ئاپتۇرى:تىلەك(خوتەنخان).

بىر يىرىم مىليۇندىن ئارتۇق نوپۇسى بار بۇ خوتەن دىيارىمدا ھەر كۈنى نەچچە يۈز مىڭلىغان تەقدىر قىسمەتلىرى يۈز بىرىپ تۇرىدۇ،مەن تىخى ئۇ تەقدىر قىسمەتلەرگە يولۇقۇپ باقمىغاچقىمىكىن -توۋا مۇشۇنداقمۇ ئىشلار يۈز بىرىدىكىنا،-دەپلا قوياتتىم،ئەمما بۇ تەقدىر قىسمەتنىڭ ئۆز بىشىمغا كەلگىنىدە بولسا تەقدىرنىڭ ئىنتايىن سىرلىقلىقىنى،ھاياتنىڭ بولسا كۆيىنىش ۋە مىھرى مۇھەببەت بىلەن گۈزەللىكىنى ھەقىقى ھىس قىلغان ئىدىم.
*  *  *  *  *  *  *  *  *  *
ئالىي مەكتەپنى پۈتتۈرۈشكە بىر يىل قالغان يىلى دادام تۇيۇقسىز كىسەل سەۋەبى بىلەن ئالەمدىن ئۆتتى،بىچارا ئانامنىڭمۇ يۈرەك كىسىلى بولغاچقا دادامنىڭ قازاسىدىن قاتتىق قايغۇرۇپ ئۇمۇ كارۋاتقا يىقىلدى،ئۆيمىزدە دادام ،ئانام ،ئىنىم ۋە مەن تۆت جانلا بارئىدۇق،دادام بولسا ئوقۇتقۇچى ئىدى،ئانام بولسا ئائىلە ئايالى ،ئىنىم بولسا تولۇقسىز ئوتتۇرا مەكتەپتە ئوقۇيتتى.تۇرمۇشىمىز تولىمۇ ئاددى ساددا ۋە بەخىتلىك بولۇپ ھەممە كىشىنىڭ ھەۋىسى كىلەتتى،ئەپسۇس كۆزتەككەندەكلا دادام قازاقىلىپ كەتتى،ئانام قاتتىق ئورۇن تۇتۇپ يىتىپ قالغاچقا مەن ئاخىرى مەكتەپتىن چىكىنىپ ئانامنىڭ ھالىدىن خەۋەر ئىلىشنى لايىق كۆردۈم،مەن مەكتەپتىن چىكىنىش رەسمىيەتلىرىنى ئۆتەپ بولۇپ ئوغۇل دوستۇم قەيسەر بىلەن خوشلىشىپ، بولغان ئىشلارنى ئۇنىڭغا سۆزلەپ مەكتەپتىن ئايرىلماقچى بولدۇم،ئۇمۇ مىنىڭ قايغۇرۋاتقانلىقىمغا تەسەللى بىرىپ مىنىڭ ئۆزىنى كۈتۈپ تۇرۇشۇمنى ،ئۆزىنىڭ ئوقۇش پۈتتۈرۈپ بولغاندىن كىيىن چوقۇم مەن بىلەن توي قىلدىغانلىقىنى ئىيتىپ مىنى خاتىرجەم يولغا سىلىپ قويدى،مەن ئۆيگە قايتىپ كەلگەندىن كىيىن ئانامنىڭ ھالىدىن خەۋەر ئىلىپ ئانامنىڭ كىسىلىنى خىلى ساقىيتقان ئىدىم،ئارىدىن بىر يىل ئۆتۈپ كەتتى،ئانام مىنىڭ ئالىي مەكتەپنى تولۇق ئوقۇمايلا ئۆزىنى دەپ ئوقۇشتىن توختىغانلىقىمدىن ئازابلىنىپ ،ماڭا بىر كىچىك تاللا دۇكىنى ئىچىپ بەردى،مەن بۇ كىچىك تاللا دۇكىنىنى ئۆزئىستىقبالىمنى تىپىشنىڭ ياخشى پۇرسىتى دەپ بىلدىم،چۈنكى مىنىڭ ئوقۇغان كەسپىم ئىگىلىك باشقۇرۇش بولۇپ بۇ قىتىم كەسپىم ئارقىلىق مەن تىخىمۇ تىرىشتىم،مەن ئاخىرى ئۇتۇق قازاندىم،تاللا بازىرى ئىچىشتىن ئىبارەت بۇ تىجارەتتىن پايدىلىنىپ ھەشپەش دىگۈچە مىنىڭ ئىككى كىچىك تاللا بازىرى دۇكىنىم ھەم شەھەرمەركىزىدە يەنە بىر تاللا دۇكىنىم بار بولدى،شەھەرمەركىزىدىكى تاللا دۇكىنىم بىر قەدەر چوڭ بولۇپ سودىسىمۇ يامان ئەمەس بولغاچقا مەن ئىككى خىزمەتچىم بىلەن مۇشۇ تاللا دۇكىنىنى يۈرۈشتۈرۈپ كىتىۋاتاتتىم،مەن كۈن بويى تاللا بازىرىمنىڭ سودىسى بىلەن بولۇپ كىتىپ مىنىڭ ھىلىقى ئوغۇل دوستۇمنى ئىسىمدىن چىقىرىپ قويغىلى تاسلا قاپتىمەن،ئىلگىرى ئۇنى ھەرقىتىم ئويلىسام يۈرىكىم قاتتىق ئىچىشىپ ئاغراتتى،مەن ئۆز ئۆزۈمگە مەدەت بىرىپ ئۇنى ئۈن-تىنسىز كۈتۈپ كەلگەن ئىدىم، خىلى ئۇزۇن بولۇپ قالدى ،ئۇ مەن بىلەن ئالاقىلىشىپمۇ قۇيمىدى،بۇنىڭدىن باشتا سەل ئەجەپلەنگەن بولساممۇ لىكىن يەنىلا ئۇنىڭغا ئىشىنىپ سەۋىرچانلىق بىلەن ئۇنى كۈتتۈم،ئالىي مەكتەپتە ئوقۇۋاتقان ۋاقىتلىرىمىزدا ئۇ بەكمۇ كۆيمچان ئىدى،مىنى ئۆگۈنىشكە ئۆزى بىر قوللۇق يىتەكلەيتتى،ئۇ مىنىڭ نەزىرىمدە ئەڭ تىرىشچان،ئەڭ سەمىمى ئىسىل بىر يىگىت ئىدى،بەلكى مۇشۇ سەۋەبلەر مىنىڭ ئۇنى يىراقتا تۇرۇپ ئىككى يىل چىشىمنى چىشلەپ ساقلىيالىغانلىقىمنىڭ سەۋەبى مۇشۇ بولسا كىرەك.ئوقۇۋاتقان ۋاقىتلىرىمىزدا بىز دائىم شەنبە يەكشەنبە كۈنى تورغا كىرەتتۇق،مەن تور دۇنياسىنى ئۇنىڭ بىلەن يۈرگەندىن كىيىن ھەقىقى تۇنۇپ يەتتىم،ئۇ ماڭا توردىكى بارلىق ياخشى بىلىملەرنى زىرىكمەي ئۆگۈتەتتى،بولۇپمۇ مۇنبەر دىگەننى.مەن تۇنجى قىتىم ئۇنىڭ تەۋسىيەسى بىلەن يىڭىدىن ئىچىلغان مىسرانىم مۇنبىرىگە ئەزا بولۇپ تۇنجى قىتىم باشقىلارنىڭ تىمىسىغا ئىنكاس يازالىشىم ئىدى،شۇندىن كىيىن مەن مۇنبەردىن ئىبارەت بۇ سورۇنغا شۇنچىلىك ئامراق بولۇپ كەتكەن ئىدىم،ئۇنىڭغا ئاتاپ يازغان شئىرلىرىمنى ئەشۇ مۇنبەرگە يوللايتتىم،باشقىلارنىڭ ماڭا قايتۇرغان سەمىمى ئىنكاسلىرىدىن خوش بولۇپ كىتەتتىم،مۇشۇ ئىشلارنى ئويلاپ كاللامغا دەرھال مۇنبەرگە كىرىپ ئۇنى سىغىنغانلىق تۇرمۇشۇم ئەكىس ئەتتۈرۈلگەن ياخشى بىر تىما يوللاش ئىستىكى قوزغالدى.مەن دەرھال تورخانىغا باردىم،تۇيۇقسىز ئۇ ماڭا ئىلىپ بەرگەن كوت-كوتىمۇ ئىسىمگە قالدىدە مەخپى نۇمۇرىنى خىلى تەس ئىسىمگە ئىلىپ كوت-كوتنى ئاچتىم،بۇ كوت-كوتنى ئاچمىغىنىمغا ئىككى يىل بولاي دىگەچكە ماڭا باشقىچە بىلىنىپ كەتكەن ئىدى،مەن ئەڭ ئاۋال ئۇنىڭ ئىسمىنى ئىزدەۋەتاتتىم،تۇيۇقسىز بىر ئۇچۇر كۆزنىكى چىقىپلا ئىكران ئاستىدا خەت كەلدى دەپ بىر پىنگىۋىننىڭ باش سۈرىتى توختىماي مىدىرلايتتى.