ئۇيغۇرچە ئەپلەر توغرىلىق ......

elbilge

يېقىنقى بىر ئىككى يىلدىن بۇيان ئاندرويد يانفونلارنىڭ ئومۇملىشىشىغا ئەگىشىپ يانفونغا ئۇيغۇرچە تونۇتۇش قىزىق نۇقتىغا ئايلىنىپ ئۇندىن كېيىنلا ئۇيغۇرچە روم ياساش ۋە  ئەپلەرنى ئۇيغۇرچىغا تەرجىمە قىلىش قول تۇتۇپ كېتىپ بارىدۇ، تاپقىنى قوي كەلتۈرەر ، تاپالمىغىنى بىر باش پىياز دىگەندەك ئۇستىلاردىن باشلاپ ھەۋەسكار ھەم پارتىزان پىدائى تەرجىمانلارغىچە ئەپ تەرجىمە قىلىۋاتىدۇ.
بالىلار كومپىيۇتېردا ۋە يانفوننىڭ ئۆزىدىلا ئەپ تەرجىمە قىلىدىكەن ، مەنغۇ ھېچقايسىسىنى ئۇقمايمەن ( قاچىلاپ بولغىنىنى تەرجمە قىلىپ قايتا بولاقلامدۇ ياكى قاچىلاش بولىقىدىن تەرجىمە قىلامدۇ، قىلسا قانداق قىلىدۇ، بۇ توغرىدا ساۋادىم يوق )، قانداقلا بولمىسۇن بۇنى بىر ياخشى باشلىنىش، ئىزدىنىش، تەرەققىيات دىسەك بولىدۇ، قوللاش، مەدەت بېرىش كېرەك دەپ قارايمەن.

لېكىن بۇ ئىشتا كەسپ ئىگىلىرى ، ئۇستىلار ، قىلغان ئىشىنى ئەستايىدىل - مەسئۇلىيەتچانلىق بىلەن قىلىدىغانلار ياخشى قىلغان بىلەن ھەۋەسكارلار ، پىدائىلار، پارتىزان تەرجىمانلار ، مەسئۇلىيەتسىزلەر، چالا ساۋاتلار ناچار قىلىۋاتىدۇ... قانداق ناچار؟
ئىملاسى دەھشەت خاتا ، چىدىغۇسىز دەرىجىدە خاتا !!!!
ھېلىغۇ ئىملاكەن ، سۆزلەرنىڭ يېزىلىشى خاتا، ھەرپلەر چۈشۈپ قالغان ياكى ئارتۇق يېزىلغان ، كۆزگە زىيان قىلىدۇ، ئاچچىقتىن قان بېسىمىڭىزنى ئۆرلىتىۋېتىدىغان دەرىجىدە ! ئانا تىلغا ، يېزىقىمىزغا شۇنداقمۇ مەسئۇلىيەتسىزلىك قىلغان بارمۇ؟ قانداقراق ئوقۇتقۇچى ئوقۇتقان سىلەرنى ، قانداقراق مەكتەپتە ئوقۇغان سىلەر ؟؟؟؟؟
مۇشۇ ئالپتا بەك ئېغىر بوپ كېتىۋاتىدۇ بۇ مەسىلە ،نۇرغۇن ئۇيغۇرچە ئەپنى قاچىلاپ بولۇپ ئىملادىكى خاتالىقلارغا چىداپ بولالماي ، كۆنۈپ بولالماي ئۆچۈرۈۋەتتىم ( ئىسمىنى ئاتاپ تۇرۇپ دەي دىگەن ، خەير...)
سادىغاڭ كېتەي باللا ، ئەپ تەرجىمە قىلساڭلا تۈزۈك، ئەستايىدىل ئىملاسى توغرا تەرجىمە قىلىڭلا، ئىملاسى توغرا تەرجىمە قىلالمىساڭلار قىلمىساڭلارمۇ مەيلى، خاپا بولمايلى !!!!! ئاز بولسىمۇ ساز بولسۇن،سۈپەتلىك، توغرا بولسۇن !!!
ئىملاغا ھۆرمەتسىزلىك = مىللەتكە خىيانەت قىلغانلىق = جىنايەت

