android تىكى ئۇيغۇر تىل رايوننى بىرلىككە كەلتۈرەيلى

alip

ئاندرويد ئەپلىرىنى تەرجىمە قىلىپ باققانلارغا مەلۇم، ئاندرويدتا ھەر بىر تىلغا بىر قىسقارتىلغان ئىسىم بەلگىلەنگەن، مەسلەن: ئېنگىلىز تىلى en, تۈرك تىلى tr خەنزۇ تىلى zh-rCN دېگەندەك. ھازىر قارىسام بەزى ئەپ تەرجىمە قىلغانلار ئۇيغۇر تىلى رايوننى ug-rCN دەپ ئالسا، يەنە بەزىلەر ug دەپ ئالىدىكەن. يەنى بەزىلىرى values-ug-rCN دەپ يازسا، بەزىلىرى values-ug دەپ يازىدىكەن. بۇنداق بولغاندا values-ug-rCN دەپ تەرجىمە قىلىنغان ئەپلەر values-ug دەپ بەلگىلەنگەن رومدا ئۇيغۇرچە كۆرۈنمەي، ئېنگىلىزچە كۆرۈندىكەن.
مەن مۇشۇ ھەقتە ئىزدىنىپ روم، ۋە ئەپلەرنى تەپسىلى كۆرۈپ باقسام، CM10 نىڭ ئىگە تەرەپ رومىدا (يەنى Android 4.1 دا)  ئۇيغۇرچە values-ug دەپ ئېلىنغان، ئۇنىڭدىن باشقا گوگىل ئەپ بازىردىن چۈشۈرگەن ئەپلەرنىڭمۇ ئۇيغۇر تىل رايونىمۇ ug دەپ ئېلىنغان ئىكەن. شۇڭا بىزمۇ بۇنىڭدىن كېيىن ئەپ، روم تەرجىمە قىلغاندا ug-rCN دەپ يازماي، ug دەپلا يازايلى. شۇنىڭدا بىرلىككە كەلتۈرگىلى بولىدۇ. يەنى values-ug ، xml-ug دەپ ئىشلىتەيلى.
ئەپ تەرجىمە قىلغاندا values-zh-rCN نىڭ ئىچىدىكى خەتلەرنىلا تەرجىمە قىلىپ قويماي، res نىڭ ئاستىغا values-ug دەپ يەنە بىر قىسقۇچ قۇرۇپ، values-zh-rCN نىڭ ئىچىدىكى تەرجىمە قىلىپ بولغان strings.xml قاتارلىق ھۆججەتلەرنى values-ug نىڭ ئاستىغا كۆچۈرۈپ قويۇشۇڭلارنى تەلەپ قىلىمىز. شۇنداق قىلغاندا ئۇيغۇرچە روم قاچىلانغان يانفۇنلاردىمۇ سىز تەرجىمە قىلغان ئەپ ئۇيغۇرچە كۆرۈندۇ. بولمىسا يانفون تىلىنى خەنزۇچىغا توغرىلىسا ئەپ ئۇيغۇرچە كۆرۈنۈپ، يانفون تىلىنى ئۇيغۇر تىلىغا توغىرلىسا ئەپ باشقا تىلدا كۆرۈندىكەن.

بەزى چالا تەرجىمانلار values-ug-rCN نى كېڭەيتىلگەن رايون، values-ug نى ئاساسىي رايون دەپ ئاتىۋاپتۇ. بىر نەرسىنى بىلمىسەڭلار ماتېرىيال كۆرۈپ ئۆگىنىڭلار، بىلەرمەنلىك قىلىپ كىشىلەرنى قايمۇقتۇرماڭلار. كېڭەيتىلگەن رايون، ئاساسى رايون دېگەن خەت نۇسخىسنىڭ unicode رايونلىرىدىكى ئاتىلىشى. ئۇنىڭ ئاندرويد تىل رايونلىرى بىلەن ھېچقانداق مۇناسىۋىتى يوق.
زاغرا تىل بىلەن چۈشەندۈرگەندە: ئاساسى رايوندىكى ئۇيغۇرچە خەتنىڭ باش، ئوتتۇرا، ئاياق يېزىلىشىنى سىستېما ئاپتۇماتىك پەرقلەندۈرۈپ ئۇلايدۇ. ئۇيغۇرچىنى قوللىمايدىغان سىستېمىلاردا دەل ئاشۇنداق ھەرپلەرنىڭ باش، ئوتتۇرا، ئاياق يېزىلىشىغا ھۆكۈم قىلدىغان پروگرامما يوق. شۇڭا ئۇيغۇرچە خەت سولدىن، ئۇلاشماي چىقىۋالىدۇ. بۇنداق ئەھۋالدا بىر قىسىم تەرجىمانلار ئۇيغۇرچە خەتنى كېڭەيتىلگەن رايونغا ئايلاندۇرۇپ، تەرجىمە قىلىدۇ، بۇنداقتا سېستىمىنىڭ باش، ئوتتۇرا، ئاياق ھەرپلەرنى پەرقلەندۈرشىنىڭ ھاجىتى قالمايدۇ. (باش، ئوتتۇرا، ئاياق يېزىلىشىغا ئادەم ئايلاندۇرۋەتكەن بولغاچقا)
بۇنىڭدا ۋاقتىنچە ھەرپلەر ئۇلانغاندەك قىلسىمۇ، سولدىن باشلانغان بولغاچقا بىر قۇرغا پاتمىغان سۆزنىڭ بېشى ئاستىنقى قۇرغا چۈشۈپ كېتىدۇ.  كېڭەيتىلگەن رايوندىكى سۆزنى تەھرىرلەش ئىنتايىن ئاۋارىچىلىق. نورمال ئەھۋالدا (ئاساسى رايوندا) ت نىڭ كەينىگە ا نى يازسا تا دەپ ئۇلىندۇ، ئەمما كېڭەيتىلگەن رايوندا ئۇلانماي ت ا دەپ چىقىۋالىدۇ. شۇڭا باش ت نى بىر يەردىن، ئاياق ـا نى بىر يەردىن كۆچۈرۈپ كېلىپ چاپلايدۇ.
شۇڭا كېڭەيتىلگەن رايوننى تەۋسىيە قىلمايمىز.