مەن دەرھال كەلگەن ئۇچۇرنى ئاچتىم،بىشىدا بۇ ئۇچۇرنى كىمنىڭ يازغانلىقىنى بىلمەي قالدىم چۈنكى بۇ ئۇچۇرغا بىر يىرىم بەت ئەتراپىدا سۆز قالدۇرۇلغان بولۇپ بۇنىڭدىن تەخمىنەن بىر ئاي بۇرۇن قالدۇرۇلغان ئىدى،مەن خەتلەرنى ئاستا-ئاستا ئوقۇپ خەتنىڭ داۋامىنى ئوقۇشقا جۈرئەت قىلالماي قالدىم،ئۇ خەتنى ھىلىقى ئوغول دوستۇم ماڭا قالدۇرغان ئىدى،خەتتە بولسا ئىككىمىزنىڭ ئەمدى كۆرۈشەلمەيدىغانلىقىمىزنى،ئەگەر ئىككىمىزنىڭ مۇشۇ دىيارىمىزدا ئۇچرىشىپ قالساق ئۆزىنى تونىماسقا سىلىپ ئۆتۈپ كىتىشىمنى ئىيتىپ مەندىن بىرمۇنچە كەچۈرۈملەرنى سوراپ خەت قالدۇرۇپ قۇيۇپتۇ،شۇ تاپتا يىغلىۋىتەي دىسەم تورخانىدا نۇرغۇن ئادەم بار ،قاقاقلاپ كۈلىۋىتەي دىسەم ھىچبىر يىرىمنىڭ كۈلۈشكە ماغدۇرىمۇ يوق،كاللام قۇپقۇرۇق،كۆز ئالدىم قاراڭغۇ، بۇ ئۇنىڭ نىمە قىلغىنى ،ئىككى يىل ئۇنىڭغا ئىشىنىپ ئۇنى كۈتكەن ئەمەسمىدىم،ئەمدى ئۇنىڭ بىلەن كۆرىشىمەن دەپ تۇرغۇنىمدا ئۇنىڭ بۇ خىتىنى كۆرۈپ قاتتىق ئازاپلاندىم،ئۆز-ئۆزۈمگە توۋا دىدىم،توۋا قىنى ئۇنىڭغا ئىشەنگىنىم،شۇھامان كاللامنى قاتتىق سىلكىۋەتتىم،مۇنبەرگە كىرىپ ئۇنىڭغا ئاتاپ تىما يىزىشنى ئۇنتۇپ ئۇدۇل ئۇنىڭ ئىزدىرىكىنى قىلدىم،ئۇنىڭ تىلفۇنى يەنىلا ئىتىك ئىدى،مەن ئۇنىڭ ئۆيىگە تىلفۇن قىلىپ ئەھۋال ئىگەللىمەكچى بولدۇم،جۈرئەتكە كىلىپ ئۇنىڭ ئۆيىگە تىلفۇن ئۇردۇم،تلفۇننى ئۇنىڭ ئانىسى ئالغان بولۇپ قەيسەرنى ئىزديدىغانلىقىمنى ئىيتىپ بولغۇچە ماڭا شۇنچىلىك سوغوق گەپلەرنى قىلدى،مەن ئۇنىڭ بىللە ئوقۇغان ساۋاقدىشى دەپ چۈشەندۈرىشىمگىمۇ قۇلاق سالماستىن تىلفۇننى ئۈزىۋەتتى.ئارىدىن بىر نەچچە كۈن ئۆتۈپ كەتكۈچە يۈرۈكۈم ئاغرىپ ھىچبىر ئىشقا رايىممۇ يوق ئىدى،شۇنداقتىمۇ تاللا دۇكىنىنى باشقۇرمىسام بولمايتتى،مەن ئەتىگەن ناھايىتى روھسىز دۇكانغا كەلدىم ،قەلبىمدىكى بۇ ئازاپ ئۇچقۇنىنى ئۇيلىماسلىققا تىرىشىش ئۈچۈن دۇكىنىمنىڭ تازىلىقىنى باش چۆكۈرۈپ قىلدىم،دۇكان تازىلىقى بىلەن بولۇپ كىتىپ ئازاپلىق خىياللىرىم ئازراق بولسىمۇ يەڭگىللىگەن ئىدى،تۇيۇقسىز كەينى تەرىپىمدىن بىر تۇنۇش ئۇغۇل بالىنىڭ ئاۋازىنى ئاڭلاپ ئارقامغا ئۆرلۈپلا قارىدىم،كەينىمدە مىنىڭ ھىلىقى ئوغۇل دوستۇم بىر قىز بىلەن ئائىلىگە كىرەكلىك نەرسىلەرنى خۇشاللىق بىلەن بىللە تاللاۋاتقان ئىكەن،شۇ تاپتا چىرايىم ئۆڭۈپ نىمە قىلىشىمنى بىلمەي قالغان ئىدىم،ئۇ ئىككەيلەننىڭ كۆزى ماڭا تىكىلگەندە تىللىرىم گاللىشىپ ئوغۇل دوستۇمدىن بۇنىڭ قانداق ئىش ئىكەنلىكىنىمۇ سورىيالمىدىم،پەقەتلا ئوغۇل دوستۇمنىڭ كۆزىنىڭ ئىچىگە قاراپ بۇ ئىشلارنى ئۇقماقچى بولدۇم،ئەمما ئوغۇل دوستۇم بىشىدىن بىر چىلەك سوغاق سۇ قۇيىۋەتكەندەك كۆزلىرىمدىن ئەندىكەتتى ۋە ئۇياق بۇياققا كۆزىنى ئىلىپ قاچاتتى،مەن ئاخىرى كاللامنى سىلكىۋىتىپ ئۇنىڭ ئالدىغا ماڭدىم،ئۇ تىخىمۇ جىددىيلىشىپ ھىلىقى يىنىدىكى قىزنى تىزراق دۇكاندىن چىقىپ كىتىشكە ئۈندەۋاتقاندەك ماللارنىمۇ چالا -پۇچۇق كۆرۈپلا كىيىن ئالايلى دەپ پۇل تۆلەيدىغان يەرگە كەلدى،مەن ئىتتىك بىرىپ پۇل ئىلىش سۇپىسىغا كىلىپ جىددىيلىشىپ تۇرغان ئوغۇل دوستۇمنىڭ كۆزىگە مىختەك سانجىلىپ تۇرىۋالدىم،ئۇمۇ مىنىڭ تۇيۇقسىز _يىنىڭدىكى قىز كىم؟_ دەپ سوراپ ئۇ قىزنىڭ ئالدىدا ئۇنى قىززارتىپ قۇيدىغانلىقىمنى ئويلاپ يەتتىمۇ قانداق مەندىن بۇرۇن ئىغىز ئىچىپ :__ھە تاس قاپتىمەن تۇنىيالمىغىلى،بۇ مىنىڭ ئالىي مەكتەپتە بىللە ئوقۇغان ساۋاقدىشىم ئۇزۇن يىل بولغان كۆرۈشمىگىلى،_ دەپ ھىلىقى يىنىدىكى قىزغا مىنى تۇنۇشتۇردى،ئۇنىڭ سۆزىگە ئاچچىقىم كىلىپ تۈزۈتۈپ قۇياي دەپ ئاغزىمنى ئىچىشىمغا ئۇ يىنىدىكى قىزنى مىنىڭ ئايالىم دەپ ماڭا تۇنۇشتۇرماسمۇ ،شۇ تاپتا كۆزئالدىم قاراڭغۇلىشىپ ئۇلارنىڭ كۆز ئالدىمدىن قانداق غايىپ بولوپ كەتكىنىنىمۇ تۇيمايلا قاپتىمەن._ تەقدىر دىگەن مانا شۇ،مانا مۇشىنى تەقدىر دەيمىزغۇ،مانا مۇشىنى تەقدىر قىسمىتى دەيمىزغۇ.ھا ھا ھا ....مانا شۇندىن ئىتىبارەن كۆڭلۈم پۈتۈن نەرسىدىن يىنىپ كەتكەن ئىدى،ئەشۇ ۋىجدانسىز ئوغۇل دوستۇم تۇيۇقسىز ئالدىمغا بىر قىز بىلەن كىلىپ قالغاندا ئۇنى قاتتىق تىللاپ ئۇرىۋالمىغانلىقىمغا بەكمۇ پۇشايمان قىلدىم،شۇ تاپتىكى ھىسياتىمدا ھىلىقى ۋىجدانسىز ئوغۇل دوستۇمنى چايناپ تىتمە-تىتمە قىلىۋەتسەممۇ ئاچچىقىم چىقىدىغاندەك ئەمەس،قىنى ئۇنىڭدىكى ۋىجدان ،مىنىڭ ئۇنىڭغا قىلغان ئەقىدىلىرىمنىڭ نەتىجىسى مانا مۇشۇ بولدىمۇ،مەن بۇلارنى ئوڭۇمدىمۇھەم چۈشۈمدىمۇ ئويلاپ باقمىغان ئىدىم،_ھەي ۋىجدانسىز يىگىت ،سىنىڭ ماڭا بەرگەن ۋەدىلىرىڭ قىنى ،سەن ماڭا مىنى كۈتكىن دىمىگنمىتىڭ،ئەجىبا مەن سىنىڭ باشقا بىر قىز بىلەن توي قىلىۋالسۇن دەپ كۈتتۈممۇ؟.....  
مانا شۇندىن بۇيان كۈنلىرىم ئازاپ ئىچىدە ئۆتتى،تۇرمۇشۇمدا خۇشال بولدىغان ئىشلارغىمۇ ھەرقانچە خۇشال بولاي دەپ تىرىشساممۇ خۇشال بولالمايتتىم،ئەشۇ ۋىجدانسىز ئوغول دوستۇمنى ئۇنتۇپ كىتىشكە شۇنچە قىلساممۇ ئاچچىق ئازاپلار يۈرىكىمگە مىختەك قادىلىپ مىنى شۇنچىلىك ئازاپلايتتى. بۇ رەھىمسىز تەقدىرىمگە ھەرقانچە قىلساممۇ ئامالىم يوق،مەن چوقۇم ئۇ ۋىجدانسىزدىن ئۈمۈدۈمنى ئۈزۈپ كىيىنكى تۇرمۇشۇمنى ئۇنىڭكىدىنمۇ بەكىرەك بەخىتلىك قىلىش ئۈچۈن تىرىشىشىم كىرەك .
