QQ ئې خەت ئۇيغۇرچىنى قوللايدىغان بولۇپ قاپتۇ

hoxamat

مەن يازسام خەت ئۇلانمىدى.ئائەھ

alip

ئەستا، شاھدىيار، ئەپەندى. يا كىيۇكىيۇ يالغانچى، يا مەن يالغانچى... سىزگە ئاشۇ ئۇيغۇرچە خەتنى بىۋاستە كۆرسىتىپ قويمىغۇچە ئىشەنمەيدىغان ئوخشايسىز.

sirdixim

qq غا نىمانچە قىلىپ كىتىدىغاندىمىز دەيمىنا، ئۇنىڭدىن نەچچە ھەسسە ئىلغار ئۇيغۇرچىنى قوللايدىغنا دېتال ۋە تور بەتلەر تۇرسا شۇلارنى ئىشلەتمەي، يەنە قوللىمايدىغان نىمىنى قوللايدىغان بولدى دەپ خۇشال بۇلۇپ كىتىشلىرىمىزغا مەن بەك ھەيران، GB2312 دىگەن خەنزۇچىنىلا كۆرستەلەيدۇ، ئەگەر سىزدىكى نورمال كۈرۈنگەن بولسا چۇقۇم قالايمىقان ئۆلچەمسىز كىرگۈزگۈچتە يېزىلغان بۇلۇشى مۇمكىن،كومپيۇتېرىڭىزدا خەت نۇسخىسى بولسا نورمال كۇرنۇپ قالغاندۇ بەلكىم، بۇنىڭ بىلەن qq ئۇيغۇرچىنى قوللايدىغان بۇلۇپ قاپتۇ دىيىش تازا ئاقلانىلىق ئەمەسقۇ دەيمەن، بولمىسا چۇقۇم قوللىمايدۇ، كومپىيۇتېر ساھەسىدە بۇنى مۇقۇملاشتۇرالايمىز، خاتىرجەم بۇلۇڭ qq سىز ئۈچۈن ھەرگىزمۇ ئۇيغۇرچىنى قوللايدىغان قىلىپ بەرمەيدۇ.

alip

sirdixim يوللانغان ۋاقتى  2011-6-6 14:20
qq غا نىمانچە قىلىپ كىتىدىغاندىمىز دەيمىنا، ئۇنىڭدىن ن ...

كىيۇكىيۇنى ئۇيغۇرچە قوللايدىغان قىلىپ بەرمەيدىغىننى سىزدىن ياخشىراق بىلىمەن. كىيۇكىيۇ ئې مايىل ئۇيغۇرچنى قوللايدىغان بوپتۇ دەپ خوش بولۇپمۇ كەتمىدىم. پەقەت شۇنداق بىر ئىشنىڭ بارلىقىنى يېزىپ قويدۇم.
مەن بۇرۇندىنلا ئۇيغۇرچىنى ياخشى قوللايدىغان MSN Messenger, Skye لارنى ئىشلىتىڭلار دەپ تەكرار تەشۋىق قىلدىم، ئۇلارنى ئۇيغۇرچىلاشتۇرۇپ چىقتىم. مۇشۇ ئالىپ مۇنبىرنى ئىزدىسىڭىز ئۇلارنىڭ ئۇيغۇرچىسى ھازىرمۇ بار.
كۆپچىلىك ئۇيغۇرچىنى قوللىمايدىغان كىيۇكىيۇنى ئىشلىتەمدۇ ياكى ئۇيغۇرچىنى ياخشى قوللايدىغان MSN Messenger, Skye  لارنى ئىشلىتەمدۇ ئۆزىنىڭ ئەركىنلىكى. بىز ھەممىسنىڭ ئالاھىدىلىكىنى بىرەر قۇر تونۇشتۇرۇپ قويدۇق. ئەمما چوقۇم ماۋۇنى ئىشلىتىسەن دەيدىغان مۇستەبىتلىك ئاقمايدۇ.
«چوقۇم»، «مۇمكىن» دەيدىغان گۇمانىڭىزنى ھۆكۈم ئورنىدا دەپ يۈرمەي، ئۆزىڭىز قول سېلىپ سىناپ بېقىڭ. نېمىنىڭ ئۆلچەمسىز كىرگۈزگۈچ، نېمىنىڭ ئۆلچەملىك كىرگۈزگۈچ ئىكەنلىكىنى ماڭا ناھايتى ئايان.
ئاۋۇ رەسىمدە كۆرسىتىلىگىنى wordpress تىن ئاپتۇماتىك ئەۋەتىلگەن خەت. ئۇ ئۆلچەمسىز كىرگۈزگۈچتە كىرگۈزۈلگەن بولسا wordpress سۇپىسىدا بىلوگ قۇرغانلارنىڭ بارلىق بىلوگى ئۆلچەمسىز بولغان بولىدۇ.
مەن Gmail دىن كىيۇكىيۇغا يازغان ئۇيغۇرچە خەتنى Windows7 نىڭ ئۇيغۇرچە كىرگۈزگۈچىدە كىرگۈزدۈم.  Windows7 نىڭ ئۇيغۇرچە كىرگۈزگۈچىنى ئۆلچەمسىز دېمەيدىغانسىز؟؟