wirus

سىزمۇ مەن بىلەن بىر كەسىپ ئوخشىمامسىز؟ مەندە كەسپىي كېسەل بەك ئېغىر، ئادەتتە توردا تېمىلارنى ئوقۇپ قالسام قەدەمدە بىر ئىملا خاتالىقى ئۇچرايدىغان تېمىلانى شۇ يەردىلا تاشلاپ چىقىپ كېتىمەن، ئەپلەردىمۇ شۇ، شۇنداق بىر ئاددىي خەتنى خاتا يازغىنىنى كۆرسەملا شۇ يەردىلا يۇيۇپ تاشلايمەن ئۇ ئەپنى...خاتالىقىنى كۆرسىتىپ بېرەي دەيمەنۇ ئەمما نىرۋامغا بەك تەسىر قىلىپ كېتىدۇ...بولسا تورداشلار مەندەك ساراڭلارنى دەپ بولسىمۇ ئىملاغا بەك دىققەت قىلسا، رەھمەت!
_____________
ئىملا تۈزىتىلدى، سەمىمىي ئەسكەرتكۈچىلەرگە رەھمەت!

merdan

   باشقۇرغۇچىلار ئالىپ تورىدا ئېلان قىلىنغان تەرجىمە ئەپلەرنى بىر بىرلەپ قاچىلاپ كۆرۈپ بولالمايدۇ  ، شۇڭا ئىشلىتىپ باققانلار شۇ ئەپتە ئېغىر ئىملا خاتالىقى بايقىساڭلار شۇ تېما ئاستىغا ئىنكاس يېزىپ قويۇڭلار،، بىز ئەھۋالغا قاراپ ئەپ يوللىغۇچىغا ئىملا تۈزىتىپ قايتا يوللاش پۇرسىتى بېرىمىز ياكى شۇ تېمىنى ئۆچۈرىۋېتىمىز....

   ئەپ تەرجىمە قىلغۇچىلارمۇ ئەپنى تەرجىمە قىلىپ بولغاندىن كېيىن دەرھاللا يوللىۋەتمەي باشتا بىر ئىملا تۈزىتىۋېتىپ ئاندىن يوللاڭلار،،، مەندىمۇ ئاز تولا چالا قالغانلىقتىن ياكى ئىملا تەكشۈرۈشكە ۋاقىت يەتمىگەنلىكتىن ئېلان قىلماي تاشلاپ قويغان  ئەپتىن نۇرغۇنى بار،،ئۆز تىلىمىزغا ئىگە بولىشىمىز ، ئاسرىشىمىز كېرەك ..

  يەنە بىر ئىش ،،ھازىر نۇرغۇن دوستلېرىمىز يانفۇندا ئەپ تەرجىمە قىلىۋاتىدۇ ، يانفۇندا تەرجىمە قىلىنغان ئەپلەرنىڭ بىر كەمچىلىكى ئىملا تەكشۈرۈش قۇلايسىز ، شۇڭا يانفۇندا تەرجىمە قىلىنغان 99% ئەپتە ئېغىر ئىملا خاتالىقى مەۋجۇت ، يەنە بىر كەمچىلىكى بولسا يانفۇندا ئەپ تەرجىمە قىلغاندا  ئەپتىكى خەنچە تىلنى بىۋاستە تەرجىمە قىلىنغانلىقتىن سىستېما خەنچىگە توغۇرلىسا ئاندىن ئۇيغۇرچە كۆرۈنىدۇ، ئۇيغۇرچىغا توغۇرلىسا ئېنگىلىزچە بولۇپ قالىدۇ، ( ئادەتتە كومپىيوتېردا تەرجىمە قىلغاندا خەنچە تىلنى باستۇرۋەتمەي ئايرىم ئۇيغۇرچە تىل رايونى قوشۇلۇپ تەرجىمە قىلىنىدۇ)،،دېمەك بۇنداق ئەپلەرنى ئۇيغۇرچە سىستېما ئىشلەتكەنلەر ئىشلىتەلمەيدۇ دېگەن گەپ ....ھازىرچە خەنچە سىستېمىلار كۆپرەك بولسىمۇ خۇدا خالىسا پات يېقىندا روم تەرجىمە قىلىدىغان ئىسىل دەرسلىكلەر ۋە قۇراللار ئېلان قىلىنىدۇ ، شۇنىڭ بىلەن تېخىمۇ كۆپ دوستلېرىمىز بىمالال روم تەرجىمە قىلالايدۇ ، ئۇيغۇرچە روملار كۆپلەپ بارلىققا كېلىدۇ ، بۇ ۋاقىتتا يانفۇندا تەرجىمە قىلىنغان ئەپلەر تاشلىنىپ قالىدۇ ...شۇڭا ئامال بار يانفۇندا ئەپ تەرجىمە قىلمىساڭلار...

admin123

تېما ئىگىسىنىڭ پىكرىنى قوللايمەن_admin123

sapardax

wirus يوللىغان ۋاقتى  2013-3-2 03:16
سىزمۇ مەن بىلەن بىر كەسىپ ئوخشىمامسىز؟ مەندە كەسپىي كې ...