كۈنلەركەينى-كەينىدىن ئۆتۈپ،ئۇنىڭغا بولغان غەزەپ نەپرىتىم بارا-بارا سۇسلىشىشقا باشلىدى،مۇشۇ كۈنلەرنىڭ بىرىدە شەھەرمەركىزىدىكى تاللا دۇكىنىمدا ئولتۇرۇپ خىيالىم يەنە ئەشۇ ۋىجدانسىزغا كىتىپ قىلىپ قاپتۇ،شۇ ۋاقىتتا تۇيۇقسز خىيالىم بۆلىنىپ كىتىپ ئالدىمدا بىرياشانغان موماينىڭ تولىمۇ بىچارە قىياپەتتە ماڭا قولىنى ئۇزۇتۇپ تۇرغانلىقىنىنى كۆرمەي قاپتىمەن،بىر تىلەمچى مومايكەنغۇ_دىدىم ئىچىمدە پەرۋاسىزلارچە يىنىمدىكى تارتمىدىن بىر يۈئەنلىك پۇلدىن بىرنى ئىلىپ بەردىم.ئۇ موماي ئالدىمدا ئىككى قولىنى كۆتۈرۈپ كۆز ياش قىلغىنىچە ئۇزۇندىن-ئۇزۇنغىچە ماڭا ئاتاپ دۇئا قىلىۋاتاتتى،شۇ تاپتا موماينىڭ بۇ تۇرىقىنى كۆرۈپ ئۇنىڭغا پەرۋاسىز مۇئامىلە قىلغانلىقىمدىن ئازراق خىجىل بولدۇمدە موماينىڭ دۇئاسى تۈگىگەنگە قەدەر ئۇنىڭدىن نەزىرىمنى ئۈزمىدىم.خىلى بىر ۋاقىتتىن كىيىن موماي كۆز ياش ئىچىدە دۇئاسىنى قىلىپ تۈگەتتى.شۇنىڭ بىلەن مەن بۇ مومايدىن نىمە ئۈچۈن شۇنچىۋىلا كۆز ياش قىلدىغانلىقىنى سورىدىم.موماي يىشىنى ئاستا سۈرتكەچ سۆزلەشكە باشلىدى:_قىزىم ،مىنىڭ ھالىمنى كىممۇ چۈشىنىدۇ،ماڭا مۇشۇنىڭدىن باشقا يەنە قانداق تىرىكچىلىك يولى بار.ئۆيدە ماڭا تەلمۈرۈپ ،قىران ياشلىق ۋاقىتلىرىنى كارۋات ئۈستىدە پالەچ ياتقان ئوغلۇمنى كۆز ئالدىمغا كەلتۈرگىنىمدە،نومۇسنىمۇ قايرىپ قۇيۇپ تىلەمچىلىك قىلىشقا مەجبۇر بولدۇم.دەپ كۆزيىشى قىلىپ كەتتى.مەن بۇ ۋاقىتتا ئۇنىڭغا قانداق تەسەللىي بىرىشنى بىلەلمەي تۇرۇپلا قالدىم، شۇ ۋاقىتتا ئۇ موماي مەندىن :_قىزىم ئەمدى سىزگە نىم بولدى ،دەپ سورىدى،مىنىڭ كۆزۈمدىنمۇ تاراملاپ ياش ئىقىۋاتقانلىقىنىمۇ ئۆزەممۇ سىزەلمەي قاپتىمەن.مەن شۇ ۋاقىتتا قانداقتۇر بىر سىزىم بىلەن ئەزەلدىن ھىچكىمگە دەپ باقمىغان ھىلىقى ۋىجدانسىز ئوغۇل دوستۇم توغۇرلۇق قايناپ سۆزلەپ كەتتىم ،ئارقىدىن كۆزيىشى قىلىپ تۆكۈلۈپلا كەتتىم،ھىلىقى موماي بىردەم ماڭا قاراپ تۇرغاندىن كىيىن ماڭا سەۋىر قىلىش توغۇرلۇق نۇرغۇن نەسھىيەت ۋە تەسەللىيلەرنى بەردى،ئۇنىڭ بۇ نەسھىيەتلىرىدىن دىلىم باشقىچە يورۇپ بۇندىن كىيىنكى يولۇمغا تىخىمۇ مەدەت بولدى،شۇندىن ئىتىبارەن ھىلىقى موماينى،ياق موماي ئەمەس مومامنى ھەركۈنى شەھەر مەركىزىدە ئۇچرىتىپ تۇردىغان بولدۇم ،تۇيۇقسىز مومامنىڭ شۇ جاپادا غەمدە قارىداپ يوللمۇ-يول قۇرۇقلارباسقان چىرايىغا كۆزيۈگىرتىدىغان بولدۇم ئۇمۇ ماڭا بەك ئامراق بولغاچقا ھەركۈنى دۇكىنىمغا كىرىپ مەندىن ئەھۋال سوراپ تۇراتتى،مەن ئۇ مومامغا پۇل بەرمەكچى بولسام ئۇ قەتئى ئالغىلى ئۇنىمايتتى،ھەردائىم سىزنى بەك ئاۋارە قىلىۋەتتىم قىزىم مەن بەك خىجىل دىگىنىگىمۇ ئۇنىماي ئۇنىڭغا پۇل بىرىپ تۇراتتىم،كۈنلىرىم ئەنە شۇ تەرىقىسىدە دۇكان باشقۇرۇش بىلەن ئۆتتى،غەمكىن بولۇپ قالغان كۈنلىرىمنىڭ ھەممىسىدە ئەشۇ مۇلايىم ئاقكۆڭۈل مومام ماڭا تەسەللىي بىرىپ تۇردى،مانا مەن ھازىر ئۇتۇق قازاندىم مۇشۇ دىيارىمدا نەچچە يەردە تارماق چوڭ تاللا بازىرى كۆپەيتىپ ئاچتىم ھەم خىلى كۆزگە كۆرۈنگەن ياش تىجارەتچى قىزنىڭ بىرى بولدۇم،مەن پۇل تاپقاندا بىرىنجى بولۇپ ماڭا مەدەت بىرىپ مىىڭىش يولۇمنى كۆرسىتىپ بەرگەن ئەشۇ تىلەمچى مومامنى ئويلىدىم،ئۇنىڭغا قولۇمدىن كىلىشچە ياردەم قىلماقچى بولدۇم،لىكىن ئۇ مومام پەقەت ئۇنىمىدى،مەن نىمىشقا ئۇنىمايسىز دەپ سورىغىنىمدا ئۇ ،
بۇدۇنيادا بىردىن -بىر يۈرەك پارىسىنىڭ پالەچ بولۇپ قالغىنىغا 24يىل بولوپ ھازىرغىچە كارۋاتتىن چۈشەلمەيدىغانلىقىنى،ئەمدى ئۇنىڭ ساقىيىشىغا ئۈمۈد يوقلىقىنى ئىيتىپ مىنىڭ ياردىمىمنى رەت قىلىۋەتتى،_ھەي ئىسىت قايسى بىر ئانا يۈرەك پارىسىنىڭ ئۇزۇن يىل كارۋاتتىن قوپالماي يىتىپ قىلىشىغا چىداپ تۇرالىسۇن،ئەمدىلىكتە بۇ مومامغا تىخىمۇ ئىچىم ئاغرىپ كەتتى،ئۇ ھەرقىتىم دۇكىنىمغا كەلگەندە ياكى شەھەردوقمۇشىدا تىلەمچىلىك قىلىپ ئولتۇرغۇنىدا ئۇنى باشقىلار ئالدىدا خىجىل بولماستىن چاقىرىپ كىلىپ ئۇنىڭغا سۇۋە يەيدىغان نەرسىلەرنى بىرىپ تۇراتتىم،لىكىن ئۇ تىلەمچى مومامنىڭ ئەشۇ شەھەردوقمۇشلىرىدا تىلەمچىلىك قىلىمەن دەپ تىزلىرى ئاغرىپ،ئىسسىقتىن تىخىمۇ ھالسىزلىنىپ كىتشىگە تىخىمۇ چىداپ بولالمىدىم،ئاخىرى مەن بىر دوستۇمدىن شەھەر مۇھىت ئاسراش ئىدارىسى بىلەن ئالاقىلىشىپ بۇ مومامنى تازىلىق ئىشچىلىقىغا قوبۇل قىلىشنى ئۆتۈندۈم،شۇنداق قىلىپ مومام ئاخىرى ئۆزى ئىدارە رەھبەرلىرىگە يالۋۇرۇپمۇ كىرەلمىگەن ئۇ ئىدارىنىڭ يول تازىلىق ئىشچىلىقىغا قوبۇل قىلىندى.
__رەخمەت جىنىم قىزىم،ئاللا بەختىڭىزنى بەرسۇن،بۇ ياخشىلىقىڭىزنى ئۆمۈر بۇيى قايتۇرۇپ بولالمايمەن...
مومام ھەركۈنى ئىشتىن چۈشسە ياكى ئۆتەريولىدا مىنى دۇكانغا يوقلاپ كىرىپ شۇنداق دەيدىغان بولدى.
_-جىنىم موما،ئۇنداق تۈزىت قىلماڭ،مەنمۇ ئۆز قىزىڭىزدەك،سىزياخشى كۈن كۆرەلىسىڭىز مەن شۇنىڭغا خۇشال،ئەمدى ئۇنداق گەپلەرنى قىلماڭ بولامدۇ.-مەن دىمىسىمۇ بۇ مومامغا بەكلا ئامراق بولۇپ قالغان ئىدىم،ئۆزۈمنىڭ بوۋا مومىسى كىچىكىمدىلا تۈگەپ كەتكەچكىمىكىن،بۇ مومامغا بىلەكچىلا ئامراق ئىدىم.مانا ئەمدى خاتىرجەم بولدۇم بۇ مومامنىڭ تازىلىق قىلىپ ئالغان مائاشى بىلەن ئۇ ئەمدى پالەچ ئوغلى بىلەن ئاچتوق قالمايدىغان بولدى.
كۈنلەر يەنە مۇشۇ تەرىقىسىدە ئۆتىۋەردى مەنمۇ تىجارىتىم بىلەن ئالدىراش بولۇپ كىتىپ يىقىندىن بىرى ئۇ مومامنى كۆرمىگەن ئىدىم،بىر كۈنى ئەتىگەن مەن ئىشخانىدا تازىلىق قىلىۋاتسام ھىلىقى مومام مىنى يوقلاپ كەپتۇ،قارىسام قولىدا بىر تال چىرايلىق ئەتىر گۈل تۇردۇ،مەن كۈلىمسىرەپ بىرىپ مومامغا سالام قىلىپ قۇچاقلىشىپ كۆرۈشتۈم،مومام دەرھال كۆزلىرىگە يەنە ياش ئىلىپ قالدى،__موما بۇ نىمە قلغىنىڭىز،نىمىشقا يىغلايسىز ._دىدىم كۈڭلۈم بۇزۇلۇپ.  
