ئۇيغۇرسوفت خىزمەتچى قوبۇل قىلىدۇ!

ratna

ئۇيغۇرسوفت شىركىتى يۇمشاق دېتال يەرلىكلەشتۈرۈش ۋە مۇلازىمەت خادىمى تۈرى بويىچە خىزمەتچى قوبۇل قىلىدىكەن. تۆۋەندىكىسى ئالىم ئەھەت بلوگىدىكى خىزمەتچى قوبۇل قىلىش ئۇچۇرى.

1. يۇمشاق دېتال يەرلىكلەشتۈرۈش خادىمى
(1) تەرجىمان، 15 نەپەر
ۋەزىپىسى: ئىنگلىزچە يۇمشاق دېتال ئۇچۇرلىرىنى ئۇيغۇرچىگە تەرجىمە قىلىدۇ. ئىشتىن سىرت ۋەزىپە بويىچە ئىشلەيدۇ ۋە شۇ بويىچە ھەق ئالىدۇ.
خىزمەت ئورنى: ئاساسەن توردا بولىدۇ. تور ئارقىلىق ۋەزىپە تاپشۇرۇپ ئالىدۇ ۋە يەتكۈزۈپ بېرىدۇ.

شەرتى: ئىنتېرنېتكە ئۇلانغان كومپيۇتېرى بولۇشى، ئىنگلىز تىلى سەۋىيەسى 4-دەرىجە ياكى ئۇنىڭدىن يۇقىرى بولۇشى كېرەك. ناۋادا، ئاسپرانت ئوقۇغۇچىلار بولسا تېخىمۇ قارشى ئېلىنىدۇ، ھېچقانداق سىناق ئېلىنمايدۇ.
ئىش ھەققى: ئىنگلىزچە ھەر 1000 سۆز ئۈچۈن 80~100 يۈەن. (ئادەتتە ھەر كۈنى ئاز دېگەندە 2000 سۆز تاماملاشقا بولىدۇ).

(2) باشقۇرغۇچى، 1 نەپەر.
ۋەزىپىسى: تەرجىمانلار بىلەن ئالاقىلىشىپ، ۋاقتى بارلارغا ۋەزىپە تەقسىملەپ بېرىدۇ. كۈندىلىك تاماملانغان تەرجىمە مىقدارىنى نازارەت قىلىدۇ، تەرجىمە سۈپىتىنى تەكشۈرىدۇ.

خىزمەت ئورنى: ئۇيغۇرسوفت يۇمشاق دېتال بۆلۈمىدە ھەپتىدە 5 كۈن، كۈندە 6 سائەت خىزمەت قىلىدۇ. قانۇندا بەلگىلەنگەن ھېيت-بايراملاردا ئارام ئالىدۇ.
شەرتى: ئىنگلىز تىلى ۋە ئۇيغۇر تىلىغا پىششىق بولۇش، ئالىي مەكتەپلەرنىڭ تىل كەسپى ياكى تەبئىي پەن كەسپلىرىنى پۈتتۈرگەنلەر ئاۋۋال ئويلىشىدۇ.
ئىش ھەققى: 2500 يۈەن+5 خىل سۇغۇرتا+ئۈنۈم ئىش ھەققى+يىللىق مۇكاپات

بۇ خىزمەتنى باشلاشتىن ئىلگىرى، 3 كۈنلۈك يۇمشاق دېتال يەرلىكلەشتۈرۈش ھەققىدىكى ئاساسىي ساۋاتلاردىن ھەقسىز تەربىيەلىنىدۇ. بۇ خىزمەت سىزنىڭ ئوقۇش، خىزمىتىڭىزگە چوڭ تەسىر كۆرسەتمەيدۇ. بىز بىلەن ئەھمىيەتلىك ئىشلارنى قىلماقچى بولسىڭىز، سېپىمىزگە قوشۇلۇڭ.