دىگىنىڭىزغۇ ئاساسى بار گەپلەركەن. بىراق ئۈزىڭىز ئىملايىڭىزدىكى خاتالىقنى بايقىدىڭىزمۇ ئەزىز!!
ھەممە تورداشلارنىڭ بۇنداق خاتالىقنى ئۆتكۈزگۈسى يوق مىنىڭچە، سىزمۇ ئەمما دەپ يىزىشقا تىگىشلىك بىر سۆزنى ئامما دەپ يىزىپ قۇيۇپسىزغۇ ئەنە!، باشقىلارنىڭ خاتالىقىنى دوستانە ھالدا كۆرسىتىپ بىرىش بۇ بىر ياخشى ئىش،مۇنبەربىڭ قۇرغۇچىللىرى،باشقۇرغۇچىللىرىمۇ بۇ ھەقتە توختىماي تىرىشىۋاتىدۇ،ئىزدىنىۋاتىدۇ،شۇنداقلا تىل-يىزىقىمىزنىڭ كاپالىتى ئۈچۈن نۇرغۇن يۈرەك قانلىرىنى سەرپ قىلىۋاتىدۇ،كەسكىنلىكىڭىزگە قايىلمەن،بىراق كۆپنىڭ كۈزى كۆپ،سىز قاتتىق تەنقىتلىگەن ئاشۇ تورداشلىرىمىز سىزدىنمۇ چۈقۈم قۇسۇر تاپالايدۇ،سىز تەكىتلەپ ئۆتكەن تىل-يىزىقىمىزنى قوغداش،تەرەققى قىلدۇرۇش ھەممىمىزنىڭ مەسئۇلىيىتى،ۋە مەجبۇرىيىتى.
بىراق ماڭا ئۇخشاش مەكتەپتە تۈزۈك ئۇقىمىغان چالا ساۋاتلارغا بۇ خاتالىقلارنى تۈزىتىش ئۈچۈن خېلى كۆپ بىر جەريان كىتىدۇ،شۇنىڭ ئۈچۈن ئاشۇ كىچىككىنە خاتالىق ئۈچۈن دوستانە قولىمىزنى سۇنغان .ئاساستا سەمىمىلىك بىلەن ياردەم قۇلىمىزنى سۇنايلى!!!!.

misran0998

بىر ئوقۇتقۇچى  دەرسخانىغا كىرىپ دەرىس باشلاشتىن بۇرۇن ئاپئاق  چوڭ بىر قەغەزگە  بىر تال كىچىككىنە قارا چىكىت قويۇپ ئوقوغۈچىلاردىن  سوراپتۇ...

نىمنى كۆردۇڭلار؟؟؟

كۆپ سانلىق ئوقوغۈچىلار   مۇئەللىم بۇ قەغەزدە بىر تال قارا چىكىتتىن بۆلەك ھىچنىمە يوققۇ   دىييشىپتۇ...

مۇئەللىم  ئەپسۇسلانغان ھالدا    سىلەر ئاشۇ بىر تال چىكىتنىلا كۆرۇپ  شۇنچىۋالا ئاقلىقنى كۆرمىدىڭلارمۇ ؟

سىنىپنى ئىغىر جىمجىتلىق بىسىپتۇ...

دەستۇر

wirus يوللىغان ۋاقتى  2013-3-2 03:16
سىزمۇ مەن بىلەن بىر كەسىپ ئوخشىمامسىز؟ مەندە كەسپىي كې ...