__جىنىم قىزىم ،سىز ماڭا شۇنچە كۆپ ياردەم قىلدىڭىز،يەنە تىخى مەندەك تىلەمچى موماينى پەس كۆرمەي مىنى موما دەپ چاقىردىڭىز،بۈگۈن تىخى يۈزىڭىزنى يۈزۈمگە يىقىپ مىنى قۇچاقلىدىڭىز،مەن بەك خۇش بۇلۇپ كەتتىمسىزدەك ئوڭلۇق قىزنى ئاللا ماڭا ئۇچراشتۇردى._ دىدىدە قولىدا كۆتۈرۋالغان گۈلنى ماڭا سۇندى،ئادەتتە مەن گۈلنى ياخشى كۆرسەممۇ ھىچكىم ماڭا گۈل سوۋغا قىلىپ باقمىغان ئىدى،مومام سوۋغا قىلغان گۈلنى كۆتۈرۈپ ئۇيان بۇيان چۆگىلەيتتىم،مومام بولسا ماڭا ھەۋەس قىلغىنىچە كۈلۈمسىرەپ تۇراتتى،مەن مومامنى يەنىمۇ ھەيران قالدۇرۋىتىش ئۈچۈن ئۇنىڭغا نەچچە كۈندىن بۇ يان ئۇيلاپ تۇرغان بىرگىپىمنى دىدىم.
__موما،مەن بۈگۈن سىزنىڭ ئۆيىڭىزگە بىرىپ سىزگە ئۆز قولۇم بىلەن لەغمەن ئىتىپ بەرگۈم بار بولامدۇ موما؟
نىمىشقىكىن مومام ھەرقىتىم خۇشال بولسا ياكى تەسىرلەنسە مۇشۇنداق كۆزيىشى قىلىۋەرگەچكە مومامنىڭ كۆزيىشىغا مەنمۇ چىدىيالمايتتىم،ئاران دىگەندە مومامنىڭ يىشىنى توختۇتۇپ ئۇنى پەپىلەپ ئۇنىڭ ئۆيىگە قاراپ ماڭدۇق.مومامنىڭ ئۆيى شەھەرنىڭ سىرتىدىراق بولۇپ، يول بۇيى بۇ ئىگىز پەس توپىلاڭ كوچىلاردىن مىڭىپ بولالماي ھىرىپ ھالىمدىن كىتەي دىگەن ئىدىم،لىكىن مومامغا قارىسام ئاجىز قەدەملىرىنى خۇشاللىق بىلەن بىسىپ كىتىۋاتاتتى،خىلى ھاسىراپ كەتكەن بولسىمۇ چىرايىدىن خۇشاللىقى بىلىنىپلا تۇراتتى،بىز ئاخىرى مومامنىڭ ئۆيىگە كەلدۇق،مومامنىڭ ئۆيى مەن ئويلۇغىنىمدىكىدىنمۇ ناچار بولۇپ،ئۆي سىرتى ياغاچلاردا قوشاپ قۇيۇلغان تام،ۋە ئەسكە تۈسكە نەرسىلەربىلەن تولغان ئىدى،ئۆي ئىچىگە كىرىپلا تىخىمۇ ھەيران قالدىم،تاملىرى ئىسلىنىپ قاپقارا بولۇپ كەتكەن،ئۆينىڭ بۇلىڭىدا ئەسكى بىر ئۈستەل قۇيۇلغان،ئۈستەل ئۈستىدە كونىراپ كەتكەن بىر جىنچىراق ياندۇرۇپ قۇيۇلغان ئىدى.ئوچاق يىنىدا بولسا نەچچە يىرىگە يىڭنە سىلىنغان قىلىن بىر ياغلىق ئاستىدا بىر قازان ۋە بىر چىلەك تۇراتتى،مەن دەرھال مومامنىڭ ھىلىقى پالەچ ئوغلىغا كۆز يۈگۈرۈتتۈم،راس دىگەندەك ئۆينىڭ يەنە بىر بۇلىڭىدا ئۈنتىنسىز يىتىۋاتقان بىرەيلەننى كۆردۈم،ئاندىن ئۇنىڭغا يىقىن بىرىپ ئۇنى كۆردۈم ،ئۇنىڭ چىرايى ئىنتايىن مىسكىن بولۇپ،ئۇنىڭ نەچچە ئاي ئالمىغان ساقاللىرى بىلەن بەئەينى سەكراتتىكى بوۋايغىلا ئوخشايتتى،ياق ئۇ بوۋاي ئەمەس مەن بىلەن تەڭ بىر يىگىت،دىدىممەن ئىچىمدە.بىردەمدىن كىيىن مومام بىر تۇتام يۇمران سەي كۆتۈرۈپ ئۆيگە كىرىپ كەلدى،ئۈن چىقارماي يىتىۋاتقان ئوغلىغا قاراپ ئۇف تارتاتتى.
__بۇ ئۆمرۈمدە يۈرەك پارەم بولغان بۇ ئوغلۇمنىڭ ئورنىدىن تۇرۇپ ئانا دەپ ئالدىمغا يۈگىرەپ كىلىشىنى كۆرەلمەيدىغان ئوخشايمەن،_مومام يەنە كۆز يىشى قىلدى._جىنىم موما خۇدايىم ئوغۇللىرىغا چوقۇم شىپالىق بىرىدۇ،بولدى يىغلىمىسىلا دىدىم مەنمۇ كۆزيىشى قىلغاچ.
__ئانا مىھرىبان سىڭلىم راستىنلا بەك ياخشى قىزكەن،_تۇيۇقسىز ئىيتىلغان بۇ سۆزدىن چۆچۈپ كەتتىم چۈنكى گەپ قىلىۋاتقىنى مومامنىڭ ھىلىقى 24يىلدىن بۇيان يەرگە چۈشەلمەي ئۈن-تىنسىز ياتقان ئوغلى ئىدى.موماممۇ ئوغلىنىڭ تۇيۇقسىز ئۈن-چىقارغىنىدىن ئۆزىمۇ ھەيران قالغان ئىدى._-ئاللا ...ئاللا شىپا بىرىپتۇ،ئاللاغا شۈكرى موما ئوغۇللىرىنىڭ ئاۋازى چىقتى._مومام ئوغلىنى باغرىغا كۈچەپ باساتتى،مەنمۇ ئۇلارغا قۇشۇلۇپ خۇشاللىقىمدا كۆزيىشى قىلاتتىم،ئاللانىڭ قۇدىرتى ھەقىقەتەن ئۇلۇغكەن،تەقدىرمۇ ئاجايىپلىكەن،مەن ھىچقانداق بىر قانداشلىق مۇناسىۋىتىم يوق تۇرۇپ بۇ ئانا بالا بىلەن بولغان مىھرى مۇھەببىتىم شۇنچىلىك چوڭقۇرلىشىپ بولغان ئىدى.شۇنىڭدىن كىيىن مومامنىڭ چىھرىدە بەخىت كۈلكىسى چىچىلشقا باشلىدى،مومام ئىشلەۋاتقان مەزگىللەردە مەن مومامنىڭ ئوغلىغا تاماق ئاپىرىپ بىرەتتىم ،ئۇنىڭ ئوغلى بىلەن سىردىشاتتىم،ئۇنىڭمۇ 24يىل چىھرىگە ئورنىغان غەمكىنلىك قاپلىغان سۇلغۇن چىرايىغا ئازراق بولسىمۇ كۈلكە يۈگۈرگەن ئىدى.مانا تۇرمۇشۇمدامىنىڭ بىر مومام ۋە مۇھەممەد ئىسىملىك مەندىن 5ئايلىق چوڭ بىر ئاكام بار بولدى.مەن بۇلارنى ئانامغا ئىيتمىغان ئىدىم،لىكىن بۈگۈن ئىيتىش قارارىغا كىلىپ ئانامغا باشتىن ئاياق ھەممىمى سۆزلەپ بەردىم ئاناممۇ بۇ ئىشلاردىن يىغلاپ تاشلىدى،توۋا __ئانام توۋا دەپ ئۇزۇنغىچە ئاللاغا شۈكرى سانا ئىيتاتتى،ۋە شۇنىڭدىن كىيىن مەن بىلەن بىللە ھىلىقى مومام بىلەن ئۇنىڭ ئوغلىنى يوقلاپ تۇراتتى.
