎﻣﺮاﺗلار ﺟﺎزاﻟﯩﻨﯩﭗ ﻛﯧﺘﻪرﻣﯩﺰﻣﯘ؟ ﺳﺎﻗﭽﯩلار ﺑﯩﺰﻧﻰ ﺗﯘﺗﻘـﯩـﻠـﻰ ﻗـﺎﭼـﺎن ﻛـﯧـﻠـﻪر؟» دەپ ﻛـﯧـﭽـﻪ - ﻛـﯜﻧـﺪۈز ﺋﯘﺧﻠﯩﻴﺎﻟﻤﺎﻳﯟاﺗﯩﻤﻪن. ﺑﯩﺰدەك ﻧﺎﻣﺮاﺗلارﻧﻰ ﺳﺎﻗﭽﯩلار ﺑﯩﻠﯩﭗ ﻗﺎﻟﺴﺎ، راﺳﺘﺘﯩﻨلا ﺗﯘﺗﯘپ ﻛﯧﺘﻪرﻣﯘ؟
(ﻗﺎﻏﯩﻠﯩﻖ ﻧﺎﮬﯩﻴﻪ ﻛﯚﻛﻴﺎر ﻳﯧﺰا ﺋﯧﮕﯩﺰ ﻳﺎر ﻛﻪﻧﺘﯩﺪﯨﻦ ﺋﺎﺑﺪۇﻟلاﺟﺎن ﻗﯘدرەﺗﻨﯩﯔ ﺳﻮﺋﺎﻟﻰ)
ﺟﺎۋاب: ﻧﺎﻣﺮاﺗﻠﯩﻘﻨﯩﯔ ﺟﯩﻨﺎﻳﻪت ﺋﯩﻜﻪﻧﻠﯩﻜﯩﻨﻰ «ﺳﺎﻗﭽﯩلار» ﺑﯩﻠﯩﭗ ﻗﺎﻟﻐﯘﭼﻪ، ﮬﺎلال ﺗﻪر ﺗﯚﻛﯜپ ﺗﯧﺰراق ﺑﺎي ﺑﻮﻟﯘۋﯦﻠﯩﯔ، ﺑﻮﻟﻤﯩﺴﺎ ﮬﺎﻣﺎن «ﺗﯘﺗﯘﻟﯘپ»ﻗﺎﻟﯩﺴﯩﺰ.
_ ﻗﻪﺷﻘﻪر ﺷﻪﮬﻪر ﻧﻪزەرﺑﺎغ ﻳﯧﺰا ﺗﻮﻗﻘﯘزﺗﺎش ﺋﺎﮬﺎﻟﻪ ﻛﻮﻣﯩﺘﯧﺘﯩﺪﯨﻦ: ﻣﯘﺧﺘﺎر ﺋﺎﺑﻠﯩﺰ
ﺳﻮﺋﺎل: ﻛﻮﻧﯩلار:«ﻗﻮﻟﻰ ﺋﺎﺳﺘﺎ ﮬﯜﻧﻪرۋەﻧﺪﯨﻦ ﭘﯘﺗﻰ ﺋﯩﺘﺘﯩﻚ ﻗﻪﻟﻪﻧﺪەر ﻳﺎﺧﺸﻰ» دەﭘﺘﯩﻜﻪن. ﻣﻪن ﮬﯜﻧﻪرۋەن ﺑﻮلاي دﯦﺴﻪم ﻗﻮﻟﯘﻣﻨﯩﯔ ﺋﺎﺳﺘﯩﻠﯩﻘﯩﺪﯨﻦ، ﻗﻪﻟﻪﻧﺪەر ﺑﻮلاي دﯦﺴﻪم ﭘﯘﺗﯘﻣﻨﯩﯔ ﺋﺎﺳﺘﯩﻠﯩﻘﯩﺪﯨﻦ ﺋﻪﻧﺴﯩﺮەپ ﮬﯧﭽﻨﯧﻤﻪ ﺑﻮلاﻟﻤﯩﺪﯨﻢ. ﻣﻪن زادى ﻧﯧﻤﻪ ﺑﻮﻟﺴﺎم ﺑﻮلار؟
(ﻗﺎﻏﯩﻠﯩﻖ ﻧﺎﮬﯩﻴﻪ ﺗﯧﺘﯩﺮ ﻳﯧﺰا 10- ﻛﻪﻧﺖ 5- ﻣﻪﮬﻪﻟﻠﯩﺪﯨﻦ ﺋﯩﻠﻴﺎس ﺋﺎﺑﻠﯩﻤﯩﺘﻨﯩﯔ ﺳﻮﺋﺎﻟﻰ)
1- ﺟﺎۋاب: ﺳﯩﺰ ﺋﻪڭ ﻳﺎﺧﺸﯩﺴﻰ ﻛﺎﻟﻠﯩﯖﯩﺰﻧﻰ ﺋﯩﺘﺘﯩﻚ ﻗﯩﻠﯩﭗ ﺧﻮﺟﺎﻳﯩﻦ ﺑﻮﻟﯘڭ، ﺷﯘﻧﺪاق ﻗﯩلاﻟﯩﺴﯩﯖﯩﺰلا ﭘﯘت- ﻗﻮﻟﯩﯖﯩﺰﻧﯩﯔ ﺋﺎﺳﺘﯩﻠﯩﻘﯩﺪﯨﻦ ﺋﻪﻧﺴﯩﺮەﺷﻨﯩﯔ ﮬﺎﺟﯩﺘﻰ ﻗﺎﻟﻤﺎﻳﺪۇ.
