مېنىڭ نەزىرىمدىكى ھەقىقىي ئەركەك- تارىختىكى شۈكرىچىلىك ئىددىيەسى بىلەن، ھېچنىمىدىن ھېچنىمە يوق قىزلىرىنى ئەرگە بىرىپ قۇدىلىشىدىغان ئەرلەر ئەمەس. خېيىم-خەتەر قۇتىراپ ئامەت قولىدىن كەتسە، خوتۇن-خەقنىڭ ئىشى دەپ ھېساۋاتىنى ئاياللارنىڭ چىكىسىگە يازىدىغان ئەرلەر ئەمەس.
مېنىڭ نەزىرىمدىكى ھەقىقىي ئەركەك- ئۆزىنىڭ يۈز-ئابرويى، پايدا-مەنپەئىتىنى دەپ، خوتۇنىدىن يۈز ئۆرۈيدىغان ئەرلەر ئەمەس. ئۆزىنىڭ ئارزۇسىنى دەپ خەلقنى ئازاپ-ئوقۇبەتكە قويىدىغان ئەرلەرمۇ ئەمەس، بەلكى مۇھەببەت ئۈچۈن تاج-تەخىتتىن كىچەلەيدىغان ئەرلەردۇر. پۇرسەت قولدىن كەتكەندە ئاۋامنىڭ ۋە ئەسكەرلەرنىڭ ئامانلىقى ئۈچۈن، سۈكۈت قىلىپ، تېنچىلىقنى تاللىيالايدىغان ئەرلەردۇر. رەقىبىگە ھۆرمەت قىلالايدىغان ئەرلەردۇر.
مېنىڭ نەزىرىمدىكى ھەقىقىي ئەركەك- بىرەرسىنىڭ قېينچىلىققا ئۇچىرىغانلىقىنى كۆرگەندە ئىككىلىنىپ تۇرىدىغان ھەتتا ئۆزىنى قاچۇرىدىغان، ئارقىغا قاراپ نەيزە ئاتىدىغان ئەرلەر ئەمەس. ئاۋامنىڭ ھوقۇقى دەخلىگە ئۇچىراپ، جىملىقنى ۋە سۈكۈتنى تاللاپ تۇرغاندا، <مەن مۇنداق قارىمايمەن> دەپ توۋلىيالايدىغان ئەرلەردۇر.
مېنىڭ نەزىرىمدىكى ھەقىقىي ئەركەك- قارامايدىكى ئوت ئاپىتىدە ئاۋال ئۆزىنى سىرىتقا ئاتقان رەھبەرلەر ئەمەس. بىر قىزچاقنىڭ سۇغا چۈشۈپ كەتكەنلىكىنى كۆرۈپ تۇرۇپ، خىيالىدا يوق مېڭىپ كىتىدىغان ئەمەلدارلار ئەمەس. كان ھادىسى پەيدا بولغاندا، ئۆزىنى ئېلىپ قاچقان كان خوجايىنلىرى ئەمەس. يەنى، <تىتانىك> نامىلىق پاراخوتتىكى، خەتەر ئالدىدىمۇ ئورنىغا سادىق بولۇپ، پاراخوت بىلەن بىرگە چۆكۈپ كەتكەن پاراخوت باشلىقى، ماتۇرۇسلار، مۇزىكىچىلار. ئۇزۇن يوللۇق ئاپتوبۇسقا ئوت كەتكەندە، ئاۋال ئاياللار ۋە بالىلارنى قۇتقۇزۇپ، ئۆزى چىقىپ كىتەلمىگەن ئەرلەر، يۈرەك كېسىلى تۇيۇقسىز قوزغالسىمۇ، چىداپ تۇرۇپ، ماشىنىنى يول ياقىسىغا توختۇتۇپ بولۇپ، ئۆزىنى تاشلىغان شوپۇرلار.
مېنىڭ نەزىرىمدىكى ھەقىقىي ئەركەك- ئۆزىنىڭ جاپالىق ئەمگەك ئىش ھەققىنى ئالالماي تۇرسىمۇ، ئالتۇن تىپىۋالسىمۇ كۆز قىرىنى سالمايۋاتقان خەلىق ئىشچىللىرى. ئۈچ چاقىلىق ھارۋىسى بىلەن تاپقان پۇللىرىدا ئۇزاق مۇددەت نامىرات ئوقۇغۇچىلارنى يۆلەتۋاتقان ھارۋىكەشلەر. ۋەيران بولغان بولسىمۇ، چىشىنى چىڭ چىشلەپ، كېينكى يىرىم ھاياتىدا قەرىزلىرىنى تاماملىغان ئەرلەر.