بىر كۈنى مەن ئىشقا بۇرۇنلا كىلىپ دۇكىنىمنىڭ دەرىزىسىدىن شەھەر مۇھىتىنى كۈزىتىۋاتاتتىم،چوڭ يولنىڭ يەنە بىر تەرىپىدەتوساتتىن كۆزۈمگە ھىلىقى مومامنىڭ چوڭ يول بۇيىدا يول سۈپۈرۋاتقان سىماسى كۆرۈندى،ئۇنىڭدىن كۆزۈمنى ئۈزمەي قاراپ تۇرغانتىم،چوڭ يولچە كىلىۋاتقان بىر تۇرمۇش ماشىنا دەرىزىسىدىن بىرەيلەن ئىككى-ئۈچ دانە ئىچىملىك بوتۇلكىسىنى چوڭ يولغا تاشلاپ كىتىپ قالدى،بۇنىڭدىن شۇنداق ئاچچىقىم كىلىپ ئۇرنۇمدىن تۇرۇپ كەتتىم،ئۇنىڭغىچە دۇكىنىمدىن بىر نەچچە خىرىدار مال ئىلىپ پۇل تۆلەش ئۈچۈن ئالدىمغا كەلگەن ئىدى،خىرىداردىن پۇلنى ئالغاچ كۆڭلۈم بىر ئەنسىزلىكنى سىزىپ تۇراتتى،خىرىدارنىڭ پۇلىنى ئىلىپ بولۇپ تۇرىشىمغا بىر ئايالنىڭ چىقىرغان ئاۋازى بىلەن ماشىنىنىڭ كۈچەپ ئۇرۇلغان تورمۇز ئاۋازىنى ئاڭلاپ دەرھال مومام بار تەرەپكە قارىدىم،__ياق..ياق...چوقۇم مومام ئەمەس،شۇ تاپتا پۇت قوللۇرۇم تىترەپ پۈتۈن جىسمىمدا ماغدۇرمۇ قالمىغان ئىدى،چۈنكى چوڭ يولنىڭ ئوتتۇرىسىدا سىرىق رەڭلىك جىلىتكە كىيۋالغان بىر ئايال قارا رەڭلىك بىر ماشىنىنىڭ ئالدىدا قانغا مىلىنىپ ياتاتتى،مەن قانغا مىلىنىپ ياتقان ئايالنىڭ مومام بولۇپ قالماسلىقىنى ئۈمۈد قىلىپ ھەر تەرەپكە كۆز يۈگۈرتەتتىم،مومام كۆرۈنمەيتتى،پەقەت ئۇياق بۇياقتىن _قاراڭلار ئادەم سوقىۋىتىپتۇ دەپ يۈگرەپ كىلىۋاتقان كىشىلەرنىلا كۆردۈم،شۇنىڭ بىلەن قانغا مىلىنىپ ياتقان ئايالنىڭ دەل مومام ئىكەنلىكىنى بىلدىمدە تىترەپ كەتكەن پۇتلىرىمنى سۆرەپ ھىلىقى ئادەم دۇكىنىمنىڭ ئۇدۇلدىكى چوڭ يولغا چىقىپ ،ۋەقە يۈز بەرگەن نەخ مەيداننى كۆردۈم ،ماشىنا ئىچىدە بىر ئەر بىر تۇراتتى،مەن سىرتىدا تۇرۇپ ئانچە پەرىق ئىتەلمىدىم ۋە تىزلائىسىمنى يىغىپ قان ئىچىدە ياتقان مومامنىڭ قىشىغا باردىمدە مومامنىڭ بىشىنى كۆتۈرۈپ موما...موما دەپ چاقىردىم،ئاللاھتىن بىرەر مۆجىزە يۈز بىرىپ مومامنىڭ ھاياتىنى ساقلاش قىلىشىنى دىلىمدا تىلىدىم،مومامنىڭ سول چىكىسىدىن توختىماي ئىقىۋاتقان قانلار ئىتىكىمگە چۈشەتتى،مەن مومامنى يەنىلا چاقىرۋاتاتتىم،مومام كۆزىنى تىترەپ ئاچتى،ماڭا قاراپ قانداقتۇر بىر نەرسىلەرنى دىمەكچى بولغان ئىدى لىكىن دىيەلمىدى،مومامنىڭ نىمە دىمەكچى بولغانلىقىنى مەن بىلىپ بولدۇم،مومام بۇدۇنيالىقتىكى ئەشۇ يۈرەك پارىسىنى ماڭا تاپشۇرماقچى،...موما...موما خاتىرجەم بولۇڭ ،ئوغلىڭىزنىڭ ھالىدىن مەن خەۋەر ئالىمەن،_مەن مومامنىڭ ئاللىقاچان يۇمۇلۇپ بولغان كۆزلىرىنى يەنە بىر قىتىم ئىچىپ ماڭا گەپ قىلىشىنى ئۈمۈد قىلساممۇ مومام ئاللىقاچان جان ئۈزۈپ بولدى،مومامنىڭ كىتىپ قالغىنىغا يۈرۈكۈم لەختەلەختە بولۇپ يىغلاپ كەتتىم،ئەتراپتىكى كىشىلەرمۇ ئىچ ئاغرىتىشىپ كۆزيىشى قىلىۋاتاتتى،بۇ شەھەر مەركىزىدىكى چوڭ يول بولغاچقا ماشىنىلار قاتار -قاتار بولۇپ ئاللىقاچان تىزىلىپ بولغان ئىدى،تۇيۇقسىز تۇنۇش بىر چىراي ئالدىمدا پەيدا بولدى،ئۇ ھىلىقى مىنىڭ ۋىجدانسىز ئوغۇلدوستۇم بولۇپ ئۇنىڭ نىمە سەۋەپ ئالدىمغا كىلىپ قالغىنىنى بىلمىدىم،قۇچىقىمدا ياتقان مومامغا قاراپ يىغامنى توختىتالمىدىم،__كەچۈرۈڭ مىھرىبان ،مومىڭىزنى مەن سوقۇپ قۇيدۇم.__نىمە خاتا ئاڭلىمىغاندىمە؟دىدىممەن قۇلۇقۇمغا ئىشەنمەي.__ھەقىقەتەن مەن سوقۇپ قۇيدۇم،مومىڭىز يولنىڭ ئوتتۇرىسىكى قۇتىلارنى تىرىيمەن دەپ يەرگە ئىڭىشىشى تۇيۇقسىز ماڭا تىلفۇن كىلىپ قىلىپ مەن تۇرمۇزلاپ بولغىچە......
ئاھ خۇدا،نىمىشقا بۇنداق بولىدۇ،يىغام تىخىمۇ كۈچىيۋاتاتتى،ئەتراپتىكىلەرمۇ يىراقتىن كەلگەن قۇتقۇزۇش ماشىنىسىغا يولنى بوشىتىپ بىرىپ ماڭا تەسەللىي بىرىشىۋاتاتتى،قۇتقۇزۇش ماشىنىسى مومامنىڭ جەسسىتىنى ئىلىپ كىتىشتى،مەنمۇ قۇتقۇزۇش ماشىنىسىنىڭ ئارقىدىن دوىتۇرخانىغا يىتىپ كەلدىم،ئالاھىزەل بىر سائەتلەردىن كىيىن دوختۇر چىقىپ جەسسەتنى ئىلىپ كىتىشىمنى ئىيتتى،بۇ مومامنىڭ ھىچبىر ئۇرۇق تۇققانلىرىمۇ بولمىسا ئۆزۈم يالغۇز قانداق قىلىشنى بىلمەي تۇرىۋاتقىنىمدا ئانام يۈگرەپ دوختۇرخانىغا كەپتۇ،ئانامنىڭ مەندىن ئۆتەجىددىيلىشىپ كەلگەن چىرايى ۋە قارلىق كىيمىنى كۆرۈپ ئانامنىڭ باغرىغا ئىسىلىپ ئۆزۈمگە بىر ئاز تەسەللىي تىپىۋالدىم،شۇنداق قىلىپ مومامنىڭ دەپنە ئىشلىرىنى ئانام ئىككىمىز ئۈستىمىزگە ئىلىپ تۈگەتتۇق.
ئارىدىن ھەپتە ئۆتۈپ مومامنى سوقىۋەتكەن ھىلىقى ۋىجدانسىز ئوغۇل دوستۇمنىڭ ئانىسى مومامنىڭ يەتتە نەزىر كۈنى بىزنىڭ ئۆيگە كەپتۇ.
ئۇنىڭ ئىيتىشىچە ئۇ كۈنى ئوغلىنىڭ ئايالى بىلەن جىدەللىشىپ قىلىپ كەيپىياتى ناچار،ھەمدە ماتۇرلۇق قاتناش كىنىشكىسى يوق ئەھۋالدا ماشىنا ھەيدەپ ئادەم ئۆلتۈرۈپ قويغاچقا ھازىرغىچە قاتناش ساقچىلىرىنىڭ تۇتۇپ تۇرۇش ئورنىدا ئىكەنلىكىنى،ئەگەر ئۆلۈپ كەتكۈچىنىڭ ئائىلە تائاباتلىرى ئەزىر قىلمىسا ئوغلىنى ساقچىلارنىڭ قۇيۇپ بىردىغانلىقىنى ئىيتىپ كەپتۇ،مىنىڭچە بولسا ئەشۇ ۋىجدانسىزنى ئۆمۈرۋايەت تۈرمىگە سولىتىۋەتكىم بارئىدى،ئەمما كۆز ئالدىمدىكى بۇ ئانىنىڭنىڭمۇ ئوغلىدىن ئايرىلىپ قالدىغانلىقىدىن قۇرقۇپ قان -قان يىغلاۋاتقىنىنى كۆرۈپ ئۇنى ئاستا يۆلىگەندىن كىيىن ھىلىقى مومامنىڭ ئۆيىگە ئىلىپ باردىم،ئۆي ئىچىدە ياتقان مومامنىڭ ئوغلى مۇھەممەد ئاكامنى كۆرگەن بۇ ئايال تىخىمۇ يىغلاپ كەتتى،چۈنكى يولدا كىلىۋاتقاچ مومامنىڭ بۇ ئوغلىنىڭ 24يىلدىن بۇيان پالەچ ئىكەنلىكىنى ،ئانىسىنىڭ قازا قىلغانلىقىنىمۇ ئۇنىڭغا دىمىگەنلىكىمنى ئىيتقان ئىدىم.ئۇ ئايال بولغان ئەھۋاللارنى مۇھەممەد ئاكامغا سۆزلەپ ئۆزىنىڭمۇ ئاشۇ ئوغلىدىن ئايرىلىپ قالماسلىقىنى،مۇمكىن بولسا ئوغلىنىڭ ئۈستىدىن ئەرىز قىلماسلىقىنى ئىيتىپ مۇھەممەد ئاكامدىن تەكرار-تەكرار يىلىنىپ ئۆتۈنىۋاتاتتى،مۇھەممەد ئاكام ھىچ ئۈندىمەيتتى،ھىلىقى ئايالنىڭ بارلىق ئۈمۈدى مەندىلا قالغاندەك كۆزلىرىمگە ئۆتۈنىش بىلەن تىكىلىۋاتاتتى،دىمىسىمۇ بۇ ئايالغا قاراپ مىنىڭمۇ ئازراق ئىچىم ئاغرىپ قالغان ئىدى،مەن ئاستا مۇھەممەد ئاكامنىڭ يىنىغا بىرىپ ئولتۇرۇپ ئۇنىڭغا گەپ قىلماقچى بولۇپ تۇرغانتىم،تۇيۇقسىز ئۇ ئىغىز ئاچتى._بولدى ئەرىز قىلمايمەن.ئۇ شۇنداق دەپ بوپلا كۆزىنى يۇمۇۋالدى،ئەمما كۆزىدىن ياشلار تاراملاپ چۈشەتتى،مەن ئاكامنىڭ ئازابىغا چىدىيالماي ئۇنىڭغا تەسەللىي بىرىپ :_جىنىم ئاكا سەۋىر قىلىڭ،مومام بەك ياخشى بولغاچقا خۇداغا ئەرزىپ قاپتۇ،شۇڭا خۇدايىم مومامنى ئىلىپ كەتتى،سەۋىر قىلىڭ ئاكا،يىنىڭىزدا مانا مەندەك سىڭلىڭىز بار مەن چوقۇم سىزنىڭ كىسىلىڭىزنى داۋالىتىمەن. دىدىمدە ئاكامنىڭ قولىنى چىڭ سىققانچە ئاكامنىڭ ياشلىرىنى سۈرتىۋەتتىم.شۇنداق قىلىپ بۇ ئىشلارمۇ ئانچە چوڭىيىپ كەتمىدى،ھىلىقى ۋىجدانسىز ئوغۇل دوستۇممۇ قويۇپ بىرىلدى،ئۇ قۇيۇپ بىرىلگەندىن كىيىن مىنى ئىزدەپ كىلىپ ھىلىقى مومامنىڭ ئوغلىغا تۆلەم بىرىدىغانلىقىنى ئىيتىپ 50 مىڭ يۈئەننى مۇھەممەدكە بىرىپ قۇيۇشۇمنى ئىيتپ كەتمەكچى بولدى._نىمىشقا ئۆزىڭىز ئاپىرىپ بەرمەيسىز؟_دىدىم ئىچىمدە ئۇنىڭ ئادىمگەرچىلىكىنى بىلىپ باققۇم كەلگەندەك.