_ ﭘﯩﭽﺎن ﻧﺎﮬﯩﻴﻪ ﻟﯜﻛﭽﯜن ﺑﺎزارﻟﯩﻖ رادﯨﺌﻮ- ﺗﯧﻠﯧﯟﯨﺰﯨﻴﻪ ﭘﻮﻧﻜﯩﺘﯩﺪﯨﻦ: ﺋﯚﻣﻪرﺟﺎن رﯦﺸﯩﺖ
2- ﺟﺎۋاب: ﺳﯩﺰ «ﺋﺎﻟﺪﯨﺮﯨﻐﺎﻧﻨﯩﯔ ﺑﯘرﻧﻰ ﻗﺎﻧﺎﭘﺘﯘ، ﺋﺎﺳﺘﺎ ﻣﺎﯕﻐﺎﻧﻨﯩﯔ ﻛﯚﺗﯩﮕﻪ ﺗﺎﻳﺎق ﺗﯧﮕﯩﭙﺘﯘ» دﯦﮕﻪن ﮔﻪﭘﻨﻰ ﺋﺎﯕﻠﯩﻤﯩﻐﺎﻧﻤﯘ؟ ﺳﯩﺰ ﮬﯜﻧﻪرۋەن ﻳﺎﻛﻰ ﻗﻪﻟﻪﻧﺪەر ﺑﻮﻟﯘﺷﻨﻰ ﺧﯩﻴﺎل ﻗﯩﻠﯩﭗ ﻳﯜرﻣﻪي، ﭘﯘت- ﻗﻮﻟﯩﯖﯩﺰﻧﯩﯔ ﺋﺎﺳﺘﯩﻠﯩﻘﯩﺪﯨﻦ ﺋﻪﻧﺴﯩﺮەﺷﻨﯩﯔ ﺋﻮرﻧﯩﻐﺎ ﻛﺎﻟﻠﯩﯖﯩﺰﻧﯩﯔ ﺋﯩﺘﺘﯩﻚ ﺑﻮلاﻟﻤﯩﻐﺎﻧﻠﯩﻘﯩﺪﯨﻦ ﺋﻪﻧﺴﯩﺮﯨﺴﯩﯖﯩﺰ ﺑﻮﻟﻐﯩﺪەك.
_ «ﺧﻮﺗﻪن ﮔﯧﺰﯨﺘﻰ» دﯨﻦ: روزﯨﺌﻪﺧﻤﻪت ﺗﯘرا
3- ﺟﺎۋاب: ﺳﯩﺰ ﮬﯧﭻ ﺋﯩﺸﻘﺎ ﺋﺎﻟﺪﯨﺮاپ ﻛﻪﺗﻤﻪي، ﺋﺎﺷﯘﻧﺪاق ﻛﯜﺗﯜپ ﻳﯜرۈۋﯦﺮﯨﯔ، ﺑﻪﻟﻜﯩﻢ ﻛﯜﻧﻠﻪرﻧﯩﯔ ﺑﯩﺮﯨﺪە ﻗﻮﻟﯩﯖﯩﺰ ﺋﯩﺘﺘﯩﻜﻠﻪپ ﮬﯜﻧﻪرۋەن ﺑﻮلارﺳﯩﺰ، ﻗﺎﻣلاﺷﺘﯘراﻟﻤﯩﺴﯩﯖﯩﺰ ﭘﯘﺗﯩﯖﯩﺰ ﺋﯩﺘﺘﯩﻜﻠﻪپ ﻗﻪﻟﻪﻧﺪەر ﺑﻮلارﺳﯩﺰ!
_ ﭼﯩﺮا ﻧﺎﮬﯩﻴﻪ ﻧﯘرى ﻳﯧﺰا ﭼﻮﯕﻜﯚل ﻛﻪﻧﺘﯩﺪﯨﻦ: ﺗﺎﮬﯩﺮﺟﺎن ﺋﺎﺑﺪۇرﯦﮭﯩﻢ