مېنىڭ نەزىرىمدىكى ھەقىقىي ئەركەك- ئائىلىسىدىكىلەر بىلەن كۆپىرەك بىرگە بولۇشى ئۈچۈن، ئەمىلىنىڭ ئۆستۈرۈلۈش پۇرسىتىدىن ۋاز كىچەلەيدىغان ئەرلەر. بىر ئۆمۈر ئىشخانىدا ئولتۇرۇپ تۇرۇپمۇ، بىرەر ۋاراق ئىش قەغىزىنىمۇ باللىرىنىڭ خەت يېزىشىغا ئاپىرىپ بەرمىگەن ئەرلەر. ئاممىۋى ئاپتوبۇسلاردا قېرى-ئاجىزلارغا ئورۇن بوشۇتۇپ بىرىپ، ماشىنىدىن ھازىرلا چۈشۈدىغان قىياپەتكە كىرىۋىلىپ، باشقا ياققا ماڭغان ئەرلەر. قار-شىۋىرغانلىق كىچىدە ئۆيگە قايتىۋاتقاندا، گېزىتچى بالىنىڭ قولىدا ئېشىپ قالغان بىر قانچە گېزىتنىڭ ھەممىسىنى سېتىۋىلىپ كەتكەن ئەرلەر.
مېنىڭ نەزىرىمدىكى ھەقىقىي ئەركەك- ئون يىلنى بىر كۈندەك ئۆتكۈزۈپ، كونا ۋىلسىپىت مېنىۋىلىپ ئەتىگەن تۇرۇپ، كەچ يېتىپ بالىسىنى مەكتەپكە ئاپىرىپ ئەكەلگەن ھەم شۇ يولىلا ئۆيىنىڭ سەي-كۆكتاتلىرىنى سېتىۋىلىپ كەلگەن ئەرلەر. ئۆزى ئىش ئورنىدىن ئايرىلغان بولسىمۇ، ئائىلىسىدىكىلەردىن ييشۇرۇن، ئوغۇرلىقچە جاپالىق ئىشلارنى قىلىپ، بىر ئائىلە كىشللىرىنى بېقىۋاتقان ئەرلەر. ئايالى باشقا ئەرلەر بىلەن قېچىپ كەتسە، بىرىپ ئىزدەپ قايتۇرۇپ كىلىش ئەمەس، كۆڭلىدىن يوشۇرۇن ھالدا ئۇنىڭغا بەخىت تىلەيدىغان ئەرلەر. باشقىلار خاتا چۈشەنچىدە بولغاندا، ئۇرۇشۇپ يۈرمەستىن، ۋاقىت ئارقىلىق ھەممىسىنى ئىسپاتىلىغان ئەرلەر.
ھەممەيلەن ھازىرقى جەمئىيەتتە، ھەقىقىي ئەرلەرنىڭ ئازلاپ كېتىۋاتقانلىقىنى ھېس قىلماڭتىمىز. شۇنداقلا، خورسىنماقتىمىز، ئىزدىمەكتىمىز، چاقىرىماقتىمىز. ئەمەلىيەتتە، ھەقىقىي ئەرلەر ئىلگىرىمۇ بولغان، ھازىرمۇ بار. ئۇلار ئاددى-ساددا، نورمال جەمئىيەت ئارىسىدا، ئۇلار يوشۇرۇنمۇ ئەمەس ھەم ئاشكارىمۇ ئەمەس. ئۇلار بەلكى كۆرۈمسىز ھەتتا بەك قوپال كۆرۈنىدىغاندۇر. لېكىن ئۇلارنىڭ قەلبىدىكى قىزغىنلىق ۋە كۈچىنى كىنۇ فىلىملىرىدىكى قەھرىمانلارغا ھەرگىز سىلىشتۇرغىلى بولمايدۇ. ئۇلار بەلكىم بىزنىڭ يېنىمىزدا ياشاۋاتقان بىر قىسىم ئەرلەردۇر.
:ئۆزۇمنىڭ ھىسى.....
