يىتىمسىرغاندا ،يالغۇز قالغاندا،ئائىلەمدىن كۆڭلۈم سۇ ئىچمىگەندە،ئۆگەي ئاپامدىن رەنجىگەندە ئىشقىلىپ ھازىر سىزنلاىسېغىندىغان بۇلۇپ قالدىم.
ئاپا مەن 4ياش ۋاقتىمدابۇ دۇنيادىن كىتىپتىكەنسىز.ماڭا مىھرىڭىزنى بىرىپ بۇلالماي كتىپ قالدىڭىز.
بۈگۈن مىنىڭ 22ياشقا كىرگەن تۇغۇلغان كۈنۈم.يەنى سىزنىڭ 22يىل بۇرۇنقى بۈگۈنكى كۈندە ،ئاچچىق تولغاق ئازابى تارىپ مىنى بۇدۇنياغا ئاپىرىدە قىلغان
ھەممىڭلار شاتلىنىپ خوش بولغان مۇبارەك كۈنىڭىز.ئەمما تەغدىر سىزنى كىيىنكى مىنىڭ بەختىمنى كۆرىدىغان خوشاللىقتىن مەھرۇم قىلدى.ئۇلۇغ ئاللاھ سىزنى شۇنچە ياش بولسىڭىزمۇ قىيمايدىغان پەرزەنىتىلىرىڭىز بولىسىمۇ سىزنىڭ يېنىڭىزغا جان ئالغۇچى پەرىشتىنى ئەۋەتتى.ئاللاھنىڭ دىگىنى بۇلىدۇ.ئۈلۈم قېرى ياشقا باخمايدىكەن.سىزمۇ شۇ ۋاقىتتا 22ياشتا ئىكەنسىز.يەنى مىنىڭ يېشىمدا.
   ئاپا مۇشۇ كەمگىچە سىز تۈگەپ كەتكەندىن كىيىن بىرەرسىدىن ھەقىقى ئانىلىق مىھرى ھىس قىلىپ باقماپتىمەن.مۇش كەمگىچە بىرەرسىنى ئاپا دەپ چاقىرىپ باقماپتىمەن.باشقىلار ئانا!دەپ چاقىرسا ھەيرانلىقتا مىنىڭمۇ ئاپام بولسىچۇ؟دەپ قالىمەن.
   مانا ھەش -پەش دىگىچە مەنمۇ چوڭ بولدۇم.شۇنچە جاپالىق كۈنلەرگىمۇ بەرداشلىق بىرىپ،ئۆز ھالال ئەمگىكىم بىلەن ياشاپ كۈنلۈرۈمنى گۈلدەك ئۆتكۈزۋاتقان كۈنلەرنىڭ بىردە ،ئاللاھنىڭ ئۇرنلاشتۇرۇشى بىلەن يولدۇشۇم بىلەن تۇنۇشۇپ،توي قىلدۇق.
   مۇشۇ تۇيۇم بولغان كۈنى سىزنى قانچىلىك ياد ئەتكەنلىكىمنى بىلەمسىز؟ئاپام بولغان بولسا مىنىڭ بەختىمنى تىلەپ ئۇزتۇپ قويسا ،كۈلۈمسىرەپ تۇرۇپ پىشانەمگە سۈيۈپ مەن ئۈچۈن خوشال بولسا دەپ يىغلاپلا چىقىپتىمەن .
   مانا قىزمغا ھامىلدار بولدۇم.ئۆيۈمدە ھەممە نەرسە تەل بولسىمۇ ،بېرىپ كۈرۈپ كىلىدىغان ،بىدەم يېرىمدەم مۇڭدۇشۇپ كىلىدىغان،بوينىڭىزغا ئېسىلىپ سۈيۈپ قۇيىدىغان سىز يوق.قاچانلا بولسا سىزنى ئويلىساملا يىغلىغۇم كىلىدۇ.
سىز ھايات ۋاقتىدا ھازىرقىدەك ئەقلىم بولغان بولسا ،ھىدىڭىزنى  قانغۇچە پۇرىۋالماسمىدىم،بويانلىرىڭىزغا ئېسىلىپ ئەركىلىۋالماسمىدىم،مىھرىڭىزگە قېنىۋالماسمىدىم،ئاپا....دەپ چاقىرۋالماسمىدىم.قانغۇچە سۈيۋالماسمىدىم.باغرىڭىزغا ئۆزەمنى ئېتىۋالماسمىدىم.جېنىم ئاپا سىزنى بەكمۇ سېغىندىم .مۇشۇ كۈنلەردە سىزنىڭ يوقلىقىڭىز بەكمۇ بىلىندىغان چۈشۈمدە سىزنى كۈرىدىغان بوپقالدىم.
    ماناتۇغۇتۇممۇ يېقىنلاپ قالدى.ئەكىتىپ ئۈيۈمدە ئارام ئالدۇراي دەيدىغان ئاپام سىز يوق.مانا يەڭگىدىم،بالام نەرىڭ ئاغرىيدۇ؟نىمە يىگىڭ بار ؟بۇ زىيان قىلىدۇ! بۇ پايدا قىلىدۇ .دەيدىغان ئاپام سىز يوق.تۇغۇتۇمدا يىغلاپلا چىقىپتىمەن.يولدۇشۇم بۇنى كۆرسە خاپا بۇلۇپ كىتىدۇ.نىمەڭ كەم.نىمە گەپ بولسا ماڭا دە.دەردىڭنى مەن ئاڭلاي.مەن ئاپاڭ بۇلاي،داداڭ بۇلاي دەپ ياشلىرىمنى سۈرۈتۈپ تەسەللى بىرىپ كىتىدۇ.
    بەزىدە ئويلاپمۇ قالىمەن.مىھىربان ئاللاھ بۇرۇنقى تارىتقان جاپالىرىمنى بىلگەچكە،خېلى-خېلى كىشلەر ئىرشەلمىگەن بەختنى بەردىمىكىن دەيمەن.يىتىمنىڭ ئىگىسى ئاللاھ دەيدىغان گەپ بار ئەمەسمۇ؟مەن توي قىلغان مۇشۇ جەرياندا يولدۇشۇم ماڭا نۇرغۇن نەرسىلەرنى ئۈگەتتى.بىلدۈردى ئىسلامدا ئۇقۇتتى.ھەقىقى دىنىمنى بىلدردى.ھەقىقى ئەخلاقلىق ئايال بۇلۇشنى ئۈگەتتى.بۇرۇنقى جاھىليەتتە ياشاۋاتقان پۇچەك روھىمنى ئويغاتتى.دىنىمدا مۇستەھكەم تۇرۇشقا دەۋەت قىلدى.شۇڭا يولدۇشۇمغا ئاللاھنىڭ كۆپ ئەجىر بىرىشىنى تىلەپ تۇرىمەن.
جېنىم ئاپا ئەگەر سىز بولغان بولسىڭىز ،تۇتقان ئۆيلۈرۈمدىن خوشال بولغان بولسىڭىز.بالامنى ئەركىلىتىپ تۇرۇپ مەندىن خاتىرجەم ھالدا چىرايلىق بىر كۈلۈمسىرەپ قويغان بولسىڭىز قانچىلىك خوشال بۇلار ئىدىم ھە!
قەدىرلىك ئاپا!بۇرۇن يوقلىقىڭىزنى پەقەت ھىس قىلماپتىكەنمەن.مانا مەنمۇ ئانا بولغاندا ھىس قىلىۋاتىمەن.سىز ماڭا ئانىلىق مۇھابىتىڭىزنى بىرەلمىگەن بولسىڭىز،مەن قىزىمغا بارلىق مىھرىمنى بىرىۋاتىمەن.ھەم ئاللاھ خالىسا شۇكۈنلەرگە نىسىپ قىلسا بالامنىڭ بەختلىك بولغىننى كۆرىمەن.بالامنى يالغۇزلۇق تارىتقۇزمايمەن.بالامنى مەندىن پەخىرلەنگۈدەك قىلىپ تەربىيلەيمەن .ئىنشا ئاللاھ..
   ئاپا ھەر ۋاقىت ئاللاھتىن قەبرىڭىزدە يېتىپ قىيامەتكىچە جەننەتنىڭ پۇرۇقىنى پۇراپ تۇرسىكەن دەپ ھەر نامىزىمدا تىلەپ تۇرۋاتىمەن.سىزگە دۇئا قىلۋاتىمەن.ئاللاھ ياتقان يىرىڭىزنى جەننەتتە قىلسۇن ئامىن..