ئالدى بىلەن بىر ئابزاس ياكى 4-5 قۇر قىسقىچە تەرجىمھالىڭىزنى بىزگە يوللاپ بېرىڭ.
ئېلېكتىرونلۇق خەت: alim.ahat@hotmail.com
ئالاقىلاشقۇچى: ئالىم ئەھەت

2. مۇلازىمەت خادىمى
(3) يۇمشاق ۋە قاتتىق دېتال مۇلازىمەت خادىمى
ۋەزىپىسى: سېتىش بۆلۈمىدە يۇمشاق ۋە قاتتىق دېتال مۇلازىمىتىنى قىلىدۇ، ئۇنىڭدىن باشقا يەنە ئىدارە-ئورگانلارغا يۇمشاق دېتال يەتكۈزۈپ بېرىش ۋە قاچىلاش مۇلازىمىتىنى قىلىدۇ.
خىزمەت ئورنى: قىزىلبايراق يولى كومپيۇتېر بازىرى تۆتىنچى قەۋەت 4319-نومۇر، ئۇيغۇرسوفت سېتىش بۆلۈمى
شەرتى: كومپيۇتېر قوراشتۇرۇش، سىستېما قاچىلاش تەجرىبىسى بولۇش، ئىللىق چىراي، ئەتراپلىق مۇلازىمەت قىلىش (قىزلار قوبۇل قىلىنمايدۇ).
ئىش ھەققى: 2500 يۈەن+5 خىل سۇغۇرتا+ئۈنۈم ئىش ھەققى+يىللىق مۇكاپات
بۇ خىزمەتنى باشلاشتىن ئىلگىرى، 1 ھەپتە ھەقسىز تەربىيەلىنىدۇ. 1-2 ئاي سىناق ئىشلەيدۇ. سىناق مەزگىلىدە 1200 يۈەن بېرىلىدۇ. ئاندىن 2 يىللىق ئەمگەك توختامى تۈزىلىدۇ.

ئالاقىلىشىش ئادرېسى: ئۈرۈمچى قىزىلبايراق يولى كومپيۇتېر بازىرى تۆتىنچى قەۋەت 4319-نومۇر، ئۇيغۇرسوفت سېتىش بۆلۈمى
ئالاقىلاشقۇچى: مۇرات
تېلېفون: 2813300، 2839871
خىزمەت ۋاقتىدا يەنى چۈشتىن بۇرۇن 9:00 دىن 12:00 گىچە، چۈشتىن كېيىن 2:00 دىن 5:00 كىچە تېلېفون قىلىڭ.

مەنبە: ئالىم ئەھەت بلوگى http://www.alimahat.com/?p=2543

uyghurya

دىۋاندا ئولتۇرۇپ ئويلىشاي

cj038

3 _سىگە تىزىملاتقان بولسام ياخشى بولاتتىكەن ... ئەمما ھازىر مىنىڭ شارائىتىمغا ماس كەلمەيدۇدە ....

kara_iz

قارىغاندا كۆپۈنچىمىزنىڭ ئۈچىنچىسىگە كۆزىمىز چۈشكىدەك

kapsiz30

مەنچە1- بۇلدىكەن لىكىن مىنڭ بىلمىم تۇۋەن كىلىپ قالدىكەن 3-چۇشدىكەنمەن لىكىن پۇپرسەت يوقدە

kapsiz30

مەنچە1- بۇلدىكەن لىكىن مىنڭ بىلمىم تۇۋەن كىلىپ قالدىكەن 3-چۇشدىكەنمەن لىكىن پۇپرسەت يوقدە

نۇراخۇن1

مېنىڭ ئويغۇرسوفت شىركىتىدە بەكلا ئىشلىگۈم بار ئىدى، مائاش تېمىدا دېيىلگىنىدىن تۆۋەن بولسىمۇ مەيلى ئىدى. چۈنكى مېنىڭ ئۇيغۇر سوفت شىركىتىكە ئىخلاسىم ۋە ھۆرمىتىم بەكلا چوڭقۇر ئىدى. لېكىن مېنىڭ يا ئىنگىلىز تىلىدىن سەۋىيەم يوق، يا كومپيۇتېر قوراشتۇرۇش، سىستېما قاچىلاش دېگەنلەرگە ئۇستا ئەمەس. ھەي.......

جۇندۇللا

ماڭا ماس كېلىدىكەن  لېكىن ئىنگىلىزچىنى ئانچە بىلىپ كەتمەيمەن