ۋاي سىزمۇ تايىنلىق ئىكەنسىزغۇ،مانا كۆرۈپ بېقىڭ،ئۈچ جۈملە يېزىپ بىرنچى جۈملىسىدىلا خاتالىق « دەتمەنۇ»،سىلەر بىر ئىككى جۈملىدە خاتالىق ئۆتكىزسىلە يۇ،باشقىلار شۇنچە چوڭ كىتابلارنى تەييارلاشتا كەتكۈزۈپ قويماسمۇ؟بۇ قەستەنلىك ئەمەس،خاتا جايلىرى بولسا ماتاڭ چاينىۋالمىغاندىكىن چىرايلىقچە ئىنكاس يېزىپ مەلۇم قىلىپ ماڭساڭلار تۈزىتىشكە قۇلاي بولىدۇ،مەسلەن قۇرئان دېتالىنى ئېلىپ ئېيتايلى نۇرغۇن يەردە ئىملا خاتالىقى ۋە سۆز خاتالىقى ساقلانغان،ئۇ دېتالنى بىلىشىمىزچە ئىككى پارتىزان قېرىندىشىمىز كېچىنى كۈندۈزگە ئۇلاپ تەييارلىغان،سىلىنىڭچە بولغاندا ئۇلار مىللىتىمىزگە جىنايەتچى بولۇپ قالدىمۇ ئەمدى؟!!!دىنىمىزغا خىيانەتچى بەلكىم تېخى؟!!!چۈنكى ئەڭ ئۇلۇغ بولغان كىتابنى يېزىشتا خاتالىق سادىر قىلدى شۇنداقمۇ؟!!!مۇشۇنداق بولمىغۇر تىما يازغان ئادەمگە ھەيرانمەن،سىز مۇشۇ تېمىنى يېزىپ كۆڭلىڭىزنى خوش قېلىپ يۈرگىچە مىسرانىم توردىكى قېرندىشىمىزدەك قۇرئاننى بولسىمۇ تولۇق ئوقۇپ چىقىپ مانچىنجى بەت مانچىنجى ئايەتتە ماۋۇ خەت خاتا يېزىلىپ قاپتۇ دەپ تەپسىلى بىر تۈزۈتۈش ماتېرىيالى ھازىرلاپ  دېتال ياسىغۇچىغا سۇنۇپ باقسىڭىز بولماسمۇ؟!!!باشقا دېتاللار مەسىلىسىگە كەلسەك ھەم بىر قانچە ئادەم قىلغان ئىشتا ئەلۋەتتە خاتالىقلاردىن ساقلانماق تەس ئەمەس،شۇڭا دوستلارنىڭ قىزغىنلىقىغا سۇ چاچماي،قولىمىزدىن كېلىشچە ياردەمدە بولايلى،خاتا كەتكەن جايلىرىنى ۋاقتى ۋاقتىدا ئىنكاس شەكىلدە يوللاپ تۇرايلى،شۇندىلا بۇ مەسلىلەر ھەل بولۇش بىلەن بىرگە تۈرلۈك نادىر ئەسەرلەر مەيدانغا كېلەلەيدۇ،سىزنىڭچە خاتالىرىنى شۇ يەردە ئۆچۈرۈپ ماڭسىڭىز،ئىشلەتمىسىڭىز،ئۇلار بۇ يازمىڭىزنى كۆرۈپ يازمىسا ،بۇنداق دېتاللارنى ئىشلىمىسە،ئاۋۇ مىڭ تەستە ياسىغان قۇرئان ھەر بىرىمىزنىڭ تېلېفونىدىن ئۆچۈرۈپ تاشلانسا،ھەر بىرىمىز خاتالىق يوق خەنچە دېتاللاردىن قانغىچە ئىشلەتسە ئانا تىلمىزنى قوغدىغانلىق بولىدىكەندە؟!!!!!!!ماۋۇ ئاجايىپ بىر تەسەۋۋۇر،بولدى يەنە سۆزلەپ ئولتۇرماي،لېكىن مىنىڭ دېمەكچى بولغىنىم ئۇنداق دېتاللارنى ياساۋاتقانلارنىڭ قىلغىنى توغرا دېمەكچى ئەمەسمەن،ئۇلارغا تەكلىپىم شۇكى ئۇلار ھەم تۈزەتكەي،بىخەستەلىك قىلمىغاي،رەھمەت كۆپچىلىك!!!

kurax114

دوسلار  i909نىڭ 4.0  رومى  بولسا  نەق  پۇلغا  ئالىمىز  ،،بىلىدىغانلار  بولسا  ياردەم  قىلىڭلار  ..

دەستۇر

سىزنىڭ يازغا تىمىڭىزدىلا خاتا خەتتىن توققۇزى بار ئىكەن بىر بىردىن ساناپ ئولتۇرماي مەنمۇ،ئىشەنمىسىڭىز يۇلغۇن تەھرىرلىگۈچكە ئېلىپ ئىملا تەكشۈرۈپ بىر-بىردىن كۆرۈۋېلىڭ!!!

nemeuchun

ئەسسالامۇ ئەلەيكۇم قېرىندىشىم،بەك ياخشى گەپ قىپسىز،موشۇ ئۇيغۇر تىلىنىڭ ئېملا قائىدىسى توغۇرلۈق چۈشەنچە بەرسەڭلار،ماڭا ئوخشاش مەكتەپتە قېچىپ يۈرۈپ ئوقۇغانلار ئانا تىلىمىزنىڭ ئېملا قائىدىسىنى تازا دېگەندەك بىلىپ كەتمەيدىكەنمىز.