ئانا دۇنيادىكى ئەڭ ئۇلۇغ ئىنسان ...بۇ تىمىنى كۆرۈپ كۆڭلۈم يىرىم بولدى،ئاللا ھەممە ئانىلارنىڭ ئۆمرىنى ئۇزۇن قىلسۇن،يىزىق  ئىپادىلىشىڭىز يامان ئەمەسكەن يەنىمۇ تىرىشىڭ......

ۋا!!!   ھەقىقەتەن قەلەم ئىگىلىرى كۆپمۇ؟    بىر مەنلا يازالمايدىغان چىغىم با................   

بەكلا تەسىرلىك يېزىلپتۇ،مەنمۇ ئاپامنى بەكلا ياخشى كۆرىمەن.

مەنمۇ يازالمايدىكەنمەن دىسە

بۇ ئەسەرنى ئۇقۇپ مەنمۇ ئاپامنى سېغىنىپ كىتىۋاتىمەن.
ئاپام بولسا يالغۇز ئۆيدە بالام دەپ يىغلاپ ئولتۇرىدۇ.
ھەي!قاچانمۇ ئاپامنىڭ قېشىغا بارامەن.   

رەھمەت سىزگە.           

مەنمۇ ئاپامنى سېغنىپ كېتىپ ئاران تۇراتتم  بۇنى  ئوقۇپ  تېخمۇ  سېغنىپ  كەتتىم !!!            

مەنمۇ ئانامنى بەكلا سېغىندىم