__ھەپتە تۈرمىدە ياتتىم ،يەنە تىخى تۆلەم تۆلىدىم .مۇشۇ يىتە.دىدى ئۇ ھاكاۋۇرلۇق بىلەن.
__نىمە مۇشۇ گەپنى سىز دەۋاتامسىز،ئەگەر ئۇ ئەرىز قىلغان بولسا نەچچە يىل تۈرمىدە ياتاتتىڭىز،تىخى ھەسسىلەپ پۇل تۆلەيتتىڭىز،سىزدە راستىنلا ۋىجدان دىگەن نەرسە يوقكەن._مەن شۇنداق دىگەچ ئۇنىڭغا نەپرەت كۆزلىرىم بىلەن قارايتتىم.__ۋاي ئەشۇ تىلەمچىنىڭ بالىسىغا بولۇشۇپ مىنى نىمىشقا ۋىجدانسىز دەيتتىڭ،خوش بولسا بولدۇ ئۇ تىلەمچىمۇ .-ئۇ شۇنداق دىگەچ يانجۇقىدىن بىر تال تاماكىنى چىقىرىپ چىكىشكە تەمشىلىۋاتاتتى.
نەدىن كەلگەن كۈچكىن تاڭ ئۇنىڭغا قاراپ بىر تەستەك سالدىم،ئۇ تەستىكىمدىن ئۆزىنى ئوڭشاپ بولغۇچە بۇيەردىن يوقال دەپ ۋاقىرۋەتتىم،ئۇ ماڭا قول ياندۇرماقچى بۇلۇپ يولدا كىتىۋاتقان كىشىلەردىن نۇمۇس قىلدى بولغاي قولىنى يەرگە چۈشۈرۋىلىتپ تىخى ئوت تۇتاشتۇرمىغان تاماكىسىنى ئالدىمغا ئىتىۋىتىپ كىتىپ قالدى.
مەن جايىمدا تۇرۇپ ئۇ ھەقتە ئويلايتتىم،توۋا مەن مۇشۇنداق ۋىجدانى يوق نىمە بىلەن قانداقمۇ يۈرۈپ قالغاندىمە،ئۇنىڭدا قىلچە ئادىمىيلىكمۇ بولمىسا،ئۇنىڭ مۇھەببىتىمىزدىن يۈز ئۆرۈپ كەتكىنىگە ئەمدىلىكتە ئەجەپلىنىپمۇ قالمىدىم.
ئارىدىن ئككى كۈن ئۆتتى مەن ئۇنىڭغىچە مومامنىڭ تۆلەم پۇلى ئۈچۈن بەرگەن ھىلىقى ۋىجدانسىز ئوغول دوستۇمنىڭ 50مىڭ يۈئەن پۇلىنى ۋە ئۆزۈم تىجارەتتىن تاپقان 150 مىڭ يۈەننى مومامنىڭ ئوغلىغا ئاپىرىپ كۆرسىتىپ ئۆزىنى داۋالىتىپ ساقايتىدىغانلىقىمنى ئىيتتىم،شۇ سۆزلەرنى ئىيتىۋاتقىنىمدا ئۇ شۇنچىلىك خوش بولۇپ كەتكەن ئىدى،مەن ئاخىرى مۇتەخسلەرنى تەكلىپ قىلىپ مۇھەممەد ئاكامنىڭ كىسىلىنى كۆرسەتتىم،ئۇلارنىڭ دىيىشچە قىسقىسى 3ئاي ئۇزىقى 6ئايدا ئاكامنىڭ كىسىلىنى تەل تۈكۈس ياخشى بۇلۇش كىتىش ئۈمۈدىنىڭ بارلىقىنى ئىيتتى،ئىچكىردىن ۋە ئۈرۈمچىدىن كەلگەن مۇتەخسلەر شەھەرلىك دوختۇرخانىغا ئاپىرىپ مۇھەممەد ئاكامنىڭ كىسىلىنى داۋالاشقا كىرىشىپ كەتتى،بىر ئاي ئۆتتى ئىككى ئاي ئۆتتى،مەن كۈندە دىگۈدەك مۇھەممەد ئاكامنى يوقلايتتىم،ئاكامنىڭ چىرايىدا ئىلگىركىدەك مەيۈسلۈك خىلىلا يوق بولغان ئىدى،بەزىدە ئۇ ئۇخلاۋاتقاندا ئۇنىڭ چىرايىغا قاراپ چىقاتتىم،ئۇنىڭ رەتلىك تارالغان چاچلىرى،پاكىزە ئىلىنغان ساقاللىرىغا قاراپ ئۇنىڭ نەقەدەر قاملاشقان بىر يىگىت ئىكەنلىكىنى بىلدىم،مۇشۇ تۇرقىڭزنى مەرھۇم مومام كۆرەلىگەن بولسا نىمدىگەن ياخشى بولاتتى ھە !كۆزۈمدىن تۇيۇقسىز ئىككى تامچە ياش سىرغىپ چۈشتى،مەن چوقۇم سىزگە ياخشى قارايمەن دەيتتىم ئىچىمدە قايتا-قايتىلاپ.شۇ جەرياندا ھەر كۈنى خىزمەتتىن بىكا بولساملا ئۇنىڭ يىنىغا كىلىپ ئۇنىڭغا خەت ئوقۇش يىزىشنى خىلى ئۆگۈتۈپ بولغان ئىدىم،مۇھەممەد ئاكامنىڭمۇ كاللىسى خىلى ئۆتكۈر بۇلۇپ مەن ئۆگەتكەنلەرنى ناھايىتى تىزلا ئۆگۈنىۋالغان ئىدى.
__ئاكا سىز بەك ئەقىللقكەنسىز جۇمۇ،مەن باشلانغۇچتا تولۇق ئوقۇپ ئاندىن ساۋادىم چىققان ئىدى،ئەمما سىز نەچچە ئايدىلا خىلى ساۋادىڭىز چىقىپ بولدى._مەن شۇنداق دەپ مۇھەممەد ئاكامنى توختىماي ماختايتتىم.
__ھەممىسى سىز ئۈچۈن، مىھرىبان سىڭلىم،ئاكامنىڭ تۇيۇقسىز سىز ئۈچۈن سىڭلىم دىگەن گىپىدىن ھاڭبىقىپ قاراپ تۇراتتىم.__سىز ئانام ۋە ماڭا كۆپ ياخشىلىقلارنى قىلدىڭىز،يەنە تىخى مىنىڭ كىسىلىمنى داۋالىتىۋاتىسىز،مەرھۇم ئانام ھايات ۋاقتىدا ھەر كۈنى كەچ سىزنىڭ گىپىڭىزنى قىلىپ چىقاتتى،ئۇ ماڭا ،مىھرىبان قىزىم پەرىشتىدەكلا بىر قىزكەن،ئۇ قىزىمنىڭ قىلغان بۇ ياخشىلىقلىرىنى بۇ قىرى جىنىم بىلەن قايتۇرۇپ بولالمايمەن،كۈنلەرنىڭ بىرىدە خۇدادىن مۆجىزە كىلىپ ساقىيىپ قالسىڭىز ئەشۇ مىھرىبان قىزغا مىنىڭ ئورنۇمدا جاۋاپ قايتۇرۇڭ دىگەن ئىدى.
ئاكامنىڭ بۇ سۆزىنى ئاڭلاپ ياشلىرىم يەنە تۆكىلەتتى،چۈنكى مەن مومامنى تولىمۇ سىغىنغان ئىدىم،ھەر قىتىم مومامنىڭ قەبرىسىنى يوقلىغىنىمدا مۇھەممەد ئاكامنىڭ كىسىلىنى چوقۇم ساقايتىپ چىقالىشىمغا ئىشەنىچ قىلاتتىم.
ئاكامنىڭ كىسىلىمۇ ئاز-ئازدىن ياخشىلىنىۋاتاتتى،ئارىدىن يەنە ئىككى ،ئۈچ ئاي ۋاقىت ئۆتتى،بىر كۈنى ئاكامغا ئۆز قولۇم بىلەن لەغمەن ئىتىپ دوختۇرخانىغا ئەكەلگەن ئىدىم،ئاكامنىڭ ياتىقىغا قاراپ چۆچۈپ كەتتىم،چۈنكى ئاكام كارۋات يىنىدا دوختۇرلار بىلەن ئۆرە تۇرۇپ ئاستا-ئاستا مىڭىشنى مەشىق قىلىۋاتاتتى،شۇ تاپتىكى خۇشاللىقىمدا يىغلاپ تاشلىدىمدە ئاكامنىڭ ئالدىغا يۈگرەپ بىرىپ ئاكامنى قۇچاقلاپ _ئاكا بۇ رامۇ ،مىنىڭ چۈشۈم ئەمەستۇ دەپ خۇشاللىقىمدا سەكرەيتتىم._بۇ راس سىڭلىم ،مەن ئورنۇمدىن تۇرالىدىم،ئاللاغا شۈكرى،ئاللاغا شۈكرى مەن ئورنۇمدىن تۇرالىدىم سىڭلىم.....
ياتاق ئىچى ئاكام ئىككەيلەننىڭ خۇشاللىقتىن گاھ يىغلاگاھ كۈلۈپ مۇتەخىسلەرگە ۋە دوختۇر تاغىلارغا رەخمەت ئىيتىش بىلەن تولىمۇ ھاياجانلىق بىر كەيپىياتنى شەكىللەندۈرگەن ئىدى.