istikbalim

رەھمەت ئالىپ ئاكا ياخشى يوللاپسىز بىلۋىلىشقا تىگىشلىك ئىشلاركەن .

bilge

مانا بۇ بولىدىغان گەپ، مەن تولا قايسىسىنى ئېلىشنى بىلەلمەي، بىۋاستە ئىنگىلىزچىسىگىلا ئالغان. ئەمدى ياخشى بولدى.

سۇبات786

مەنمۇ خېلى ئەپ تەرجىمە قىلىپ باققان ئەمما تېخىچە كىڭەيتىلگەن رايۇن قايسى ئاساسى رايۇن قايسى بىلەلمەي يۈرەتتىم
رەھمەت.

nemeuchun

ئەسسالامۇ ئەلەيكۇم ئالىپكا بەك ياخشى گەپ قىپسىز،موشۇنداق بىرلىككە كەلمىسەك ئاۋارچىلىق كۆپ بولىدىكەن،مېنىڭ تېلفۇنۇم ئۇيغۇرچە ئېدى بەزى ئۇيغۇرچە ئەپلەرنى قاچىلىسام ئىنگىلزچە چىقىۋالاتتى،لىكىن تېلىفۇننىڭ تىلىنى خەنزۇچە قىلسام ئاندىن ئۇيغۇرچە بولاتتى،سەۋەبىنى ئەمدى چۈشەندىم.

120002127

ياخشى گەپ ئىكەن بۇ بولسا ھەممىمىز بىر قىتىم ئۇقۇپ چىقىپ بىرلىككەكەلتۇرالايلى ؟؟؟؟؟؟؟

ئەزا007

نىمىشكە ئاندىرويد 4.2.2گە چىرايلىق فونىتنى ئالماشتۇرسا ئۇنۇم بەرمەيدۇ؟

merdan

ئۇيغۇرچە يانفونلاردا بەزى ئەپلارنىڭ ئېنگلىزچە چىقىشىنىڭ سەۋەبى : values ， values-zh-rCN ， values-ar ， values-ug دىگەندەكلەرنىڭ قايسى تىللارغا ۋەكىللىك قىلىدىغانلىقىنى بىلىمىز ، بۇنىڭ ئىچىدىكى values دىگىنى دەل سىستېمىنىڭ كۆڭۈلدىكى تىلى يەنە ئېنگىلىزتىلى شۇ ،،،،ئەگەر بىز سىستېما تىلىنى ئۇيغۇرچىغا يەنى values-ug غا توغرىلىغان ۋاقىتتا بىز ئورناتقان مەلۇم ئەپتە ئۇيغۇرچە تىل بۇلىقى يەنى values-ug يوق بولسا ، سىستېما كۆڭۈلدىكى تىل بۇيىچە شۇ ئەپتىكى values يەنى ئېنگىلىزچىنى كۆرسىتىپ بېرىدۇ..شۇڭا ئۇ ئەپ ئېنگىلىزچە كۆرۈنىدۇ.

abudugupur

بۇ تىما ياخشى بوپتۇ  بولسا تەرجىمە قىلىنغان  رومنىڭ تىل تاللاش رايۇنىغا (ئۇيغۇرچە ) نى قتىشقا تىرىشساق بىلدىغانلار بولسا مۇنبەرگە يوللاپ قويساڭلار تىخىمۇ ياخشى بولاتتى

sapardax

گەرچە مەن تەرجىمە قىلىش ئىشلىرىنى قىلالمىساممۇ(چۈنكى سەۋىيە يوق) تىل_يىزىقىمىزنى بىرلىككە كەلتۈرىدىغان،جوغداشنى مەقسەت قىلغان ھەرقانداق ئىش-پائالىيەتلەرنى قوللاشنى بۇرچۈم دەپ قارايمەن،قەتئى قوللايمەن.

uyghur007

ھە بۇمۇ بىر بىلىۋىلىشقا تىگىشلىك ئىشكەن.....................

ali8983

ئەسسالامۇ ئەلەيكۇم ئالىپكا بۇ ناھايىتى ياىشى گەپ بوپتۇ، بولسا مۇشۇنىڭ ئۈچۈن بىر لۇغەت لازىم ئىدى.