مەرىپەتكە ھامىلدار كوچا،
تولغىقىدىن زارلايدۇ دۇنيا.
*            *               *
چوڭ - چوڭ كۆزلۇك بوتۇلكىلارنىڭ،
تاڭ سەھەردە تۈگەر ئۇيقۇسى،
ئۇنئالغۇدا مەجنۇن ناخشىچى،
سەھەر دېمەي باشلار ناخشىنى.
كۈندۈز سائەت ئون بىر - ئون ئىككى،
قاۋاقخانا كۇلۇمسىرەيدۇ،
تۈپتۇز كىرسە يولۇچى ئاڭا،
چىققىنىدا يوللار سەكرەيدۇ.


رېستۇران


كۈلۈمسىرەر سۆيۇملۇك پۇللار،
يۈرەككە بەك يىقىن بىر جايدا.
قىممىتىنى ئاشۇرۇش ئۇچۇن،
ئۇچۇپ كىرەر رېستۇرانلارغا.

< يۈز خىل ئېسىل تائام ماكانى>،
قارشى ئالار ئېسىلزادىنى.
نامراتلارغا ئاچمايدۇ چىراي،
گۈلدەك گۈزەل كۈتكۈچى قىزى.

رەزىللىكىنى ياپماقچىدەكلا،
لەيلەپ يۇرەر بەك مۇڭلۇق ناخشا.
ئىسراپخورلۇق شەيتانى ئاستا،
كىشىلەرنى كۈشكۈرتەر بۇندا.

ئېستىمالنىڭ يۇقرى قاينىمى،
يۈرەكلەرنى ئۆرتەر بىرمۇ - بىر.
ئاھ، ئۆيلەردە يىغلاپ ئۆكسۇشلەر،
خىيالىغا كىرمەيدۇ ھېچبىر.

ئېچىلسىمۇ بىردەملىك كۆڭۇل،
لېكىن يەلكە ھامان بەك ئېغىر.
زارلىنىشتا كۈلەر رېستۇران،
ئادەم ئاڭا بولغاچقا ئەسىر.

< ئىجادىيەت >