ئاكام ئاخىرى ئورنىدىن تۇرۇپ ماڭالايدىغان بولدى،بىز شۇكۈنى ئەڭ ئاۋال مومامنىڭ قەبرىسىنى يوقلاپ ئۇزۇن-ئۇزۇن دۇئا قىلىپ قايتتۇق،ئاندىن كىيىن بولسا ئاكامنىڭ تەلىۋى بويىچە مىنىڭ ئۆيىمگە باردۇق،ئۆيدە ئانام يالغۇز بولۇپ ئاكامنىڭ مەن بىلەن بىللە مىڭىپ كىرۋاتقىنىنى كۆرۈپ ھەيرانلىقتا ئالدىمىزغا يۈگرەپ كەلدى._بۇ چۈشۈم ئەمەستۇ بالام._دىدى ئانام خۇشال بولغان قىياپەتتە.__راس ئانا راس،ئاكام ماڭالايدىغان بولدى،ئاللا ئاكامنىڭ كىسىلىگە شىپالىق بەردى،دىدىممەن ئانامنىڭ بۇ مۆجىزىنىنى كۆرگەنلىكىگە ئىشەندۈرۈپ.ئانام ئاكامنى خۇددى ئۆز بالىسىدەك كۆرۈپ ئۆز قولى بىلەن ئاكام ئامراق لەغمەن ئىتىپ داستىخانغا بىردەمدىلا تەييار قىلىپ بولدى،تاماقتىن كىيىن ئاكام تۇرۇپلا ئانامنىڭ ئالدىدا يۈكىنىپ ئولتۇرۇپ ئانامغا مىننەتدارلىق بىلدۈرۋاتاتتى.__ئانا مەن سىلىنىڭ مىھرىباندەك پەرىشتە سۈپەت بىر قىزنى تەربىيلەپ چىققانلىرىغا مىڭ تەشەككۈر ئىيتىمەن،مىھرىبان سىڭلىم ،مەرھۇم ئانام ۋە مىنىڭ ئۈمۈدسىز ھاياتىمنى پۈتۈنلەي ئۆزگەرتىپ ئانام ئىككىمىزگە شۇنچە كۆپ شۇنچە چوڭ ياردەملەرنى قىلدى،مەن مۇشۇ تاپتىكى مىننەتدارلىقىمنى تىل بىلەن ئىپادىلەشكە ئاجىزمەن،جىنىم ئانا مەن ئۆز ئوغۇللىرى سۈپىتىدە سىلەرگە ئۆمۈر بويى كۈچ چىقىرىپ ماڭا قىلغان شەپقىتىڭلارنى قايتۇرمەن.دىدى ئاكام ئانامنىڭ قولىنى چىڭ سىقىپ تۇرۇپ.ئاناممۇ ئاكامنىڭ بۇ سەمىمىي نىيتىدىن خۇشال بۇلۇپ ئاكامنىڭ بىشىنى سىلاپ قۇيۇپ بىشىنى لىڭشىتىپ قويدى.
شۇندىن ئىتىبارەن ئاكام نۇرمال ئادەملەردەك ھەممىنى قىلالايدىغان بولدى،ئۇزۇن يىل كارۋاتتىن چۈشمەي يىتىپ قالغاچقىمىكىن،ھەدىسە ئوماق سىڭلىم مەن بىلەن شەھەر ئايلىنىڭ مەن ئۇزۇن-ئۇزۇن يوللارنى بىسىۋالاي،ئەشۇ ئۇزۇن يوللارغا قىنىۋالاي دەپ مەن بىلەن بىللە شەھەر ئايلىناتتى،بىز يول بۇيى چاقچاقلىشىپ شۇنداق ئىناق ئىدۇق،بۇنداق ئايلىنىشلار خىلى ئۇزۇن داۋاملاشتى،كىيىن مەن ئاكامنى ياردەمچى بولۇڭ دەپ ئەمدىلا قۇرۇلۇپ تىخى ئانچە روناق تاپمىغان شىركىتىمگە تەكلىپ قىلدىم،ئاكام دەسلەپتە مەن قىلالماسمەنمىكى دەپ ئۇنىمىدى،ئەمما مەندەك بىر سىڭلىسىنىڭ ئۈتۈنىشىنى قانداقمۇ رەت قىلالىسۇن،ئاكام ئاخىرى قوشۇلدى،بىز ئەمدى بىرلىكتە شىركەتنى تەرەققى قىلدۇرۇش يولىدا ئىزدەندۇق،ئاكام كۈندۈزى مەن بىلەن تەڭ ئىشلەيتتى،كىچىسى بولسا قىتىرقىنىپ كارخانا بىلىملىرىنى ئۆگۈنەتتى،كىيىنچە ئاكام مىنى ھەيران قالدۇرغىدەك دەرىجىدە شىركىتىمگە تۆھپە قوشتى،شىركىتىممۇ بىراقلا تەرەققى قىلىپ خىلى كۆزگە كۆرۈنگەن شىركەتلەرنىڭ بىرىگە ئايلىنىپ بولغان ئىدى،بىر كۈنى مەن ئاكام بىلەن بۇ ئۇتۇقنى تەبىركلەش ئۈچۈن مىلليچە ئاشخانىغا كىرىپ بىللە ئولتۇرۇپ بىر ۋاخ تاماقنى شۇنچىلىك خۇشاللىق بىلەن يىدۇق،تاماقتىن كىيىن يەنە كونا ئادىتىمىز بويىچە شەھەر ئايلاندۇق،بىزشۇنچە ئۇزۇن ئايلانغان بولساقمۇ پەقەتلا ھارغىنلىق ھىس قىلمايتتۇق،ئاكام ماڭا قاراپ ھاردىڭىزمۇ دەيتتى،مەن پەقەت ھارمىغانلىقىمنى دەيتتىم،ئاندىن ئاكامغا قاراپ سىز ھاردىڭىزمۇ دەيتتىم ،ئاكاممۇ ئۆزىنىڭ ھارمىغانلىقىنى شۇنچىلىك رەھەت مىڭىۋاتقانلىقىنى ئىيتاتتى،بىز ئەنە شۇنداق يولنى داۋاملاشتۇراتتۇق ،بىزنىڭ شوخ بالىلارچە ئەركىلەشلىرىمىز بۈگۈن قاياقلارغىدۇ يوقاپ،ھەرئىككىلىمىزنىڭ چىھرىنى قانداقتۇر بىرخىل خىجىللىق قاپلاپ كۆزلىرىمىز ئۇدۇل كىلىپ قالسا يۈزلىرىمىز ۋىللىدە قىززىرىپ بىر-بىرىمىزگە قەتتئى تىكىلىپ قارىيالمايتتۇق،توۋا ئىلگىرى بۇنداق ئەمەس ئىدىققۇ،بىر-بىرىمىگە ئۇزۇن -ئۇزۇن تىكىلىپ قاراپ تۇرساقمۇ بىزدە بۇنداق سىزىم پەيا بولمىغان ئىدى،بىراق بۈگۈن ھەر ئىككىمىز باشقىچە بولۇپ قالغان ئىدۇق،مەن ئاكامغا يەرنىڭ تىگىدىن چاندۇرماي سەپە سالاتتى،ئۇنىڭ خىيالچان كۆزلىرى گاھ كۈلۈمسىرەيتتى،گاھ توختايتتى،ئىشقىلىپ ئاكاممۇ بۈگۈن باشقىچىلا كۆرىنىپ كەتتى،مەن ئاكامغا قاراپ مىڭىپ تۇيۇقسىز يول ياقىسىدىكى پەشتاقنى كۆرمەي ئۈسسۈپ سىلىپ يىقىلىپ كەتكىلى تاسلا قالدىم،ھىلىمۇ ياخشى ئاكام خۇددى يىقىلىپ كىتىشىمنى ئالدىن پەرەز قىلىپ مىنى تۇتىۋىلىشقا تەييار تۇرغاندەك، مىنى چاپسانلىق بىلەن يۆلىۋالغان ئىدى،_ بىرەيىرىڭىز ئاغرىدىمۇ؟- دەپ مەندىنمۇ ئۆتە جىددىيلىشىپ پۇت قوللۇرۇمغا ئۈزۈلدۈرمەي قارايتتى.ئاكامنىڭ بۇنچە جىددىيلىشىپ كەتكەن ھالىتىنى كۆرۈپ قەلبىدە بىرخىل ئىللىق سىزىم شەكىللەندى،شۇ تاپتىكى ھىسياتىم يەنىلا ئىلگىركىدىن زور پەرىقلىنىپ تۇراتتى،ئاكام مىنى ئۆيگە ئەكىلىپ قۇيۇپ ئۆزى ياتىقىغا كەتتى،شۇ كىچىسى مەن پەقەت ئۇخلىيالمىدىم،ئاكامنىڭ بايىقى مەندىن ئەنسىرەپ جىددىيلىشىپ كەتكەن چىرايى كۆز ئالدىمدىن،خىيالىمدىن تەكرار ئۆتەتتى،بۇ بىر كىچىنى قانچىلىك تەستە تاڭ ئاتقۇزغانلىقىمنى بىلمەيمەن،ئەتىسى ئەتىگەن ئورنۇمدىن تۇرسام كۆزلىرىم قىززىپ ئىششىپ كىتىپتۇ،ئۆزۈمچىلا ئەينەككە ئۇزۇن قاراپ تۇرۇپ كىتىپتىمەن،ھەتتا ئانامنىڭ ناشتا قىلىۋىلىڭ قىزىم دىگىنىنىمۇ ئاڭلىماي قاپتىمەن،ئانام ئۈچ قىتىم تەكرارلىغاندا ئاندىن ئاڭلاپتىمەن._نىم بولدىڭىز قىزىم ،نىمىنى خىيال قىلىۋاتاتتىڭىز؟_ئانام ئەزەلدىن بۇنداق خىيالغا چۆكۈپ تۇرغان ھالىتىمنى كۆرۈپ باقمىغاچقا ھەيرانلىق بىلەن سوراۋاتاتتى،_ھە شۇ شىركەتنىڭ ئىشىنى ئانا .-دەپلا گەپنى باشقا يەرگە بۇرىۋەتتىم،توغرا مەن نىمىنى خىيال قىلىپ شۇنچە ئۇزۇن ئەينەكنىڭ ئالدىدا تۇرۇپ قالغاندىمەن،ئۆزۈمنىڭ بۇ خىيالىغا كۈلگۈم كىلەتتى.مەن ئىشقا كىلىپلا ئاكامنى ئىزدىدىم،دەرۋەقە ئاكام مەندىنمۇ بۇرۇن ئىشقا كىلىپ بولغان بولۇپ ئەستايىدىللىق بىلەن ماتىريال كۆرۈپ سودا پىلانى تۈزىۋاتاتتى،مەن ئاكامغا كەلگەنلىكىمنى چاندۇرمايلا ئۇنىڭ ئىش ھەركىتىنى كۈزىتىپ تۇردۇم،ئۇنىڭمۇ كۆزلىرى قىززىرىپ ئازراق ئىششىپ قاپتۇ، ھۇجۇتىدىن بارلىق زىھنىنى خىزمەتكە چۆكتۈرگەنلىكىنى قاراپلا بىلگىلى بولاتتى. دىمىسىمۇ ئۇ نىمانچە تىرىشچان ھە،باشقا خىزمەتچىلىرىم تىرىشقان بولسىمۇ ئاكامدەك ئەستايىدىل ئىشلىمەيتتى،بۇ شىركەتتە ئۇ ماڭا بىردىنبىر تايانىچ بولۇپ قالغان ئىدى،مەن خىياللىرىمنى توختىتىپ ئۇنىڭ خىزمىتىگە كاشىلا قىلماسلىق ئۈچۈن ئاستا ئىشخانەمگە چىقىپ كەتتىم.