مەن ئەينى ۋاقىتتا Photoshop CS3 نى ئۇيغۇرچىلاشتۇردۇم دەپ ئىنتىلغا تېما يازسام، بىرەيلەن كۆرۈپ باقمايلا فوتوشوپنى ئۇيغۇرچە قىلىش مۇمكىن ئەمەس دەپ ھۆكۈم چىقارغان. مەن شۇنچە چۈشەندۈرسەممۇ قايىل بولمىغان. كېيىن شۇ تورداش شىنجاڭ ئونۋېرسىتىتى مەن ئۇيغۇرچىلاشتۇرغان فوتوشوپنىڭ تىل ھۆججىتىدىن پايدىلىنىپ ئۇيغۇرچىلاشتۇرغان فوتوشوپنى ھەقلىق تارقاتقاندا بىر نۇسخا سېتىۋېلىپ كۆرۈپ بېقىپ، تىل ھۆججىتىنىڭ ئىچىدىن مېنىڭ ئىسمىمنى كۆرۈپ ئاندىن قايىل بولۇپ، مەندىن كەچۈرۈم سورىغان. ۋە شىنجاڭ ئونۋېرستىتىنىڭ ئوغىرلىق قىلمىشنى باش بولۇپ پاش قىلغان ئىدى.

bayawan

ئالىپ ئەپەندى توغرا ئېيتىپسىز ، مەندە ئىككى كىيۇ كىيۇ بار ئىدى ، بىرىنىڭ خەت ساندۇقىنى ئېچىپ خەت ئەۋەتىش ئادىرسىغا يانا بىر كىيۇ كىيۇ رىمنىڭ خەت ساندۇق ئادىرسىنى يازدىم ، تىمىسىنى ئىنگىلىزچە يېزىپ كومپىيوتېرىمدا يېزىپ ساقلاپ قويغان ۋورد ھۆججىتى ئىچىدىكى ئۇيغۇرچە يېزىلغان مەزمۇنلارنى كۈچۈرۈپ خەت ساندۇقىنىڭ مەزمۇن يېزىش رامكىسىغا چاپلاپ ئەۋەتتىم ، مۇۋاپىقىيەتلىك يوللىنىپ بولغاندىن كىيىن ئەۋەتىلگەن كىيۇ كىيۇ خەت ساندۇقۇمغا كەلگەن خەتنى ئېچىپ قارىسام ھەممە خەتلەر نۇرمال ھالەتتە ئۇيغۇرچە يېزىقتا كۈرۈندى .

مۇناسىۋەتلىك رەسىم :

alip

GB2312 ئۇيغۇرچىنى قوللىمايدۇ، مىكن...پىكىن... دەپ سۆزۈمگە ئىشەنمىگەنلەر، باياۋان ئەپەندى يوللىغان رەسىمگە نېمە دەيسىلەر؟

alnazar.com

خەت نۇسخىسىنى قانداق تەڭشىگەنسىز؟خەت يازدىغان تەھرىرلىگۈچنىڭ فونت تاللاش ئىقتىدارى يوقكەن

sirdixim

alip ئەپەندى كەچۈرۈڭ، سىزنىڭ ئۇيغۇرلار ئۈچۈن خالىس ئىشلارنى قىلىۋاتقان ياخشى بىر ئادەم ئىكەنلىكىڭىزنى بىلىمەن، مەن يېقىندىن بىرى qq نى كۆپ تەشۋىق قىلىدىغان توربەت ۋە شەخسلەرگە ئاچچىقىم كىلىپ يۈرگەچكە بۇ تىمىنى كۆرۈپلا شۇنداق ئىنكاس يېزىپ قاپتىمەن چىن كۆڭلۈمدىن كەچۈرۈم سورايمەن، سىزنىڭ تور بېتىڭىزدىكى تىما ۋە ماتېرىياللاردىن كۆپ پايدىلىنىمەن، ئاشۇ ئىنكاسنى يېزىش ئۈچۈن ئالدىراپ بىكىتىڭىزگە ئەزا بولدۇم ۋە ئالدىراپ شۇنداق ئىنكا يېزىپ سالدىم كەچۈرۈڭ!!!
qq دىن ئىككىنى ئىلتىماس قىلىپ سىناپ باقتىم دەرۋەقە قوللايدىكەن.

شاھنۇر

لېكىن بۇ چ چ  ئەسكى دەللال، يەنىلا مەن بۇلارنى ياقتۇرمايمەن.

alip

شاھنۇر يوللانغان ۋاقتى  2011-6-9 00:02
لېكىن بۇ چ چ  ئەسكى دەللال، يەنىلا مەن بۇلارنى ياقتۇرما ...

توغرا دەيسىز.
مەيلى كىيۇكىيۇ ۋە باشقا تور ئالاقە دېتاللىرىنىڭ ھەممىسىدە دېگەن گەپ-سۆزلىرىمىز نازارەت قىلىندۇ.
شۇڭا توردا ئالاقە قىلغاندا نازۇك گەپ-سۆزلەرنى، ھۆكۈمەتنىڭ ئالاقىدار تۈزۈم، قانۇنلىرىغا خىلاپ گەپلەرنى قىلىشتىن ساقلىنىشىمىز كېرەك. بولۇپمۇ مۇنبەرلەرگە يازدىغان تېما، ئىنكاسلارغا ئالاھىدە دىققەت قىلىشىمىز كېرەك. بولمىسا ئۆزىمىزنى ۋە يېقىنلىرىمىزنى ئورۇنسىز بالاغا تىقىپ قويىمىز.
بىر يىل ئاۋۋالقى تور بىلەن بالاغا قېلىپ تېخىچە قاماقتا يېتىۋاتقان تور بەت قۇرغۇچىلار، كىيۇكىيۇدا قالايمىقان گەپ قىلغۇچىلارنىڭ ئىشلىرىدىن ساۋاق ئالايلى.