چۈشلۈك تاماق ۋاقتى بولاي دىگەندە ئاكام ئاستا ئىششىكنى چىكىپ كىردى،مەن ئاكام بىلەن ھال ئەھۋال سوراشقاندىن كىيىن ئۇ ئۆزىنىڭ سودا پىلانىنى مىنىڭ كۆرۈپ بىقىشىمغا سۇندى،مەن پىلان خاتىرسىنى كۆرىۋاتقاچ شۇنچىلىك ھاياجانلىنىپ كەتتىم،چۈنكى بۇ سودا پىلانى مەن ئويلىغىنىمدىنمۇ بەك ياخشى تۈزۈلگەن بولۇپ ،شىركىتىمىزنى يەنە نەچچە ھەسسىلەپ تەرەققى قىلدۇرغۇلى بولاتتى._يارايسىز،بەك ياخشى پىلان بوپتۇ،مەن مانا مۇشۇنىڭغا مۇھتاج ئىدىم _دىدىممەن خۇشاللىقىمنى باسالماي ._ئاكاممۇ بۇ خۇشاللىقىمدىن ھاردۇقى چىققاندەك كۈلۈمسىرەپ تۇراتتى._تاماق يەپ كىرەمدۇق مىھرىبان دەپ تۈزلا دىدى ئاكام،_مەنمۇ خۇشاللىق بىلەن بولۇپ كىتىپ ئاكامنىڭ ھەر قىتىم ماڭا گەپ قىلغاندا سىڭلىم دەپ قۇشۇپ قۇيدىغانلىقىنى ،بۈگۈن تۇيۇقسىز ئىسمىمنى تۈزلا چاقىرغىنىغا دەسلەپتە ھەيران قالماپتىمەن،كىيىن ماتىرياللارنى تارتمىغا سالغاچ ئويلاپ باقسام ئاكام مىنىڭ ئىسمىمنى تۈزلا چاقىرىپتۇ،مەن ھەيران قالدىم،كاللامدا نۇرغۇن خىياللار ئەگىپ ئۆتىۋاتاتتى،لىكىن مەن ھەممە خىيالنى يەنە ئەشۇ ئىللىق سىزىمغا بۇرىتاتتىم،مۇمكىن ئەمەس ،ئۆزۈمچە نىمىلەرنى خىيال قىلىپ كەتتىم مەن،ئاكام مىنى ئۆز سىڭلىسىدەك كۆرىدۇ ھەرگىزمۇ باشقىنى ئويلىمايدۇ دەپ ئويلىدىم ئىچىمدە بايامقى خىياللىرىمنى ئىنكار قىلىپ.__نىمىنى خىيال قىلۋاتىسىز مىھرىبان._دىدى ئاكام يەنە بىر قىتىم ئىسمىمنى تۈزلا چاقىرىپ،بۇ قىتىم جايىمدا تۇرۇپلا قالدىم،ھەيرانلىق تۇرۇقۇم ئاكامنى خىجىل قىلىپ قويدىمۇ قانداق ئاكام ھۇدۇقۇپلا ئۇياق -بۇياققا قارىغاچ،._ئەگەر ئىسمىڭىزنى ئۇدۇللا چاقىرشىمنى خالىمىسىڭىز مەن يەنىلا بۇرۇنقىدەك چاقىراي._خالايمەن ...خالايمەن ،مۇشۇنداق چاقىرشىڭىزنى بەكمۇ خالايمەن،_قانداق كۈچ بىلەن چىقىپ كەتكەنكى بۇ خالايمەن دىگەن سۆز ،توساتتىن يۈزلىرىمگە ئوت ئىلىپ مەنمۇ ئۇيان بۇيانغا قارىۋالدىم،ئاكامنىڭ چىھرىدىمۇ خۇشاللىق پەيدا بولدى شۇنىڭ بىلەن بىز تاماققا چىقىپ كەتتۇق.
ئەنە شۇندىن باشلاپ ئاكامنى مەنمۇ ئاكا دەپ چاقىرماي مۇھەممەد دەپ چاقىردىغان بولدۇم،ۋاقىت ئۆتكەنسىرى ئىككىمىزنىڭ ئاكا -سىڭىللىق مۇناسىۋىتمىز تىزلا تەرەققى قىلىپ مۇھەببەتنى شەكىللەندۈرۈپ بولغان بولسىمۇ ھەرئىككىلىمىز بىر-بىرىمىزگە ئاشكارلىيالمايتتۇق،شۇڭلاشقا مەن ئەشۇ ئىللىق سىزىمغا يەنە بىر قىتىم تەشنا بولغاندەك كىچىسى تۈزۈكمۇ ئۇيقۇم كەلمەيدىغان كۆزۈمنى يۇمساملا كۆز ئالدىمغا ئۇنىڭ قاملاشقان قامىتى،سەمىمى چىرايى كۆز ئالدىمغا كىلىۋىلىپ مىنى قىينايتتى.بىر كۈنى ئۇ مىنى تۇيۇقسىز ئايلىنىپ كىلىشكە تەكلىپ قىلدى،مەن ئۇنىڭ تەلىپىنى خۇشاللىق بىلەن قوبۇل قىلىپ ئۇ مىنى ساقلاپ تۇردىغان بىز ھەمىشە ئۇچرىشىپ ئاندىن ئايلىنىدىغان ھىلىقى پىيادىلىكلەر يولىغا كەلدىم،ئۇ مىنىڭ كىلىۋاتقانلىقىمنى كۆرۈپ كۈلۈمسىرەپ قويدىدە ئارقىغا تۇتىۋالغان قوللىرى بىلەن يوغان بىردەستە چىرايلىق تىزىلغان ئەتىرگۈللەرنى ماڭا سۇندى،ئۇنىڭ قولىدىكى ئەتىرگۈللەر ئىنتايىن جىق تىزىلغان بولۇپ تولىمۇ چىرايلىق ئىدى،گۈللەرنى كۆرۈپ خۇشاللىقىمدىن ئاغزىم ئىچىلىپلا قالدى،چۈنكى ئۇ كىنۇلاردا ياكى كىتاپلاردا تەسۋىرلەنگەن يىگىتنىڭ قىز دوستىغا سۇنغان 99تال ئەتىر گۈلى ئىدى._ھەيران بولىۋاتامسىز؟_دىدى ئۇ مىنىڭ خۇشاللىق چاقنىغان كۆزۈمدىن بىرەر سىزىمنى ئىزدەۋاتقاندەك،_ھەئە-بەكلا خۇشال بولىۋاتىمەن.دىدىممەن ئۇنىڭغا تىكىلىپ قارىيالماي،-ئۇ يەنە كاستىيۇم چاپىنىنىڭ قويۇن يانجۇقىدىن كىچىك بىر بولاقنى ئالدىدە ئۇنىمۇ ماڭا سۇنغاچ كۆزلىرىمگە تىكىلىپ قاراپ تۇرۇپ:<مىھرىبان بىز توي قىلايلى،قوشۇلامسىز؟>دىدى ئۇ تەمكىنلىك بىلەن.__يەنە بىر قىتىم دەڭە_دىدىم مەنمۇ ئۇنىڭ كۆزلىرىگە قاراپ تۇرۇپ .__سىزنى ياخشى كۆرىمەن مىھرىبان،دەسلەپتە بۇ ھىسياتنى مەن ياخشى كۆرۈشمۇ ياكى ئاكا سىڭىللىق مۇھەببىتىمۇ ئانچە بىلەلمىگەن ئىدىم،كىيىن ھەر كۈن ئاخشىمى سىز كۆز ئالدىمغا كىلىۋالىسىز،چۈشلىرىمدە بولسا سىز خۇددى پەرىشتىلەردەك يەنە ماڭا كۆيىنىسىز،مەن شۇنىڭدىن كىيىن بۇ خىل شىرىن ھەم ئازاپلىق تۇيغۇنىڭ دەل قىز-ئوغۇللار ئوتتۇرىسىدىكى ھەقىقى مۇھەببەت ئىكەنلىگىنى بىلدىم،مەن ئەمدى تاقەت قىلىپ تۇرالمىدىم مىھرىبان، ھەر ئىككىلىمىز توي قىلىش يىشىغا ئاللىبۇرۇن يىتىپ بولدۇق،سىزنىڭ باشقا بىرى بىلەن توي قىلىپ كىتىشىڭىزگە مەن چىدىيالمايمەن،ياق ئۇ كۈنى مىنىڭ نەزىر كۈنۈم بولۇپ قىلىشى مۇمكىن،چۈنكى مەن سىزنى چىن قەلبىمدىن ياخشى كۆرىمەن.....